-->

رواية احفاد فرعون الحلقة 20 العشرون بقلم اروي طاهر المسلاتي (بنوتة الشيخ)

رواية احفاد فرعون الحلقة 20 العشرون بقلم اروي طاهر المسلاتي (بنوتة الشيخ)
    رواية احفاد فرعون الحلقة 20 العشرون بقلم اروي طاهر المسلاتي (بنوتة الشيخ)

    رواية احفاد فرعون كاملة pdf - بنوتة الشيخ

    ساجده:خشت للغرفه نحت عبايتها واستغربت من اللاب توب الموجود على السرير كانت اول مره تشوفه!!
    فتحاته شافت صورة مالك خلفيه❤️
    فهمت ان اللاب توب لي مالك ..جت بتسكره لكن مقدرتش تقاوم فضولها لما شافت ان في رسايل ماسنجر في اللاب توب مش مقريه !
    حاولت تمنع نفسها لكن مقدرتش ...فتحتها وكانت الرساله عباره على فيديو وبعدها على طول المسج
    (بعتنالك فلاش وشكله موصلش تفرج واستمتع ياحلو)
    ساجده؛فتحت الفيديو وهيا مش فاهمه قصة المسج يلي قراته!!
    انفتح الفيديو وكانت البداية بنت تساوي في الكاميره وقعمزت بدت تتكلم
    اليوم التاريخ 3/6حاسه بي هلبا حجات ..اخترت نصور الفيديو هاذا لي نجمه بنتي❤️...تنهدت
    ااااااه ان شاء الله تكبري وتشوفيه ...لازم تعرفي ان بوك مريض نفسي
    متصدقيشي لو كبرتي وقالك عليا خاينه حبيبتي
    لا ردي بالك اءءء ا اءء اء انا حاسه ان بوك الايام هاذي ناوي ع شي
    بدت تمسح في دموعها وتحاول تهدا وتباعد في شعرها وتقرب ع الكاميرا.......حاسه ان بوك بيقتلني💔
    خاش طالع يهدد فيا💔....بدت تبكي
    شن ذنبي انا لو واخده واحد مريض مفيش حد مصدقني وكلهم حاطين اللوم عليا اني خاينه !
    بوك شك انك مش بنته ورفع دارلك تحليل امس
    مفهمتش علاش هاذا كله يصير معاي ....مسحت دموعها بي منديل وعيونها حمر
    بوك اناني ...ميعرفش الا العياط والتكسير وبس
    اثاث الدار كسره الف مره مرش الحمام تكسر الفين مره حتى سريرك مسلمش منه 💔
    يلي بنحكيه ونبيك تفهميه ان بوك مريض ردي بالك منه وانا نحبك نجمتي❤️رح نقعد نحبك لاخر يوم في حياتي كلها💔....وقف الفيديو ووقفت الصوره زي ماهياتمسح في دموعها
    ساجده:حطت يدها على فمها بصدمه مش مصدقه يلي شفاته 💔هاذي ام نجمه!!
    نفس الاعراض يلي قالتها على مالك موجوده فيه توا !
    يعني مرته مش خاينه يعني هوا قتلها !!
    فتح الباب وخش ...اول ما تلفت شافها
    ساجده:سكرت اللاب توب ووجها اصفر....مالك
    انت انت انت قتلتها؟؟؟!...
    ______________________
    انس:خدي وجبة الحوت من السياره وسكر الباب وهوا يحاول يردد كلام يقوله اول مايهش لي نهال
    انس:اهلين انا انس...شن العباطه هاذي طبعا عارفتني انس 😂💔
    امم اهلين نهال انا عريسك ...شششست طبعا فاهمه اني عريسها
    ملياش الا فرخ محمد ينصحني ...فتح انس التالفون عشان يتصل لكن قاطعه صوت من الخلف
    _مبروك ياعريس
    انس:يبارك فيك
    _حفيد فرعون ولا انا غالط؟؟
    انس:غالط وخي
    _يفصل في حوش انس ...اهاا سامحنا خوي
    انس:عادي مدور شي
    _تباعد الشاب ورجع ركب سيارته
    انس:مهتمش للموضوع واتصل
    ترن ترن ترن
    محمد:ها ياصقر
    انس:ها شنجو
    محمد:شاف لي الساعه ورجع التالفون ع ودنه....مصح خليقتك هاذا وقت يتصل فيه عريس؟؟
    انس:خشيت بعضي النم معرفتش كيف نهدرز معاها
    محمد:من هيا؟
    انس:اختك
    محمد:الزح علاش نحس فيها سبه؟؟؟
    انس:😂😂😂😂😂
    محمد:ومتصل بيا علاش ان شاء الله تبيني نجي نهدرز معاكم ولا كيف!
    انس:متصل بنفهم منك اختك شنو نضامها لاني خديتها قطوس في شكاره
    محمد:فتح الشيبس يلي كان جنبه...امم اختي اختي
    استنى نذكر طبعها
    انس:اتكى ع سيارته....هي اذكر
    محمد:ديمه كنت نبات برا الحق لكن نعرف انها ادير في نفص بي الدحي ياسلام
    وديمه تعرف مكان الشخاشير وين ....بدي ياكل
    واه اه شي تاني متخليهاش تغسلك حوايجك وانت حاط فيهم فلوس سلامتك فيهم ره
    انس:انا فاضي متصل بيك اقسم بالله
    محمد:يضحك....اوكي عارف نصايحي بلا فايده انت مصحك كيف تتصل بي واحد ينصحك كيف تهدرز مع اخته
    انس:مرتى!!
    محمد:الموضوع قاعد جديد عليا ماهو😂
    انس:اقلب وجهك وانت دوتك فاضيه...وسكر الخط
    محمد:لوح التالفون وهوا يشوف للغرفه بنضرة شر....اخيرااااا استوليت على دارك يااحمد😈😈
    _______________________________
    احمد:حاط يديه في جيوبه وماشي جاي وسط الدار
    كل شويه يشوف لي ياقوت يلي كانت مقعمزه ع الارض بي الڤيلو وراسها ع السرير راقده بجديات كأنها ميته
    قرب منها احمد ....ياقوت ياقوت يابنت نوضي ارقدي ع السرير متقعديش هكي
    ياقوووت نكلم فيك
    ياقوت:تباعد في يده وهيا راقده ...تكلمت بصوت ناعس
    عبدو اقلب وجهك خراا😴
    احمد:هاذي تسحاب روحها قاعده في حوش بوها🤦🏻
    قامها احمد بي الفيلو كله وحطها ع السرير ..قرب المخده وحط راسها عليها وهيا قاعده لابسه كل شي
    الطرحه الفيلو المكياج التاج يلي كان على شعرها ❤️
