رواية احفاد فرعون الحلقة 13 الثالثة عشر بقلم اروي طاهر المسلاتي (بنوتة الشيخ)
مالك:لوح الطرف الاول وولع الطرف الثاني
حس بيد على رقبته تمس في بطريقه غلط!!
تلفت ...
رجاء:اثر الجرح قاعد
مالك:بعد يدها بعنف
رجاء:اتكت على السياج....قداش ليك مهدرزتش عليا
مالك:نفخ الدخان....من امتى متعود نهدرز عليك !
رجاء:ممكن بتتعود من اليوم
مالك:ضحك بهزوه...زارطه انتي؟؟!
اطلعي اقلبي وجهك من الدار معنديش نيه نهزب حد
رجاء:منحبش نفرظ وجودي على حد انا بس انت غير مالك
مالك:اتكى على سياج الحديد متع البلاكونا ويتفرج
رجاء:حطت يديه على كتافه....بعد ما اطلقها يلي عندك
خودني انا وخلينا نستقرو !...صعب تلقى ام لي نجمه احسن مني وانا نفهمك ونحس بيك
مالك:اطلعي رجاء
رجاء:لا مش طالعه ياسر من معاملتك هاذي مش معدل عليا ابدااا ولا حاسبني شي
مالك:شنو انتي اصلاااااا غير خالت البنت وبس
رجاء:انت نسيت يلي صار هذيك الليله؟!
مالك:لوح الدخان وهوا يتفس بغل....اطلعي
رجاء:تتكلم بأسلوب مستفز....نسيت صح نسيت يلي صار هذيك الليل ولا تتناسى
مالك:اطلععععي النم
رجاء:مش طالعه ....وح تجيني يوم تاني طايح بين رجليااااا نفس هذيك الليله و.....
مالك:ضربها كف
رجاء:قربت منه وتشوفله بنضرات غريبه....اضربني اضربني هيني اقتلني بس خليني نقرب منك بس
مالك:مريضه انتي!!!!!!!
رجاء:انت عارفني كويس شنو نبي مالك انت فاهمني بس تستعبط
___________________________
سكينه:تشربي معاي قهوا؟
ساجده:منقدرش بنركب ....جيت نبي نعرف نجمه بنت منو!!
سكينه:خدت نفس....بعد ما تزوجت رهف بفتره مالك خطب من جديد
ساجده:منو خطب؟
سكينه:خطب بنت عمهم
ساجده:ع منو تحكي؟
سكينه:بتوتر....خطب بنت عم ولاد رمزي وقريب هبلو لما عرفو بي الخبر هاذا وحتى حاولو يخربو العرس لكن مقدروش
المهم تزوجها وكانت علاقته بيها اكتر من سيئه
هيا كان لسانها طويل هلبا الله يرحمها ومالك ميحبهاش وقاعد قلبه مع رهف 💔
حتى علاقتهم في السرير من يوم الدخول معش رقدو مع بعض كل يوم نشوف فيه راقد في المربوعه
جت نجمه لي الدنيا وكان عمرها سنتين بس وبعدين صارت الكارثه !
ساجده:كارثة شنو!!؟...
سكينه:جابو دليل لي مالك ان مرته تخون فيه وعبوله راسه ان نجمه مش بنته ومالك هبل وقتها والحوش انقلب فوقي لوطي رفع بنته داراها تحليل50مره عشان يتأكد انها بنته ومع هاذا لعند توا مش مصدق ويعامل فيها مش كويس!
صح يصرف عليها لكن مش مدورها بكل تعرفي
ساجده:سارحه بصدمه ...اهااا
سكينه:طبعا نجمه عندها حساسية صدر مزمنه وديما تمرض في فترات معينه ويلي يعاين فيها احمد او محمد عمها اكتر شي!
ساجده:ومرته شن دار فيها!!؟
سكينه:ااااه صارت هلبا مشاكل بطريقه مش طبيعيه وشادين مالك عليها بسيف
ساجده:غير استني !...كيف ماتت مرته؟
سكينه:سكتت
ساجده:سكينه كملي الله يخليك متخلينيش هكي
سكينه:مش معروف
ساجده:كيف!؟
سكينه:لحد توا مش معروف او انا مقالوش قدامي
ساجده:مستحيل....سكينه او في شي وتبي تخبيه عليا لانك خايفه تكلمي صدقيني مستحيل ندير شي !
سكينه:خدت نفس ...كل خد يقول في كلام
في منهم يقول ماتت بأزمه قلبيه وفي منهم يقول جلطه...لكن!
ساجده:لكن شن ؟
سكينه:لكن انا شفت دم متأكده !
ساجده:😨😨😨كيف؟؟
سكينه:يومها كنت انضف زي العاده خشيت لل
نهال:شن اديرو في الوقت هاذا اناي وياها
سكينه:وقفت مرتبكه....ولا شي والله
ساجده:بهدوء....شديتها متلبسه مدايره قهوا ومش عازمانا
سكينه:اي😅
نهال:سكينه ديمه هكي لازم منها قهوة الليل عاد
ساجده:يالله تصبحو ع خير
نهال:خليك اشربي معانا ولا سكينه لزاتك؟😂
سكينه:حاشه لله مادرتها
ساجده:ههههه لالا سكينه مديرهاش صحتين نعسانه والله
نهال:امبه تصبحي
ساجده:وانتم من اهل الخير
_____________________________
محمد:تو بتقنعني انك الولد المسكين يلي متعلم بشي!!
احمد:طلع حوايجه....جدك يبي يخلص على عيلة المختار بطريقه منضمه
محمد:كيف!
احمد:بناتهم يبدو عندنا ياقنين
محمد:كيف😍😍😍بنديرو سهريه ليل وجو
احمد:ضحك...سهرية امك ياوسخ
نقصد زواج زواج
محمد:بالله!من بياخد منو
احمد:مش معروف لعند توا استنى دورك
محمد:ان شاء الله باقي الانتاج زي مرت مالك🤤
احمد:اطلع من الدار وانت تقول تتوحم كل شويه عندي هنايا
محمد:الف مره نقولك مكيفي فاسد الزح ...وين طالع
احمد:عندي موضوع بسيط هكي بنخلصه ومروح
محمد:نموت فيها مواضيع الليل انا ارفعني🤤
احمد:سكر الدولاب ...مش من يلي في بالك اطمن
ماشي معكس مع الشباب في واحد ندور فيه
محمد:مواضيع اخي انا بنرقد شكر الباب وراك لما تطلع
احمد:اففففف ...وخش الحمام
محمد:مش طالع اطمن اف اف لين تدهش
______________________________
مالك:تخطيتي حدودك لنم
رجاء:انت فاهم اني نموت فيك من قبل ماتاخد اختي
عيونك❤️صوتك هيبتك حتى عياطك ضربك ...وحطت يديها على كتافه...شخصيتك
مالك مدمنه عليك انا
ساجده:مالك!!
مالك:بعد رجاء من عليه
ساجده:قعدت تشوفلهم فتره وفي شوية ملامح صدمه على وجها...انا بنسكر باب البلاكونا صقع ونجمه راقده
مالك:اصلا الانسه بتطلع
رجاء:تمثل قدام ساجده ع اساس انها منحرجه وكانت ادير في شي مع مالك !...يالله تصبحو ع خير
وتو نهدرزو مالك تمام؟
مالك:دار ملامح تقزز على وجها وعطاها بضهر
رجاء:وقفت قدام ساجده وتعدل في ملابسها وتمسح في فمها ....ديمه تقطعي في اللحضات الحلوه
ساجده:مردتش💔
رجاء:طلعت وخلت الباب مفتوح
ساجده:سكرت الباب ورقدت جنب نجمه ...حضنتها وسكرت عيونها
ساجده:مستحيل نلوم مالك ع اي شي يديره !..انا اكتر وحده فاهمه شن يعني يحرموك من شخص تحبه وفاهمه شعور الخيانه كويس!
حتى لو دار شي مع رجاء بردو مش رح نلومه لان يحاول يملي فراغه وبس 💔
المشكله اني حبيت💔هبال ومش طبيعي اي بس لما تشوفي شخص بي شخصية مالك مهما كان سيئ لكن رح تتعلقي بيه
انا توا نبي نطلعه من الدوامه يلي هوا فيها وبس حتى لو مش عشاني انا ع خاطر بنته ع الاقل 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
فايزه:ها الخامر هاذا الحقير والله خوتك ميسيبوه
يسرى:ساكته ومربعه يديها....
سلوى:بالك يرجعها اكيد فيه سوء تفاهم اكيد
يسرى:مفيش لا سوء تفاهم ولا شي قتله حطني في حوش اهلي بنحني عشان سبوع سيرين قالي باهي وطلعنا من الحوش جونا تمام
جابني هنايا قعدت دقايق وبعتلي مسج مكانك وصلتيه انتي طالق وورقتك توصلك
ياقوت:افتكيتي منه وهوا صلعته تلمع اكتر من دروجنا
سلوى:لا حول ولا قوه الا بالله وخلاص ان شاء الله الاوضاع تتصلح
فايزه:منبي شي يتصلح انا بنغبرها عليه وبس
ها الكلب هاذا تو نوريه
سلوى:الله المستعان وخلاص
___________________________
وسام:صار هكي خاشه بعضها
احمد:ياكل في مكسرات....هكي صار الولد يلي بعت امه الفلاش اختفى الواطي ع قد ما كلمت المعارف في كل مكان مهناش مليشي اثر
وسام:سكت شويه....احمد بتريس وخليها بينا هكي
احمد:شني
وسام:يلي في الفلاش صاير ولا مش صاير!
احمد:وسام متقعدش تخرا توا مالك فيه طقه وانا فيا طقه وخوي محمد في طقه ونديرو اي شي يخطر ع بالك لكن متوصلش لي الدرجه هيا النم حتى بي العقل خير ك!!
وسام:وين نعلم الهم شي يخليك تشك حتى في روحك
احمد:يمضغ ويهدرز....لو الفلاش عند حد تاني بيصير الدم لركاب والقصه بتكبر لنم بتنفتح قصه كبيره مستحيل تتسكر وشد عندك الحرب يلي معش بتكمل عاد
وسام:اووووووف مجرد ما تخيلت بس مقدرتش نستوعب
احمد:المهم بروي هاذا الرقم عندك كان حصلت عليه معلومه دورني
وسام:يلي في جهدي بنديره وراسك
احمد:تم ياغالي منور
وسام:بوجودك
_____________________________
ساجده:مقدرتش نرقد طوول الليل مسكره عيوني بس !
الكلام يلي سمعته والمنضر يلي شفته بين مالك ورجاء
كيف مالت مرته؟
مالك شنو مخطط مع حبيبته القديمه؟كيف بيتصرف بعد ما رجعت هيا وراجلها للبلاد؟
طول الليل وانا نفس الكلام يدور في راسي ونحس بي مالك يتحرك جنبي خاش طالع كنت عارفه انه يشرب 💔بعد يلي صار اليوم وكيف شافها مع راجلها اكيد بيشرب !
مالك:مقعمز على الصالون ويتصفح في تالفونه
نجمه:نزلت من السرير تحك في عيونها....بابا
مالك:حط يده بين عيونه بسبب الصداع يلي يحس بيه
نجمه:علقت يديه في رقبته وتحاول تركب على حجره...بابا نني فات عليك وقت النوم راهو
مالك:فك يديها ودفها لين طاحت ع الارض
ساجده:ناضت من مكانها بسرعه
مالك:يكشخ ع بنته....الف مره نقولك تنوضي من النوم اقعدي في مكاااااااانك متنزليش من السرير
اصلا شنو جيبك هنايا اليوم اطلعي اقلبي وجهك ارقدي مع رجاء برا
ساجده:قامت نجمه من ع الارض وكانت خلاص بتبدا تبكي...قعمزت جنب مالك وهيا اطبطب على نجمه
مالك:شرب اخر رشفه ولوح الشيشه يلي في يده
ساجده:مالك
مالك:بعيون ذابله...مانفخيليش راسي انتي الثانيه فوتيني
ساجده:حطت يدها ع خده❤️...شوفلي هنايا
مالك:قعد يشوفلها محاولش يفك يدها
ساجده:مالك شوف بنتك
مالك:بعد يدها...مش بنتي ونوضي طلعيها من الدار منتحملش وجودها هنايا
ساجده:حطت نجمه ع حجر مالك ومسكاته من خده....شوف بنتك مالك❤️
تشبهلك نفس العيون شوفها
نجمه:تشبحله ببرائه🥺
مالك:ساكت
ساجده:تمسح ع شعره بحنيه....معمركش ركزت في ملامحها ❤️...شوف قداش هيا تشبهلك وتحبك رغم كل العياط يلي تحصل فيه منك
مالك:قام يده بتردد على وجه نجمه
نجمه:ابتسمت....سوجي قالت انت تحبنا كلنا صح ولا بابا
مالك:الرؤيه مش واضحه عنده ويحاول يركز في ملامح بنته
نجمه:حرام نجمه مدخلها في شي نجمه بنتك ومن دمك ونسختك الصغيره مالك حاول تتقرب منها
نجمه:حضنت بوها ولاول مره مالك بعد وقت طويل لف يديه عليها ❤️
ساجده:ابتسمت وهيا تشوفلهم
مالك:يطبطب على ضهر بنته ومسكر عيونه
نجمه:قاطعت اللحضه العميقه هاذي...سوجي نبي نشخ
ساجده:😂😂😂😂....مسكتها ونزلتها من على الصالون
بري ياقلبي هي ردي بالك تبلي حوايجك
نجمه:تقيم في التيشرت...امبببه ...وطلعت
ساجده:نوض مالك ارقد ع السرير نومة الصالون اتعب هنايا
مالك:مسكر عيونه مش قادر يفتحهم ...قعد يساوي في روحه لين رقد على حضن ساجده
ساجده:انصدمت وقامت يديها
مالك:تاعب انا ....تاعب هلبا
ساجده : تمسح عليه....كل التعب يختفي ولا يهمك ساهل
مالك:مسكر عيونه وفمه بس يتكلم ....مفيش شي راضي يكمل كل الكوابيس تطلع من جديد كل يوم
ساجده:اششش خلاص معش تحكي شي اهدا وارتاح
مالك:رقد وهوا في حضن ساجده
نجمه:ضحكت...حيي بابا راقد زي البيبي😆
ساجده:ضحكت....اسكتي متعليش صوتك بابا راقد
نجمه:نبي نرقد حتى انا
ساجده:به تعالي جنبي وخليك هاديا باش بايا بيعصبش عليك
نجمه:امبه ماسكه رجلها بيديها الاثنين ....خيره بابا زي البيبي راقد هكي
ساجده:ماهو مريض
نجمه:اهاااا
ساجده:هيا سكري عيونك ونني باش غضوا نعطيك حاجه حلوه
نجمه:مبه حاضر
ساجده:طول الليل مش قادره نتحرك عشان ميفيقش ❤️
رغم انه كان ثقيل بس يهون عادي مدام شفت نضرته بدت تتغير اتجاه بنته
___________________________
هبه:تعلق في حوايج عبدو....وعلى شنو اتفقتو؟
عبدو:رقد ع السرير....مصار شي الولد طلق وتمت
هبه:بس هاذي اختك كيف بتسكت ؟
عبدو:فصل عليها.....شنو تبيني ندير بزبط ؟؟نقوله لا خودها وحبها بسيف ؟
كل شي بسيف الا حبني يابنادم ره
هبه:به خلاص اسفه💔
عبدو:حاله الزح...وفتح تالفونه
هبه:قربت منه وابتسمت....به وانا تحبني؟
عبدو:يتفحص فيها بنضرات خبث...شن رايك انتي
هبه:وين نعلم🙈
عبدو:نوضي طفي الضي وتعالي
___________________________
فايزه:اخخخخ بس اخخ لو ياخدك حد من عيله قويه هكي ومعروفه خلي نشوف روحي شويه
يسرى:مفهمتش
ياقوت:سكرت التالفون....ماما تلقح ومقهوره من ساجده لانها خدت حفيد فرعون
يسرى:شافت لي امها...جديات!!
فايزه:وشن فيها؟تخيلي ياخد وحده منكم شوفي العز والقوه يلي تبدو فيها
يسرى:تنهدت....من مزال بيدورني بعد الطلاق انا
ياقوت:كان وحده تانيه راهو شاده تركينه وتبكي 😂
يسرى:معندي علاش نبكي حبيبتي طز فيه اصلا من قبل كل يوم عراكات .....والله ماني معدله وبكرا بنحضره السبوع كامل مدام ورقتي موصلتنيش قاعده مش مطلقه
ياقوت:قويه انتي وربي😂
فايزه:اخخخ بس لو يلي في بالي يصير
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم⛅️⛅️⛅️
مختار:وين عبدو؟
فايزه:من بعيد....طلع الصبح بكري
انس:ياكل...تكدب مروحش
حافظ:ولدددد تحشم معش تقول تكدب على مرت عمك
انس:شاف لي جده...تبصر عليك مروحش
ياقوت:😂😂😂😂
مختار:شن قصته ولدك؟؟؟؟الايام هيا يبات برا بزايد الوضع هوا معش يمشي معاي انا ساااامع
مصطفى:تو نشوفه يابوي ولا يهمك
مختار:الوقت هادا بدات قللو من الطلوع برا الحوش خلوها تولع بينهم الزوز واحني بعاد عليهم
انس:حسي رائي لو تزمزكو لي هادم شويه وهادم شويه احسن ...وبعدين اقعدو مع الواقف
مختار:شاف لي حافظ...سكت ولدك
حافظ:انس تحشم خلاص
انس:كيفكم يالله بنطلع انا تبو شي؟
سلوى:انس راجي ....هاذي ارفعها لي اختك ساجده على طريقك
انس:تمام
___________________________
مالك:فتح عيونه وناض قعمز وهوا يتفحص بنضراته وين كان راقد
كانت ساجده متكيه ع السرير بتعب ومسكره عيونها
مالك:اذكر ليلة امس شن صار وكيف حضن بنته❤️
صح مفيش مره وحده ركز في شبه بنته ليه
عيونها نفس اللون وضحكتها❤️...ساجده
ساجده:ناضت مخلوعه....هااا
مالك:ساوي روحك وارقدي ...اسف امس خشت بعضها
ساجده:تحرك في رقبتها بتعب ...عادي ولا يهمك
مالك:ارقدي انا طالع
ساجده:لالا بنوض خلاص ....اءء راك تنسى مالك اليوم سبوع اختي بترفعني صح؟
مالك:اي وتي روحك وكلميني ...جي بينوض شاف نجمه راقده
ساجده:انتبهت عليه....كانت تبي ترقد في حضنك بس مخليتهاش تفيقك❤️
مالك:ابتسم ع جنب
ساجده:ع فكره رقدتها زيك 😅
مالك:وانتي شن عرفك؟
ساجده:مش عارف!...ممكن لان طول الليل وانا نراقب فيك كيف راقد؟❤️....
مالك:نزل راسه شويه وشافلها ...صحيتي
ساجده:تغطي في نجمه....على شنو؟
مالك:مرات البني ادم محتاج كلمه بس في ضرف صعب ولقيتها عندك امس
ساجده:لمت شعرها فوق
مالك:بيزل من السرير مسكاته ساجده من يده
مالك:قام حاجبه وجت في باله تصرفات رجاء
ساجده:خليني نساعدك!
مالك:على شنو بتساعديني؟
ساجده:انت تاعب هلبا وواضح ان في قصه صايره معاك تخص بنت و........
مالك:قرن حواجبه طول....انتي من قالك
ساجده:بهدوء....مفيش حد قالي انت لما تبدا تسكر تنادي فيا بي اسمها
مالك:مفيش منها الدوا ...وجاي بينزل مسكاته من جديد
ساجده:مالك صدقني ....يلي صاير معاك عادي اي حد عنده قصه مع حد يحبه !
بس انت حاول تساعد روحك وتطلع من الدائره يلي حابس نفسك فيها وتنتبه لي بنتك ع الاقل وتشوف حياتك❤️
مالك:شاف لي نجمه ....اموري طيبه مش محتاج مساعدة حد
ساجده:تمام
بس حط في بالك وقت تحتاجني تلقاني باهي!
مالك:ابتسم ....وطلعتي طيبه ومعالجه نفسيه زياده
ساجده:اي وهلبا حجات تانيه😂
مالك:وقف وماشي للحمام...نعيشو ونشوفو
ساجده:رغم التعب بس ناضت نشيطه شويه ❤️نضرات مالك لي بنته تغيرت للاحسن اليوم❤️
___________________________
طق طق طق طق
نهال:سكينه سكينه افتحي الباب
طق طق طق طق
نهال:ما منها فايده سكينة العازه ..وقربت فتحت الباب
انس:اهلين
نهال:اهلين؟مشاء الله محترم 😂
انس:😒😒😒...وين اختي؟
نهال:راقده فوق ياحنى لتوا احفاد مختار عاد زي الاميرات نوم لضهر
انس:ع اساس احفاد فرعون ينوضو قبل دجاجهم
نهال:انت راسك وراسنا هكي بتموت غيره مننا
انس:على شنو بنغار ها الزين يلي ضاربكم
نهال:فتحت الباب على وسعه ....الجمال هاذا كله متشوفش فيه؟
انس:توتر وكان قلبه بيطلع ....لوح عليها الكيسه
هاك عطيها لي ساجده ومعش تعرضي روحك لحد
نهال:حرقتها الكلمه😂....منعرضش في روحي انا ناقص غير نعرض روحي لي فرخ مختار
انس:عطاها بضهر وخلاها تحكي
نهال:تعالا هنايا انا قاعده ندووووي
انس:سيبها وطلع بي ملامح جامده لكن داخله ميت ضحك عليها
____________________________
سيرين:مش عارف كيف انا مفهمتش والله كنت بنوقفه السبوع عشانها
سلوى:متوقفي شي والله ما معدله بنت عمك تقول مش مطلقه
سيرين:ربي يستر وخلاص مهم تعالو بكري
سلوى:انا جايه توا واختك والباقي بعدين يلحقو
سيرين:تمام
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مالك:طلع من الحمام يمسح في شعره
ساجده:اطبق في الحوايج وتشوفله ...تحاول تخفي نضراتها من عليه بس في نفس الوقت تبي تشوفله
مالك:امتى بتطلعي؟
ساجده:قامت عيونها ...مع المغرب
مالك:نجمه بتخليها؟
ساجده:فكرت نرفعها معاي...طبعا لو سمحتلها وهكي
مالك:خليها بندير بيها دوره في السياره مابين كملتي حفلتك
ساجده:ابتسمت....به❤️
مالك:مصارش شي لعند توا!
ساجده:بدون فهم...كيف
مالك:حمل ؟
ساجده:اءء ل لا
مالك:لازم يصير قبل مايكمل الشهر وميلقوش حجه ويطلقوك !
ساجده:حطت التيشرت ع السرير...عادي تفهمني القصه هاذي؟
يعنى ليش تبيني نحمل؟رغم انك وافقت شهر ويصير الطلاق!!
مالك:انتي ديري يلي نقولك عليه وبس
ساجده:نبي نفهم علي اي اساس بنكمل حياتي؟
مالك:شبحلها ....مكنتيش هكي انتي!
ساجده:كيف؟
مالك:اول يومين كنتي تافها وزي العيله وتعاندي توا شنو جايك تتكلمي بهدوء وبديتي رزينه؟
ساجده:ا.....
نهال:سلااااام ....حي😯اسفه مكنتش نعرف انك هنايا وخي
مالك:خشي خشي....ويبطم في سوريته
نهال:مهم سوجي ع قولة نجمه😂هاك جابها خوك الكيسه
ساجده:صحيتي
نهال:تتكلم بي الاشارات....خوك طرف
ساجده:مفهمتش
نهال:حاطه صبعها ع خدها وتقولها خوك
ساجده:شنو؟؟
مالك:نهال نشوف فيك من المرايا
نهال:😨😨بسلامه ....وطلعت تجري
مالك:ضحك عليها وكمل لبسه
______________________________
الساعه7المغرب:-
احمد:مطبس على جده ويحكي معاه
محمد:يراقب فيهم من بعيد وياكل
رجاء:مسكت نجمه.....ليش امس خليتيني بروحي ؟
نجمه:ماهو رقدت عند سوجي انا🥺
رجاء:هكي تخليني ياكلني الدبدوب
نجمه:خلاص ماما معش نخليك بكل به
رجاء:به❤️....نونو ياقلبي
نجمه:نعم
رجاء:بابا وسوجي شن يديرو امس؟
نجمه:تاكل....شي
رجاء:بكل بكل؟
نجمه:ضحكت....امس بابا رقد زي البيبي وسوجي هكي ....حضنت يديها
رجاء:😨والله؟
نجمه:اي وبابا راقد
رجاء:🔥بسيطه يامالك بسيطه
خيريه:تشوفلها من بعيد....خلي البنت تلعب بلا تقصقيص يابنت انتي
رجاء:سلاما قولا من ربي رحيم ...عزوزة الشر هيا
خيريه:نجمه نجمه
نجمه:بخوف...نعم حنينه😰
خيريه:امشي العبي
مالك:نجمه تعالي
نجمه:مشت بسرعه لي حضنه وقامها
جميله:شافت لي نهال بي استغراب؟
اول مره يناديها
________________________________
ساجده:لبست قفطان سمائي ❤️كمامه عريانات وطويل ماشي مع الجسم ...درت اي شادو بنفس اللون مع اي لاينر طويل يبرز العين واكسسوارات ناعمه
مدرت شي في شعري اكتفيت نخليه مفتوح وبس❤️...لبست عبايتي ونزلت
ساجده:مساء الخير ❤️
نهال:مساء النور ...مشاء الله الله يبارك وين ع خير
ساجده:ضحكت...اسبوع اختي اليوم وحتى عزموكم
ليش متبوش تمشو؟
جميله:مره تانيه بنتي ...واشرت بعيونها على خيريه بمعنى ممنوع نمشو وهاذي عندنا
ساجده:فهمت....اهاا به تمام ع راحتكم
مالك:هيا
ساجده:جت بتطلع وقفتها
خيريه:تعالي تعالي
ساجده:قلبها طاح ...نعم عمتي
خيريه:نحي العبايه بنشوفك شنو لابسه
ساجده:شافت لي ام مالك واخته بصدمه بمعنى خيرها هاذي؟
خيريه:ندوي انا
مالك:خدي بنته وطلع....نراجي برا انا
ساجده:هزت راسها ونحت عبايتها
خيريه:تتفحص فيها
نهال:قمر مرت خوي قمر
ساجده:ابتسمت عيونك الحلوات
رجاء:😒
خيريه:البسي واطلعي ومتواخدينيش انتي كنتنا ولبسك وشكلك محسوب علينا
ساجده:ولا يهمك عمتي ❤️هي تبو شي
جميله:سلامتك
ساجده:طلعت وخيريه تشوفلها من بعيد عجبتها ردة الفعل كيف مقعداش تنفخ او قللت ادبها
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ياقوت:ناضت بفزع من مكانها....الوو❤️
احمد:اهلين
ياقوت:عيون الاهلين
احمد:نبي معلومه تانيه ع الفرخ
ياقوت:اي فرخ ياسيد التريس 🤤
احمد:بطلي !....نحكي جديات انا
ياقوت:ضحكت....يلي عندي عطيتهولك رقمه واسمه شن تبي تاني
احمد:عليك قصه
ياقوت:قول انك ادور في سبله عشان تكلمني لا اكتر 🙈
احمد:سكر في وجها
ياقوت:محلادينمك😭وخلاص حتى كان تكسرلي في قلبي...ورجعت مكانها
خشت ساجده للحوش نحت عبايتها ووشاحها ونزلت تسلم طبعا العيون كلها عليها ويتهامسو لدرجة ساجده توتره والكل كان يستنى فيها ع نار
هاذي يلي خدت حفيد فرعون !...سلمت عليهم وقعمزت
سلوى:جابت البخور...الله يبارك عليك يابنتي
ساجده:ابتسمت
فايزه:وانتي خيرك مش محنيه؟تو بالله هاذا منضر عروسه
ساجده:مبتسمه....مالك ميحبش الحنه
فايزه:عطتها بضهر ومشت
سيرين:صدددددمه سبحان من يغير الاحوال ساجده بدت عاقله ومتردش في الدوا لاااااع ياربي😂😂
ساجده:ضمي فمك يابارده جبت لي فرخك هديه مقومه
سيرين:سلم رزق فرعون يعيش ويجيبلنا
ساجده:سلمك😂
سلوى:متريحه غادي؟
ساجده:الحمد الله متشغليش بالك
_______________________________
نجمه:بابا وين نمشو؟
مالك:ابتسملها...مكان قنين هي انزلي
نجمه:ضحكو عيونها....لعيباااات😨
بابا صحيييييييت😭😭😭😭
مالك:ضحك على تعابير وجها المجنونه خداهاونزل
نجمه:حي صغاااار شوف
مالك:لهدرجه كنتي محبوسه؟
نجمه:تنقز وتصفق ...بابا شووووف
مالك:بري العبي هي
نجمه:نمشي😨عادي ؟😍
مالك:اي بري العبي معاهم
نجمه:تنقز....صحيييتتتتت 😭😭
مالك:منيني متعلمتيها الكلمه هيا
نجمه:سوجي علمتها
مالك:به بري العبي هي
نجمه:انطلقت بسرعه زي الصاروخ تلعب ومالك قعمز على الكرسي يتفرج عليها .
مالك:لهدرجه كنت بعيد عليها؟...رسمي البنت تشبهني في كم حاجه!
كيف مكرهتنيش بعد كل شي درته معاها؟؟
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
فرعون:في عزاء غضوا لازم نحضرو كلنا
محمد:منو تقصد بي كلنا
فرعون:انا وخوتك وانت طبعا يا استاد
محمد:وانا من امتى نعزي في الناس
فرعون:لازم منه ولاد مختار ورمزي غادي
احمد:بتخلي مالك يمشي؟؟
فرعون:اكيد شنو لعند امتى بيقعد هكي مش بنت هوا رااااجل لازم يتعلم الصبر
احمد:برايك
________________________
تررررررن :-
مسج
ساجده:رد بالك ع نجمه غطيلها صدرها كويس عشان متمرضش الريح تحرك برا
مالك:ابتسم ورد عليها....هيا بنتي ولا بنتك؟
ساجده:كانت لاهيه وسط الاغاني وزحمه لين وصلتها الرساله وردت
ساجده:بنتنا❤️
مالك:اختفت علامات الضح لما شاف المسج !
كأن اذكر شي !!.....نجممممه
نجمه:نعم بابا
مالك:ياسر هي بنروحو
نجمه:منبيش نعيط ره ...سوجي تقولي لما متعيطيش نزيد نعطيك انا نبيش نعيط باش ترفعني ولا
مالك:ابتسم....سوجي هاذي يلي مهبلاتك ...هي اركبي
نجمه:سبقاته لي السياره وهيا تتكعبر بي جسمها السموني 😂❤️
____________________________
فايزه:ساجده بتروح
ياقوت:وجعت شعرها للخلف بتكبر قدام الناس ..اس
فايزه:اسمعي كويس في شي نبيك اديريه توا تقولي لا نعدمك اسمعي الكلام واسكتي
ياقوت:شنو ؟
فايزه:-
ساجده:روحت للحوش وفرحتتتتتتت لما نجمه تحكيلي وين رفعها مالك وكانت فرحانه بطير وتشكر في بوها وتعاود
ياعمري مكانتش متعوده على بوها هكي 💔
خليت نجمه لوطه تحكي لي رجاء والباقط وركبت نغير في ملابسي ...نحيت عبايتي وكيف جايه بنقيم شعري سمعت صوته وراي❤️
مالك:خليه
ساجده:تلفتت بفزع...خلعتني
هوا انت هنايا نسحابك لوطه
مالك:ابتسم.....تبيني نفوت المنضر هاذا
ساجده:قدمت ودارت دوره.....حلو القفطان صح ؟
مالك:متكي ع الباب قرب منها....منعرفش في لبس النساوين بس
ساجده:بس شنو 🤭
مالك:قنين لنم
ساجده:استعمل كلمات راقيه مالك😂😂
مالك:قرب منها....زي ؟ علميني
ساجده:زي مثلا اي قنين هلبا...حلو عليك
مالك:منعرفش ندوي هكي
ساجده:وخرت وهيا تبتسم...امالا شنو تعرف ادير
مالك:يقرب منها....
نجمه:قطعت عليهم اللحضه😂....بابا قتلك مخريه تعالا تعشى
مالك:ضحك من قلبه بصوت عالي ....اسمها خيريه
نجمه:تعاود تنطقه....م خ مخريه
مالك:تعالي ياكلبه تعالي
نجمه:جاته تجري وركبت في حضنه
مالك:معنديش نصيب باش نوريك شنو نعرف ندير
ساجده:خدودها حمررر...مره تانيه😂
مالك:نزل وسكر الباب
____________________________
ياقوت:لا يا امي عاد والله مصارت
فايزه:قرصتها تحت الطاوله....سكري فمك واسمعي الكلام
ياقوت:وووووه رجلي بشويه
فايزه:تحركي نوضي زي ماقتلك
ياقوت:لكن
فايزه:نوووووضي
ياقوت:افففففف
_____________________________
نهال:ساجده وين ؟
مالك:فوق
نهال:متبيش تتعشى؟
مالك:واكله قالت
نهال:اممم به ....كيف بنقنعها تعطيني رقم خوها !!
كيففففف
الحيوان هاذا لازم نوقفه عند حده مل ما نتلاقى معاه لااااازم يسب اهلي الواطي!!
هوا في الحقيقه حتى انا نسبله في اهله
لكن عادي انا بنت هوا مفروض يحترم نفسه وسخ
رجاء:تحكي داخلها....مجيتش بطيبه ولا؟
تو نوريك يا مالك تو نشوفو من يلي يجي لعند التاني
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:بدلت حوايجي غسلت وحهي ولبست بيجامتي واتميت ع السرير حاسه تفسي تاعبه مووت بس كنت فرحااااااانه
بدت علاقتي تتحسن بي مالك وبدي يتقرب مني وواضح تعامله مع بنته❤️
اذكرت لي شي خلا ضحكتي تختفي من على وجهي فجآه💔
طق طق طق
ساجده:ادخل
مالك:السلام عليكم
ساجده:وعليكم السلام ...صحتين
مالك:سلمك
نجمه:تحك في عيونها...سوجي نبي نرقد في سريري
ساجده:قامتها حطتها في السرير وغطتها❤️
مالك:مسح وجها بعد ما غسله وطلع شاف ساجده راقده ع السرير وماسكه تالفونها
ساجده:حست ان وجه مالك متغير!!
كأن شاف شي اضايق قبل ما يركب
مالك:سكر الضي وقعمز قريب منها
ساجده:خيرك؟في شي!!
مالك:سكت مده طويله.....عادي لو؟!
ساجده:شنو؟
مالك:اشر لي حضنها....تاعب
ساجده:ابتسمت وفتحت يديها❤️
مالك:رقد في حضنها وسكر عيونه بتعب
ساجده:حطت يدها ع راسه وبدت تقرا عليه في قرآن❤️
____________________________
رجاء:اهلين محمد
محمد:استغرب...نحى السماعات من عليه...تفضلي
رجاء:ليك هادي؟؟
محمد:قلبه دق خوف ناض بسرعه خطفها منها
رجاء:اوكي خيرك خفت ..😂
محمد:لا خفت لا شي حاجه مش ليك علاش ماستيها
رجاء:يعني عادي هوا طرف حشيش مش اكتر
محمد:منوره ياستي شن تبي
رجاء:ولا شي عطيتهولك لا اكتر اطمن مش ح نقول لي خوتك ....وطلعت
محمد:فهم انها تستفز فيه وحترجع
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:رقدت راسي جنب راسه❤️قهمت ان حاس معاي بي الامان
ممكن مفيش حد فهمه زيني وسايره
مفيش حد حكي معاه اصلا عشان يستند عليه
ديمه كان يلجئ لي شي يخليه فاقد لي وعيه وبس !
سكرت عيوني ورقدت❤️
ثاني يوم⛅️⛅️⛅️
ساجده:فتحت عيوني واستغربت اما شفت سكينه واقفه ع راسي....خيرك سكينه شن في
سكينه:تبلع في ريقها نوضي اسمعي بي المصيبه يلي لوطه من بكري نطق عليك انا
ساجده:تحاول تنشط كويس...شنو صار
سكينه:مالك
مالك خطف رهف والحوش لوطه زحممممه كله رجاله
ساجده:💔....يتبع
الفصل الرابع عشر من هنا
