-->

رواية عودة ميت الفصل العشرين 20 والاخير بقلم عزيزة حامد

رواية عودة ميت الفصل العشرين 20  والاخير بقلم عزيزة حامد

    رواية عودة ميت الفصل العشرين 20  والاخير بقلم عزيزة حامد 




    لحلقة الاخيرة
    بقلمي عزيزة حامد
    الفصل الواحد والعشرين
    بعدما ذهبت السيارة التي اختطفت الفتيات
    كان آسر شديد القل علي قمر فهو تركها بحالة سيئة بعد ان اخبرها بحقيقة اباها
    اسر:محمد رن علي خطيبتك ك.ة اسألها علي قمر
    محمد:طب مترن عليها انت😉
    اسر:محمد متعصبنيش مش هاقدر اكلمها بعد كل اللي قلتهلها دة اخلص بقا
    محمد:خلاص يا عم متزوقش هكلمها اهة😂
    اسر:طب اخلص
    جاء محمد ليدق علي هاتف يارا لكن لا يوجد رد ظل يحاول حتي وجدة
    محمد:التلفون كان بيرن بعدين اتقفل
    اسر بقلق:طب انا هجرب ارن علي قمر
    حاول اسر ان يتصل بقمر ولكن نفس الرد بأن الهاتف مغلق
    اسر:لا كدة اكيد فية حاجة حصلت تعالي نروح المطعم نشوفهم
    ********
    في مكان اخر
    كانا قمر ويارا يجلسان مربطان علي الأرض في مكان مظلم
    قمر وهي تفتح عينيها وتنظر حولها باستغراب :اية دة انا فين
    نظرت بجانبها وجدت يارا مربوطة ايضا
    فأخذت تتحرك باتجاهها
    قمر:يارا يارا فوقي انتي يا بنتي يااارا
    يارا وهي تستعيد وعيها :ااة دماغي اية انا فين
    قمر:مش عارفة احنا شكل حد خطفنا
    يارا:يلهووي ايةة اتخطفنا
    قمر:يخربيتك اسكتي هتفضحينا
    يارا:طب هنعمل اية دلوقتي
    قمر:مش عارفة
    وهما يتحدثا وجدا الباب يفتح
    يارا:اعملي نفسك ميتة بسرعة
    قمر:انتي هبلة يا بت
    يارا:زي الفيلم يا ستي عشان ميعذبوناش😂
    قمر:هششش يخربيتك هنتفضح اسكتي
    فتح الباب ودخل منة شخص لكنة لم يروة لان المكان كان مظلم
    الشخص وهو قادم باتجهاهم واضاء النور
    قمر بصدمة:ايةة انت
    ياارا:هو انت يادي النيلة
    الشخص :ايوة انا
    قمر بقرف:سامر الشهاوي لا ماشاء الله راجل بتخطفني عشان رفضت اتحوزك
    سامر بضحك:انتي فاكرة بكلامك دة هسيبك يعني لا يا قطة انا جايبك هنا عشان مصلحتي عشان محدش هايخدك مني ولا عاوزة تروحي لحبيب القلب
    قمر:انت اتجننت انت اية اللي بتقولة دة سيبني لئما مش هيحصلك طيب
    سامر:بجد ولو مسبتكيش بقا هتعمليلي اية يعني
    قمر:آسر مش هيسيبك دة ظابك وهيسجنك علي كل اللي بتعملة دة انت مش راجل اصلا
    سامر بغضب وهو يمشي باتجاهها:انا بقا هوريكي مين اللي مش راجل دة
    وقام بامساكها من الحجاب :بقا انتي تقولي عليا كدة انا هورؤكي وهحرق قلب سي اسر عليكي
    ودق علي احد الارقام
    سامر:اهلا يا يا حضرة الظابط
    اسر:مين معايا
    سامر:مش مهم تعرف انا مين المهم تعرف انا معايا مين
    اسر:اخلص انطق عاوز اية
    سامر:انا معايا حبيبة القلب وصاحبتها تحب تسمع صوتهم
    آسر بصدمه:انت بتقول اية يعني قمر ويارا عندك
    سامر:ايوة وانا بقا متصل عليك عشان اسمعك صوت حبيبة القلب وهي بتصرخ