    نحى احمد جاكيته وطلع من الحوش يدخن ....حسب رايه كان قرار كويس انه يسكن في حوش بروحه بعيد على اهله
    شاف ان مالك معنداش خصوصيه ابدا كل شي يسمعه الحوش كله ابسط عركه كلهم يسمعو عياطه
    قعد احمد يدخن وسارح في التفكير لين كملت السيجاره ولوحها تلفت ووجها انخطف من الرعب لما شاف عزوز كبيره في السن واقفه وراه
    احمد:خدي نفس...
    _خلعتك وليدي💔سامحني
    احمد:ابتسم....لا عادي ولايهمك تفضلي!؟
    _تشوفله وتحاول تتمعن في شكله.....انت منو من احفاد فرعون؟
    احمد:قرن حواجبه....احمد...علاش تبي شي!؟
    _استمرت في شبحاتها الغريبه وهيا تردد في اسمه بشويه
    احمد:عاود سؤاله....تبي شي ؟؟
    _هزت راسها بي النفي....خلي فرحتك تكمل ولدي❤️الف مبروك....وكملت طريقها
    احمد:استغرب كيف مرا كبيره في السن هكي تمشي بروحها في الشارع !
    كان بيحاول يوقفها لكن تراجع وخلاها تمشي في حالها ....خش لي حوشه وكان عارف ياقوت اليوم مستحيله تفيق وهيا راقده بي الطريقه المميته هاذي ....قعد مقعمز ع الصالون في الصاله ويتفرج ع التلفزيون لين خداه النوم
    ______________________________
    انس:حط السفره على طاولة المطبخ واول ما تلفت شاف نهال طالعه من الدار❤️
    كانت لابسه روب ابيض ستان مستور يجنن طالع عليها ....فاكه تسريحتها ومخففه مكياجها
    انس:بملامح صدمه من الاعجاب 😂.....اوووف🥵😮
    نهال:ابتسمت....جبت العشي!؟
    انس:متوتر....اءء اي اي جبت
    نهال:طلعتلك ملابسك لو تحب تبدل !
    انس:عيونه معلقات فيها ❤️...نبدلو علاش لا
    نهال:مشبكه يديها في بعض من التوتر ....اوكي انت خش غير وانا نجهز الطاوله
    انس:يشوفلها بذهول.....انتي قنينه
    نهال:حطت يديها في نصها....اي توا قنينه وزمان تتسهوك عليا ولا!
    انس:اقسم بالله يوم شفتك ماسكه الكناسه كان احلا يوم في حياتي
    واحلا كناسه نشوفها
    نهال:نزلت راسها يخجل بعدين قاماته....استنى استنى شن قصدك بي احلا كناسه تشوفها!؟
    انس:ضحك...مستحيييل تفوت عليك حفيدة فرعون ياكبدي😂
    نهال:قلبت عيونها....حفيد مختار😒
    انس:خش لي غرفة النوم وهوا يضحك
    ونهال بدت توتي في الطاوله وهيا مبتسمه بروحها زي الهبله.
    _____________________________
    مالك:تجاهل سؤال ساجده كأنه مسمعاشي لان جديات مسمعش شي!
    اول ما خش فتح شنطتها ونكتها ع الارض كلها
    مكان فيها شي غير عطر وروج وتالفونها ومشط صغير لي نجمه بس ....تلفت مالك شاف ساجده تشوفله لونها مخطوف وعيونها معبيات دموع بملامح صدمه
    عاودت ساجده كلمها
    ساجده:اءء اء انت ان انت قتلتها!!؟
    مالك:فهم انها شافت شي من اللاب توب ....قرب ع اللاب توب واول ما شاف الصوره يلي واقف عليها الفيديو سكر اللاب توب كأنه شايف الفيديو هاذا من قبل وحافضه كويس
    قامه لي الدولاب يدون ما يرد عليها
    ساجده:نكلم فيك .....قتلتها!!؟
    مالك:سكر عيونه ثواني وتلفتلها بملامح جديه....اي
    قتلتها ولو فكرتي تلعبي بي ديلك او الموضوع يطلع مصيرك حيكون زيها
    ساجده:نزلو دموعها ويديها ع فمها .....كككيف
    كيف قدرت تحرم بنت من امها 💔💔
    خشت ساجده في حاله هستيري.....اكيف قدرت تقتلها مااااالك كيف انت شنو متحسش كانت مرتتتتك مرتتتتك ام لي بنتك ....بدت تبكي بلعبره
    وربي مستحيل تكون طبيعي انت 💔😭
    وربي
    مالك:قرب منها وحط يده ع خدها....اعتبري روحك مسمعتي شي ومشفتي شي
    ساجده:تبكي والصوت يطلع منها متقطع....تعبت
    تعبت منك ومن اسرارك يلي كل يوم نعرف منها شي جديد
    معش قادره نعيش معاك
    مالك:مسح على شعرها....ليش!؟
    ساجده:صوتها يرجف من البكي.....م م مالك انت خطير
    خطير عليا وعلى بنتك وعلى عيلتك كلها
    مالك:حط يديه الزوز على خدود ساجده ❤️
    حط راسه على راسها وبدي يتكلم بهدوء ....
    مش خطير على حد بنتي من دمي مستحيل نأذيها وعيلتي حتى هما من دمي
    ساجده:بصوت ضعيف....يلي قتلها مرتك💔
    مالك:خاينه وتستاهل الموت
    ساجده:انت مريض ولازم تتعالج مفيش حد يخون فيك
    انت عندك عقده مع قصتك الاولى وبس هاذا يلي صايرلك
    مالك:قرب عليها اكتر وبدت انفاسه واضحه عليها❤️سكرت عيونه وكمل كلامه....لازم تفهمي اني مش خطير على حد غيرك
    ساجده:بلعت ريقها بخوف
    مالك:لو صار وعرفت انك خاينه زيها او موضوع واحد صاير في الغرفه هنايا بينا ولقيتك مطلعتيه برا مش وح نتصرف معاك كويس
    ساجده:ساكته وملامحها خايفه....بدي جسمها يرجف من الخوف
    مالك:فتح عيونه ونضرته بروحها خلتها اطيح ع الارض بس مسكها❤️
    مالك:مفيش داعي للخوف هاذا كله
    امشي مشيتك صح تعيشي صح ...بتغلطي بيصير فيك نفس يلي قبلك
    ساجده:ساكته ولسانها ارتبط ....حطها مالك ع الكنبه وبدي يطلع في ملابسه
    اما ساجده مكانتش مستوعبه انها عايشه مع شخص في اي لحضه ممكن يقتها💔
    اذكرت كلام سكينه 💔
    سكينه:منعرفش كيف ماتت كلهم يقولو انتحرت وفيه يلي يقول ازمه قلبيه بس انا متأكده شفت الدم يومها
    تأكده ساجده هنايا ان مالك رسمي قتل مرته وبدت تحس بي الحراره والبروده في جسمها مره وحده
    شافت لي التالفون كانت تبي تتصل بي اي حد ينقذها وتحكيله بس اذكرت ان الخط مراقب!
    واذكرت كلام مالك كويس
    مالك:لو صار وعرفت انك خاينه زيها او موضوع واحد صاير في الغرفه هنايا بينا ولقيتك مطلعتيه برا مش وح نتصرف معاك كويس
    🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥
    نهال:نعرف طبعا شنو مدايرني باكو ؟
    انس:اوكي تمام
    نهال:تشوف للحوته ومش فاهمه كيف تخش فيها وتطلع
    انس:متأكده تعرفي تنحي الشوك؟
    نهال:اففففف ياااا خلاص نستسلم منعرفش باهي
    انس:ضحك عليها ...قولي هكي من الاول
    نشدو من هنايا....وهووووب العمود الفقري كله يجي في يدك
    نهال:ضحكت بصوت عالي
    انس:وطي صوتك وانتي ضحكتك زي الرقاصات
    نهال:والله😒وانت من وين تعرفهم الرقصات ؟
    انس:ياكل.....ايييييي بالله عشرة عمر
    نهال:فلتت عيونها بصدمه....نعم!!
    انس:نبصر😂😂😂😂وحق ربي خوك محمد يعرفهم بس
    نهال:حشاه خوي😌
    انس:اممم اي اي اكيد ماهو حفيد السديسي مش فرعون
    نهال:بطل قلة اذب ومعش تعايرني بجدي لاني مفتخره بيه مهما كان تمام!
    انس:خبط ع الطاوله وملامحه يخوفو.....سكرررري فممممممك وصوتك منبيش نسمعه يعلى
    مشاء الله والله بالك مصدقه روحك من اول يوم !؟
    نهال:بلعت ريقها في صدمه
    انس:ضحك....شن رايك ماشي معاي الدور 😂
    نهال:لوحت عليه الليمه....خلعتني الله لاتربحك اوووف
    انس:خدي الليمه وهوا يضحك وكمل اكل
    نهال:تشوف لي يديها وتحاول ترتب الكلام...انس
    انس:عيونه❤️
    نهال:ابتسمت ونزلت راسها....عندي سؤال
    بس نبيك تجاوبني عليه بصراحه
    انس:كم مداير علاقه؟8 وانتي التاسعه
    نهال:جديات!!
    انس:نبصرر وربي😂
    نهال:وااااك منك ادوي بجديات حتى5دقايق
    انس:اوكي اسألي
    نهال:ارتبكت....لا انت ولا انا نقدرو ننكرو ان تزوجنا عشان مصالح العيله صح!؟
    انس:به؟
    نهال:انت متفق مع عيلتك؟
    انس:ع شنو
    نهال:يعني ان تعاملني مش كويس بعد الزواج وتعذبوني عشان عيلتكم تكره عيلتي؟
    وفي النهايه اطلقني وترميني في الشارع؟!
    انس:حط المشروب ع الطاوله....في الصاله كانو فاتحيلكم اغاني ولا فيلم هندي !؟
    نهال:ضحكت😂😂😂.....بس انا نتكلم جديات
    انس:تي شنو الكلام هاذا خيرك انتي؟!
    بعدين خلي المصالح العائليه ع جنب ....عاجبتيني من قبل بتريس!
    نهال:حطت يديها ع وجها....به خلاص نتحشم 🙈
    انس:بنت...ونخصها في رجلها من تحت الطاوله ....يابنت
    نهال:بعدت يديها وخدودها حمررر...ها نعم
    انس:مطولين هنايا ولا شنو ؟!....وغمزلها
    نهال:وقفت ....انت عاجبك الحوت كول كول صحتين
    تصبح 😂❤️وهربت للغرفه
    انس:مليح الحوت بدات التونه العنيده ذاااهب لي اسطيادها
    نهال ماتت بضحك في الدار 😂
    اروى:وخشو لي الدار دارو العيب منبيش نحكي مقتطفات باش منطلعش نكتب في روايات اباحيه
    باهي انتي وياها 🙂🙂😂
    ____________________________
    ساجده:رغم ان الليالي. السيئه يلي مرت عليا هلبا في حياتي بس كانت الليله هاذي اسوء
    مش قادره نرقد💔
    مستحيل يجيني نوم جنب واحد قادر يقتلني بي دم بارد
    ليش هكي 💔تعلقت بيه 💔💔💔💔
    كنت نشوف فيه مصدر الامان ليا توا معش نقدر نأمن على روحي معاه ....شافت يمينها
    كيف يقدر يرقد💔بس
    متجيشي في الحلم تلوم فيه ليش قتلها💔💔
    اااااه الفجر بيأذن وانا مش قادره نغمض عيوني
    لو سمع عليا شي شنو ممكن يدير فيا!!
    يقتلني في ارضي وربي نموت تحت يديه
    يااااارب ياااااارب ساعدني نطلع من قصر الرعب هاذا على خير وخليه ينسى قصة الحمل يلي لو صار متأكده بنقعد مربوطه معاه كل العمر
    او يحقق هدفه ويطلقني ونقعد عايشه في جحيم مع عبدو 💔
    _______________________________
    ثاني يوم⛅️⛅️⛅️:-
    احمد:يحس بي شي ينخص فيه ع كتفه فتح عيونه وانخلع
    ياقوت:انت حقيقي🥺؟هل انت حقيقي؟
    احمد:طلع نفس براحه وباعدها من راسها وقعمز لين شعرها كله تشفشف
    ياقوت:فاتحه عيونها وتشوفله بكل حب❤️
    احمد:صباح الخير
    ياقوت:صباح الورد....وتشوفله بي نفس النضره
    احمد:بلع ريقه وساكت
    ياقوت:عيونها بيطلعو فيه
    احمد:به خلاص عاد شنو الشبحه الغريبه هيا
    ياقوت:وحق ربي مش قادره نصدق تمام قصدي انت قنين وميته في جدار اصلك من قبل يعني توا هكي متزوجين خلاص
    احمد:بصوت واطي حط يده ع راسه....متعرفش تتحكم في روحها وتخبي مشاعرها 🤦🏻
    ياقوت:حطت يديها على لحيته بعدين نزلت على كتافه .....هاذا كله ليا🥺❤️❤️❤️
    احمد:تي شنو هاذا كله ليك طرف شاورما تدوي عليه انتي !!
    ياقوت:سكتت وهيا تشوفله بي نفس النضره ❤️
    احمد:طلع نفس ويحاول يهدا....بنمشي نصلي الجمعه نحصل فطور قبل منطلع ؟
    ياقوت:تي احلا فطور تاخده من عيني هاذي قبل هاذي
    احمد:ابتسم ابتسامه صفراء...شكرا
    ياقوت:باساته ع خده وناضت
    قعد احمد فاتح عيونه....شنو يلي صار قببل شوي ؟!
    ____________________________
    مالك:نجمه وين!؟
    ساجده:زي المسبوها كأنها في عالم تاني...م مم منعرفش نزلت امس معش شفتها!
    مالك:يبطم في كم سوريته...وانتي علاش منزلتيش فطرتي؟
    ساجده:مخاطريش
    مالك:يرتب في شعره ع المرايه.....كولي عشان جسمك يتحمل هلبا حجات
    ساجده:شافتله بفزع....حجات؟ حجات شنو
    مالك:بيبي مثلاً....وخدي مفاتيحه وطلع
    ساجده:رجعت رقدت على السرير وغطت نفسها 💔
    كانت حالتها اسوء من امس مش قادره ترقد ولا تاكل حتى!
    _______________________________
    محمد:صباحيه مباركه
    انس:العقبا ليك ياقنين
    محمد:وين؟
    انس:جنب اختك
    محمد:الزح علاش قاعد نحس فيها سبه؟؟؟؟
    نهال:ضحكت وحطت القهوا ع الطاوله
    محمد:المهم اليوم مدايرين حفله في الليل عند استراحة وسام باش تجي الشباب كلهم غادي
    انس:مش فاضي افس
    محمد:افس؟؟وعلاش مش فاضي ياروحي!؟
    انس:بنقعد جنب اختك
    محمد:تسب انت؟
    انس:تي شنو نسب النم مرتي😂😂😂
    محمد:اممم تعرف مالك وين؟
    انس:خدي رشفه من القهوا ....وين؟
    محمد:فوق جنب اختك😂😂
    انس:نياهاهاها ضم فمك هي
    محمد:امالا شنو غير انت تساحبه😎
    انس:وسخخخ....المهم تمام جايكم الليله
    محمد:تم هي ...وسكر الخط
    نهال:حطت التوست وقعمزت....من سمحلك تمشي!؟
    انس:لا والله ؟؟
    نهال:اي ☺️
    انس:حفيدة فرعون ياكبدي
    نهال:خلااااص عاد انس شنو قلناااا
    انس:نحب نشوفك لما تعصبي🤤🤤
    نهال:🙈....اليوم بنمشي لحوش بوك
    خايفه منهم وحق ربي😰
    انس:ضحك من قلبه....تي شنو ماشيه لي حوش ابو لهب انتي
    ناس عاديين ره ويلي يضايقك قوليلي عليه
    نهال:ختسلمه راجلي❤️
    انس:امالا شنو🔥
    🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥
    احمد:نزل الجريده بشويه لقي ياقوت قاعده تشبحله ومترمشش عيونها ابدا😂😂
    رجع الجريده فوق بسرعه
    وياقوت مستمره ❤️
    احمد:نزل الجريده...خلاااص عاد زودتيها بي شبحاتك
    ياقوت:تأشر بيديها....اوكي خلاص خلاص متضايقش معش نشوفلك كمل فطورك
    احمد:طلع نفس وهوا متكنطي كلي اول فمين واول ما شاف لي ياقوت لقاها حاطه يدها ع خدها وتتفرج عليه
    ياقوت:نسيت خلاص
    احمد:نحى يلي في يده.....انتي مش خايفه؟
    ياقوت:من شنو🥺
    احمد:انا حفيد فرعون!!
    انتي حفيدة مختار نكرهوكم وتكرهونا !!!؟
    مش خايفه نديرلك شي ؟
    ياقوت:اصلا انا مش حفيدة مختار انا لقوتي قدام مدرسه وربوني
    احمد:مقدرش يسيطر على ضحكته وطلعت منه
    ياقوت:يييييييييي ضحك ضحك
    احمد:بطلي هبال وارزني
    ياقوت:حاضر🥺
    احمد:بتجهزي نفسك ولا؟اليوم ماشيه حوش بوي
    ياقوت:منبيش
    اقعد انت ونقعد انا ونسكرو الحوش🥺🥺🥺
    احمد:شن كنت نقول قبل شويه؟
    ياقوت:افففف به به اصلا بيجو اهلي هنايه عشان يلبسوني ويمشو معاي
    احمد:به حلو
    ياقوت:محلادينمك🥺❤️
    احمد:شنو الالفاظ البايخه هيا
    ياقوت:تشوفله ومش قادره ترمش لين احمد تجمد مع بعضه
    اول مره يعجز قدام جنس حواء😂
    ______________________________
    طق طق طق طق
    ساجده:بصوت تاعب....ادخل
    سكينه:مدام قتلك مدام جميله هيا وتي روحك
    جايه ياقوت واهلها
    ساجده:خبريها اني مريضه مش قادره ننزل من السرير
    نجمه:خشت لي الدار تجري.......سوجي ستاحشتك
    ساجده:باستها....حبيبتي ❤️
    منو بدلك اليوم
    نجمه:مخريه قالت لي سكينه
    ساجده:ابتسمت.....به ياعمري كويس
    سكينه طلعي نجمه وتعالي نبيك
    سكينه:فهمت ان فيه شي ....حاضر
    وخدت نجمه وطلعت
    سكينه:نعم مدام
    ساجده:مسحت عيونها....نبي نعرف
    مرت مالك كيف توفت؟
    سكينه:معنديش علم بي شي
    ساجده:والدم يلي قلتيلي شفته ؟
    سكينه:لا انا نتخيل انسي
    ساجده:يدت تبكي....هوا قتلها صح؟!مالك!!؟
    كنت عارفه
    حاولت نكدب الفيديو بس .....ااااااه ياربي
    سكينه:ملامحها تبدلت....اي فيديو؟
    ساجده:مرته تحكي فيه مدايره الفيديو لي بنتها
    المشكله ان مالك.......كانت تبي تقول ان مالك اعترف بعدين سكتت
    سكينه:مدام مدام وصل ليك الفيديو معناها في شي لازم تشوفيه
    ساجده:ع شنو تحكي؟!
    سكينه:لحضه ونجيك
    ساجده:هزت راسها بمعنى تمام
    سكينه:طلعت ونزلت تجري
    _________________________________
    مالك؛واقف ع المكتب يوقع في ورقه وعيونه ع الارض
    قام عيونه لما سمع بي طقات ع الارض وشاف بنت وقفت جنبه
    قام عيونه وشافها ....كانت هيا نفسها !
    رهف:صباح الخير
    مالك:هز براسه بدون ما يرد ورجع عيونه ع الورقه
    رهف:حطة شنطتها ع المكتب ومشت سكرت الباب ورجعت
    مالك:يرتب في الاوراق وعيونه عليهم....كيف نقدر نساعدك؟
    رهف:اعتقد ان نحنا لازم نحكو صح!
    مالك:في ؟؟
    رهف:في كل شي يخصنا
    مالك:شنو يخصنا ؟
    رهف:في امل نرجعو.!!
    مالك:لا....وجي بيطلع مسكاته ❤️
    رهف:ليش مطلقتهاش؟؟رغم انها عرفت بي قصة مرتك؟
    مالك:قرن حواجبه....من وين تجيبي في المعلومات هيا انتي؟!
    رهف:مش مهم.....مالك انا نعرفك كويس !
    كيف خليتها معاك او حتى قعدت عايشه بعد يلي سمعاته
    مالك:نفض يده منها....شي يرجعلي وخري
    رهف:هيا حتكون زيهم...مستحيل تصدقك في ولا حاجه
    مالك:عارف
    رهف:ومدامك عارف علاش مخليها؟؟؟مالك😰
    مالك اشبح في عيوني ...مسكت يده
    مالك:بعدها من عليه
    رهف:تحبها!💔💔💔💔💔
    تحبها عشان هكي مخليها معاك وانت عارف انها مش حتصدقك
    مالك نعرفك كويس انا تحبها صح!!
    مالك:ابتسملها.....اموري حياتي ...شاف لي ساعته
    عطيتك 11الدقيقه واقفه هنايا
    مره تانيه بتتجرئي توقفي عليا بننهيك
    ومدامك تعرفيني كويس مفروض تفهمي من نضرتي هاذي اني منبصرش !
    رهف:تشوفله بي صدمه وخيبة امل من كل شي شفاته في عيونه💔
    وان خلاص مفيش طريقه تانيه تقدر تصلح بيها الماضي يلي هيا دمراته بيدها!
    _______________________________
    سكينه:سكرت الباب وخشت
    ساجده:طلعت من الحمام تنشف في وجها وكانو عيونها متورماااات من البكي طول الليل
    سكينه:تعالي مدام
    ساجده:قعمزت ع الصالون وجت سكينه قعمزت ع الارض
    ساجده:نوض من ع الارض تعالي هنايا
    سكينه:متريحه متريحه ....تفضلي
    مدتلها تالفون
    فتحت ساجده الفيديو شافت بدايته وشافت لي سكينه.....هاذا نفسه يلي شفته
    سكينه:سرعيه وشوفي نهايته !.
    ساجده:قعدت تسرع فيه لين وصلت في
    يلي بنحكيه ونبيك تفهميه ان بوك مريض ردي بالك منه وانا نحبك نجمتي❤️رح نقعد نحبك لاخر يوم في حياتي كلها💔...قعدت تمسح في عيونها وفجآه جي واحد من الخلف حضنها ❤️
    اشرف:شاطره ياعمري
    سندس:لااااا ليش طلعت قاعده مسكرتش الفيديو
    اشرف:بنبعته لي واحد يعدله كويس قبل ما يحفضه
    سندس:تساوي في نفسها ع الكاميرا
    واشرف يبوس في رقبتها❤️
    سندس:تضحك......بطل مصحك الفيديو شغال
    اشرف:شن رايك نقصو المقطع هاذا ونحتفضو بيه لينا
    سندس:اي ليش لا😂😂😂
    اشرف:قعد يبوس فيها لين بدو يتعمقو واضطر اشرف يسكر الكميرا
    ساجده:حطت التالفون ع الصالون وفمها مفتوح مش قادره تسكره من الصدمه
    سكينه:هكي تمام نجو للمهم توا هاذا ياحنى بما ان رهف خدت واحد من اولاد رمزي يلي هوا عمار مالك كان بينتقم واتزوج بنت عمهم سندس
    جاب منها نجمه وبدي اشرف خو عمار يغري فيها لين طيحها على خشمها وحباته وديمه تتحجج بي السوق وانها تبي تشري حجات لي نجمه وتطلع معاه
    في يوم مالك سمع عليها كلام ولما عرفت قعد اشرف يقنع فيها اتصور فيديو زي هاذا عشان تهدد بيه مالك لو صارلها شي او تهجم عليها يكون دليل عند الشرطه ان مالك هوا يلي قتلها
    اقتنعت وصورت الفيديو
    ساجده:كيفففف كيف وصلك كاملللللل؟؟؟؟؟
    سكينه:كنت مرتبطه بي شاب يخدم عندهم وهوا يلي رفع الفلاش من اشرف لي واحد تاني عشان يعدله وبي المره نسخه عنده وجابهولي لانه كان يحب احفاد فرعون بشكل كبير تقدري تقولي جاسوس ليهم
    الولد يلي بيعدل الفيديو غدر بيهم وخنبه معش ردهولهم واقعدو ولاد رمزي يصفقو في يديهم
    اما الولد قعد يهدد في سندس بي المقطع الاخير متع البوسات
    لين شربت سم خلاها ترجع دم وماتت في نفس الدقايق
    ماتت سندس وبدي الولد يلاحق في مالك وخوته يبي فلوس
    ميسحابش ان عندي انا الفيديو تام يلي يثبت بوائة مالك وان مش هوا قاتلها
    ساجده:انتحرت!!
    سكينه:اي
    ساجده:ليش اعترفلي وقالي ان هوا قتلها؟
    علاش ؟
    سكينه:وقفت......الشي هاذا مفروض انتي تعرفيه❤️
    الفيديو عندي رح يقعد في الحفض والصون لو صار شي نطلعه وبس....تبي مني شي
    ساجده:سارحه
    سكينه:مدام؟؟؟
    ساجده:هااا؟؟.....لا لا سلامتك
    سكينه:ابتسمت وطلعت كأنها عارفه كل شي ❤️
    🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥
    مالك:راكب سيارته ...وكان يقاوم في الرغبه داخله
    ميبيش ينزل يدمر جسمه ويعبيه كدمات زي كل مره 💔
    ميبيش يشرب ويكمل عشان ميحس شي زي كل مره
    قاوم رغبته هلبا بس اول ما شاف السوق المحروق والمكان يلي يفش فيه غله ديمه مقدرش يكمل بدون ما ينزل يفش غضبه كله حتى لو كان على حساب جسمه💔
    _______________________________
    عبدو:شنووو؟ساعه نراجي فيك تدوي ؟
    هبه:قالك مبشر؟
    عبدو:قرن حواجبه....على شنو؟
    هبه:خافت وبدت تفكر!...لو حكيتله وعرف ان ولدعمه علم بي علاقتنا احتمال يطلقني ويخاف الدوه توصل لي عيلته !
    عبدو:ادووووي
    هبه:هااا لالا شي بس امس جاب بضاعه ونقصو عليه فلوس نسحابه قالك
    عبدو:تو نخليلك عطيه.....انا ماشي اليوم اختي جايه عندنا ولا ماشيه حوش فرعون الله اعلم في الحالتين بنتلاقو
    هبه:اهااا حح حلو ربي يهنيها
    عبدو:يالله سلام
    هبه:سلام
    _____________________________
    الساعه8في الليل:-
    كان زحمه في حوش فرعون جايتهم ياقوت ❤️
    وعمات وخالات مالك وشوي من الجيران مدايرين عشي بسيط❤️
    ساجده:دارت شوي مكياج خفت بيه التورم يلي في وجها ولبست قفطان بسيط مورد وطوله حاير وفتحت شعرها ونزلت ❤️
    داخلها ناااااار بتموت تبي تشوف مالك 💔
    كل ما تذكر تلكلام يلي قالتهولا وتفكر هوا شنو حس وقتها؟؟؟ناوم فيه ع شي مش مداره وهوا مش ناقص اصلااا!
    ممكن في حاجات غلط بس مش منه ....لالالا مستحيل ممكن نحكي هكي عشان نحبه !
    منعرفش بس كل يلي حاسه بيه ان نبي نشوووفه .
    _______________________________
    مختار:وهوا مبتسم وسط الزحمه قالها بصوت واطي ❤️.....حلو الصلح عشان الاجيال الجديده
    فرعون:بملامح انتصار.....اي صلح!
    مختار:انصدم....صلحنا كيف اي صلح؟
    فرعون:ضحك.....الصلح يصير لما صغار يتعاوكو
    او كبار يصير بينهم سوء فهم
    اما لما يبقى ثأر بين اثنين مستحيل يكون فيه صاح
    مختار:امالا يلي صار والعرس والزواج هاذا شنو تسمي فيه؟..
    فرعون:تحديد نسل لا اكتر
    مختار:بلع ريقه بخوف
    فرعون:يشوف للمعازيم ويحكي بصوت واطي.....1990
    في السنه هاذي كيف قدرت تقتلها بدم بارد!!؟
    مختار:شاف لي فرعون ولونه مخطووووف
    فرعون:ابتسم.....لين تموت مش رح ننسى
    ____________________________
    في الحفله:-
    كانت استراحه كبيره وكلها شباب مخلطين من جميع التراكين
    وسام:خراك؟شنو الالفاظ السوقيه هيا؟
    محمد:شاف لي انس ....علاش سمو الالفاظ سوقيه؟
    انس:مش عارف ممكن ع خاطر كانت تتسوق 😂😂
    محمد:خبط فيه وماااااات بضحك
    احمد:ابتسم وحرك راسه يمين يسار....ربي يهدي
    محمد:خدي نفس من الضحك....به هيا هيت
    علاش سمو الالفاظ جديه ؟
    انس:كانت تزور في جدتها 😂😂😂😂
    محمد:يقربع ع الطاوله وصايخين بضحك يشبحولهم
    وسام:شنو يضحك بس خليتوني نضحك على ضحكتكم😂
    احمد:وين مالك؟
    محمد:اااااه يابطني ....وين نعلم بيه
    احمد:اتصل بيه وطلعله.....الرقم المطلوب مقفل
    ______________________________
    فايزه:حمااااااااره كيف؟؟؟؟
    كيف ترقدي
    ياقوت:ليا3ايام مرقدتش وربي ماقدرت نقاوم
    فايزه:اليوم لازم تتهني سامعه؟
    ياقوت:اففف به به وانتي ديمه منكده عليا
    فايزه:تبتسم للمعازيم....لازم يصير الشي هاذا مش انكد عليك
    شوفي ساجده مدايره روحها الكل في الكل هنايا تقيم وترفع وتجيب ع اساس كل شي من تحت يديها
    هكي نبيك تحتلط الحوش هاذا كله
    ياقوت:نحتل؟امي تسحابي روحك في الحدود الاسرائليه؟
    فايزه:قرصتها من يدها
    ياقوت:احححححيه الهم حاااره
    ___________________________
    ساجده:لبست متع الصلاة وطلعت في الجنان لان داخل مفيش تغطيه اتصلت بي محمد سألت ع مالك بس جاوبها انه ميعرفش وينه
    اتصلت بي مالك الف مره تالفونه مسكر
    تلفتت بتخش شافت عبدو قدامها
    عبدو:اهلين ببنت العم
    ساجده:اهلين
    عبدو:كيف الوضع
    ساجده:نمام ....خلاص معش في امتى بتطلقي
    حتى اختك جابوها هنايا!...بعد من طريقي
    عبدو:اعترض طريقها.....في فرق
    ساجده:يلي هوا
    عبدو:موضوعي معاك شخصي ❤️مهمنيش في العيله
    ساجده:فيق من الماضي
    عبدو:قاعد نخدم عليها قصة طلاقك ره وحيصير
    ساجده:رح ندير جهدي كله عشان ميصيرش
    عبدو:وجهدك بححححح اما بعرف انك تموتي فيا وكنتي بتهربي معاي لما حددولك عرسك مع خطيبك الاول
    ولما يعرف انك كنتي تجيبي فيا في......
    ساجده:سكرررر فمك خلاص ....كنتتتتت
    وكنت حماره وطلعت عيل عايش مع وحده بي الحرام ومستحيل مزال نفكر فيك ....جت بتمشي مسكها
    ساجده:نفضت يدها......فووووتني....وخشت
    🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥
    نهال:كانت خايفه ومووووت زياده بس ارتاحتك اما شافت نسرين اخت انس وساجده اسلوبها حلو❤️
    وامهم تجنن❤️❤️وواضح طيبه
    انطلقت وبدت تهدرز وجوها قنين لين جت ملاك قعمزت جنبها
    ملاك:في العاده منحبش نخرب فرحة حد
    نهال:نعم؟
    ملاك:طلعت فونها
    _________________________________
    نجمه:خشت تحري زي الطلقه ونزلت ع ودن ساجده .....سوجي بابا فوق ره
    ساجده:به حبيبتي بري العبي هي ❤️
    نجمه:به....ومشت تجري

    ساجده:ركبت وقلبها سابقها❤️سيبت الزحمه كلها واتجهت لي غرفتها
    فتحت الباب وخشت ....مالك!!!
    مالك:كان تااااااهب لدرجه مش طبيعيه
    واقف يطلع في حوايجه من الدولاب ومستند ع الحيط
    يديه رابطهم بي شاش ابيض
    ساجده:حطت يدها على جروح ضهره ...من شنو هاذا
    مالك:تلفت ودفها....متمسينيش
    ساجده:حطت بين عيونها مالك انه اسد وتبي تروضه بي اي طريقه مهما دار....تمام تمام اهدا
    مالك:فك رباط يديه وكانو حممممر من اثر الخبط
    ساجده:بدت تقرب عليه شوي شوي ....شارب؟؟
    مالك:هز راسه بمعنى لا
    ساجده:بدت تحط في يديها عليه بشويه لين هدي ومعش بعد عليها
    حطت يدها ع لحيته وقربت منه....علاش مذبت عليا وقتلي انك قتلتها!؟
    مالك:عيونه حمر متورمات......لاني قتلتها
    ساجده:اشششش معش تكدب عليا مالك❤️
    علاش قتلي هكي
    علاش فهمتني عليك صوره غلط!
    علاش متقدرش تتحكم في اعصابك ادمر في اي شي حتى لو كان جسم ؟
    مالك:لوح السبته يلي كان ماسكها في يده ووهر ساجده ع الحيط ....يهمك تعرفي!
    ساجده:هزت راسها بمعنى اي
    مالك:.....يتبع

    1. الروايه.فيها غموض هلبا نبي نعرف الولد.اللي نقدوه اول مجاباته امه من.يكون

      ردحذف
    2. الروايه.فيها غموض هلبا نبي نعرف الولد.اللي نقدوه اول مجاباته امه من.يكون

      ردحذف
      الردود
      1. حتى انا كيفك متشوقه للنهاية الرواية شن تكون

        حذف
      2. متاكده انهه مالككك. عشان احمد الحااجه المهمة يليي سمعهاا كاان بيقولهاا للمالك بعدهاا صارلهه الحاادث

        حذف
    3. امتي بتنزل الحلقة 🤦‍♀️🤦‍♀️

      ردحذف
    4. حلوة؟ بس ياريت تنزلي الحلقه 20 اليوم 😩😂💞.

      ردحذف
    5. لو سمحتي ياريت تنزلي الحلقة العشرين لليلة بليييز😔🥺🤦‍♀️

      ردحذف
    6. نبو الكلقة ٢٠ لو سمحتي

      ردحذف
    7. وين الحلقه +خليها طويله شوي نصبرو بيها رواحنا❤😅

      ردحذف
    8. 20هيا بليييز نبوها طووويله

      ردحذف
    9. نبوا الحلقة عشرين و تكون طويلة بالله عليك
      بلييييز🥺🤦‍♀️

      ردحذف
    10. حلوووة وامتى بتنزلي الحلقة 20 وخاطري نعرف كم حلقة فصتها الرواية😣🥺

      ردحذف
    11. اروى وين الحلقة🥺🥺 نستنى فيها ع ناااااااار🔥🔥 وخليها طووووووووووووويلة🥰🥰🥰💯💯💛

      ردحذف
    12. هياااا وين الروايه شوقتيناااا

      ردحذف
    13. ماعنديش صبر على الروايات ياريت تنزل توااا

      ردحذف
    14. وين الحلقه مش ع اساس بتنزل

      ردحذف
    15. مشاءالله روايه حلوةة وياريت تنزلي الباقي الفضوول بيقتلني😁

      ردحذف
    16. بليييز نزليهاا ليلة معاش قدرت انتحمل بالله عليك 😒🥺😠

      ردحذف
    17. امتى تنزل حلقه عشرين😭😭😭

      ردحذف
    18. بليييز قوليناا امتى بتنزل الحلقة لو سمحتي 🤨😔😒🥺😭😓😡😤

      ردحذف
    19. آلحلقهہ20 بليز😞

      ردحذف
    20. امتى تنزل الحلقه20بليييز😔💔

      ردحذف
    21. الحلقه20 امتى بتنزل متشوووقهههه نزليها اليومم☹💔

      ردحذف
      الردود
      1. مش ههيا قالت حنكتبهاا بعد اللايف؟!..مفروض نازلةة توا😑😑

        حذف
    22. ياريت تنزليهاا اليوم بليييز 🤨🥺🤦‍♀️

      ردحذف
    23. ططووووولتتتتت هلباااااا الحلقه!!

      ردحذف
    24. قبل الحلقه الفاتت علقت ومابعتوليش اشعار لما نزلت😒😒

      ردحذف
    25. الحلقه ووووووييينن امتى تنزل اففف متشوقهه💔☹؟؟

      ردحذف
    26. هههههياااا😭😭🌚💔

      ردحذف
    27. بالله عليك وين الحلقة ياريت تنزيلها لليلة
      بلييييز😒🥺😭🤦‍♀️

      ردحذف
    28. هيااا من فضلك نزليهاا 🤨🤦‍♀️

      ردحذف
    29. ت هيا نزلها نبووها😭

      ردحذف
    30. ياريت اتقولينا امتى بتنزل

      ردحذف
    31. بلييييز نزليهاا😔😒🥺🤦‍♀️💔💔💔

      ردحذف
    32. بلييييزززززز نزليههاااااا طووولت هلباااا الحلقه🙁💔💔!

      ردحذف
    33. وين الحلقه 20 خيرهااا منزلتش متشوفه هلباااااا وهلبين وهلبااااااات مهبلاااااات

      ردحذف
    34. هيا الي بعدوو تجنننن😭❤

      ردحذف
    35. حلوه اكتيرررر الحلقه و ياريت الحلقه 21 بلييز

      ردحذف

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .