أخر الاخبار

رواية احفاد فرعون الحلقة 21 الحادي والعشرون بقلم اروي طاهر المسلاتي (بنوتة الشيخ)

رواية احفاد فرعون الحلقة 21 الحادي والعشرون بقلم اروي طاهر المسلاتي (بنوتة الشيخ)

رواية احفاد فرعون كاملة pdf - بنوتة الشيخ
مالك:لوح السبته يلي كان ماسكها في يده ووخر ساجده ع الحيط ....يهمك تعرفي!
ساجده:هزت راسها بمعنى اي
مالك:رجعلها شعرها خلف ودنها....يهمك!!
ساجده:خدت نفس وحاولت تمسك اعصابها...مالك بطل حركاتك هاذي واحكي معاي رسمي علاش؟؟علاش كدبت وقلت انت قتلتها!
مالك:يشوف لي عيونها ويلمس في خدها ...يبدا صعب تمشي وتسيبيني بعدين
الخوف بس قادر يخليك معاي❤️
ساجده:توسعو عيونها...الخوف؟؟؟
مالك:ابتسم ع جنب....اي الخوف
شنو الشي يلي حيخليك تقعدي معاي ومتطلبيش الطلاق!!؟
ساجده:بلعت ريقها....الحب مثلا! جرب تكون احسن من هكي
مالك:هه....شنو فيا ينحب انا!؟عياطي؟
تكسيري؟تخريبي في الدنيا كلها!!؟
الشك يلي محاوطك بيه في كل مكان!؟
ساجده:بس انا م........
مالك:حط صبعه ع فمها....اشش ش ش ش
منبيش نسمع كلام كذب ومجاملات تمام!؟
كل يلي نبيه انك تقعدي معاي بس
ساجده:تشوفله بعيونها يلي كانو يلمعو حب❤️ومش قادره تحكي لان مسكرلها فمها
مالك:عيونك يسألو علاش نبيك تقعدي معاي!؟
ساجده:هزت راسها بمعنى اي.
مالك:بعد عليها فجأه بعد ما كان بينهم شعره بس💔🔥....معنديش جواب بس اكيد قعدتك معاي فيها مصلحه ليا بس!
متصدقيش روحك وتبني احلام وهم
وعطاها بضهر وهوا يطلع في ملابسه
ساجده:علاش تحب تلعبلي بي اعصابي مالك!؟
مالك:خذي الفوطه وابتسملهاع جنب ....خش للحمام بدون ما يكلمها بس في داخله يقول
(مفيش حد يلعب بي الاعصاب غيرك🔥يابنت)
_________________________________
ملاك:في العاده منحبش نخرب فرحة حد
نهال:نعم؟
ملاك:طلعت فونها ....شوفي يا قمر ❤️
نهال:مسكت التالفون وبدت تقلب في صور انس صوره ورا صوره لين قامت عيونها في ملاك...جايبتيلي صورة راجلي وتقوليلي نخرب فرحه؟
وكنهاذا يعني الصور قادره تنزليهم من فيس ولا انستا عادي يعني
ملاك:ضحكت وهيا تشوف للمعازيم كملي تصفح ياعمري 😌
نهال:كملت التصفح لين وصلت في صورهم مع بعض💔
ملاك تبتسم وانس ماسك السلفي 🔥
مقعمزين الاثنين يجهزو لي سفرة الغدي وهيا تبوس فيه ع خده
اكتر من 10صور شافتهم وسكرت التالفون
ملاك:اسفه بجد منحبش نخرب فرحة حد بس لازم تعرفي
نهال:ابتسمت....ميهمنيش الماضي حبيبتي
ملاك:ماضي!؟هه
الماضي هوا نفسه الحاضر ياعمري بس جيت نقولك هكي لاني عارفاتك واخذتيه تقليدي فالهاذا متتعلقيش بيه
لان مصيرك بيلوحك في حوش بوك
نهال:قارنه حواجبها وتشوفلها
ملاك:والله هاذا يلي سمعته مجبت شي من عندي وانا في النهايه بنت عمه
قرار العيله يلي صار قتل حلمنا في الزواج وانتي جيتي خربتي كل شي بس اكيد رح ينتهي الكابوس هاذا ...وناضت
قعدت نهال دايخه في عالم تااااااني كأنها مقعمزه على نار تبي تروح بي اي طريقه بس مضطره نبتسم قدام الناس وتبين انها عادي
_________________________________
مختار:مد يده لي فرعون....تصبح على خير ياااا
يانسيبي
فرعون:ابتسم بي خبث وسلم عليه...وانت من اهل الخير
مختار:لف جرده....خلي النفوس طيبه ونضف قلبك من يلي صار
الاحفاد مليهمش دخل
فرعون:كنت الحل هاذا قادر اديره انت زمان
لكن توا انا بنفرعن 🔥والحق بينجاب
مختار:تعابير وجها تغيرت لي غضب وتكلم وهوا متكنطيييي.....الزوز ماتو
ماااااااتو لا انت ولا حتى انا رح نستفيدو !
