رواية احببتها بقسوة الفصل 14 الرابع عشر بقلم ايمي
الحلقة ١٤
كامليا : انت ايه اللى جابك هنا وتستكمل كلامها امشى اطلع بره
حسام : ايه جابنى هنا سلمى 
كامليا: ليه يا سلمى تعملى كدة
سلمى : علشان انتى بتحبيه 
كامليا : لا مبحبهوشى
سلمى : طيب وصورته إللى فى رقبتك دى ايه
كامليا : انا بكرهك يا سلمى ومش عاوزة اشوفكى تانى ثم تلتف الى حسام امشى اطلع بره روحى للست خطيبتك
حسام بضحكة : مش طالع تعرفى بحب شكلك وانتى متعصبة
كامليا بخجل : بجد بتحب شكلى وانا متعصبة 
حسام : مش وانتى متعصبة بس انا بحبك بكل حالاتك
كامليا : بس انت خطبت
حسام: سلمى هتفهمك كل حاجة
هايدى : سلمى تانى 
زينب : كل حكاية انتى فيها
كامليا: انتى يا ست سلمى
سلمى: انا هروح مش انت مش عاوزة تشوفنى
سارة: معلشى يا سلمى انا إللى غلطانة احكيلنا بقى
سلمى ببرود : تعالوا نقعد الاول
كامليا : اوف مش هاجى صبرنى يارب 
ريهام : تعالى ياكامليا ربنا يهديكى
نوران : يعنى قعدنا وجنابك لسه ماتكلمتيشى
سلمى : مش لاقيه اى اهتمام منكم حاسة انك مش عاوزين تسمعوا
كامليا بنفاذ صبرى وقد قامت من مكانها : هخنقك يا سلمى
سلمى : الحقونى هموت خلاص هقول
سلمى: ايه اللى حصل كالتالى من شهرين لما كنت فى الحبس آخر مرة لما سارة قالت ليا انك بتحبى واحد صحبك بس قالت ليا ان كامليا حاسة انه بيحب واحدة تانية
فسمعت منهم وبعدين روحت الكلية علشان اشوفه وشوفت البت اللى معاه واتاكدت انه مش بيحبها وانه بيحب الست كامليا بس خايف يقول لها لا احسن تكون مبتحبهوشى وتزعقله فا انا قولتله لا دى بتحبك بس كان عاوزة يتاكدة قمت قولتله يقول انه خاطب البت وهو هيشوف قد ايه انتى بتحبيه وفعلا اتأكد واهوه جالك دلوقتى بس هى دى كل الحكاية
وفعلا اتأكد واهوه جالك دلوقتى بس هى دى كل الحكاية
كامليا : طيب والبت التانية ذنبها ايه هيسبها ازاى
سلمى: هو اصلا مكنشى خطابها لانه مينفعشى يخطب اخته
سارة: أخت مين
سلمى : ما هى البت طلعت أخت حسام من مامته ومحدش يعرف إلا قليل
كامليا : تنظر لحسام بقى البت دى اختك
حسام : اى واللة اختى
كامليا : ومقولتش ليه .
حسام : احنا مكناش بنتكلم اصلا
كامليا تنظر إلى سلمى : انا اسفة مكانشى قصدى
سلمى: انتى عبيطة يابت احنا اخوات اصلا
هايدى : يا بنت العفريته ده انتى جبانه
حسام : طيب انا هكلم بابكى ومامتك باليل يا كامليا علشان اخطبك
كامليا: الموبايل اهوه ويالا ودلوقتى
سلمى : اتقلى الواد هيروح منك
كامليا: اسكتى انتى انا تقلت كتير
هايدى : اى يابنت المجنونة يا كامليا
سلمى : يالا نطلع فوق وسيبوهم فى الجنينه ثم تنظر إلى هايدى وريهام باقى انتم يالا كل واحدة فيكوا تشوف واحد وانا هخليه يجى يخطبها
-----☆☆☆☆☆---،-،--
فى مكتب احمد فى القسم
احمد رايح جاى رايح جاى
أمجد: فى ايه يا ابنى مالك
احمد: انت لسه معرفتشى
أمجد: اعرف ايه
احمد: انا طالع معاك المهمة بكرة
أمجد وهو يضحك : انا نقيت عليك
احمد : امشى من قدامى دلوقتى انا مش عارف ملك هتروح لوحدها ازاى
انا مش عارف ملك هتروح لوحدها ازاى
أمجد: هو انت هتسيبها تروح الفرح لوحدها
احمد: لا هسيب المهمة واروح معاها
أمجد: مش قصدى واللة بس المفروض ماتروحشى
احمد: احنا وفقنا انها تروح وربنا يكرمنا ونخلص مهمتنا بدرى ونروح الفرح
امجد: هو انت فاكر انك رايح دريم بارك يا حضرة الظابط انت رايح تقبض على تاجر سلاح يعنى ممكن منرجعشى
احمد: ايه التشاؤم ده ي اخى ان شاء إللة نخلص بدرى ونروح الفرح كمان
ونروح الفرح كمان
أمجد: ربنا يستر
-----،☆☆☆☆-----ء-☆
فى جنينة منزل سارة
حسام : ربنا يخليك يا اونكل مش عارف اشكرك ازاى
كامليا : انا مش مصدقة ان بابا خلاص وافق انا بحبك اوى
حسام : لا وافق يا كوكو وبقيتى خطيبتى رسمى
كامليا: طيب انا هطلع فوق اقول للبنات
----☆☆☆☆--☆☆☆☆《♤》
فى منزل ريهام
سليم : أهلا يا حاج عبدالعزيز ( الحاج عبدالعزيز اخو سليم والد ريهام )
عبدالعزيز : ازيك يا اخويا بص من غير كتر كلام انا مش جاى المرة دى علشانك انا جاى علشان بنتك
سليم : بنتى
مراد: ايوه يا عمى
عبدالعزير: احنا جايين نخطب ريهام بنتك لمراد ابنى
سليم : بس
عبدالعزيز : بس ايه ياسليم هترفض مراد
سليم : لا وانا اقدر انا موافق بس ناخد رأى البت الاول
عبد العزيز : واحنا من امته واحنا عندنا بنات بناخد رايهم انت نسيت عاداتنا وتقاليدنا ولا ايه
مراد: لا بس يا بابا دلوقتى بقى لازم ناخد رأى العروسة احنا فى مصر يا حاج
عبد العزيز: خلاص ماشى اومال فين العروسة
سليم : عند صحبتها
عبد العزيز : لوحدها وازاى تسيب بنتك تروح عند صحبتها انت اتجننت ى سليم 
مراد: احنا فى مصر يا بابا مش فى البلد وهنا عادى
عبد العزيز : كل حاجة مصر ايه هو انت علشان اتعلمت نسيت البلد ولا ايه
مراد : هو انا اقدر يا حاج ويستكمل كلامه ممكن تكلمها يا عمى تقولها انى هروح ليها ده لو ينفع
سليم: ماشى
مراد : وياريت تديها خبر ان خطبتها علشان مش تتفاجئ
سليم : ماشى يا ابنى
-------☆☆☆☆'--☆☆☆ 《》
فى منزل سارة
كامليا : يا بنات يا بنات كلمت بابا ووافق اننا نتخطب
البنات مبروك
هايدى : ايه رأيكوا المناسبة الحلوة دى محتاجة اغانى ونرقص
سلمى : اوك
بعد فترة
موبايل ريهام بيرن
ريهام : بتقول ايه يابابا مستحيل ثم تغلق الهاتف وتتحول ملامحها الى ملامح حزينة
سارة : فى ايه
ريهام: الحاج عبد العزيز عمى خطبنى لى ابنه وبابا موافق ومحدش هيقدر يقول لا 
سلمى : طيب سيبنى افكر واشوف حل
ريهام: مفيش وقت المفروض ان مراد فى السكة جاى هنا
هايدى: طيب متعيطيشى واحنا هنعرف نطفشه متزعليشى نفسك
سلمى : انتى آخر مرة شوفت سى مراد امته
ريهام: لما كان عندى ٨ سنين
نوران: مش يمكن يكون حلو
ريهام: اسكتى انتى ده عايش فى البلد
كامليا : ممكن يكون اتعلم وغير فكرة العادات والتقاليد دى ويرضى لو رفضتيه
فى ذلك الوقت تدخل والدة سارة
الام: فى واحد عاوز ريهام يا سارة
سارة: طيب قوليله اننا نازلين ثم تلتفت سارة الى ريهام هو معرفكيشى صح
ريهام: ايوه ميعرفنيشى
سارة : طيب احنا هننزل واحدة واحدة كاننا انتى وهو هيفتكرنا اننا انتى وبعدين نعرفه بنفسنا وانتى تنزلى ف الاخر وتقوليله انت ازاى هتتجوز واحدة مش عارف شكلها وبكدة نشوف رد فعله
هايدى: تسلم دماغك ياسارة
ريهام : تهز رأسها بالموافقة
-------☆☆☆☆☆'---#
فى منزل احمد
ملك : بابا انا هنزل بقى اجيب الفستان
فريد : ماشى ياحبيتى
ملك : باى
تفتح ملك الباب فتجد أمجد امامها
أمجد: ايه ده انتى خارجة
ملك : ايوة
امجد: طيب ماقولتليشى ليه
ملك : انا قولت لبابا واحمد
امجد: وانا خطيبك المفروض اعرف
ملك : انا لسه فى بيت بابا يعنى مش من حقك تحكم عليا
أمجد وهو يتمالك اعصابه : ايوه مش من حقى انى احكم بس من حقى انى اعرف
ملك : يوه اتاخرت 
امجد: تسمحيلى اوصلك
ملك تهز رأسها بالموافقة
-------☆☆☆☆☆-------》》
فى مكتب احمد فى القسم
الباب يدق
احمد: أدخل
عم ربيع : وحشتنى ي ا احمد باشا
احمد يسرع عليه: كنت فين ياعم ربيع وحشنى واللة
عم ربيع : كنت تعبان بس اهوه الحمد لله
احمد : جيت فى وقتك ياعم ربيع لسه كنت بفكر فيك
عم ربيع بغمزة: بتفكر فيا ولا فى كلامى 
احمد: هى ممكن تحبينى بعد الى حصل
عم ربيع : وان قولتك انها بتحبك فعلا تعمل ايه
احمد: ازاى بقى
عم ربيع : لما كنت بتجبها الحبس كنت ببص لنظرتها وهى ماشية زى ما تكون بتقولك خلينى معاك انا موافقة اتحبس بس ابقى جنبك
احمد يبتسم فتظهره غمازته فيقول عم ربيع : لو شوفتها وهى بتبص للغمازة دى كنت صدقت كلامى
احمد وهو يتذكر كيف كانت تنظر سلمى الى غمازته عندما كان عل الشاطئ فاابتسم
عم ربيع : واللة وعشت وشوفت باشا مصر واقع فى الحب كدة بعد اذنك بقى يا ابنى اشوف شغلى
احمد وهو يحدث نفسه مالك كدة فرحان ليه انا هرن عليها ثم يعود المفروض هى إللى ترن ثم يقول دى بنت المفروض انا إللى ارن
-----☆☆☆☆☆------
فى منزل سارة
الام : ريهام نازلة حالا يا ابنى
مراد : ماشى
الام: تشرب ايه
مراد: ولا اى حاجة شكرا
الام : لازم تشرب حاجة
مراد: خلاص هشرب عصير
الام : ماشى بعد اذنك
----،☆☆☆-----☆☆《》
فى غرفة سارة
تقف سلمى فى أحدى زوايا الغرفة وهى سرحانة
سلمى : ارن عليه لا مش هترنى يا سلمى هو اصلا قليل الذوق
سارة تنادى على سلمى وبعد فترة سلمى تر د
سارة : كنتى فين
سلمى: ولا حاجة بقولكوا ايه انا مش معاكوا فى حكاية ربهام
هايدى : إللى واخد عقلك ياعم
سارة تنزل الى أسفل وما ان رات مراد حتى وقفت مكانها
-----☆☆☆☆'%-•••《》
فى ورشة العمل السينمائى
مساعد المخرج : ايه يا فارس اخترت الاسم النهائى للفيلم واسم البطلة
فارس : ايوه
مساعد المخرج : طيب ايه الأسماء
فارس : البطلة هتبقى اسمها زينب والفيلم هيبقى زى اسم البطلة
مساعد المخرج:يعنى ايه مش فاهم
فارس: يعنى الفيلم اسمه زينب والبطلة اسمها زينب فهمت
مساعد المخرج وهو يبتسم : إنه الحب سيدى
------☆☆☆☆☆---《》
فى احدالاماكن العامة
يقف خالد بين مشاريع البناء مرتديا زى المهندسين وقبعته
خالد : ايوه كدة تمام كدة المشروع جاهز للتسليم
احد العمال : هنسمي مشروعنا ايه
خالد يفكر ثم يقول love and happiness اى (الحب والسعادة ) فلقد منحته نوران الحب والسعادة
------☆☆☆☆☆------
فى منزل سارة
مراد : هى ريهام فين
سارة تبلع ريقها :نعم
مراد : ريهام بنت عمى اصل انا مراد ابن عمها
سارة : هتنزل حالا
فى غرفة سارة هايدى تستعد للنزول وموبايل سلمى يرن
سلمى: كنت لسه هكلمك
احمد: طيب ومكلمتنيشى ليه
سلمى : كنت بفكر انى مرنش لتكون مشغول
احمد: لو مشغول افضى علشانك
سلمى بخجل وبصوت خافت:ملك قالتك
احمد: ايوه بس مش هعرف اجى جات ليا مهمة فجأة
سلمى بحزن : كنت عاوزة اشوفك
احمد : وانا واللة انتى مش عارفة انتى وحشانى ازاى
سلمى : وحشاك
احمد: اى انتى والبنات
سلمى : طيب حاول تيجى
احمد : هحاول واعمل إللى عليا بس ادعيلى
سلمى: يارب
عند مراد وسارة
هايدى نزلت وبمجرد أن رأت مراد وقفت فى ذهول
مراد: ريهام فين
هايدى : نازلة حالا
مراد : هو كل واحدة هتقولى كدة
ويتكرر ذلك مع باقى البنات حتى نزلت ريهام وقد وقفت مندهشة
-----☆☆☆☆☆----،،
فى إحدى المحلات
أمجد: مش هتاخدى الفستان ده دى مكشوف جدا
ملك : ما انا هلبس تحته بدى
أمجد: انا قولت لا يعنى لا
سلمى وقد بانت الدموع فى عيناها
أمجد: خلاص هناخد بس مش هتروحى بيه الفرح ده
ملك : ليه بقى
أمجد: اخاف يعكسوكى وانا مش معاكى
ملك: متخافشى والنبى البسه
أمجد: خلاص هناخد انتى حقنه
ملك بحزن : انا حقنه
أمجد: هو الجميل زعل ولا ايه بحبك والله
ملك بخجل : بس بقى ي امجد
أمجد: لا وبنتكسف كمان يالهوى ع القمر يا اخواتى
ملك : يالا نروح
أمجد: قوليلى الاول بحبك
ملك : مش هقولك
-----☆☆☆☆--،،،،
مراد : ازيك يا ريهام ويمد يداه
ريهام تمد يداها وتسلم عليه ثم تهمس فى أذن سارة انتوا متأكدين انه القمر ده ابن عمى
سارة، : هو انه اعرفه انتى الل تعرفيه
هايدى : لو مش موافقة عليه يا ريهام انا موافقة
ريهام تضربها فى كتفها اسكتى
ثم تسأله نوران :هو انت صحيح ابقى عمها
مراد: ايوه بس فيه حاجة
كامليا : اصل مكناش متخيلينك كدة
مراد : افندم 
زينب : ولا حاجة بس انت متاكد انك ابن عمها
مراد: البطاقة اهيه علشان تتاكدوا
فياخذون البطاقة منه
نوران : ده احسن منى فى صورة البطاقة
سارة : سيبوا البت تتاكد من الاسم
ريهام: هو ابن عمى
سارة : طيب يالا نطلع فوق ونسيبهم دى مشاكل عائلية ملناش دعوة
-----☆☆☆☆----
فى غرفة سارة
سلمى : ربنا يوفقك يا رب يا احمد وبينما هى تدعى له تدخل سارة والبنات لتغلق الهاتف
