أخر الاخبار

رواية احفاد فرعون الحلقة 19 التاسعة عشر بقلم اروي طاهر المسلاتي (بنوتة الشيخ)

رواية احفاد فرعون الحلقة 19 التاسعة عشر بقلم اروي طاهر المسلاتي (بنوتة الشيخ)

رواية احفاد فرعون كاملة pdf - بنوتة الشيخ

طق طق طق
هبه:فتحت الباب ...تفضل
حيدر:يفصل فيها بعيونه .....اوووف والله طلعت تعرف تختار مليح ياعبدو
هبه:بتسكر الباب بس بسرعه حط رجله ع الباب حاولت هبه تهرب للحمام بس مكانش في فايده
طاحت ع الارض ومسكها من رجلها
جرها ليه وهيا تعافر بكل قوتها تبي تتخلص منها بس كان اقوى منها💔
حيدر:حط يده على فمها...اشش خلاص اهدي اهدي
هبه:بدت تبكي وتترجى فيه بعيونها يخليها في حالها
حيدر:لا لا لا لا وتبكي زياده!...خيرك؟
مش متعوده على الجو ياقلبي؟ولا عبدو بس تعطيه وغيره لااا
هبه:تحرك في وجها يمين يسار لين تحركت يده ونطقت....انا مرته ياواااطي
حيدر:سكت شويه وهوا يشوفلها ...ضحك بصوت عالي....هههه مرته؟من جدك عبدو بياخد وحده زيك
هبه:تبعد فيه عشان تنوض
حيدر:مسكلها يديها....فوتي توا الكلام الزايد وخليني نحكيلك كم حاجه هكي على انفراد ياعسل
هبه:تعيط بصوت عالي وهوا يسكرلها في فمها لين فجأه طاح راس حيدر ع الارض مغمى عليه
بدت هبه تنوض من ع الارض وتحاول تاخد نفسها
شافت حيدر مرمي ع الارض ونازل من راسه دم 💔
قامت عيونها شافت مبشر ماسك حديده وراقف
اول ما شافها عطاها بضهر لانها كانت بلا حجاب
مبشر:قاعد وجها مرعوب...نوضي يا اختي استري روحك وخشي لي غرفتك سكري الباب لين نطلع الوسخ هاذا
هبه:ناضت تجري وهيا ترجف مع بعضها
_________________________
ساجده:بدت دقات قلبها تتسارع وعرفت ان الليله هاذي مستحيل تفوت ع خير
مالك:الشي يلي تزوجتك ع خاطره متبيش اديره ولا؟
ساجده:رفعت راسها وهيا تتنفس بخوف
مالك:مزقلها قفطانها وهوا يعيط عليها.....غصب ع اهلللللك بتحملي الليل
ساجده:دفاته بيديها الزوز...لان مش بسيييييييف
مش بسيييييييف نجيب منك
كنت نراعي فيك وحاطه لي مشاعرك اعتبار
مرتك متوفيه حبيبتك خدت شخص تاني عذرتك على كل تصرفاتك الزباله وقررت نكمل معاك ونربي نجمه كأنها بنتي ....درت هاذا كله ونسيت 💔
مالك:يقرب منها وهيا توخر....شنو يلي نسيتيه؟
ساجده:بصوت واطي يرجف....نسيت انك حفيد فرعون
نسيت كل صفاتك السيئه نسيت انك اناني وخواني ومعندك ذرة احساس
ساجده:ضحكة بهزوه....ضحكت عليااااااااا
قامت يديها...حسستني ان انا كل شي وانا الشي الاخير يلي بتستند عليه وحسمت موضوعي اني خلاص بنكمل معاك حياتي لين فجآه وريتني وجهك الحقير وذكرتني ان كل شي يصير بينا انتقام عائلات لا اكتر
ذكرتني انك حفيد فرعون يامالك....وخشت للحمام
مالك:رجع شعره للخلف بغل وضرب السرير برجله ولحق ساجده للحمام
ساجده:واقفه تغسل في وجها وتخفي دموعها بي الميه
مالك:وقف ع الباب...يلي قلتيه كله مش موضوعي
موضوعي الحمل بس
ساجده:سكرت الشيشمه وقامت عيونها....شنو تبي ادير بيه!؟
مالك:شي يخصني
ساجده:ويخصني لان الحمل بيصير عندي وبيكون ولدي وقطعه مني
مالك:مسك التحفه يلي كانت موجوده في الحمام ويحرك فيها بهدوء....بطلي تستعملي معاي اسلوب الضعف هاذا عشان نشفق عليك
ساجده:مطلبتش منك شفقه وصدقني نهاية القرف هاذا رح تكون ورقة طلاقي وطز فيك انت والحمل وطز في عيلتك وعيلتي وكل الخلافات يلي صايره بينكم
مالك:ضحك ع جنب...حلوه الثقه بس استعمليها في حجات ثانيه تكون احسن
ساجده:خدت نفس عميق وهيا واقفه ع الحوض...انت شارب!؟
مالك:يبتسم بهزوه....امم اكيد طبعا
ساجده:سكتت تفكر في كل الكلام يلي قالتهولا وفي النهايه مأثر فيه شي ومفكر في شي غير مصلحته
طلعت منها كلمه بدون ما تحس ....انت كيف قادر تكون بلا قلب هكي!؟
مالك:لوح التحفه يلي كانت في يده على المرش يلي محاوط الدوش وطاح كلللللله متفترش
ساجده:حطت يدها ع فمها وشهقت من المرش يلي كان صوته عااااااالي وهوا يتفترش
مالك:مدخلكش ....وديري حسابك الليله🔥
رجع لي السرير ولوح جسمه بدون ميزيد ولا كلمه
اما ساجده..طلعت من الحمام وسكراته كويس
بدلت قفطانها ببدله خفيفه ومسحت مكياجها ونزلت
_____________________________
خيريه:مقعمزه في اخر الخيمه والذهب في يديها يلمع من بعيد ...مبتسمه والفرح واااااضح عليها
لين جت جميله واضح على ملامحها الخوف طبست عليها ....عمتي نفس البنت رجعت
خيريه:نقرت حواجبها وناضت
بنت في نص العشرينات واقفه على الباب واضح على حوايجها ان حالتها تحت المتوسطه ...تشوف للقصر ولي زينة العرس بذهول كأنه اقصى احلامها تخش تتفرج عليه من داخل
قاطع احلامها الورديه وتأملها صوت خيريه
خيريه:جايه من بعيد وناويه الشر....خيرررر؟؟؟
شني كل مره جايتني وحده جديده؟؟؟
نوره:ارتبكت مع بعضها ورعش صوتها...اهلين خاله
خيريه:مش خالة حد انا خلخل عضامك شن تبي جايه ومني انتي
نوره:خدت نفس بتوتر....انا اءء ان انا بعتتني اختي الكبيره عشان نقولك ان عمتي محتاجه علاش لانها مريضه
قالتلي احكي هكي لي كبيرة الحوش وهيا تساعدنا
خيريه:تشوفي فيا فاتحتلك جمعيه خيريه انااا؟؟؟
لعند وين بس واصل بيكم الطمععع
نوره:مش فاهمه شي...اي طمع هيا قتلي انك تساعدي في الناس ...الله يخليك خاله والله عمتي قاعده تموت ومش قادره نديرلها شي معندي حد انا واختي المتزوجه انا بس قاعده معاها لو صار فيها شي انا ننتهي وربي💔
خيريه:ضحكت....هه حلو حلو السيناريو يلي جايبينه جديد هاذا
اسمعي يافرخه ميهمنيش عمتك ولا اختك ولا حتى انتي تموتي ولا تنحرقي بلغيهم اني رجعت للقصر
ولو شفتك انتي ولا هما هنايا صدقيني مش حيصير طيب والبلاد هاذي كلهااااا معاد تحلمو تخشوها
يالله انقلعي .....وقربعت في وجها الباب
نوره:لفت وشاحها وطلعت وعلى وجها ملامح الحزن من الذل يلي تعرضتله💔...
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مبشر:قرب على باب الدار....وخيتي
هبه:انطفضت من مكانها بفزع وخوف
مبشر:خلاص تقدري تاخدي راحتك في الحوش طلعته ونضفت الدم يلي صار
ياريت مره تانيه معش تفتحي لي حد الاستاد عبدو عنده مفتاح
وانا متفتحيليش لين تسمعي صوتي وتتأكدي مني
هبه:ش شش شكرا
مبشر:العفو ولا يهمك ...لو اذاك او حاسه بشي نجيبلك دكتور!
هبه:لالالالللاا انا بخير مشكور
مبشر:تمام....ناقصك شي؟تبي حاجه ؟؟
هبه:لا صحيتي اسفه تعبتك
مبشر:ولا يهمك ليلتك سعيده ....وطلع
هبه:سمعت باب الشقه تسكر وطلعت من الغرفه بخطوات حدره وخايفه بس ارتاحت لما فعلا كان كل شي مرتب ومفيش حد .
قعمزت بدت تبكي فجآه انهارت💔
ليش ولد عمها فهم ان هيا رخيصه ؟؟اكيد عبدو حاكي شي !
شن قصده ولد عمه لما حكي بي ثقه ان مستحيل يتزوج وحده هكي💔
بكت الف مره على حضها وعلى الضرف يلي خلاها هكي 💔
____________________________
نهال:مقعمزه لابسه البودري وتمروح ....ههههههه خزي بارده
كوثر:شوفي شوفي شوفي....خيرها مرت خوك نازله هكي ؟
ماسحه مكياجها الناس قاعدين مروحوش
نهال:تقريبا متحبش المكياج الثقيل!
ريهام:بس جميله حتى بلا مكياج
كوثر:اتفققق
نهال:تشوف لي ساجده من بعيد ومبتسمه
ريهام:كيف امورها مع خوك؟
نهال:تحسن من مرته الاولى ....هاذا يلي نقدر نقوله
كوثر:معناها ساجده توا تكون حماتك صح!؟
نهال؛اي بزبط
كوثر:شوفي نجمه لاصقه فيها من بكري
نهال:الحق ياربي كويسه هلبا معاها وتعامل فيها حلو هاذا باش تعلقت بيها
ريهام:طبعا حبيبتي بتعاملها كويس باش مالك يحبها 😍وتفوز بي قلبه
حاسدتها
كوثر:حشاااااني نحسدها على واحد متخلف
ريهام:عيووووونه 💔🔥
كوثر:اي تو ينفعك الجمال مع واحد طبعه هكي
نهال؛مصح وجهك الزوز تتكلمو ع خوي قدامي 😂
كوثر&ريهام:😂😂😂😂
خيريه:وين سارحه؟؟
ساجده:ابتسمت ونجمه في حجرها....نفكر بكرا الحفله وين نمشي؟
نقعد لي حفلة نهال ولا لي حفلة ياقوت بنت عمي
خيريه:اقعدي لي حفلة نهال وبري معاها وصليها وجيبي معاهم بنت عمك
ساجده:ان شاء الله❤️
خيريه:خيره خدك احمر؟
ساجده:حطت يدها ع خدها واذكرت الكف يلي من مالك ....تحسست من المكياج مسحته
خيريه:بنضرات شك...ردي بالك
ساجده:ان شاء الله
خيريه:بعدت عيونها من على ساجده وساجده سرحت بي افكارها
مستحيل نركب نبات في الغرفه معاد نخليه يمسني والحمل يلي يبيه مش رح يصير ...كررررهته
نجمه:سوجي بنخش الحمام
ساجده؛تنهدت.... نوضي هي
نجمه:نزلت من حجرها وطلعت هيا وياها
خيريه:تصفق وتغني مع المعازيم لكن عيونها على ساجده وهيا تتباعد مع نجمه
_______________________________
محمد:يحكي ع التالفون...ها وانت شنو وضعكم غادي؟
انس:اهو عزومه كبيره زحمه الدنيا وبس
محمد:نجهزو لي سكره غضوا يابرو بي الفرقه مره وحده
انس:بنججججي ره
محمد:وين بتجي يابهيم غضوا بتروح بي عروستك
انس:اي رسمي 🤦🏻
اخخخ غضوا بنروح بي اختك لي الشقه
محمد:شقه؟الزح علاش نحس فيها زي السبه!!
انس:😂😂😂😂
حافظ:انس يا انسس
انس:هي طير بوي ينادي عليا
محمد:سلام يا متع عش الزوجيه
انس:سلام😂...سكر الخط وتلفت شاف عبدو وراه
عبدو:مبروك مبروك
انس:قبل دقايق كنت تاكل في البازين جنبي هاذا وين ريتني عشان تبارك ولا كيف؟!
عبدو:لاااااا ...اكيد فيها طعمه خاصه ونحنا بروحنا
انس:همم معناها عندك شوي تلقيح ..تفضل ابدا
عبدو:ضحك.....منعرفش الطريقه يلي اقنعتهم فيها عشان يعطوك اختهم بس اكيد خوهم التافه ليه يد
المهم قريب ان شاء الله اناسبهم حتى انا وناخد اختهم الصغيره ونشوفو منو القوي بعدين
انس:انفلت بضحك......هههههههه من قالك عندها اخت؟
عبدو:قرن حواجبه
انس:اوكي واضح في حد موصلك المعلومه غلط
هاذا ياسيدي احفاد فرعون عندهم اخت وحده بس وخطفتها انا
عبدو:ملامح وجها خشت بعضها
انس:لكن لا تحزن ان الله معك عندهم بنيه تخدم عندهم اسمها سكينه تمشي معاك بدبط الزوز تحبو تفتنو
عبدو:حافض على هدوئه حلوه المعلومات الدقيقه هيا من وين ليك؟
انس:اذكر لي نجمه وابتسم....مصادر خاصه
عبدو:شوف....منحبش نضيع فرحة حدلكن صدقني كمية السعاده هاذي مش ح الدوم
انس:قام حاجبه......مفهمتش؟!
عبدو:يشوف لي النجوم...خليني نقربلك شوي
مش كان خدينا من اهل فرعون واعطيناهم يعني نحنا اهل وحبايب القصه كلها من يلي يلعب ع التاني احسن
انس:اممم حلو ربي يعاونك ...وعطاه بضهر ومشي بكل برود
عبدو:واول وحده بتولي ارمله مرتك يا انس
ومنبداش راجل لو مدرتهاش 🔥🔥
____________________________
نوره:هاذا يلي حكاته بلحرف
ندى:صار قالت هكي!....ماشي ياخيريه دبارك عندي
نوره:بدو دموعها ينزلو
ندى:وانتي خيرك؟
نوره:والله؟ وتسألي!!..باعتيني لي ناس عارفتيهم رح يسمعوني كلام زي هاذا ويمسحو بيا الارض ومع هاذا بعتيني ليهم
ندى:وشن صارلك هي؟ولا حاجه ولا خلاص اسكتي
نوره:وقفت....خلاااااص انا تعبت وقرفت من حياة الذل هاذي كل مره باعتيني لي حد عشان فلوس ووسخ زايد انا خلااااااص مستحيل مزال نمشي لي واحد
ندى:مزال حوش المختار بري قوليلهم نفس الكلام واستعملي معاهم اسلوب التهديد
نوره:مش حنمشي الحد خلاااااص ....وخشت لي غرفتها وقربعت الباب .
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:تحكي داخلها....رح نركب
نجيب بجامه ليا ولي نجمه وننزل بي حجة اني بنساعدعم ونركب نبات فوق بعدين خلاص بنقعد لوطه لعند الصبح...اي تمام هكي بيصير
كوثر؛وين راكبه؟
ساجده:بصوت متوتر....اءء ا اي اي بنغير ملابسي وجايه
كوثر:به تمام نراجو فيك تسهري معانا
ساجده:ابتسمت اي اكيد ❤️...وركبت
كل ما تقرب من باب غرفتها تزيد دقات قلبها وحرارة جسمها من الارتباك ....حطت يدها ع مقبض الباب
خدت نفس عميق وفتحت وهنايا كانت الصدمه!!
ساجده:انتي شنو اديري هنايا؟؟؟
رجاء:نزلت من السرير بعد ما كانت مقعمزه جنب مالك يلي فاقد الوعي ....والله راجلك طلب مني مساج
ساجده:اطلعي
رجاء:انلا أسأليه هوا قبل
ساجده:يكل هدوء قاعده نقولك اطلللللعي والدار هيا رجلك معش تعتبها
رجاء:بي استفزاز....به اوكي خيرك تكشخي انتي!
قعدت اتمتم بشويه....افففف ديمه تقاطع في جد ام اللحضات
ساجده:قربعت الباب بقوه وقربت على مالك تخبط فيه على وجها....مااااااالك ماااااالك
مالك:فاقد للوعي ولا فتح عيونه
ساجده:فهمت ان رجاء تكذذب وان مالك رقد من لما تعارك معاها قبل ما تنزل مستحيل بحالته هاذي يقدر يتكلم اصلا!....قعمزت جنبه وبدت تحكي
ساجده:ايامي الاولى معاك نسحاب روحي حبيتك!
هه نسيت ان الحب يبي هلبا وقت وهلبا مواقف
شافتله.....بس توا ياولد فرعون لو كان القتل حلال راهو قداش ليا قاتلاتك....قربت على وذنه
نكرهك لدرجة متتصورهاش
________________________
زي كل عرس ❤️مفيش حاجه اسمها نوم ..هدرزه وضحك لعند الصبح
نفس الجو مع الشباب ....خيمه كبيره والاغاني لعند الصبح
عند حوش مختار كان انس عايش الدور وفرحان
وكانت في اكتر من عين تراقب فيه بحسد ومصره ادمر زواجه حتى بعد الف سنه
اما احمد متغير فيه شي
زي العاده ساكت وسارح مره مره يتكلم وبس
سألو هلبا ع مالك وين مش باين وخوته يغطو عليه زي العاده ...
من بين اجواء الفرح هاذي كلها في العيلتين كان في شخص مش قادر يرقد من الخوف💔
هبه يلي بدت تنخلع حتى من صوت التالفون
حاولت الف مره تتصل بي عبدو بس مردش عليها مشهد محاولة اعتداء حيدر عليها وكلامه قاعد يتكرر في راسها بي استمرار
________________________________
ثاني يوم⛅️⛅️
ياقوت عيونها مفتوحات ليهم يومين من الفرحه مش قادره ترقددد😂😂😂😂 ماضت اول وحده في الحوش كله صلة الفجر وطلعت واتيه تبي تمشي للمزين لين اختها شلفطتها وقتلها خشي بلا عار 😂😂😂
اما نهال كانت متوتره موووت وخايفه خصوصا ان انس محكاش معاها ابداا ...صح عاجبها ومرتاحتله بس مش فاهمه طبعه
وسام:هاذا وين نايض شكلك؟
مالك:ولع في الدخان وعيونه حمر وممفوخات....اي هاذي النوضه
وسام:معبيها امس؟
مالك:طامصها ياشيخ
وسام:ضحك...شنو امالا مرتك فري
مالك:بنضره تخوف....من امتى ندوو بي نساوينا؟
وسام:اختفت الضحكه من على وجها.....اسفه بصاره
مالك:شن الوضع ؟
وسام:ماشيه الامور
مالك:نفخ الدخان....مفيش حد ع الساحه؟؟
وسام:هوا مزال في حد يسترجي بعد يلي درته في ولاد رمزي !
مالك:ضحك ونفخ من الدخان....حلوه راكبه ع بعض
وسام:شنو مخطط جديد
مالك:شاف احمد جاي من بعيد ابتسم....فوت امور الشغل مدامه عرس خوي توا
وسام:اكيد اكيد يراحتك
احمد :صباح الخير
وسام:الصباح الورد
مالك:هلا بلعريس
احمد:بي ابتسامه بارده ....عريس اي
مالك:محمد رفع السيارات لي التزيين؟؟
احمد:شفته مبكري طالع بيهم هما والشباب.
مالك:به حلو حلو يالله جهز روحك
____________________________
الساعه7المغرب:-
ملاك:مبروك💔
انس:حاول يجتازها بدون ما يرد عليها بس وقفت قدامه
انس:يبارك فيك...ممكن تباعدي لاني بناخد حوايجي!؟
ملاك:قيم عيونك فيا انس
انس:قام راسه
ملاك:اتزوجتها عشان تقهرني صح!؟
انس:شنو جو مسلسلات الفين وعشره هما!
بنضيع شبابي مع وحده منحبهاش ونتزوجها وكل يوم نجيبلها خبزه الصبح ومصاريف وعفن زايد باش نقهرك؟؟فيقي ماما فيقي من الوهم متعك
لا ومدايره بنفسجي فوق عيونها ع اساس بتغريني وهيا تقول محصله بونيه ...يعدي من قدام خليقتي
ملاك:رجعت خطوتين وهيا ساكته ....لازم تتحمل!
لما كان يموت فيها وقرر يتحدى العيله كلها عشانها هي وقفت مع صف خوتها وخدلاته💔💔
______________________________
مالك:يلبس في بدلة الرسميه.....وين امس !؟
ساجده:كملت المكياج وواقفه تختار في قفطان .....ركبت
انت يلي كنت مش واعي وبعدين كانت رجاء جنبك شن تبي فيا !
مالك:بملامح استغراب.... رجاء. ؟؟؟
ساجده:مردتش عليه وكملت تقلب في الحوايج
اما مالك بدي يحط في لمساته الاخيره ويبخ في عطره💕
ساجده:طلعت فستانها الازرق وطرحاته ع السرير
مالك:وهوا يشوف المرايه....الاحمر
ساجده:شافتله ...نعم؟
مالك:ردي هاذا والبسي الاحمر
ساجده:منرتاحش فيه خلاص اخترت هاذي
مالك:تلفتلها.....منعطيش فيك في رئي حاليا نأمر فيك!
ساجده:تشوفله بي انزعاج
مالك:شنو مطوله؟؟؟
ساجده:فتحت الدولاب بي غل خدت القفطان الاحمر وقربعاته.....باش تجيب حد يصلح يلي كسرته في الحمام
مالك:الواضح بنجيب ه حتى يصلح الدولاب
ساجده:قلبت عيونها ومشت
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
بدت الحفله عند العيلتين :-
ياقوت للاسف ولا عليها التعب وبدت تنعس وهيا مقعمزه على الكوشه 😂
بس مع هاذا تقاوم
فايزه قريب تهبل من الفرحه اخيرااااا صار يلي تخططله
كانت حفلة ياقوت في الهواء في الحديقه متع حوشهم في الهواء الطلق ❤️
عكس نهال يلي اصرت ادير حفلتها في قاعة افرح
زحمه في الحفلتين غير طبيعيه
ناس فرحانه وناس زعلانه وتراقب بي حسد💔وناس مستغله الزحمه عشان ادير حجات غلط و و و و و
ساجده:كل شي على راسها !
فهمت كويس ان جميله كانت معتمده في كل شي على نهال وتوا تحاول تخلي المسؤليه ع ساجده
وساجده من لما حست هكي قررت تساعدها زي متبي عشان متحسش بي طلعة نهال
لان جميله من بداية العرس تبكي بس تحاول تخفي دموعها ع الكل ....بينما كانت ساجده واقفه تتأكد من العشي قربت رجاء ع شنطة ساجده
واول ما تأكدت ان فعلا شنطتها حطت فيها تالفون صغير....حكت بصوت واطي ...في حد الليله بياكل طريحه😂🤭ناضت رجاء وبعد دقايق في يد نمدت وخدت التالفون من شنطة ساجده 🔥
__________________________
ياقوت:حاسه روحي خلاص بنرقد مش قادره
يسرى:شنو بترقدي ياحماره راك ع الكوشه مقعمزه والناس تتفرج عليك
ياقوت:عيوني وووه بيتسكرو
يسرى:قريب يجو عربك يروحو بيك يا حلوه
ياقوت:انفتحو عيونها...احمدددد🤤
ساجده:خيرك ترعشي!!
نهال:منعرفش خايفه مش قادره نسيطر ع روحي
ساجده؛ضحكت😂😂😂راك متزوجه انس خوي
من شنو بتخافي لا يفنص لا يضرب
نهال:ضحكت.....مبردك ع اساس محسيتيش هكي يوم عرسك
ساجده:سرحت ورجع بيها الزمان لي يوم حفلتها والرساله يلي وصلتها في يوم الحفله💔
___________________________
انس:هاااا كيف ؟؟
محمد:ترا لود
انس:قعد يدور في مكانه
محمد:مشاء الده يدالي رسميه وجو ...تقول جاي تقدم نشره😂
انس:ريحني من برادتك متوتر لنم
محمد:وي وي ع الشي والضي متوتر صار
انس:هلبااااا
محمد:شاف لي عبدو نازل من السياره هًوا وولاد عمه....ايااااه هاذم شنو جابهم
انس:مرت احمد خوك تكون اخت عبدو كيف شنو جابه مصحك
محمد؛ان شاء الله متصيرش عركه بس
روحو العرايس الزوز وسط الالعاب الناريه ومهرجان السلاح يلي داروه العيلتين🔥🔥🔥
صح العرس كان يومين بس لكن من ضخامته وفخامته حكت بيه البلاد كلها !
________________________________
نزلت ساجده من سيارة مالك ماسكه نجمه ووراها كوثر ورعام ورجاء
قعد مالك واقف جنب السياره يدور في رقم صاحبه
رجاء:بست
مالك:مدورهاش
رجاء:قربت عليه ....عارف معندكش خلوق بس شفت شي ولازم تعرفه
مالك:عيونه في التالفون......يلي هوا!!؟
رجاء:ساجده
مالك:قام عيونا....خيرها!؟
رجاء:طول الحفله ماسكه طاوله وتحكى بي الهاتف وبس
مالك:ابتسم ع جنب ....خطها مراقب
محاوله فاشله
رجاء:هه واقد ع ودانك برا شوف التالفون الصغير يلي كبر الصبع في شنطتها
مالك:اختفت ابتسامته سيبها وركب بسرعه
رجاء:وبدينا🔥🔥
____________________________
سكينه:فتحت الدرج وحطت التالفون .
بدت تسرح في شعرها ع المرايا وتبتسم....العبي غيرها يارجاء 🔥🤭
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
احمد:خش لي غرفة النوم وكانت ملامح وجها بارده جامده زي العاده ...
كانت ياقوت مقعمزه تراجي فيه ❤️
ياقوت:وقفت اول ما شفاته وكانت طالعه تقتنتتل بي الڤيلو وملامحها بي المكياج تجنن لدرجة احمد انبهر بيها❤️
ياقوت:بعيون نعسانه....اخيرا جيت
علاش مخشيتش الصاله وطلعتني انت
احمد:نحى ساعته .....مش ليا الحركات هيا
ياقوت:تفتح في عيونها بسيف
احمد:قعمزي بنحكي معاك كلمتين
ياقوت:قعمزت ع السرير وهيا حاسه كل شي مشوش وصوته بعييييد مش قادره تركز ولا تتكلم كويس من قلة النوم
احمد:اسمعي يابنت الناس
انا فاهم انك تربيتي في حوش المختار وكنتي واخده راحتك
واضح من صاحبتك يلي تطلعي معاها في اي وقت
ياقوت:تقاوم في النوم..هممم
احمد:فرق كبير بين انك تكوني حفيدة مختار وبين انك تكوني مرت ولد فرعون
علبا حجات لازم تتغير فيك
اسلوبك كلامك كل شي والهبال متعك الغيييييييه
حتى كلامك لازم تحسبي للكلمه يلي بطلعيها من فمك الف مره ريحيني من خفة العقل يلي عندك لان مستحيل تتحمليني لما نعصب
ياقوت:طبطبت ع خده بهدوء.....شاطر حبيبي
انا ليا قريب3ايام مرقدش حاليا نشوف فيك مشوش اكتر من مستقبل ليبيا
انا نبي ....نبي
احمد:يشوفلها ساكت وهيا تخرط
ياقوت:قعمزت ع الارض وحطت راسها ع السرير ورقدت بكل هدوء❤️
احمد:شبك يديه في بعض....واضحه من اول يوم
مستحيله البنت هيا🤦🏻
________________________
نهال:قلبها يدق.....مم مبروك
انس:يبارك فيك العقبه ليك
نهال:ضحكت من قلبها
انس:مكدبتش نجمه❤️🔥
نهال:ع شنو؟
انس:قعد يدكر
نجمه:نهوله محلاااااها لما ادير مكياج وهكي تلبس قفطان عريان تبدا زي الملكه.....ها لا شي
نهال:بلعت ريقها معش عرفت شنو تقول او شني ادير !
انس:اممممم صحابي جايبين وجبه ملزلزه هكي ع اساس عشي وحركات نمشي انزلهم من السياره وانتي خودي راحتك
نهال:هزت راسها بمعنى تمام
انس:طلع من الدار وهوا يفك في القرواطه ووجها الوان الوان😂😂😂
___________________________
مالك:يتقدم بي خطوات بطيئه لعند غرفته ويفكر لو طلع كلام وجاء صح !!!؟
مستحيل يمسك اعصابه 💔💔💔💔💔
فتح الباب وخش ...اول ما تلفت شافها
ساجده:سكرت اللاب توب ووجها اصفر....مالك
انت انت انت قتلتها؟؟؟!....يتبع

تعليقات



حجم الخط
+
16
-
تباعد السطور
+
2
-
close