    وقام بالمساك بقمر مرة أخري من حجابها حتي كاد يخلعه فأطلقت قمر صرخة حاولت كتمها لكنها لم تستطع
    فانخلع قلب آسر عليها
    اسر:قمر قمر استحملي انا هجيلك قمر ارجووكي انتي قوية خليكي أدها وانا هوريك يا حيوان
    سامر:ههههههه يعيني علي الحب يعيني بس تعرف صعبتوا عليا انا هقلك انا فين لكن لو بلغت أي حد او لعبت بديلك الحلوة هتموت مفهووم
    اسر:انا مش جبان عشان اجيب حد معايا اصلا
    سامر:براافو عليك كدة تعجبني هبعتلك عربية دلوقتي تركب فيها وانت ساكت لوحددك مفهووم ولو عملت حاحة كدة ولا كدة ابقا استقبل جثة حبيبة القلب بقا
    آسر:لو عملتلها حاجة هموتك فاااهم هموتك
    تغلق سامر الهاتف في جه اسر
    آسر وهو يضربك علي مقود السيارة بغضب
    اسر:الحيوااااان
    محمد:اسر قالك اية هنعمل اية دلوقتي
    اسر:تعالي ننزل الاول الحيوان خطف قمر ويارا وبيقلي لو مجتش لوحدي هيموت قمر
    محمد:بس انا لازم اروح انقذ يارا مينفعش اسيبها لوحدها
    اسر:محمد مينفعش كدة هيقتلهم لو جيت معايا
    محمد:اسر ارجوووك
    اسر وهو يضع يدة علي كتف محمد:متقلقش يا محمد انا هنقذهم هما الاتنين
    محمد:اسر عشان خاطري خلي بالك منها
    آسر:دي زي اختي يلا انت مش واثق فيا ولا ايه
    محمد وهو يحتضن اسر:انت اخويا يا آسر عشان كدة انا واثق فيك
    اسر:يلا بقا خد العربية وامشي انت وانا هستني اما يرن عليا تاني
    محمد:آسر خلي بالك من نفسك وخد الساعة دي هتجبلك الحظ
    آسر:متقلقش يا محمد كل شئ هيكون بخير
    محمد:لا اله الا الله يا اسر
    اسر:محمد رسول الله
    ذهب محمد بالسيارة
    وحاول اسر ان يدق علي نفس الرقم الذي اتصل به
    فرد عليه سامر
    سامر:اية مش قادر تبعد عن حبيبة القلب
    اسر:اخلص انا لوحدي محدش جه لية
    سامر:روح عند..... واستني هناك
    اسر:اوعى تمد ايدك على اي حد فيهم مفهووم لئما هتبقى نهايتك على ايدي انا
    سامر:بس عشان مبحبش الرغي انا بحب الفعل بس
    اسر:وانا كمان مبحبش الكلام وبحب الفعل وانا هوريك الفعل
    سامر:تعالى دة احنا بنا حساب كتير لازم نصفية انت هتيجي لنهايتك بإيدك
    واغلق الهاتف
    ذهب اسر الي المكان الذي قالة لة هذا الشخص
    بعد مرور خمس دقائق رأي سيارة سوداء قادمة الية ونزل منها شخص واركب اسر السيارة ثم قام بربط رباط أسود علي عينية
    ولم يقاوم آسر بل كان يفعل ما يقولوة لهم وطلبوا منهم ان يرموا الهاتف فرماه
    توقفت السيارة بعد مرور بعض الوقت توقفت السيارة فأدرك آسر انهم وصلوا الى المكان المحدد
    قاموا بإنزال آسر من السيارة وأزالوا الرابطة السوداء من علي عينية
    وأدخلوة الي الداخل
    فرأي شخص يجلس علي كرسي بالغرفة كان مكان قديم ومظلم ولا يوجد بة اي شئ
    الشخص كان وجهةة غير ظاهر
    اسر:انت مين وفين قمر وصاحبتها انطق حالا
    الشخص:تؤتؤتؤ مش تقعد عشان نتفاهم الاول
    اسر:انا مفيش بيني وبينك كلاام مفهووم قول هما فين احسنلك
    الشخص وهو يتجه ناحية آسر:شكلنا كدة مش هنتفق مع بعض
    اسر:انت!!!
