-->

رواية احفاد فرعون الحلقة 15 الخامسة عشر بقلم اروي طاهر المسلاتي (بنوتة الشيخ)

رواية احفاد فرعون الحلقة 15 الخامسة عشر بقلم اروي طاهر المسلاتي (بنوتة الشيخ)
    رواية احفاد فرعون الحلقة 15 الخامسة عشر بقلم اروي طاهر المسلاتي (بنوتة الشيخ)

    رواية احفاد فرعون كاملة pdf - بنوتة الشيخ


    #احفاد_فرعون 15

    نصدمت لما شافت الاثآر على يديه 
    ساجده:مالك!!....شن هاذا ؟؟؟
    مالك:سكر عيونه....شي متهتميش
    ساجده:مسكت يديه وقامت التوب يلي كان لابسه ....من شنووو ليش يديك هكي 
    مالك:خلاص عاد قتلك فوتي 
    ساجده:نوض من عليا .....وبعداته 
    مالك:يشوفلها بي استغراب
    ساجده:دورت في الدولاب لين طلعت شاش ابيض ومرهم 
    مالك:قلب عيونه بملل....فوتيه الجو هوا مش ليا بتريس 
    ساجده:الجو هاذا في مربوعتكم لوطه مش عندي هنايا هات يديك 
    مالك:مد يده وبدت ساجده اداوي فيهم 
    ساجده:مطبسه....من شنو هاذا؟
    مالك:يشوف لي التلفزيون....نفش غلي في حجات زي هكي احسن ما نطيح رقبه ونقعد طول عمري عالق 
    ساجده:تلف في الشاش الابيض على يده ....بس حتى هاذا مش حل ...تفترش يديك هكي 
    مالك:ميل راسه ع جنب....خايفه عليهم يديا يعني؟
    ساجده:قامت عيونه لقاته مبتسملها ....نخاف عليهم اي ليش لا؟
    مالك:يشوف لي يده الاثنين كيف مربوطات ....فنانه الله يبارك 
    ساجده:حطت المرهم ع جنب ....كيف عاد 😅💪🏻
    مالك:قعد يشوف لي يديه ثواني بعدين فتح السريته متع التوب ومكان لابس شي تحته
    ساجده:عقلها مشي بعيد وزادت دقات قلبها 
    مالك:عطاها بضهر وكان واضح على ساجده علامات الصدمه.....داويلي حتى هاذا بالله
    ساجده:نزلت من السرير ومصدومه تشوف لي مالك وضهره يلي كان زي الخريطه عليه كدمات بي اعداد كبيره ....مم من شنو هاااذا ؟؟
    مالك:نفس الجواب الاول...عندك خلوق اداريه ولا نرقد؟
    ساجده:قاعده ملامحها مفزوعه خشت بسرعه للحمام جابت اميه مصقعه وفوطه بيضه بدت تنضفله في الجروح بدون ولا كلمه وسط تأوهوات مالك الخفيفه 

    _______________________________

    رجاء:رجعت مره تانيه فتحت اللاب توب وركبت في الفلاش عشان تنسخ الفيديو يلي فيه !
    وطول سكوتها الوقت هاذا مستحيل يمشي ع الفاضي 🔥...
    ركبت الفلاش ونزلت من السرير مفزوعه بخوووف لما خشت نجمه فجآه لي الدار وفتحت الباب بقوه 
    رجاء:حطت يدها ع قلبها....وووه شن جابك
    نجمه:حاطه يدها في نصها...قتلك حنا مخريه تعالي ساعدي نهوله
    رجاء:خيرية الشياطين هياااا قلها تو تكمل نهال بروحها 
    نجمه:هيا قالت ناديلي الكلبه يلي فوق ...انت كلبه ره قالت هكي مخريه
    رجاء:انا طلعتلها كلبه 😡😡...قربعت اللاب توب ونزلت

    ___________________________

    ياقوت:وشن الاستفاده هي ؟؟
    مشيت بهدلت روحي وجيت قلبي طايح في سروالي خايفه عبدو يشوفني 
    فايزه:الحجات هيا انا نعرفها اكتر منك انتي اسمعي الكلام بس 
    ياقوت:نحت عبايتها ورقدت ع الصالون...يسرى وين 
    فايزه:في الدار تبكي
    ياقوت:خيرها😨
    فايزه:قعمزت وهيا تتنهد....ااااه جي بوك مبكري ومعاه ورقة الطلاق 
    خلاص طلقها رسمي في المحكمه ولد الحرام الله لاتربحه
    يسرى:طالعه من الغرفه وعيونها منفخات 
    ياقوت:ياعمررري طلعت تحس وتبكي 😂😂
    يسرى:ضحكت....اقلبي وجهك ترااا....وقعمزت
    ياقوت:اهدي ياغزاله تو يجيك نصيبك تحسن منه وعنده شعر مش زي الاول صلعه 
    يسرى:بارده
    ياقوت:وين ولدك؟
    فايزه:طالع زي العاده 
    ياقوت:انا بنخش نرقد راسي خلاااص بيتفجر 
    فايزه:انشري الحوايج وبعدين ارقدي 
    ياقوت:واااااااك 