فرعون:اء......
عبدو:جدي السياره واتيه والمعازيم روحو شنو بتقعد!؟
فرعون:شاف لي عبدو....لا مروح مروح جدك
مختار:شافله بي نضره اخيره وطلع
روحو اغلب المعازيم ومقعدش حد غير الاقارب خش احمد سلم على عماته وخالاته وياقوت مقعمزه بي قفطانها زي الغزاله تشوفله بكل حب❤️
كوثر:الزفت قبل خاطري نمشي نشوف نهال
ريهام:امى قالت مره تانيه
كوثر:احمد طالع يجننن
ريهام:ياكبدي طبعا مش غريب عليه
احمد:طلع من الغرفه
كوثر:عتشانه بنوض نجيب اميه
ريهام؛جيبيلي معاك
ياقوت:تحكى داخلها....الذبانه هاذي طالعه ورا راجلي تسحابني منعرفش في الحركات هاذي....قامت قفطانها بي كبره وناضت😂
جميله:وين وين ياقوت
ياقوت:ابتسمت...للحمام
خيريه:بي قفطانك هاذا؟!!
ياقوت:اي ولا يهمك نتصرف...مسكت قفطانها وطلعت قبل حتى ما ترد عليها
خيريه:اتكت ع الجلسه.....الباين انها طقه جديده في عيلتنا
ناقصين حني
جميله:ابتسمت....لكن دمها خفيف ياعمتي 😂
خيريه:تفكر وسارحه
في المطبخ:-
خشت ياقوت تجري بي فستانها
سكينه:مصدمه....مدام؟😮
احمد:حط كوب الميه بعد ما شرب.....شن جابك هنايا
ياقوت:نسحابه الفرخه لحقاتك للمطبخ تتلصق عليك ولا شي نزبط فيها حركات البنات انا
احمد:قرب منها ويشوف لي منضرها طالعه بي القفطان والتسريحه والمكياج تقتتتتل🔥🔥❤️
ياقوت:تساويله في سوريته....ولا متبينيش نغار على راجلي الحلو السموووح الجميل
احمد:نحى يديها...احممم
سكينه:دارت روحها تنضف مش لاهيا بيهم وهيا خلاص بتضحك
احمد:امشي البسي بنروحو
ياقوت:خيرك مزال وقت!....مزال بنتعرف ع العقربه حناك باين عليها واعره من طريقة السلته متع شعرها زي هتلر
سكينه😂😂😂😂😂
احمد:مسكها من يدها وطلعها....سكري فمك معش تتكلمي عليها قدام حد
وبري البسي
رنة الساعه الكبيره يلي كانت جنبهم ع الساعه 12
ياقوت:شوف🥺جاياتك بي قفطاني المنفرخ هاذا ومكياج ورنت الساعه حسيت كأني سندريلا
مفروض نهرب تو ونخلي كندرتي
احمد:الصبر يارب.....في الفيلم الامير مكانش يعرفها
لكن انا نعرفك ياقوت بنت المختار تخلي كندرتك ولا دولابك كله
ياقوت:في حد قال انك جميل وانت تحكي🥺
احمد:ياقوت❤️
ياقوت:عيونها قلبها روحها امعائها
احمد:بري البسي وسكري فمك وبطلي السخافات هيا
ياقوت:ديمه تهزب معمرك قلت كلمه حلوه بس تو نوريك وجهي الثاني يا حفيد فرعون ....عطاته بضهر وجت بتمشي عفست على قفطانها بي الغلط طاحت وتلقاها احمد😂❤️
احمد:به غير اعرفي كيف تمشي
ياقوت:نحي متعلمنيش ومعش تنقدني خليني نطيح نحييي
احمد:ماسك ضحكته بسيف وهوا يتفرج عليها كيف تعاند في القفطان وتمشي بتخبيط😂😂😂
______________________________
نهال:خشت لي غرفة النوم وقربعت الباب في وجه انس
انس:😧😧😧هاذي خيرها
نهال:نحت عباتها ....وقعدت ماشيه جايه في الدار نااااااار والعه فيها ...