    سامر بضحك:اية اتفاجئت
    آسر باشمئزاز:للأسف وصلت بيك الدناءة لكدة اية يا بني الحقد اللي فيك دة
    سامر:ليك حق ما انت طول عمرك ناجح وكل الناس بتقول عليك رقم واحد في كلة وانا انا ولا حاجة كنت دايما احسن مني كان ابويا بيقعد يهزقني عشان ابقا زيك بس لا انت بتاخد كل حاجة انت عاوزها من واحتا في المدرسة لغاية دلوقتي كنت انت في المدرسة كل العيال بتحبك والمدرسين كمان وانا الفاشل اللي مبيعرفش يعمل حاجة كان كل العيال بتحب تصاحبك انت وانا لا لية ها انت فيك اية زيادة عني حتى بعد مادخلنا الكلية بردة كانوا كلهم فرحانين بيك وشايلينك فوق راسهم وانا ابن رياض الشهاوي محدش كان بيعملي حساب مع اني كنت اغني منك بس انت دايما كان الكل مهتم بيك وانا لا حتي بعد ماتخرجنا انت اتعينت وبقيت ظابط شاكر وانا طردوني من الشرطة عشان حاحة تافهة طول عمرك بتحسسني اني فاشل جمبك لية انا مبقاش احسن منك لا واللي جد دلوقتي انك تكلع ابن جمال النجار اللي يمتلك نص شركات النجار اكبر شركات في العالم طول عمر الحظ واقف جمبك انت كنت السبب ان ابويا يعاملني وحش عشان انا مش زيك عشان انت اشطر مني ودايما بتاخد الحاجة اللي عاوزها واخرهم قمر البنت اللي قلت هتجوزها انت جيت بكل سهولة وخدتها مني وخلتها تحبك تعرف انا بكرهك كره محدش كرهه لحد قبل كدة
    آسر:يااااه كل الكره والحقد دة شايلة ليااا انا عملتلك اية عشان تكرهني كده انا عمري ما اذيتك ولا قربت منك
    سامر يهستيرية:ماهي دي المصيبة انت مبتعملش حاجة غلط عشان كده انا بكرهك عشان دايما بيقولوا عليك انت الكويس وانا الشرير
    آسر:طب وايه ذنب قمر في دة كلة ادام انت بتكرهني انا
    سامر:عشان هي حبتك ذنبها انها حبتك حبتك انت مش انا بردة اختارتك انت وانت فزت عليا وانا اللي خسرت تاني لا تاني اية دول كتيير كتيرر اووي
    آسر:سامر سيب قمر وزميلتها هما ملهمش ذنب في حاجة انا مش عاوز اأذيك
    سامر: 😂😂تصدق ضحكتني انت فاكرني هسبهالك بالسهولة دي انا هندمك علي كل حاجة عملتها في حياتك امسكوووة
    جاء رجال كثيرة وحاولو الإمساك بآسر ظل آسر يضربهم لكنة في النهاية فشل في القضاء عليهم لأنهم تكاتروا علية فالكثرة تغلب الشجاعة
    آسر:انت بتستقوى برجالتك يا سامر هي دي الرجولة عندك ومش عارف لية انا احسن منك
    سامر بغضب:اما هوريك هعمل اية
    ودخل الي العرفة وأحضر قمر وهي تصرخ
    قمر اول ما رأت آسر:آسرررر
    آسر:قمر انتي كويسة متخافيش انا هخرجك من هنا
    قمر:آسر خرحني من هنا يا آسر😭
    آسر:ابعد ايدك عنها يا حيواان ابعد ايدك بقول
    سامر بضحك:ههههههه انت فاكر هتاخدها بالساهل كدة هتاخدها بس بعد ما انا اخدها الأول وقام بالهجوم علي قمر وهي ظلت تركلة وتصرح بأعلي صوتها ويارا في الداخل تحاول فك الحبال عن نفسها وهي تبكي لسماعها لصرخات صديقتها
    يارا:انا لازم انفذ قمر 😭😭يااارب ساعدني
    استطاعت اخيرا ان تفك حبال يدها فقامت بفك ساقيها حتي فكت نفسها بالكامل
    فركضت الي الخارح بتسلل كي لا يلحظها أحد
    وآسر ظل يضرب في الأشخاص الممسكين بة
    آسر بغضب:ابعد عنها يا حيووووان هموتك يا سامر همووتك
    وظل يضرب في الرجال حتي خلص نفسة منهم فركض تحاة سامر وابعدة عن قمر وظل يلكمة في وجهة
    وكانت يارا خرجت الي قمر فاحتضنتها :قمر حبيبتي اهدي آسر خلاص بيضربة وهينقذنا يا حبيبتي اهدي محصلش حاجة خلاص
    قمر:الحيوان كان كان....😭😭😭
    يارا:هشش خلاص يا حبيبتي اهدي
    كان آسر يضرب سامر فجاء الرجال مرة أخري ليبعدوة عنة لكن سمعوا صوت سيارة الشرطة وصوت طلقات نارية فهربوا من المكان بسرعة
    محمد وهو يدخل مع بقية عناصر الشرطة
    فور رؤيتة ليارا ركض اليها
    محمد:يارا حبيبتي انتي كويسة
    يارا :محمددد انت جيت انا كنت خايفة اووي
    محمد :خلاص يا حبيبتي متخافيش كل حاجة هتبقى كويسة يلا خدي قمر وخرجيها في العربية برة
    وذهب الي آسر الذي كاد يقتل سامر من كثرة الضرب
    محمد وهو يبعد اسر عن سامر:اسر هتقتلة ابعدد
    اسر:سيبني اموتة سيبني دة حاول يعتدي علي قمر الحيووان لازم اموتة
    محمد:متوسخش ايدك بدمة يا اسر سيب القانون هو اللي هيحاسبة
    ابعد محمد اسر بصعوبة عن سامر
    واخرجة الي الخارج فسألة عن قمر
    وذهب اليها كانت جالسة في السيارة تبكي في احضان يارا
    اسر:قمر
    نظرت لة قمر:اسر
    نزلت يارا من السيارة لتترك لهم مساحة في الكلام
    دخل اسر جلس بجانب قمر في السيارة :انا اسف يا قمر اسف
    قمر:انت ملكش ذنب يا اسر دة انت اللي انقذتني لولاك كنت كنت....😭😭
    اسر:خلاص يا قمري متعيطيش ارجوكي دموعك بتقتلني
    نظرت قمر الي اسر بتفاجأ:انت قلت اية
    اسر:قلت انك قمري وكل حياتي تتجوزيني يا قمر
    قمر:انت بتتكلم جد انا بويا هو اللي قتل مامتك وباباك هو اللي دمر حياتك وكمان عمل حاجات كتير وحشة و...
    قاطعخا آسر:هششش انا ميهمنيش كل دة انا يهمني انتي وبس انتي غيرة ياقمر انتي ملاك نازل من السما انتي عوض ربنا لياا علي كل حاجة شفتها في حياتي انا من غيرك امووت يا قمري انتي الدوا لكل جروحي انا بحبك يا قمر
    اندهشت قمر من اعترافة لها بحبة
    قمر:بجد كل الكلام دة ليا انا
    اسر:مفيش حد غيرك دخل قلبي يا قمر انتي الوحيدة اللي غير كل البنات انتي كسرتي كل القواعد انتي دخلتي قلبي وقفلتي علية عشان محدش غيرك يدخلة تتجوزيني يا قمر لو مش موافقة قولي انا مش ....
    جاء دورها هي لتقاطعة:لا يا اسر انا موافقة
    اسر بفرحة:بجدددد موافقة يا قمري
    قمر بإحراج:اة موافقة
    آسر:طب مش عاوزة تقولي حاجة😉
    قمر:احم لما نبقا نتحوز بقا
    آسر:يا خلاصي علي الناس اللي بيتكسفوا وخدودها بتحمر😂😂
    قمر:آسررر
    اسر:خلاص سكت اهة
    قمر:طب ممكن اطلب منك طلب
    آسر:انتي تؤمري يا قمري
    قمر:ممكن اسوف بابا
    انقلب وجه اسر:انا مش همنعك عن باباكي يا قمر انا عمري ما ابعد اب عن بنتة انا هوديكي لية يا قمر وقليلة اني طلبت ايدك
    قمر:انت مفيش زيك يا اسر انا بحبك اوي
    اسر:اية قلتي اية
    قمر:انا لا لا مقلتش حاجة
    آسر:ماشي بكرة تبقي في بيتي وهخليكي تقوليها كل يووم كمان
    قمر:هههه ماشي
    محمد حاء اليهم مع يارا
    محمد:اية يا عم انتو حبيتوا القعدة مش هنمشي ولا اية
    اسر:روح انت روح يارا انا هاخد قمر البيت تغير بعدين هوديها لشاهين المستشفي
    محمد:متأكد من اللي هتعمله يا اسر
    اسر :متقلقش يا محمد انا عارف انا بعمل اية
    محمد:ماشي يا اسر يلا يا يارا
    يارا:مع السلامة يا قمر ابقي طمنيني عليكي اما تروحي
    قمر:حاضر يا حبيبتي
    غادر محمد بالسيارة الأخري مع يارا
    وغادر اسر مع قمر ليذهب بها الي منزلها لتغير ثيابها
    اسر:انتي بتقللها حبيبتي لية
    قمر وهي تنظر باندهاش الي اسر ثم اخذت تضحك بعدما ادركت سبب سؤالة
    آسر:اية قلت انا حاجة بتضحك
    قمر وهي تتمالك نفسها:انت انت غيران من يارا😂
    آسر:مين دة انا لا طبعا
    قمر وهي ترفع حاجبها:بجد امال دة اسمة اية بقا
    اسر بارتباك :اسمة اسمة..
    قمر:اسمة غيرة
    اسر:اة بغير عليكي فيها حاجة دي
    قمر بفرحة:لا طبعاا
    واخذت تضحك مرة ثانية
    ظل اسر ينظر لها
    قمر:بص ادامك لنموت
    اسر:بعد الشر عليكي يا قمري
    وصل اسر الي منزل قمر
    قمر:استناني خمس دقايق هطلع بس اغير بسرعة واقول لماما واجي
    آسر:هي مامتك موقفها متعرفيش هيبقى اية هي ممكن تتقبل جوازنا
    قمر بحيرة:مش عارفة يا اسر ان شاء الله خير
    اسر:ماشي يا قمري متتأخريش عليا
    دلفت قمر الي المنزل فلم تجد والدتها في الداخل فصعدت الي غرفتها وابدلت ثيابها بسرعة وهي سعيدة وحزينة في آن واحد
    خرجت قمر الي اسر بعد ان دقت علي يارا وطمئنتها عليها
    اسر وهو يفتح لها باب السيارة:اية القمر دة يا ناس
    قمر:دة مديح ولا بتناديلي
    آسر:لا مديح طبعا😉
    قمر :طب يلا نمشي بقا
    اسر :يلا
    وصلا كل من اسر وقمر الي المستشفي
    قمر:هتطلع معايا
    اسر:معلش يا قمر بس مش هقدر سامحيني
    قمر:لا عادي ولا يهمك
    صعدت قمر الي غرفة ابيها بالمستشفي
    ترددت كثيرا قبل ان تدخل الي غرفتة ولكنها في النهاية دلفت الية
    شاهين وهو ينظر الي قمر وكانت والدتها معها
    غض شاهين بصرة فهو لا يستطيع ان ينظر اليها بعدما علم بأنها عرفت كل شئ
    قمر:لية يا بابا لية تعمل كدة
    شاهين:سامحيني يا بنتي سامحيني انا عارف اني غلط وعاوزك تسامحيني
    قمر:للأسف انا مش قادرة ابصلك بعد كل اللي عملتة دة لية كان ناقصك اية عشان تعمل كل دة لية يا بابا لية😂😂