    ____________________________

    رهف:بعدت البطانيه ورقدت ع السرير ويدها على بطنها 
    عمار:قارن حواجبه .....شن صار بينكم؟
    رهف:تساوي في روحها بتعب....على شنو تحكي؟
    عمار:بلاش استعباط تعرفي كويس على شنو نحكي انا 
    قصة الانقاذ هيا مش خاشه دماغي شنو صار بينكم لما تلاقيتو ؟؟
    رهف:بعلامات صدمه واضحه ...عمار انت شاك فيا؟
    عمار:سكت شويه....مش هكي لكن نبي نفهم شن صار من حقي انا في النهايه 
    رهف:خذت نفس....اطمن مصار شي
    كان الكلام بينا رسمي ومفيش شي غير الرسمي 
    خلاص هوا تزوج وعنده بنت وانا بطني قدامي مستحيل يفكر في شي غلط 
    عمار:سكت شويه.....اسف خشت بعضها و 
    خلاص انسي الموضوع....سكر الضي وعطاها بضهر ورقد 
    اما رهف قعدت مقعمزه ع السرير يدها على بطنها وتفكر !
    شوفت مالك اليوم حركت فيها هلبا حجات 
    ذكرتها بهلبا مواقف بينهم❤️
    للحضه حست بي الندم ان مكملتش معاه بس بعدين استغفرت ربي ...هيا في النهايه متزوجه 
    حطت راسها ع المخده وصورت مالك وصوته مش مفارقه خيالها ابدااا 

    ___________________________

    ساجده:سكرت الدرج....تمام هكي 
    يوجع فيك شي ؟
    مالك:تنفس بعمق ....لالا تمام صحيتي 
    ساجده:سلمك....وناضت للحمام غسلت يديها بعدين سكرت الضي ورجعت لي السرير 
    رقد مالك في حضنها زي العاده ❤️
    اما ساجده سرحت شويه تفكر وهيا حاطه يدها على شعره ❤️....شن بيكون صار لما تلاقو؟؟
    لو كان صار شي غلط بينهم راهو ابتعد عليا ونسجم معاها !
    حماره حتى انا فاتحتله الطريق مفهمتش كيف تغيرت بديت زي الخرا هاديه ونعامل فيهم كلهم كويس كأن شخصيتي الاولى اختفت🤦🏻‍♀️
    شكله هاذا التغير يلي يحكو عليه بعد الزواج 
    مالك:مسك يدها وهوا راقد وباسها ...بصوت واطي وناعس ....صحيتي تعبتك معاي اليوم 
    ساجده:ابتسمت وقلبها بيطلع....تعبك راحه❤️
    ابتسم مالك وهوا مسكر عيونه لما سمع دقات قلبها زادت 🤭
    ساجده:تحكي داخلها ....منقدرش نشد روحي معاه للاسف 🤦🏻‍♀️

       🔥رِوَايـــــــــات بـــَـنـُـــووتِـــة الشـِــيـــْـخ🔥
        🔥أروى الــــطـــاهــــر المــســلاتــــي🔥

    طق طق طق طق 
    هبه:اخيراااا جي ....قربت تجري فتحت الباب 
    وخافت درقت نفسها ....تفضل خوي 
    مبشر:فاق من صدمته بعد مشافها بدون حجاب وبي بجامة نوم❤️.....اءء انا ب باعتني الاستاذ عبدو 
    هبه:تكلم فيه من ورا الباب ....عبدووو؟؟؟خيره صاير شي !
    مبشر:لالا هوا تمام بخير قالك مش حيبات عندك الليله ووصاني لو تبي شي من المحل اكتبيه في ورقه نجيبهولك 
    هبه:اهااا تمام صحيت وخي مش ناقصني شي انا 
    مبشر:تمام اختي انا مكلف بيك كل يوم نجي ناخد طلباتك ونتسهل على حالي بحكم ان الاستاذ عبدو ميفضاش ديمه 
    هبه:تمام ربي يبارك فيك
    مبشر:سلمك....وطلع 
    هبه:سكرت الباب وهيا تفكر ليش عبدو متصلش بيها ع الاقل؟؟

    ____________________________

    عبدو:نحرقت ورقتك يابرو 
    انس:كان متكي مسكر عيونه وحاط الطقيه على وجها ....فتح عيونه وعدل تقعميزته 
    عبدو:وهوا يبتسم بخبث هز راسه...اي زي مسمعت نحرقت خلاص 
    انس:خذي نفس عميق....منشم في شي الحق 
    عبدو:هه بطل اسلوب التفاها يلي تستعمل فيه هوا 
    لان الخبر يلي بتسمعه بعد شويه يكفي يخليك تنحرق قدامي
    انس:يساوي في جمرات الارقيله....قولي خليني ننحرق شويه الدنيا صقع ونبي ندفى
    عبدو:عمك
    انس:حافظ؟خيره!!
    عبدو:لاياقنين ....عمك نصر 
    بكرا راجع هنايا وبيطلب السماح من جدك ويبي يرجع هوا وعيلته 
    انس:ولعت فيه نار من داخل بس مبين بااارد بكل من برا 
    عبدو:يبرم في الخاتم يلي لابسه....وانا حندير جهدي كله باش يسامحه من جديد 
    ع الاقل ولاده يشدو معاي الحمل شويه ونلقو حل نسيطرو بيه ع البلاد مش زيك تتفرج وبس 
    انس:اممم حلو حلو ربي يعقد خراكم ...اءء لا شن يقولو فيها هيا 
    اه اي اي عسلكم ربي يعقد عسلكم 
    عبدو:ضحك بيرود....اما انت شوف لي روحك حل كيف يتتواجه معاها لان بكرا بيوصلو
    انس:اموري ياحبيبي
    عبدو:خليك معانا يا انس ....اخر مره نطلب منك تكون معانا صغار عمك مروحين واحد منهم كيف طالع من الحبس بي دماغهم الحربي هاذا وربي لما نصفوهم ونقعدو حني لكل في الكل 
    انس:حط طوبو الارقيله ع جنب....شفت هاذا المكان؟واشر ع النافوره 
    عبدو:اي؟
    انس:يوم يعلقو عليك احفاد فرعون انت وصغار عمك يلي جاييين غضوا ويشلبخوكم كفوف تلقاني مقعمز غادي ونضحك نضحك نضحك نضحك مع شوية حبات من العنب 
    عبدو:ابتسم .....اجل ضحكك لما نسيطرو ع البلاد 
    انس:وقف وحط مستكه في فمه....انت غير سيطر على اختك وخلي البلاد لي تريسها 
    عبدو:ولع وبدي يعلي في صوته.....انس النم شد لساااااانك مليح خير ما نغلط معاك 
    انس :قام يديه وهوا يوخر.....اسف اسف كنا نلعبو ....وعطاه بضهر 
    نضمو اموركم غضوا ياحبيبي ....ومشي 
    عبدو:خلي يفضالي الجو وتو ندمك يافرخ الكلب 

    ____________________________

    رجاء:رجعت غرفتها قامت شعرها فوق وقعمز لي اللاب توب من جديد 
    فتحن اللاب توب ولقت الفلاش فاضي !!
    تغيرت ملامح وجها وبدت ادور مفي شي 
    نحت الفلاش ورجعاته بردو مفي شي 
    خبطت اللاب توب وسكراته وفتحت ملقتش شي قريب هبلللللت 
    نجمه: رجاء خيرك....التوب تضربي فيه ياخدش في كلام؟
    رجاء:حاطه يدها على راسها....مستحيل لاااا ياربي 
    نجمه:في منو تكلمي ؟
    رجاء:كيفففف يصير هكي الزفتتتت 
    نجمه:قربت منها وتشوف لي الحوض .....انتي تكلمي في السمكات؟
    وجاء:بتكشيخ....ضمممممي فمك من علياااااا 
    نجمه:نخلعت ....به😰
    وطلعت تجري وتتكعبر😂
    اما رجاء حاطه في بالها ان كل شي في الفلاش امتسح 
    منتبهتش ان الفلاش مغيرينه 🔥

    طق طق طق 
    نهال:ضحكت لما سمعت الطقات الصغيره وعرفت انها نجمه....ادخل 
    نجمه:وقفت على روس صوابعها وفتحت الباب ....نهوله عتدي نرقد هنايا ؟
    نهال:خيرك مش راقده مع رجاء ولا بابا؟
    نجمه:سكرت الباب وخشت....بابا راقد زي البيبي مع سوجي 
    ورجاء تكشخ على الاسماك 
    نهال:هههههه علاش تكشخ عليهم 
    نجمه:ركبت على السرير....ماهو دارو الككا في الميه 
    اصلا حتى هيا ادير في ككا تسحاب روحها كويسه
    نهال:ههههههههه وااااك مطول لسانك اسكتي ورقدي هي 
    نجمه:خشت تحت البطانيه وهيا تضحك 

       🔥رِوَايـــــــــات بـــَـنـُـــووتِـــة الشـِــيـــْـخ🔥
        🔥أروى الــــطـــاهــــر المــســلاتــــي🔥

    ثاني يوم:-⛅️⛅️

    رهف:تفضلو 
    فوزي:صحيتي يابنتي علاش متعبا روحك
    رهف:ولو عمي ادلل
    عمار:خشي داخل بنهدرز شويه مع جدي وخوي شويه
    رهف:حطت السفره وطلعت ...كانت رح ترجع للمطبخ لكن الفضول كان اقوى منها ووقفت قدام الباب تسمع 
    فوزي:توقعت يكونو احفاد فرعون ضدنا لانهم معندهمش صاحب معروفين 
    لكن يلي نصدمت فيه احفاد مختار 
    اشرف:كيف؟
    فوزي:توقعت احفاد المختار بكلمتين يوقفو معانا 
    لكن تفاجآت انهم ميبوش حد وضاربين ع القوي 
    عماري:خدي رشفه من القهوا ....كيف ضاربين ع القوي مفهمتش 
    فوزي:نصر ولد مختار يلي عصي بوه قبل سنين وسافر سمعت ان اليوم مروح وعنده زوز ولاد زي الجحوش 
    واحد منهم كيف طالع من الحبس....بيستسمح من بوهم وبيوقفو صف واحد مع عبدو وانس ضد احفاد فرعون والخاسر يروح🔥
    عمار:به حلو فهار يكسر بعضه نحنا شنو دخلنا؟؟
    رهف:حست الدوا ممله ورجعت للمطبخ 
    فوزي:لو صار وطلعو احفاد فرعون واحتلو رزقهم يبدا الدور علينا يافهيم 
    اشرف:يفكر.....رسمي كلام جدي 
    عمار:معقوله!!!
    فوزي:جايك الوقت وتشوف 
    عمار:والحل؟!
    فوزي:تنفس بعمق.....اول شي خلينا نبدو بي القوي قبل 
    اشرف:كيف !!
    فوزي:............

    _________________________

    ساجده:بخت ريحه لي نجمه وتساوياها في ملابسها طالعه تجنن❤️....مره تانيه معش تباتي برااا 
    ديمه تعالي هنايا بسسس
    نجمه:ماهو امس خشيت لقيتك راقده ومرقده بابا زي البيبي 
    ساجده:نجومه حبيبتي 
    نجمه:نعم
    ساجده:شن رايك تواعديني زي الكبار 
    نجمه:قرنت حواجبها....كيف 
    ساجده:متقوليش لي حد بابا يرقد زي البيبي به 
    نجمه:مدت صبعها الصغير ....وعدتك
    ساجده:شاااااطره ❤️❤️
    مالك:طلع من الحمام يسكر في البطم 
    نجمه:جاته نجري وقامها في حضنه ❤️

    نجمه:بابا خيرهم يديك😰
    مالك:يمسح على شعرها ويبتسم....يوجعو فيا❤️
    نجمه:ضرباتك مخريه بي العصا ولا
    مالك:هههههههه اي 
    نجمه:منحبهاش اصلا تو نضربها بعدين بابا باهي 
    حطت يدها على خده....متبكيش حبيبي به
    ساجده:شفتها قداش حنينه عليك❤️
    مالك:باس نجمه .....مش هيا بس حنينه عليا 
    ساجده:خدودها حمر هيا وقت ع الفطور 
    مالك:الحقي امالا .....ونزل ونجمه في حضنه 

    __________________________

    سلوى:خشت بسرعه هيا وفايزه وبناتها الزوز بأمر من عبدو .
    بدو يسمعو في صوت رجاله عااااالي عراك بعدين انتهى بصوت هدرزه واطي بكل 

    نادى عبدو على النساوين وهنايا بدات فهمت سلوى وفايزه ان مختار سامح ولده وبتنضم عيله جديده ليهم❤️
    طلعو كلهم سلمو على عمهم نصر يلي ليهم سنين مشافوشي وسلمو على ولاده يلي منضرهم يخوفو وواضح عليهم مش تمام 

    نبيله:تمسح في دموعها....الحمد الله يارب على ها الساعه 
    سلوى:نوريتنا والله❤️
    نبيله:النور نورك ....والله الغربه متوديها حتى لي عدوك انا وبنيتي الوحيده طول اليوم بروحنا وخوتها يخدمو برا 
    ياقوت:بصوت واطي لي يسرى....اي يخدمو في الحبس 
    يسرى:سكري فمك ياكلبه😂😂
    فايزه:انستينا يا ملاك 
    ملاك:بصوت متوتر....الله يأنسك مرت عمي ❤️

    __________________________

    عبدو:من هنايا لعند الحدود ارضنا ومسموح اديرو كل شي ياولاد عمي يلي يعجبكم 
    حسن:ولع دخانه .....والكلاب يلي حكيتلنا عليهم وين
    حيدر:خوي ميحبش يراجي يتعب مع المشاكل والخبط 
    عبدو:ضحك....واشر على مبنى كبيرررر قصر ...بعيد عليهم وكان موجوده فوق قمه بسيطه 
    غادي مكانهم 
    حسن:طلع جبده من الدخان .....غادي مفرخ فرعون ؟
    عبدو:بزبط 
    حسن:ساهل ساهل موضوعهم 
    عبدو:غير توا خشو تغدو وتريحو بعدين يحلها ربي 

    ____________________________

    نجمه:مقعمزه على رجل جدها....مشي بعدين قعدت رجاء تكشخ على السمكات وتخبط في يدها على راسها 

    جميله:شن القصه يلي تحكي فيها نجمه هاذي ؟
    نهال؛علمي علمك😂😂😂
    ساجده؛خيالها واسع بكل😂
    خيريه:من كثر الريسوم والتلفزيون ....للاسف مش قادره تربيها بكل 
    ساجده:مسكت اعصابها.....حاضر ياعمتي تو نغلطه التلفزيون
    خيريه:حطت يديها على بعضهم وشقلبت عيونها ....عمى العيون وبرام اللون 

    محمد:بنرقد لنم راسي خلاص 
    احمد:هاذا كله مرقدتش امس نفختهملي وراس امك صلح المكيف متع دارك واقلب وجهك 
    محمد:يشرب في العصير 
    نجمه:ضحكت لي ساجده....شفتي سوجي انا شاطره مقلتش لي جدي ان بابا يرقد زي البيبي معاك وانتي اطبطبي عليه
    محمد:اطلع العصير كللللله من فمه بسبب الضحك😂😂😂😂
    مالك:بلع ريقه وهوا قارن حواجبه ويفنص في نجمه بمعنى اسكتي 
    وساجده خلاااااااص تتمنى الارض تنشق وتبلعها 
    اما احمد ماسك نفسه ويحاول تكون ملامحه جديه بس مش قااادر تطلع منه ابتسامه مره مره 

    خيريه:قلة الادب معش اديروها قدام البنت طفله قاعده 
    ساجده:بلعت ريقها 
    ونهال ميته من الضحك 
    احمد:يبي يغير الموضوع.....اليوم في اجتماع بخصوص ارض المشتل ولا؟
    فرعون:اي ان شاء الله ولازم تحضرو 
    محمد:معنديش نيه انا زينه 
    فرعون:لا واحب هاذا علاش نمشي بدون احفادي وكلهم جايين بي تريسهم 
    مالك:رسمي اي بتمشي بدون دوا زايده 
    محمد:انت اسكت يابيبي
    احمد😂😂😂😂
    فرعون:طلعت منه ضحكه بي الغلط 
    مالك:هي ضم فمك عااااد 
    محمد:😂😂😂😂😂😂

    ____________________________

    انس:طالع من غرفته لابس ومتأنق ...قام عيونه وتلاقى معاها!!
    ملاك:اهلين انس 
    انس:قعد متجمد في مكانه يشوفلها .....
    ايااااااااااه معقوله بعد الوقت الطويل هاذا ترجع تتلاقى معاه!وتوقف قدامه!!
    ملاك:كيف حالك؟
    انس:يمضغ....تمام ماشيه 
    ملاك:متبيش تسألني ع حالي !!
    انس:يشوفلها من فوق لعند لوطه....واضح انك كويسه 
    ملاك:جيت انا وماما وخوتي الاولاد جدي سامح بابا وبنقعدو معاكم 
    انس:كويس حلو حلو الترابط الاسري 
    ملاك:اكيد تقول راجلها وين صح؟؟
    انس:يمضغ ويشوفلها 
    ملاك:فسخت ...ضحكت....حضي نحس بعيد عنك 
    انس:غريبه
    ملاك:شنو الغريب؟
    انس:سامع ان حض المزيتات قوي !....يالله متخافيش تو يجيك نصيب اقوا من هكي
    سلامات .....وطلع 
    اما كلاك عرفت ان خلاص 💔ابدا مفيش مكان في قلبه مره تانيه !

    طلع انس سلم على ولاد عمه حسن وحيدر وطلعو في سياره وحده مع عبدو للاجتماع !

    _________________________

    رهف:تساعد في راجلها على لبس الجاكيت.....والاجتماع هاذا لي شنو يعني 
    عمار:في ارض زمان مشتركين فيها وتوا بيقسموها 
    رهف:انتم وعيت مختار وفرعون بس؟؟
    عمار:لالا فيه زوز عائلات مشتركين معانا فيها 
    رهف:كم مساحتها الا ض؟
    عمار:5هكتار 
    رهف:اووف كبيره....فيها حوش؟
    عمار:فصل عليها....خلاااااص عاد ياسر نفختيهم بي اسألتك هيا 
    رهف:سكتت....به اسفه 
    عمار:خدي مفاتيحه وطلع 

       🔥رِوَايـــــــــات بـــَـنـُـــووتِـــة الشـِــيـــْـخ🔥
        🔥أروى الــــطـــاهــــر المــســلاتــــي🔥

    نبيله:ربي يعوضك خير بنتي معليشي متزعليش 
    يسرى:ان شاء الله يارب 
    ياقوت:بشويه ....واو كان مقتلكش متزعليش راهو قعدتي زعلانه ومعرفتيش شنو اديري 
    يسرى:يادرااااه ضمي فمك هاذا اسمه جبر خواطر 
    ياقوت:اي اي فهمت ....وكملت تتصفح تفتيش في صفحة احمد 

    نبيله:وشنو بنتك مرتاحه غادي ولا يضايقو فيها؟
    سلوى:تنهدت....والله تقول ان امورها تمام ومش منقصين عليها شي لكن انا مش مطمنتلهم
    نبيله:عندك حق والله ....حتى امها احفاد فرعون مش حد تاني 
    يالله قولي الحمد الله وخلاص 
    سلوى:الحمد الله على كل حال 

    _____________________________

    رجاء:قاعده ندوي معاك بشويه ....امس لما نزلت منو خش لي غرفتي ؟
    سكينه:ليش يا انسه شنو الشي يلي في غرفتك فقديته انا ليا سنين هنايا معمريش خنبت حاجه 
    رجاء:معروفه انتي بس في الحوش يلي تخشي للغرف وتطلعي على كيفك 
    سكينه:حوام عليك وربي معمري فكرت نمد يدي الله يسامحك
    رجاء:شوفي يا بنت.....
    نهال:خشت للمطبخ ولاحضت وجه سكينه ووقفت رجاء فهمت انها تكشخ عليها !....شنو رجاء؟
    في حاجه؟؟
    رجاء:شي سلامتك....وطلعت وهيا متنرفزه 
    نهال:كان ضايقاتك تعالي قوليلي انا ولا امي تمام؟
    رجاء:حاضر 
    نهال:خدت كوب اميه وطلعت 
    اما سكينه شافت الفلاش يلي قايماته في شخشيرها وهيا متريحه .

    __________________________

    تعبت المربوعه بي ولاد رمزي وجدهم فوزي
    ومختار وحفيده عبدو وانس وحسن وحيدر 
    وبي فرعون واحفاده الثلاثه 
    وبي العيلتين التانيين واحفادهم وبدو يهدرزو ع الارض ويطلعو في الاوراق 

    محمد:كان مقعمز جنب انس ...طلع طرف دخان ويدور في ولاعته ملقاهاش 
    انس:ولعله الدخان 
    محمد:منور برو
    انس:مدور شي حبيبي 
    مالك:الف مره نقولك معش تكلمه هوا معاهم مش معانا 
    محمد:نسيت النم نسيت 

    عبدو:قعمز انت وياه ديرو قهوا وخلاص 
    انس:راح من بالي هوا ولد منو 
    عبدو:ركز في الجديد 

    حسن وحيدر يشوفو لي احفاد فرعون بكررررره واضح 
    انا مالك واحمد مقعمزين بنفس رفعة الخشم متع جدهم بزبط🔥
    خش ولد من العيله الثانيه يفرق في شاهي وحلويات عطاهم كلهم ونسي محمد وحط السفره ع الطاوله 
    ناض انس حط طاسة الشاهي وجاب معاه مقروضه مدها لي محمد 
    انس:هاك حلي باش تولي 😂
    محمد:ياربي ع المتربي 😂

    عيدو:الزحححححح خيرك يا انس 
    انس:بصوت واطي....نسيت ان معاهم نسيت 

    احمد:انوض نهشملك وجهك؟
    محمد:الولد مدلي مقروضه ...عيب نردها ترضى روحك انت گ مقروضه هكي يرفضك الشخص؟
    احمد:الصبر ....وخدي نفس عميق 

    كملو المناقشه والقسمه على خير وطلعو مع الساعه 9ونص في الليل وطبعا ميخلاش الامر من انه يناشبو بعض بتلقيح الدوا بس وجود الشيابين مانعين السلاح 
    اما محمد وانس كانو صايخين بضحك الزوز على منضر الشيابين وهما حارقين دمهم عشان القسمه 😂

    ____________________________

    روح كل حد لي حوشه تعشو ونضمو امورهم مع جو الساعه 11ونص:-

    عبدو:وصيت مبشر يجيبلك بضاعه للحوش 
    هبه:اطبق في الحوايج ....به كويس 
    حبيبي شن صار في اختك ؟
    عبدو:يجهز في نفسه بيطلع...وصلتها ورقتها امس 
    هبه:ومقالش ليش به؟
    عبدو:مقالش....هوا بغل مش راجل كنهادا مش هكي
    هبه:مرات الغلط منها هيا ومتفاهموش 
    عبدو:شن قصدك انتي؟؟
    هبه:خافت ...نقصد ان ان 
    عبدو:ضربها كف....اختي اشرف منك ومن عيلتك كلها سامعه 
    هبه:ترعش....انا مقصدتش انا 
    عبدو:طلع وسكر الباب بعنف....كأنه يدور في فرصه وحده بس عشان يذلها او يمد عليها يده!!

    طق طق طق 
    هبه:طلعت بسرعه حاسبه ان عبدو رجعلها يتأسف منها ....فتحت الباب شافت مبشر قدامها مصدوم في عونها ودموعها يلي تنزل ...رجعت ورا الباب وهوا حط الحجات وطلع 
    مبشر:اختي تبي شي؟
    هبه:بصوت يرجف....لا سلامتك 
    مبشر:صاير معاك حاجه؟؟
    هبه:لالا صحيت واسفه تعبتك...وسكرت الباب 
    طلع مبشر وخلى عقله عندها!

    ____________________________

    ساجده:شهقت.....خلعتني 
    مالك:ويلي يخش لي غرفته يخلع ولا كيف 
    ساجده:ضحكت....لا بس هكي خشيت بقوه 
    مالك:نحى تيشرته....في حد قالك انك طرف لنم وانتي مخلوعه 
    ساجده:ضحكت....مالك حاول تتكلم بي اسلوب ارقى من هكي 
    مالك:علميني....وقرب منها هلبا 
    ساجده:علقت يديها في رقبته....يعني اول شي نحى كلمة النم والزح هاذي من عندك
    مالك:تأمري وحاضر لنم
    ساجده؛ههههههه مفيش فايده 
    مالك:اداويني؟
    ساجده:ضهرك صح....وجت بتباعد بس مسكها 
    ساجده:اءء شنو...وتشوفله❤️
    مالك:مش ديمه الدواء مطهرات ره
    ساجده:بدو خدودها حمر وفهماته 
    مالك:قرب عليها اكتر 
    نجمه:طق طق طق طق...علاش سكرتو الباب 
    مالك:ها المره خذيت احتياطي والله ماهي مقاطعه امها اللحضه 
    ساجده:ضحكت من قلبها 
    مالك:قرب منها اكتر و......❤️❤️❤️❤️

    نجمه:هاذا غير يانجمه متباتيش برا 
    تو نحرش مخريه تضربكم بي العصا نقلها لزوني 

       🔥رِوَايـــــــــات بـــَـنـُـــووتِـــة الشـِــيـــْـخ🔥
        🔥أروى الــــطـــاهــــر المــســلاتــــي🔥

    مر اسبوع كامل ❤️
    وفي الاسبوع هاذا مالك صار هلبااا تغير في حياته 
    بدي يحب في الليل ويستناه امتى يجي عشان يفضى لي ساجده❤️
    بعد ما كان يكره الليل بدرجه كبيره وديمه دايخ فيه
    كانت ساجده صايره عليه ومتحمله كل شي وديمه هيا الملجئ ليه يلي مستحيل يرفضه 
    وصار تطور كبير في علاقتهم صح مفيش حد يعترف بي حب التاني او ع الاقل اعجاااب ....بس التطور كان واضح

    رهف بعد اخر مره شافت فيها مالك نقلبت حياتها بدت تفكر فيه بدرجه كبيرررره 
    تقارن في راجلها بي مالك من ناحيت الشكل والشخصيه وكل شي 
    بدت زي المراهقه يلي مستاحشه حبيبها 💔

    عبدو:كان هايم مع ولاد عمه يخططو ويدبرو وكل يوم سهور ومدايرين العار ...والفتره هيا بعد هلبا على هبه ومعش يبات حتى معاها ولا يرد على اتصالاتها 

    احمد:لما حس ان ياقوت بتسيطر على عقله حتى1‎%‎رفض الفكره نهاااااائي ان بنت تتحكم في عقله وبدي يطلع الصبح يروح في الليل كل عقله في الخدممه 

    محمد وانس لا جديد راقدين الصبح وفي الليل يتسهوكو على عباد ربي 
    وانس يحاول بقدر الامكان انه ميقعدش في الحوش الفتره هاذي 

    ____________________________

    مالك:باس نجمه على خدها....اعقلي بلا هبال 
    نجمه:به حاضر اخر مره 
    ساجده:تبخر في الغرفه ....وين طالع الدنيا ليل؟
    مالك:مشوار وجاي ...تبي شي!
    ساجده:شلامتك دير بالك ع روحك بس 
    مالك:باسها ع راسها 
    نحمه:تنقز حتى انا حتى انا 
    مالك:ضحك باسها حتى هيا 
    ساجده:جيب معاك مسكن راس لي نهال 
    مالك:تمام....تغيرت ملامح وجها شوي لما شاف مسج في تالفونه وطلع 

    محمد:اخيراااااا وصلت القهوا وربي معاد ماشي معاك قطعتني بي امها الخدمه 
    احمد:ضم فمك حسستني درت حاجه انت 
    محمد:قعمز ع الكرسي ....هاذا وين الواحد يتريح شويه 
    احمد:قارن حواجبه....الباين مفيش راحه 
    محمد:شاف وراه لقاهم اولاد رمزي خاشين للقهوا 
    بدو اولاد رمزي يلقحو ويضربو في المعاني ومحمد واحمد ع اساس ميسمعوش 
    الناس يلي في القهوا حست ان في شي بيصير ونصهم روحو من الخوف !

    عمار:تي عادي تمشي خيرك الناس هيا شرف خواتهم مفرطين فيه  تبيهم يكون عندهم نخوه ورجوله؟
    اشرف:هه قالو اما ينقصو عليهم الفلوس يبعتو في اختهم ادير سهريه مع حد وتروحلهم 😂😂😂
    عمار:يدخن.....هههههه فرعون وكتيبه بودري

    محمد:بتشدني بنخلطك عليهم
    احمد:طز في العهد  وفي يلي يوقع العهد نوض نربو امهم 
    محمد:ياسلام عليك 

    وطبعا خشت بعضها ضرب على تكسير كراسي على عياط على دم 

    _____________________________

    مالك:نزل من السياره وهوا متردد....مش خلاص قرر يكمل حياته بعيد عليها؟
    مفروض مهما طلباته ميجيهاش !
    بس كان في شي داخله يقول ممكن في حاجه في صالحك او هيا محتاجاتك منعرفش المهم في شي برالها !
    نزل من السياره وطلعت هيا من بين الشجر 

    رهف:مالك!
    مالك:شن تبي ع السريع بنمشي
    رهف:شن نبي؟؟
    انت يلي مناديني مش انا 
    مالك:فهم ان يلي طاح فيه فخ مديرينه كويس
    وفعلا دقايق وشاف ضي جاهم وكان فوزي وشوية ناس عشان يشهدو ويمسكو مالك متلبس بتهمة رجوع علاقته بي مرا متزوجه ويهدد بيها عشان تجيه في الليل ورا حوش راجلها !!
    نصدمت رهف لما شافت جد راجلها وصار الصداعات والصوت العالي وانتشر الخبر في المنطقه !
    وجت سيارت الشرطه رفعت مالك ع اساس انه ماسكينه في قضيه ابتزاز!!!

    احمد ومحمد تهجمو على ولاد رمزي وخالفو العهد 
    يعني حلاص بيطلعو من البلاد 
    ومالك محبوس .....وبي هكي تكون خطتهم نجحت🔥

       🔥رِوَايـــــــــات بـــَـنـُـــووتِـــة الشـِــيـــْـخ🔥
        🔥أروى الــــطـــاهــــر المــســلاتــــي🔥

    ثاني يوم:-
    روح مالك بعد ما اخلو سبيله واتضح ان مفيش منها قصة الابتزاز يلي انحكي عليها 

    فرعون:اركب بدل ملابسك وتعال خوتك يراجو 
    مالك:مقدرش يقيم راسه من الارض وكان دمه يغلي ....ركب لي غرفة النوم خش وطلع منها بعد دقايق زي المهبول جت قدامه سكينه 

    مالك:وين ساجده؟
    سكينه:يلعت ريقها بخوف ...سمعت ان مسكوك مع مدام رهف وق قق قالت ان خلاص الشهر كمل 
    خدت ملابسها وجاها خوها روحت 
    مالك:وقف بهدوء شويه وضرب المكتبه برجله ونزل

    نهال ورجاء يراقبو بخوف 
    جميله:جيب العواقب سليمه يالله من وين تحدفت علينا المصايب هاذي بسسسس
    نجمه:بابا تعارك مع السمكات؟
    نهال:اسكتي يا نجمه اسسسس

    ____________________________

    فرعون:كل شي خربتوووه من البدايه نحدر فيكم راهم يستفزو عشان تهجمو وتنقدو العهد 
    احمد:وجها مخبش...مسمعتش الكلام يلي قالوه انت 
    فرعون:خلي يقولو كلاااااام ورفعه الريح مش حيأثر لكن اهو تم 
    كل شي انتهى ودمر خلاص عاجبكم هكي ؟؟؟
    شاف لي مالك ....وانت ياباشا ياخفيف 
    يلي مجرد ما وصلاتك رساله مشيتلها تجري 
    كليته الكف ولا مزال؟
    مالك:مواطي راسه وساكت 
    احمد نفس المنضر بزبططط
    فرعون:قعمز وهوا فاقد الامل من كل شي...خلاص 
    واحد منكم يشوفلنا شقه صغيره برا
    لان رهنت القصر والاراضي على العهد يلي وقعت عليه 
    مالك:وقف....العهد لا انا لا خوتي كنا راضيين بيه 
    وكان تصرفك واختيارك انت 
    لكن توا خلينا حني نتصرفو 
    فرعون:قام حاجبه....شن تقصد؟!
    مالك:اي خلفنا العهد وولد ام ام امه يلي بيقرب القصر ويحاول يطلعنا حتى بربع كلمه 
    مرتي تنجاب من حوشها غصب على اهلها وغصب عليها حتى هيا 
    وشاف لي محمد......كلم الرجال يلي عند مخازن السلاح يجو هنايا يطوقو القصر كله واي حد يقرب يمشي على زوز رجلين يطربقوه طووول 
    وخليها تولع ونشوفو منو حطبه اكتر 🔥.....يتبع

    1. امتا تنزيلها الحلقة15 بسرعة لو سمحتي لأنا الفضول قريب بيقتلنا

      ردحذف
    2. امت الحلقه بتنزال 15

      ردحذف
    3. امتا بتنزل حلقه 15

      ردحذف
    4. اتى تننزل الحلقه

      ردحذف
    5. امتي ابتنزل الحلقه استعجلو في التنزيل لْـۆ سمحتم

      ردحذف
    6. امتي تنزل حلقه 15 بليز نزلوها بسرعه

      ردحذف
    7. أمتي تنزل الحلقة 15

      ردحذف
    8. نزليهااا هيااا

      ردحذف
    9. بسرعة لو سمحتو نزلو الحلقة لأن فضولي حايدمرني بليييز استعجلو في تنزيل وشكراً

      ردحذف
    10. بسرعة لو سمحتو نزلو الحلقة لأن فضولي حايدمرني بليييز استعجلو في تنزيل وشكراً

      ردحذف
    11. المفروض كل يوم حلقه🙂

      ردحذف
    12. حلقة ١٥ متى تنززل🥺🖤

      ردحذف
    13. بالله هيا وييييين الحلقة 15��

      ردحذف
    14. الحلقة تااخرتووا بيها هلباااا🙄

      ردحذف
    15. امتى الحلقة 15ارجوكم

      ردحذف
    16. امتى تنزل الحلقة بليز نليها بسرعه

      ردحذف
    17. امتى يتنزل الحلقه 😢😢

      ردحذف
    18. 😭😭نزلو الحلقة بسرعة علاش التأخير

      ردحذف
    19. هيا حلقه15😭😭😭😭😭

      ردحذف
    20. قوليلنا ساعة قداش تنزل كل يوم لوسمحتي فضولي قريب بيقتلني

      ردحذف
    21. هياااا امتى الحلقه🙂💔

      ردحذف
    22. امته الحلقه مقلبه عليه دنيه ملقيتهاش ������

      ردحذف
    23. الحلقه امتى بتنزل فضولي↗️↗️↗️����،

      ردحذف
    24. المفرووض كل يوم حلقة 🙄😶

      ردحذف
    25. هيا نزلوها☺☺☺☺☺☺☺

      ردحذف
    26. ع عصابي قاعده نزلو الحلقه ارجوكم

      ردحذف
    27. لو سمحتي ردي اعلييا ساعة قداش تنزل الحلقة قاعده اعلي اعصابي

      ردحذف
    28. امتى بتنزل الحلقة

      ردحذف
    29. الحلقة وينهااا🙆‍♀️

      ردحذف
    30. امت تنزل الحلقة من عندها علم تخبرنا

      ردحذف
      الردود
      1. خشي ع صفحتهاا اروى امضني توا ادير ف ارشفةة وتنضمم!...

        حذف
    31. حلقه 15 ياناس 😭😭😭

      ردحذف
    32. نستنو
      بصراحة معش في التزام بالوقت بكل وين كانت مشالله توا تغير نظامها

      ردحذف
    33. امته تنزل الحلقه💔😭😭

      ردحذف
    34. امتا تنزل الحلقة 15بليز نزليها تواااا متشوقه للحدات

      ردحذف
    35. أمته بتنزل الحلقه بليز 😞

      ردحذف
    36. الحق زبرتوها للنم امتى بتنزل بلي لاحرف 😑🔥🔥🔥🔥🔥🔥🔥🔥🔥🔥

      ردحذف

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .