أخر الاخبار

رواية احفاد فرعون الحلقة 14 الرابعة عشر بقلم اروي طاهر المسلاتي (بنوتة الشيخ)

رواية احفاد فرعون الحلقة 14 الرابعة عشر بقلم اروي طاهر المسلاتي (بنوتة الشيخ)

رواية احفاد فرعون كاملة pdf - بنوتة الشيخ


ساجده:تحاول تنشط كويس...شنو صار
سكينه:مالك
مالك خطف رهف والحوش لوطه زحممممه كله رجاله
ساجده:قعمزت ويدها بين عيونها تحاول تصحصح كويس....شن تحكي انتي مالك كان راقد هنايا
نهال:من بعيد سكينننننه سكيننننه
سكينه:انا لازم ننزل قلت نخبرك قبل ما حد يكذب عليك ارجوك متحكي لحد
ساجده:تمام سكينه بري توا
سكينه:ربطت وشاحها وزلت تجري
ساجده:مكانتش مصدقه!....ناضت غسلت وجها ونزلت
_______________________
فايزه:ها شن صار؟
ياقوت:ولا شي
فايزه:شنو يلي ولا شي؟؟وين صاحبتك مش بترفعك؟
ياقوت:نزلت تالفونها...اففف يا امي ابتهال سيارتها في الورشه تطلع بعد العصر
فايزه:به نوضي حطي الغدي ع النار وياسرك التالفون 24ساعه في يدك
ياقوت:به حاااضر 😒😒😒
فايزه:يسرى يسررررى نوضي ياسرك نوم نوضي
ياقوت:لا احساس لا ضمير والله ضاربتها نومه تقول عليها مش مطلقه
فايزه:لوحت عليها الفراش...سكري فمك يافرخه
شنو كان مطلقه تموت اقلبي وجهك بسرعه حطي الغدي
ياقوت:😒😒
____________________________
ساجده:ان شاء الله خير ليش الزحمه هيا
نهال:بلعت ريقها...نجمه وين؟
ساجده:فوق خليتها راقده ....شن فيه؟
خيريه:يلي فيه ان راجلك هارب مع وحده
جميله:عمتي
خيريه:اسكتي انتي
ساجده:شافتلها بصدمه
خيريه:ولما الراجل يشوف لي وحده تانيه معناها مرته مش مشبعاته
ساجده:اذكرت كيف كانت تحضن فيه كل ما يبدا تاعب 💔...
خيريه:هاذي نتايج تقصيرك فرض عليك تتحمليها
ساجده:جت بتركب
خيريه:اي اهربي توا واركبي فوق لكن ياويلك لما يروح تقلبي عليه وجهك او تعامليه بطريقه غلط لان هاذا تقصيرك انتي مش هوا
ساجده:مردتش وركبت دارها....
سكرت الباب وهيا حاسه بحرقه ليها سنين محستش بيها💔💔💔
فرحتها ضاعت 💔وكل احلامي نهدت في لحضه
كانت تسحاب روحها دارت شي كويس ومالك تقرب منها لكن خبر اليوم عطاها كف صحاها على نفسها ورجعها الف خطوه للخلف !
__________________________
مختار:الاتفاق اتفاق !....لازم تبيعو رزقكم وتخلو البلاد وتطلعو انتم ونساوينكم وصغاركم
عبدو:وانا شاري
عمار(ولد زمزي):انا ميشفيش غليلي الاتفاق لان يلي خطفها تكون مرتي والمرا يعني شرف شرررف والشرف مينسكتش عليه
فرعون:ببرود تام....ومن قال خطفها ؟
من قال؟
محمد:بصوت واطي لي احمد....كريمه الترهوني😂
فرعون:من قال ان خطفها ممشتش معاه بي ارادتها؟
اشرف:معليشي انا قاعد محترم سنك ومقدرك متغلطش
احمد:وقف...لا بالك عندك نيه تغلط ونمتعوك هنايا
اشرف:لا ياقنين قرب وشوف العلامه يلي تنطبع على وجهك كل ماتشبح روحك في المرايا تذكرني بيها
احمد:قرب انت وتو تشوف العلامه كل متخش الحمام تذكرني بيها
انس:شييييت قصفه😂
محمد:😂😂😂
مختار:خلااااص انت وياه الكبار بس يتكلمو هنايا
4مشايخ مش عاجبينكم ولا كيف؟!
احمد:بنضره واعره🔥....حشاكم...ورجع قعمز
فرعون:قام راسه بفخر
فوزي:الخلاصه لو مش رح يصير اجراء لين مرت حفيدي عمار ترجع ونفهمو بزبط قصة الخطف هيا
عمار:بنراجي لين ترجع انا ؟؟ع اساس بيخليها ترجع ياجدي
فوزي:شاف لي فرعون الموضوع هاذا عند جده هوا يعرف كويس كيف يتصرف مع احفاده ...ولا انا غالط !!
فرعون:قايم راسه كأنه ميشوف لحد...ساهل ان شاء الله
محمد:يلي نبي نعرفه منو جاب سيرة الخطف هيا !
عمار:نزلها من سيارتها قدام الله وخلقه وفيه شهود
محمد:وانت كيف تخلي مرتك تسوق البلاد مفيهاش امان تستاهل
عمار:والله؟بتعلمني كيف نحكم في مرتي ؟خودها انت وخلاص
انس:ميقدرش واخدها خوه 😂
محمد:ضحك من قلبه وطق في يد انس 😂
احمد:معش تظحك معاه متنساش انك متعارك معاهم
محمد:به
عمار:قلب الدنيا عياطات....هااااااذي بدت مهزله وربي ماني ساكت ع يلي صااااااار
وبدو يهدو فيه وخشت بعضها احفاد مختار يتعاوكو مع احفاد فرعون
واحفتد فرعون يتعاركو مع ولاد رمزي 😂🔥
اما عبدو ساكت بس طول الوقت يفكر
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
في استراحه صغيره على البحر ❤️:-
رهف:كنت عارفه رح يجي يوم زي هاذا وادير يلي درته توا من رسائل التهديد يلي بعتتهولي
مالك:يشوفلها وسارح....انتي عارفه ان بنقتلك بعد دقايق؟
رهف:ترعش....مالك اسمعني
مالك:بهدوء يفصل فيهابعيونه❤️كان مستاحش تفاصيلها ....انتي خترتي تكوني هنايا
لو مغدرتيش بيا راهو مكانك في حوشي وفي صغار زي ما كنتي تحلمي معاي!
رهف:مالك فسخت قبل الفاتحه بسبب التهديد هددوني هلبا واولهم بوي
مالك:قعمز ع الصالون ...اتكى وسكر عيونه يسمع
رهف:ترعش مع بعضها وواقفه في زاويه الدار...فسخت وخديت ولد رمزي وكنت بنموت وربي بكيت هلباااا طول الشهور الاولى 💔
بس بعدين خلاص
لقيت راحتي معاه
مالك:قام راسه وفتح عيونه
رهف:استجمعت شجاعتها....اي لقيت راحتي معاه
سنين قعدت معاك وديما نقولك نضايق من السلاح والعفن يلي فيه انت وعيلتك ومهتميش بي الشي هاذا انت كنت تبيني بس مش مريحني!!!!
بس عمار لما عرف الشي هاذا طلعني من البلاد كلها وعيشني بعيده على صراع العائلات يلي انتم فيه هنايا لعند اليوم
مالك:يشوفلها بعيون ذابله وضحك ع جنب ...
رهف:فكرت في البدايه نتواصل معاك وتهربني بس!
بس حرقت قلبي وخديت بنت عم راجلي
مالك:علاش انتي جبانه؟
رهف:بلعت ريقها
مالك:قولي انك حبيتي الفلوس والسفر والعيشه برا اكتر مني !
قولي انك فضلتي ولاد رمزي لان في وقتهم كانو اغنى عيله هنايا
رهف:انا اءء انا
مالك:انتي خنتيني وغدرتي بيا ورخيتي في نص الطريق هاذي انتي
رهف:صوتها يرجف.....خلاص
انا مرتاحه مع راجلي وانت تزوجت مالك عندك بنت وتزوجت حتى مره تانيه يكفي حاول تعيش حياتك
مالك:قام سلاحه ويتفرج عليه
رهف:ماتت من خوفها💔...لاء لاااااا لا مالك لا
مالك:سحب سلاحه...كيف مخطرلكش في يوم انك رح تموتي بين يديا بعد ما كنت نوعد فيك نعيشك احلا عيشه وتشوفي الراحه بين يديا؟؟؟
رهف:تبكي....عارفه طريقة انفصالي عليك غلط بس خلاص القصه ليها سنين وانت عندك بنت 😭
مديرش شي غلط تتعاقب عليه سنين
مالك:وقف قام المسدس عليها وهوا يشوف لي الجيها الثانيه كأنه ميبيش يشوفها كيف تموت💔
رهف:عارفه ان عندك قلب وتحس مستحيل تقتل مرا حامل مالك
مالك:الكلمه هاذي مزقت الجزء يلي فاضل من قلبه💔....شبحلها وهوا مش مصدق
رهف:نحت الشال يلي كان مغطي بطنها ...شوف في الشهر السابع
مالك:نزل سلاحه وهوا يشوفلها بنضرات حسره💔
رهف:تبكي من قلبها...اسفه اسفه على كل شي لو يرجع بيا الزمان مستحيل نسيبك بي الطريقه هاذي اسفه سامحني
مالك:ضرب بي سلاحه 5طلقات ع الصالون يلي كان جنبها فرغ فيهم غضبه وطلع ....ركب سيارته ومشي متعمد يخلي الباب مفتوح عشان رهف تروح
_____________________________
ساجده:من الصبح مكليت شي نفكر وسارحه طول الوقت ...نتخيل شنو مالك يدير توا؟؟
شنو بيصير وين رفعها بي ارادتها او لا؟
حاسه قلبي مجروح حاسه انه ضحك عليا حاول يقرب مني الايام يلي فاتو ووافق انه يبدا صفحه جديده واليوم خاطفها والله اعلم وينه!
طق طق طق
ساجده:وقفت من مكانها مفزوعه...ادخل
سكينه:السلام عليكم
ساجده:رجعت قعمزت.....وعليكم السلام
سكينه:جبتلك فطورك مدام عارفه من الصبح مكليتيش
ساجده:اي ماكله يا سكينه بالله
سكينه:حاسه انه كدب يلي صاير ....ممكن دايرين اللعبه هاذي عشان يورطو مالك ويخلف العهد
وتطلع عيلة فرعون كلها من البلاد
ساجده:بدت علامات الامل تبان على وجها...زعمى؟
سكينه:انا هكي حاسه ...يالله لازم ننزل للمطبخ الله يخليك مدام كولي شي تسندي بيه حيلك
ساجده:ان شاء الله صحيتي سكينه
سكينه:ولوو❤️
________________________
كبرت القصه في قصر فرعون وصار فيها جبد السلاح على بعض والشباب مقصروش تلقيح وتهديد في بعض لدرجة كل واحد روحو بيه لي حوش وقعدو المشايخ بس في المربوعه يستنو في الشرطه والخبر يلي رح يوصل منهم !
رغم خوف احمد ومحمد ان مالك يطلع صح خاطفها وتكبر القصه
بس فرعون كانت اعصابه بارده جدا وواثق ان مالك يطلع منها حتى لو دارها
مختار:واقف على الروشن ويديه ورا ضهره
اما فوزي اعصابه ناااار وخاف لو مالك يدير شي في رهف وحملها 💔
مختار:قرب من فرعون ويحكي بصوت واطي هشان فوزي ميسمعهمش....حفيدك طلع نسخه منك
فرعون:ذاك الشبل من هاذا الاسد اكيد
مختار:احتمال ياخد حقه عكسك انت تماما...وابتم بي استفزاز
فرعون:ضحك لدرجة انه قعد يكح.....كل شي في وقته قنين وكان ربي عطاك عمر تو تشوفه
مختار:تغيرت ملامح وجها...شن تقصد!!
احمد:فتح الباب وخش ....الشرطه وصلت
فرعون:وقف ...شن صار
مختار وفوزي منتبهين
احمد:البنت طلعت في المشفى قالت انها دارت حادث ومالك سعفها وطلعها من السياره لا خطفها ولا شي
فوزي:بصوت واطي ....الجنين
وطلع يجري
مختار:شاف لي فرعون....نفدت منها مبروك
فرعون:رجعه جرده للخلف.....يبارك فيك
مختار:شافله بنضره اخيره وطلع
محمد:خش ورا احمد ....مش خاشه دماغي القصه هيا
كيف ينقذها وهوا كان بيقتلها لو ممسكتاش هذاك اليوم
فرعون:مينخافش عليه خوكم الف مره نقولها ...احمد برا للمخزن متخليش العمال بروحهم
شاف لي محمد ....وانت خش طمن امك والباقيين
محمد:طلع من المربوعه اما احمد قعد يشوف لي جده ويذكر في مقتطفات!!
(فرعون:مفيش شي بيتغيررررر هاذا الواقع ولازم ترضى بيه
احمد:انت دخلت كل شي في بعضه فهمني كيف عندك عادي هكي انت فاهم حجم الكارثه يلي صاير )
فرعون:احمدد؟احمممد
احمد:فاق ع روحه....ها
فرعون:وين وصلت؟
احمد:سرحت شويه
فرعون:امشي دير يلي قتلك عليه
احمد:تمام....وطلع
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
جميله:الحمددد الله يارب الحمد الله
قلتها انا ميديرهاش ولدي الحمد الله
نهال:غير اشربي واهدي شويه
جميله:شربت وهيا تحمد في ربي وتعاود ان مالك مطلعش متورط
خيريه:وين مرته؟
رجاء:فوق يا امي
خيريه:قولي عمتي عميه منين امك من حليب المعز ولا شنو!
رجاء:سكتت وعلامات الخيبه على وجها💔كل محاولاتها في التقرب من خيريه كبيرة العيله فاشله💔
ساجده:خشت ونزلت نجمه من حضنها
جميله:سمعتي ياساجده ولا لا!
ساجده:ابتسمت اي ياعمتي الحمد الله ❤️
جميله:فرحانه....اي قالو انقدها ماهو هيا حامل ودارت الحادث قدامه
ساجده:تفاجآت داخلها....حامل!!
خيريه:معش تحطي البنت في حضنك وتوقفي بيها هلبا تتعود على الدلع
ساجده:ابتسمت بهدوء....حاضر ❤️
قعدت ساجده تشوف لي خيريه وتحكي داخلها ...عارفك انك تستفزي فيا بس انا عاشرت عمتي لين ماتت وكانت اسوء منك يعني كله اديري فيه ع الفاضي تريحي
رجاء:قعمزت جنب ساجده طبست عليها وبصوت واطي....الشهر قريب يتم ياعروسه
ساجده:اي تالفوني يحسب في التاريخ نعلم
رجاء:من البدايه غرفتك عاجبتني وحاطه عليها العين اصلا اول ما تروحي خبريني بنطلع ملابسي عشان نجهزهم
ساجده:قلبت عيونها ومردتش كانت حالتها النفسيه
تاعبه ومعندهاش خلوق لي شي !
وسط الدوشه هاذي كلها خش مالك ومتكلمش مع حد ركب لي غرفته طول بدون كلام
خيريه:تحركي الحقي راجلك
ساجده:يرتاح شويه ونركب
خيريه:انتي متسمعيش شنو نقول؟؟؟
نهال:اسمعي كلامها ساجده راهو حناي هنايا كلمتها مطيحش....وقعدت تغمز لي ساجده بمعنى خودي كلامها فكيك
ساجده:جت بتركب
نجمه:سيبت العابها....سوووجي بنجي معاك
خيريه:ايبسي هنايا يابنت انتي مفيش مشي
نجمه:🥺
نهال:تعالي حبيبتي نعطيك عصير ...وخدتها
نجمه:ديمه تكشخ عليا منحبهاش
نهال:من هيا
نجمه:مخريه
نهال:ضحكت من قلبها.....خيريه ياحماره عيب
نجمه:نعرفش نقوله اسمها انا
نهال:قولي حناي واسكتي
نجمه:امبه
___________________________________
ساجده:وصلت فم الباب ومتردده تخش او لا
لين تشجعت وخشت
مالك:كان كيف مغير حوايجه وبيطلع
ساجده:طالع؟
مالك:اي بننزل شويه لي جدي وراكب مش معطل
تبي شي
سجى:سلامتك ❤️
مالك:طبطب ع خدها ونزل وهوا مبتسم ونزل
اما ساجده تنفست بعمق❤️بجديات قاعد يتعامل معاها بطريقه حلوه حتى بعد ما شاف حبيبته؟
تخيلاته رح يكون فاصل ومش طايق حد بس العكس صار
____________________________
ياقوت:الله لاتسامحك يا امي وربي او يعلم بيا خوي عبدو لما يقطعني ويديرني قلايه
ابتهال:رسمي امك عبيطه هيا والخطط متاعها معليشي😂😂
ياقوت:متزيدينيش ونبي ....الو
احمد:شن تبي
ياقوت:اوكي عارفاتك مش طايقني وتسحابني بندخنس عليك بس بجديات توا محتاجاتك هلبا
احمد:عندك خوت سلام
ساقوت:غير استنننننى ونبي 😭
طالعه مع صاحبتي في السياره والعجله انطبقت لو كلمت خوي بيعدمني لاني كنت جايه لي حوشكم
احمد:بي استغراب....حوشنا؟؟
علاش!
ياقوت:تو نقولك غير بالله تعالا الشباب من بكري يناشبو فينا شن متوقع من كرزه زيني في وسط هذه الغابه وووه عليا خايفه
احمد:حط يده ع راسه🤦🏻تم تم
ياقوت:سكرت....اااااه ياربي نموت لو كشفني نموت
ابتهال:الله يعينك انا حاسه روحي بنحطه تحتي من الخوف اقسم بالله اول مره بنشوف حفيد فرعون على قرب مبعدك انتي
ياقوت:لكن جميل الواطي يهبل
ابتها:والنبي اسكتي وانتي كلهم عندك حلوين 😂
_________________________________
فرعون:يلي صار اليوم ميتكررش
مالك:انا م.......
فرعون:اشرله بمعنى اسكت !
مالك:سكت وشاف للارض
فرعون:المرا قعدت تمشي لين وصلت ع الرئسي ونزفت بسبب الخلعه
مالك:قام راسه بسرعه
فرعون:يلي سعفها نفسه خبرني عشان قدرنا نوصلولها قبل متكلم حد ونفهموها تقول انك انقدتها من حادث
وضربنالها سيارتها في نفس المكان يلي نزلتها منه
المره هيا عدت على خير وخوتك لمو الموضوع المره الجايه الله اعلم شنو يصير
مالك:حقك عليا
فرعون:منبيش لا اسف ولا اعدار نبي فعل تريس بس
انت الكبير في خوتك والفتره هاذي كل شي بدي على راس احمد
محمد مش مالي يدي منه لان تافه ويحب يطلع ويخش على كيفه ويتفاخر قدام الناس بس وعارفه مش حيتغير
لكن انت واحمد يلي ساند ضهري بيكم الهى في مرتك وبنتك
مالك:باس راس جده....حاضر ولا يهمك
وطلع
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
قدام حوش المختار !
عبدو وشباب عماته كللللللللهم ملتمين ويحكو في القصه يلي صايره
انس:زي العاده ارقيله ويلقح ويتسهوك وبس عادي حتى لو كان على عمامه مفيش اي مشكله
اما عبدو لاول مره كان بروحه ويفكر
يراجع في حساباته وفي كلام امه يلي بدي يخش لي راسه
فايزه:خودها مني انا امك ويلي يمشي بي ملام امه ميخيبش متعاديهمش صغار فرعون
ملنا عارفين انهم اقوى عيله توا اقوى حتى من ولاد رمزي
عبدو:شنو يعني؟شن تبيني ندير
فايزه:تخيل بس تخيل
تخيل لو تزوج اختك لي واحد منهم وتبدا تخش بينهم شوي شوي لين تبدا فرد منهم
اختك تجيب صغار ويبدو عمامهم احفاد فرعون وخوالهم عيلة المختار
تي انت بروحك تبدا البلاد كلها ليك
عبدو:سكت
فايزه:بس اول شي اديره لااااااازم ساجده تطلق بي اسرع وقت
منبوش حد يشاركنا
عبدو:فهمت عليك اي
فايزه:ركز سلم ولدي كويس وعيد حساباتك
_______________________________
احمد:درس سيارته وسكر الضي
ياقوت:شدت في الباب ووووه عليا وصللللل
ابتهاج:سيارته تجنن وتخوف 😨😍😍😍
ياقوت:نزلت من السياره وبي شبحه بريئه .....اهلين🥺🥺
احمد:شن جايه اديري هنايا
ياقوت:ااااه كل خير والله
احمد:يلي هوا ؟؟
ياقوت:ااااه ...فتحت شنطتها وطلعت حديدة دهب
هاذي حديدة ساجده مرت خوك يلي هيا بنت عمي طاحت منها وجيت بنوصلهولها وزي متشوف علقت
احمد:كيف وصلت عندك؟
ياقوت:تذكر✨✨✨
فايزه:تحركي نوضي خوديها منها
ياقوت:ياماما تحشممممي عاد كيف
فايزه:نوضي قلت البنت مش لاهيا
ياقوت:وقفت جنب ساجده لصقت فيها وسط الزحمه وترقص ع الاغاني وبدت تحاول تفتح الحديده لين نفتحت وطاحت
احمد:الو؟؟
ياقوت:هااا...طاحت منها في سبوع اختها
احمد:سكت شويه وهوا يشوف لي السياره
ابتهال:قامت يدها بمعنى اهلين وملامح الرعب على وجها
ياقوت:ميلت راسها ع جنب....هيا عاد انت كويس وطيب وشهامه ورجوله وهكي
احمد:رجع لي سيارته طلع عجله وبدي يغيرلهم فيها
___________________________
مالك:رجع لي غرفته
ساجده:مقعمزه تمشط في شعر نجمه بعد ما دوشتلها
مالك:صحه صحه
نجمه:😌بابا شوف سوجي دارتلي صابون وانا مخفتش بكل تحت الميه ره
مالك:ابتسم ...كويس شاطره
ساجده:دارتلها بودرة اطفال❤️....هي بري جيبلي الحليب من نهال عشان تشربيه قبل ما ترقدي
نجمه:به .....وطلعت تجري
ناضت ساجده اضم في الدار بدون ما تقيم عينها في مالك
اما مالك:غمض عيونه دقايق ويذكر يلي صار معاه الصبح
وقف قدامها بعد سنين
الوحيده يلي حبها في حياته رجع تقابل معاها وهيا حامل من غيره💔
رغم كل الوجع يلي صار بس من داخله كان فرحان انه متهورش وقتلها هذيك الدقيقه هوا فرغ غضبه في شي تاني بكل قاطره شروده صوت ساجده
ساجده:مسيتها؟
مالك:تلفتلها مستغرب من السؤال!
ساجده:ساكته وتشوفله
مالك:....
ساجده:حطت سوريته ع السرير وكانت على كتفه فيها علامات روج
مالك:اذكر لما نزلها من السياره وهيا تقاوم فيه كيف امتسح الروح ع كتفه
ساجده:كنت عارفه ان الانقاذ من الحادث كذبه وفي شي تاني
بس حرام ره
ع الاقل تطلق من راجلها وخودها غلط وهيا متزوجه اطاوعك في شي زي هاذا
مالك:وقف...فاهمه القصه غلط ريحيني من السيره هيا وسكري الموضوع
ساجده:مش فاهمه شي اصلا انا !ولا نبي نفهم مالك بس عطيت رائي في شي شفته
ع الاقل لوحت السوريه في الطريق احترمني شويه مرتك في النهايه انا معش تخليني نشوف شي زي هاذا قدام عيوني بالله عليك
مالك:شن تقصدي؟؟؟
ساجده:مسحت دموعها وهيا ترجف....مره انت ورجاء في البلاكونا طالعه تمسح في فمها وفي غرفتني اناااا
وتوا علامات ع ملابسك يلي نغسل فيهم انا !
شوية احترام ميضرش ع الاقل الاسابيع يلي فاضله هنايا
مالك:جبدها ليه❤️....مش متعود نبرر لي حد
ولا حتى انتي بنكتفي بي كلمة يلي في راسك كله غلط
ساجده:وشنو الصح؟
مالك:الصح انك لازم تقعدي هنايا لا اسابيع فاضله لا شهور
ساجده:قلبها طلع من مكانه لما زاد قرب عليها❤️🔥حاولت تكمل كلامها بس صوتها طلع متقطع بسبب قربه الزايد....الاسباب يلي تخليني نقعد هنايا شنو.؟
مالك:حاصرها في الزاويه...اسباب عائليه
ساجده:خاب املها 💔وكان واضح على وجها انها تراجي في اجابه ثانيه
مالك:اسباب نجميه و
قرب على فمها.....اسباب مالكيه🔥🔥
نجمه:بااااااباااا
مالك:بعد ما كان خلاص بينهم شعره بس بعد بسرعه
ساجده:ساوت ملابسها بتوتر
نجمه:قتلك مخريه تعالا نبيك
مالك:🤦🏻🤦🏻🤦🏻🤦🏻🤦🏻
__________________________
ياقوت:خيتي سلمك صحيت🥺
احمد:مسك راسه بتعب
ياقوت:عادي نمشو وراك في الطريق؟
احمد:قام حاجبه
ياقوت:كرازت يمشو بروحهم ؟؟يخطفونا والخطف كاتر
احمد:قبل عيونه بملل ورجع سيارته
كان فاهم تن ياقوت هبله وخفيفه ومستحيل تمشي معااه لانها من عيلة المختار قبل كل شي
بس كان يحب يسمع لي كلامها 😂
اما عند عبدو...غارق في خططه ومشاريعه بس كان خايف من شخص واحد بس
الشخص هاذا مش من احفاد فرعون ولا من ولاد رمزي ولا من اي مجرم
كان خايف من انس !!
اي انس يلي يبان من برا تافه بس كانت علاقاته قووويه مع كل العائلات يلي معاديينهم
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:ياعمرررري صحيتي تعبتك هلبا
ياقوت:اخخخ ولا يهمك مش بينا عادي ...يالله تصبحي على خير
ساجده:تلاقي الخير ❤️
طلعت ياقوت من حوش فرعون وطبعا احمد مقدرش يخليهم يروحو بروحهم في الليل هاذا !
روح بسياره وراهم عشان مفيش ولد امه يقدر يقربهم
ساجده:رجعت حديدة الذهب لي مكانها
مالك:خش وسكر الباب
ساجده:شن كانت تبي منك مخريه😂
مالك:ضحك....ولا شي زي العاده تحب تهدرز معاي
ساجده:فتحت المكيف ع السخون ...كويس
مالك:متكي ع الحيط ....هيا
ساجده:شنو!؟
مالك:بنرقد
ساجده:اهاا اوكي...سكرت الضي
مالك:مكانش قصدي هكى
ساجده:كيف!
مالك:زي كل ليله ...حتى اليوم تاعب
ساجده:ابتسمت ورقدت ع السرير
مالك:وجع لحضنها نفس كل مره
وقرت ساجده القران عليه نفس كل مره ...مسحت على راسه وهيا تقرا لين كملت
ونصدمت لما شافت الاثآر على يديه
ساجده:مالك!!....شن هاذا ؟؟؟
_________________________________
رجاء:رجعت مره تانيه فتحت اللاب توب وركبت في الفلاش عشان تنسخ الفيديو يلي فيه !
وطول سكوتها الوقت هاذا مستحيل يمشي ع الفاضي 🔥....يتبع

تعليقات



حجم الخط
+
16
-
تباعد السطور
+
2
-
close