    وانتي ياتري بقا تعرفي كل دة ولا لا
    إيمان :انا اسفة يا بنتي مكنتش قادرة اعارضة في حاجة
    قمر:يعني كنتي عارفة وساكتة انتو ازاي كدة علي العموم انا مش هقعد اتكلم معاكوا كتير لأنكوا مش هتتأثروا بأي كلام انا جاي اقلكوا ان انا هتحوز اسر سواء وافقتوا او رفضتوا
    إيمان :اسر مين يا قمر
    قمر:اسر ابن عمي يا ماما
    شاهين بصدمة:اية هتتجوزي اللي سجني ودمرني
    قمر:لا يابابا العكس هو اللي حصل انت اللي دمرت حياتة احمد ربنا ان هو معملكش حاجة وحشة هو بس عاقبك علي جرايمك وانا هتحوزة هو بيحبني وهيسعدني
    انا ماشية يا بابا مع السلامة
    شاهين:استني يا قمر
    قمر:نعم
    شاهين:انا عايزك تطلبي منة يسامحني قوليلة انة انا ندمان علي كل حاجة وانا موافق يا حبيبتي انك تتجوزية لو بتحبية يا قمر بس لو عملك حاجة قليلي علي طول وانا مش هرحمة
    قمر:متقلقش يا بابا هو انسان كويس ومبيعملش حاجة وحشة
    غادرت قمر المستشفي ونزلت الي اسر وركبت السيارة معه
    وظلت صامتة طوال الطريق
    اسر:اية اللي حصل يا قمر
    قمر:ها لا مفيش في حاجة غريبة هو بيقلي انة ندمان وعاوزك تسامحة تفتكر هو ندمان بجد
    اسر:الله اعلم يا قمر العلم بإيد ربنا
    قمر:هو وافق علي جوازنا
    اسر بتعجب :ياااة بالسهولة دي
    قمر:لا بس انا اصريت علية وقلتلة ان انا هتجوزك عشان انت كويس وهتسعدني وهو عاوز سعادتي
    اسر:طب اية رأيك الفرح يبقا الخميس الجاي
    قمر:اية بالسرعة دي
    آسر:اية غيرتي رأيك ولا اية
    قمر بسرعة:لا طبعا بس قريب اووي
    اسر:لازم يبقا قريب يا حبيبتي عشان انا ممكن امووت لو ماتجوزتكيش
    قمر بإحراج:طب خلاص موافقة بس صحابي كمان غرحهم هيبقا الخميس الجاي اية دة الله هيبقا فرحنا مع بعض بلييز يا اسر انا عاوزة اتجوز مع صحابي
    اسر بضحك:انتي هتتجوزيني انا ولا اصحابك😂😂 وعلي العموم يا حبيبتي انا مجهز كل حاجة اصلا ومتفق مع صحابي والفرح هيبقا في نفس اليوم
    قمر وهي تصفق بيدها:هيييية
    اسر نظر لها بحب:انا بحبك اووي يا قمري
    قمر بكسوف:وانا كمان⁦☺️⁩⁦☺️
    ********
    في اليوم التالي
    حضر لآسر المؤتمر الصحفي واخبر الصحافة بكل شئ حدث لكي يعرف كل الناس وكل الناس عرفوا بحقيقة كل شئ حدث مع اسر
    ********
    جاء يوم الخميس اخيرااا علي عرايسنا الحلوين
    كانت عروساتنا في فستانهم الأبيض كالملائكة كان العرسان واقفين في الاسفل منتظرين حورياتهم
    كانوا ايضا بكامل اناقتهم بالحلة السوداء وعضلاتهم البارزة من البدلة
    كانت قمر اول ما تنزل الي الأسفل اول ما رأها اسر فتح فاهة من الصدمة فهي كانت مثل الملائكة بحق بفستانها الأبيض وحجابها الذي يزين وجهها وفستانها الرقيق
    استقبلها اسر بفرحة وقبل جبينها
    اسر:مبروووك عليا يا قمري
    اسر:الله يبارك فيك وانت علي فكرة شكلك تحفة اووي
    اسر:اووة دة انتي بقيتي حرئية وبتاعكسيني بقا
    قمر احمرت وجنتيها من الخجل
    اسر:رجعتي تتكسفي تاني ما انتي كنتي حلوة😂😉
    نزلت يارا ايضا بعد قمر
    وكانت ايضا رائعة الحمال في فستانها
    وأعجب محمد بجمالها :اية العسل دة يا ناس الجمال دة كلة ليا
    يارا باحراح:شكرا