طق طق طق طق
نهال:بصوت حاد.....شن تبي
انس:شن نبي؟؟....تي هوا حوش منو🙄🙄
نهال:انس اقلب من عليا مش وقتك
انس:تي شنو درت
نهال:مدرت شي خليني في حالي ....وخشت للحمام
انس:واقف متكي ع الباب .....هرمونات هاذي تسبب في تقلب المزاج قاريينها الاعدادي ووك البنات مفلحهم فيه
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مالك:طلع من الحمام وشعره اميه مش منشفه
ساجده:مقعمزه قدام المرايا...تمسح في مكياجها
مالك:رمي نفسه ع السرير ورقد ع بطنه
ساجده:قامت شعرها وناضت من مكانها
مالك:ساجده
ساجده:قلبها تحرك من مكانه❤️...شافتله
مالك:شبحلها بعيون ذابله ....اداويني؟!!
ساجده:شافت ضهره ويديه ...
مالك:سكر عيونه....نراجي فيك
ساجده:جابت المرهم وثلج وجت قعمزت جنبه
بدت اداوي فيه شوي شوي ....من شنو؟؟!
مالك:بصوت تاعب....شني
ساجده:علاش ادير في نفسك هكي ؟
الكدمات الاولى كيف خلاص بتختفي تجيني بي كدمات جديده !
مالك:فوتي للقصص هيا مش ليك
ساجده:حطت المرهم ولفتله يديه❤️كويس
وناضت
طق طق طق
ساجده:غطت ضهر مالك ودرقتله يديه ...ادخل
نجمه:وقفت على رؤس صوابعها❤️وخشت...سوجي قتلك مخريه راجلك تعشى؟
ساجده:قوليلها اي تعشى بابا
نجمه:شافت لي بوها.....الالا هيا سألاتك على راجلك
ساجده:اي وبابا هوا راجلي
نجمه:بملامح صدمه على وجها....انتم متزوجين😮
مالك:ضحك وهوا راقد ومسكر عيونه
ساجده:ابتسمت....اي حبيبتي
نجمه:حي ....بابا عريسك زي نهوله وعريسها
ساجده:خدت نفس ....اي ياقلبي...هي بري توا قولي لي حنينه خيريه بابا تعشى وراقد تاعب
نجمه:به ....وطلعت تجري
_____________________________
احمد:بي عياط....من اول يوم لينا قتلك الاسلوب هوا حاولي تغيريه خفة العقل هيا متمشيش معااااي
ياقوت:نحت عبايتها ونزلت عيونها للارض
احمد:مرت ولد فرعون طايشه بتهبل
ياريتك حتى جيتي مرت محمد محد لام عليك راهو جيتي مرت احمد
ياقوت:قامت عيونها.....ومدام ماشي معاي هلبا خليته هوا ياخدني!
احمد:قام عيونه فيها.....قالقه من عمرك انتي!؟
تبيني نشدك نكسرلك رقبت وتتريحي
ياقوت:منقولش لا🥺❤️
احمد:اياااااه علينا عاد بدينا تو
ياقوت:انا بنخش نبدل ونرقد ...اسفه معش نزعجك حقك عليا ...وخش لي فرفة النوم بي قفطانها وسكرت الباب
كان واضح على صوتها ان بدت هاااااديه على غير العاده
احمد:حس بنفسه قاسي عليها هلبا والمره هاذي زودها.
__________________________
نهال:فتحت الدار وطلعت شافت انس مقعمز على طاولة الاكل في المطبخ
انس:شبحلها وكيف جاي بيتكام قاطعاته
نهال:اوكي رح نسألك وبنسمعك
لو حسيت انك تكذب عليا حتى 1‎%‎اليوم مستحيل نبات هنايا
انس:تي خي.......
نهال:بنت عمك ملاك
انس:فهم القصه ونزل عيونه
نهال:شن بينك وبينها؟
جديات انا خربت عليكم زواجكم ؟؟كنت تقدر تبعتلي الكلام هاذا ووقتها مستحيل نخرب عليكم مستحيل نقبل
انس:كملتي ؟
نهال:اي ونبي نسمع القصه توا
انس:تمام ....قعد ساكت فتره طويله وهوا يذكر بعدين تكلم
كانت حب الطفوله مننكرش
رغم كرهي لي خوتها وامها وبوها لكن هيا كانت غير عليهم
كنت انا نصرف عليها مش بوها ....معتبرها شي كبير
جي خطبها مدير اعمال وقالت متبيشي وتفاهمنا تقول لا ونجي انا نقوللهم نبيها
وافقت ومشيت طلبتها من بوها وجدي
جدي رحب بي الموضوع ومشي بياخد رايها
نهال:بعدين!؟
انس:رفضتني قدامهم💔
نهال:😧😧😧😧😧
انس:قدام بوها يلي قلتلها بنتك تبيني وقدام خوتها يلي عاندتهم وقدام بوي .....منعرفش منو لعبلها في راسها وخلاها ترفضني بعد ما جيت وعطيتهم كلمه وأكدت انها موافقه وتبيني
طلعت من الحوش معش تحملته قعدت 7شهور مروحتش للحوش
لين سمعت ان بوها تعارك مع جدي وطلع
نهال:وين خطيبها؟
انس:فسخت
نهال:نزلت عيونها......ورتني صور
انس:قدم هلبا
نهال:حست بي كلامه انه صادق.....اسفه
انس:مينفعش الاسف توا خلاص جرحتيتي اكتر ما انا مجروح💔
نهال:عيونها يلمعو ...انس🥺🥺🥺🥺
انس:قام راسه....وانتي زي الغبيه تصدقي اني قاعد مجروح 😂😂😂قصه وتمت خلاص
نهال:باااااااارد🤦🏻
انس:ضحك....شنو منو
نهال:شنو
انس:غمزلها
نهال:شنو
انس:ركبتيلي الكئابه بي القصص القديمه هيا نوضي ندهورو في الحوش وغرفة النوم هكي 🔥
نهال:فهماته شنو يقصد😂.....تصبح ع خير انوسي
انس:حط يده ع قلبه....حفيدة المختار دلعتني 🤤
__________________________________
احمد:مقعمز يأنب فيه ضميره على كل العياط والتكشيخ من الصبح يلي كلاته منه ياقوت وهيا قاعده عروسه 💔
ياقوت:طلعت من الغرفه لابسه روب 🔥وماسكه مكاياجها
احمد:ناض من مكانه مش متعود ع المناضر هكي 😂
ياقوت:قربت منه تفكله في بطم سوريته....اليوم ارقد في سريرك مش في الكنبه
لو متبيش ترقد جنبي براحتك بس اهم شي ارقد في دارك مهما كان حوشك هاذا
احمد:بلع ريقه ويحاول يسيطر ع نفسه.....عارف اي
ياقوت:نحتله سوريته....اسفه خديت سوريتك بنحط كم حاجه في الغساله ومنبيش نشغلها ع المرتين
احمد:قام حاجبه....والله؟!
ياقوت:تخربش بي ضوافرها ع بطنه....وراس عضلاتك الجميله هاذي
احمد:مزعلتيش بسبب العياط يلي سمعتيه مني ليوم!؟
ياقوت:لا علاش بنزعل ....انا شاطره في النسيان ره
مسحت روجها بطريقه حقيره😂.....وشاطرها في هلبا حجات تانيه🔥
احمد:حس بنار ركباته من حركاته .....زي شنو؟!
ياقوت:نعرف نطيب ونفهم في السباحه وركوب الخيل
احمد:انتي ليلتك سوداء ع الاسلوب الوسخ متعك هوا
ياقوت:حطت السوريه ع رقبته .....لو شديتني سودها كيف ماتبي ❤️
احمد:شنو جو الصغار هوا
ياقوت:سيباته ومشت لي دارها
احمد:الثواني الاولى دار روحه مش مهتم بعدين خلاص مقدرش يقاوم ولحقها🤤🔥🔥🔥
ياقوت:اوووبس شديتني
احمد:ع اساس مقطعتيها جري انتي
ياقوت:محلادينمك🥺❤️
احمد:مسكها.....راسي وراسك اليوم🔥
ودارو العيب منبيش نكتب تفاصيل باش متقولرش اروى تكتب في حجات اباحيه وقليلة ادب 🙂🙂
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:عارفه !!...حقير
اناني..مصلحجي...ميهماش حد ...ميحبش حد
عارفاته كله بس فيه شي في داخلي يحبه💔
قمت راسه بشويه وحضنته عندي❤️❤️
حلم حياتي نغيره زي ما اعتاد اني نداويه من برا نبي نداويه من داخل
طول الليل نمسح على شعره وندعي لين خداني النوم 💔
نجمه:سوجي بنني
ساجده
______________________________
رجاء:لالا مفيش حد فقدني زي العاده
_معقوله لهدرجه تطلعي ساعات في الحوش ومفيش حد ينتبهلك؟
رجاء:تنحي في عبايتها....واخدين عليا فكره ديمه في غرفتي هاذا باش مفيش حد تكلم او دورني حتى
_اممممم باهي حلو حلو
رجاء:اي وهاذا هوا ...يالله سلام انا تاعبه توا تو نحكًو
_تم ياقنينه ...هي سلام
____________________________
ثاني يوم ⛅️⛅️⛅️
ياقوت:تتململ يمين يسار لين فتحت عيونها وابتسمت ع طول....صباح الخير🥺
احمد:صباح النور
ياقوت:ناضت من السرير....بيبي يبي فطور قبل مايطلع صح؟
احمد:ابتسم.....اسمي احمد 🔥...مش ليا الدلع المعفن هوا
ياقوت:خطفت منه بوسه ❤️وناضت تجري ❤️❤️❤️
__________________________
فرعون:من شنو يديك؟!
مالك :يفطر....مدور شي ياجدي مش مهم
فرعون:رجعنا لي نفس العاده!؟
مالك:حط الكوب ع الطاوله ...مش قادر نتحكم في روحي الفتره الاخيره
فرعون:بي لهجة الامر....لا تحكم ولازم تتحكم مش ناقصين حاليا
الوضع مستقر منبيش شي يفسد علينا
مالك:كاتم داخله......حاضر
فرعون:كلم خوك احمد وقوله ميدوبش في العسل ويطلع لي خدمته
مالك:ضحك اي عسل بالله....احمد متع عسل !؟
فرعون:نزبط فيكم من عيونكم الزوز غارقين مع بعضكم
مفيش خير محمد التافه طالع منها القصص هاذي
مالك:ابتسم وطاحت عيونه يشوف لي ساجده❤️
وكيف ناض من النوم لقي روحه في حضنها
ساجده:تلاقت عيونها مع عيونه وعلى طول نزلتهم
نجمه:جدي راهو بنقولك حاجه...وتشوف لي بوها في نضرات خبث
مالك:فنص فيها
فرعون:افضحي هي
نحمه:راهو بابا وسوجي متزوجيين
فرعون:دار روحه انصدم.اووووه امتى ؟؟خيرك مقلتش
مالك:ناض من ع السفره وهوا يضحك ❤️
_________________________________
هبه:واقفه تتكلم من ورا الباب...شكرا
مبشر:حطلها البضاعه ....يا اختي هادي خدمتي معش تشكريني
هبه:منشكرش فيك عشان خدمتك
نشكر فيك لانك محكيتش شي لي عبدو
مبشر:قام راسه......مستحيل تطلع مني كلمه وخيتي
هبه:تنهدت بوجع.....عارفاته مستحيل يصدق في ولاد عمه....وفي نفس الوقت خايفه من ولد عمه يجي من جديد
مبشر:قاطعها بنبرة حمااااااس🔥....امممممه
ولا يفكر يمر جنب هنايا اصلا مستحيل
هبه:نزلت عيونها بي خجل❤️....شكرا مره تانيه
مبشر:ولا يهمك ...يالله سكري بابك كويس توا
هبه:تمام
مبشر:طلع وسكرت هبه الباب عليها وهيا حاسه بشعور قنين اول مره شخص يهتم بيها هكى
__________________________________
كان يوم مطررررر والسماء كلها سحاب مفيش شمس والصقع قوي هلبا
محدش طلع من حوشه❤️
نهال رتبت اجواء الحوش عندها ع الماكله والافلام وكانت اخر انسجام مع انس يلي 24ساعه يشحك فيها
احمد؛طول الوقت عيونه في اللاب توب يخدم وباقوت شادتها جرته وتخلي فيه يضحك بسيف عليه
لدرجة لو رقدت يحس بلملل
اما في حوش فرعون كانت العيله كلها ملتمه وسط العائله والدفي❤️
_____________________________
محمد:لا معليشي انا كيف نايض من النوم وافكاري داخل تخبط في بعضها ره
فرعون:اقترحت عليك ورد عليا
محمد:تي نرد عليك حتى توا ره....لا كبيرةُ مثل رأسك
جدي بتريس والله ما صايره
فرعون:علاااش؟؟؟عطيني مانع
محمد:تي البنت اول شي مطلقه مرات قاعده تبي راجلها وانا نبي نتزوج وحده نزبطها
تاني شي البنت اسمها يسرى وانا منحبش حرف الياء
قرعون:مش اعدار هاذي ومش حناخد منك قرار توا لين تفكر
محمد:نصلي استخاره ونرد عليك
فرعون:بلا تسهويك ياقرد
محمد😂😂😂
_________________________
ساجده:حطت السفره ع الطاوله وهيا تشوف حواليها ....وين مالك؟
جميله:ركب من شويه
ساجده:على طول شافت مكان رجاء ملقتهاش....رجاء ركبت؟!
خيريه:اشرتلها بعيونها بمعنى اركبي حتى انتي
ساجده:نحت يلي في يدها وركبت بسرعه
رجاء:فكر شويه بسسس صقع برا وعارفه مرتك متعطيش فيك في حقك تعالا انا مستحيل نردك
مالك:شبحلها ....نلزك من القصرش يعني عشان نرتاح!؟
رجاء:مستحيل اديرها قلبك طيب ومستحيل تلقى وحده زيني ❤️
مالك:ضحك بهزوه
رجاء:حاول تذكر يلي صار بينا هذيك الليله تحت المطر🔥❤️اححح يا مالك
مالك:مكنتش واعي ومنذكر في شي ...اطلعي قبل ما يشوفك حد هنايا
رجاء:م...........
ساجده:خشت لي الدار
رجاء:تنرفزت......اففففف ديمه تقطع في اللحضات
وطلعت وهيا متنرفزه
ساجده:لو محطيتلهاش حد بنكلم جدك
مش راي تخش للغرفه على كيفها وحجاتي كلهم هنايا
مالك:حط الدخان ......اخر مره تخش هنايا ولا يهمك
ساجده:اي يكون احسن....وجت بتطلع وصلت للباب ورجعت
مالك:قام عيونه شاف عيونها دموع ....شن صار في هديك الليله بينكم؟؟
مالك:دوا فارغه فوتي
ساجده:لا منفوتش ....قداش مداير وحده مالك ؟
مالك:وقف ....زوز وانتي الثالثه
ساجده:منتسهوكشششش
وربي المره هاذي منتسهوكش ونطلع ونخلي كل شي
مهما كان مرتك مواضيعك التافها هيا متصيرش قدامي
مالك:غايره ؟
ساجده:بدون تفكير جاوبت.اااااااي
مالك:قرب اكتر❤️.....
ساجده:نهارت داخلها وبدت دموعها تنزل ....خلاص خلاص بجديات لهنايا وبس نستسلم معش قادره💔
نبي نروح حوش اهلي مالك
اسفه خلاص معش عندي طاقه نتحمل بيها كل يلي نشوف فيه قدامي
تجيني جيمك مدمر ومره رهف مره رجاء وانا نح.....
مالك:انتي شنو؟
ساجده:مسحت دموعها ويدها ترجف.....ولا شي انسى انا ني.........
مالك:قاطع كلامها ببوسه طوووووويله❤️❤️
وتقوت المطر برا بشكل كبير والرعب اكتر واكتر
تباعد عليها مالك بطريقه تدريجيا ويديه على خدودها ❤️
مالك:لو تعرفي شن يلي درتيه🔥
ساجده:تشوفله بعيونها
مالك:علاش تقربي من البدايه لو تبي تطلقي وتبعدي عليا!؟
ساجده:بصوت يرجف ....مخليتنيش نتقرب اصلا
مالك:دخل يديه تحت جاكيت الصوف يلي لابساته وقربها ليه ❤️......خشيتي فيا من داخل
معش تتجاهلي عيوبي واكرهيني بيها
معش تحسسيني انك ملاك ومهما كسرت وعيطت عليك قاعده تحاولي تتقربي
ساجده:تبيني نبعد مالك!؟
مالك:فتح عيونه والرعد ضرب فجآه
ساجده:بلعت ريقها
مالك:فات وقت انك تباعدي خلاص حصلتي عندي ومهما صار مستحيل نتنازل عليك برضاك ولا بدون رضاك
ساجده:معش تتوهم عليا مالك ...خلي عندك شوي رحمه ومعش تعيشني في كذب نفس المره الاولى بعدين توريني وجهك التاني
مالك:قام يديه الزوز على وجها.....انتي عارفه شن صار فيا لما سمعت المكالمه بينك وبين ولد عمك !!؟
مش قادر نطلعك من راسي مش قادر نتخايل الحوش بدونك
حسستيني بي شي قديم كنت حاسه
ساجده:تشوفله بدون ما تتكلم
مالك:حط يده ع رقبتها وضغط عليها بصوابعه بلطف كأنه بيخنقها.....فكرت نقتلك قبل ما تطلقي
فكرت نحرقك انتي وياه او بينكم شي
تموتي وانتي حيه بي النار
ساجده:نحت يده من على رقبتها ...عيش طبيعي بالله عليك عيش طبيعي 5دقايق بدون قتل وحرق
مالك:جاهزه!؟
ساجده:خافت...لي شنو!
مالك:تقعدي معاي !؟...طول عمرك
ساجده:سكتت
مالك:نزل على وذنها....شفتي كيف الخوف مأثر عليك!؟
بس الوحيد يلي قادر يخليك تقعدي معاي
ساجده:حطت يدها ع لحيته....جاوبني
علاش تبيني معاك ؟؟
مالك:نزل على وذنها بصوت هاذي ...نحبك لنم
ساجده:من كثر ضعف الصوت حست روحها تتهيأ يلي سمعات
ساجده:جاوبني
مالك:قامها بدون كلام وحطها ع السرير ........
منبيش نكتب مقتطفات باش متقولوش اروى نكتب في حاجات اباحيه وقليلة ادب🙂🙂
__________________________________
محمد:وين؟!
انس:جنب اختك
محمد:قاعد نحس فيها السبه الزح خلاص راعي ام مشاعري
انس:😂😂😂😂😂به ....وين ادور يانقل يا وحيد يابائس
محمد:طالع لي السياره بناخد شحن حصلت المطر سكرت راسها معش تبي توقف
انس:امممم مبعدكم العزابه كان انا راهو خديت شحن مرتي
محمد:تي ياسر وانت زي الخامره يلي فرحانه بي الزواج
انس الحسد الحسد....خش لي قروب زواج ليبييين وكان ممشاش معاك الحال شوف الشيخه ام نعمان لجلب الحبيب وفك عقدة الزواج
محمد:وسخ اقسم بالله😂😂😂😂😂😂اقلب وجهك المطر وقفت
انس؛تم😂😂😂
محمد مزل من السياره وانخلع اما شاف بنت مبلوله كلها بي المطر
محمد؛خلعتيني...شنو اديري هنايا وخيتي في الوقت هاذا؟
نوره؛حفيد فرعون صح؟؟
محمد؛اي تفضلي
نوره:قامت البرنوض وكشفت ع وجها ...جايه نطلب منك في مساعده
محمد:فتح فمه يتفرج عليها

ترن ترن ترن
نوره:الو؟....حصلتو ؟اهاااخلاص يعني
تمام.....وسكرت الخط
اسفه خوي خلاص معش بحاجه للمساعده شكرا❤️
محمد:لحضه بس منو انتي؟!
نوره:لبست برنوصها.....مش مهم....وكملت جري ورجعت المطر تصب
ومحمد واقف هايم يشوفلها كيف تنباعد
لين فجآه طاح ع الارض مغمى عليه وقطرات الدم تجر فيها المطر ع الطريق💔..

تعليقات



حجم الخط
+
16
-
تباعد السطور
+
2
-
close