    محمد:قلبي تعالي بقا
    ونزلت عهد وكانت ايضا غاية في الجمال ومدحها مؤمن
    كثيرا
    وهبطت مروة وكانت ايضا مثل الباقين غاية في الجمال
    واثني علي جمالها يحيي
    ثم اخيرا هبطت ندي التي كانت تبدو ايضا رائعة
    وأعجب بها أدم كثيرا
    قام جميعا بالرقص المسمى(السلو)
    وانهو الرقصة فذهبوا ليكتبوا الكتاب
    المأذون :كلكوا هتتجوزوا انتو عاوزين تنتحروا جماهي ولا اية😂
    محمد:اية المأذون العسل دة شكلة هيبقا فرح مسخرة😂😂
    محمد:ايوة يا عم الحاج يلا انجزنا بقا
    المأذون:طب هكتب كتاب مين الأول
    جميع الشباب:انا
    المأذون بضحك:😂😂يعني هجوزكو كلكوا مرو واحدة لا بالدور يا جماعة مينفعش كدة
    أسر:انا الاول يا حضر المأذون يلا اتكل علي الله
    جاء محمد ليعترض فنظر لة اسر نظرة اسكتتة
    المأذون :اسم العريس اية
    اسر:اسر جمال النحار
    المأذون :والعروسة
    قمر :احم قمر شاهين النجار
    قال المأذون ما يقولوة في الزواج ثم انهي زواح اسر وقمر والان اصبحت قمر زوجة اسر رسميا
    المأذون :يلا مين تاني
    محمد:اناا
    المأذون :اسم العريس
    محمد:محمد أمجد
    المأذون:والعروسة
    يارا:يارا خالد
    وتم زواح محمد وبارا ايضا وكذلك مؤمن وعهد وأدم وندي ومروة ويحيي
    ****بعد فترة من الفرح
    قمر ذهبت وأخءت المايك:انا انهاردة عاوزة اقول كلمة لأكتر واحد انا بحبة في الدنيا كلها وهو جوزي وحبيبي اسر هو اللي وقف جميي وحبني بصدق وانقذني لما كنت في مشكلة انا عاوزة اقلة اني محبتش حد قلبة ولا هحب حد بعدة وعاوزة اقدملة اغنية من تأليفي بالمناسبة الحلوة دي تعبر عن حبي لية
    ***********

    حبيبي وانا جنبك بحس بامان
    خدني في حضنك وامشي للامام
    خليك جمبي متسبنيش
    من غيرك انا ما اقدر اعيش
    انت حبيبي وكل ماليا
    في الدنيا دية
    كل مابمشي في حتة الاقيك
    اصل انا دايبة دوب فيك
    حبك بيقويييني
    حضنك بيدفييني
    لما تشوفك عييني
    بحس بامااان
    بحس بامااان
    كل ماعيني بتيجي في عينك
    بحس بنفسي جوووة عينيك
    دايما تقولي زي الملايكة
    دايما اقولك ذي الملاك
    حبنا كان حب نادر
    لا حد حبة قبلينا
    ولاحد هيحبة بعدينا
    وربنا يخلينا لبعض
    ربناااا يخلينا لبعض
    ************
    قام اسر واحتضنها بشدة لدرجة انة كاد يكسر ضلوعها فهو يشعر انا يريد ان يدخلها بضلوعة
    وحملها واخذ يدور بها كثيرا فتعالت تصفيقات الحميع والصفير من اصدقاءة
    انزل اسر قمر
    واخذ منها المايك:انا بقا اللي عاوز اقزل لقمر كلمة ان انا عمري مهزعلك ابدااا في حيااتي وان انا بحبك جداااا يا ملاكي ربنا يخليكي لياااا يا احلي ملاك شفتة في الدنياا
    **********
    انتهت الحلقة
    يلا قولولي رأيكواا في الرواية
    +ملاحظة انا اللي مألفة الأغنية اللي فوق دي😂
    +يلا رأيكوا بصراحة بقا في روايتي
    ودي كانت اخر كتاباتي في رواية عودة ميت الرواية اللي اثرت فيا شخصياا بصرااحة ياريت تكون اثرت فيكوا واستفدتوا منها ان الكراهية عمرها ما بتدووم لكن الحب هو اللي بيدوووم وبس

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .