أخر الاخبار

رواية احفاد فرعون الحلقة 10 العاشرة بقلم اروي طاهر المسلاتي (بنوتة الشيخ)

رواية احفاد فرعون الحلقة 10 العاشرة بقلم اروي طاهر المسلاتي (بنوتة الشيخ)

رواية احفاد فرعون كاملة pdf - بنوتة الشيخ
ساجده:غبي انت؟والله هاذا الشي الطبيعي يلي رح يصير بين اي اثنين متزوجين
عبدو:ويا ترى راجلك يعلم؟!
ساجده:بلعت ريقها
عبدو:يعلم ان ....
نجمه:بااااااباااا
ساجده:شافت مالك جاي من بعيد ...بري لي بابا اسبقيني
نجمه:طلعت تجري لي مالك
عبدو:خوديه عهد مني ياساجده اول ما تطلقي وترجعي حوش اهلك وعد مني نوريك نجوم الضهر ع الكسره يلي درتيها فيا
ساجده:ساكته !
عبدو:عنادك وزواجك من ولد فرعون مش رح يمشي ع الفاضي وانا فاهم كويس علاش وافقتي كنتي تقدري اديري العار وترفضي انا اكتر واحد فاهم عنادك
ساجده:شافت لي مالك حضن بنته وجايهم ابتسمت بي استفزاز....مش رح نطلق تريح
عبدو:قام حاجبه....نعم؟
مالك:قرب منهم وهوا ماسك القهوا في يده ...شاف لي ساجده بنضره طويله
ساجده:ابتسمت....هي سلام ولد عمي
عبدو:الله يسلمك ومبروك على اختك
ساجده:نشوفوه عندك يارب ...جت فايته جنبه بصوت واطي ....مع وحده شريفه مش زي يلي مخليها عندك
عبدو:سكر يده بقبضه وحده وهوا متحمل ميبيش ينفجر فيها قدام مالك
ساجده:مسكت نجمه في حضنها وطلعت
اما مالك لحقها وهوا يمشي بشويه ومنزلش عيونه من على عبدو
ياقوت:واقفه تاكل في شيبس ....خيرك معاها شكلها هزباتك؟
عبدو:اقلبي وجهك مش ناقصك انتي التانيه بعدين شنو قاعده لعند توا هنايا اطلعي تحركي بنروح بيك
ياقوت:قلبت عيونها وطلعت
_________________________
نجمه:بابا
مالك:يسوق...شنو
نجمه:عادي نقعمز هنايا؟....واشرت على حجره
مالك:نسوق مش فاضيلك
نجمه:قعمزت في مكانها وهيا حرجانه بدون صوت
ساجده:تلفتتلها واشرتلها بمعنى تعالي عندي
نجمه:بسرعه نقزت عندها وهيا فرحانه❤️
ساجده:سرحت شويه في الروشن وهيا تفكر !....مش متخيله نفسي راجعه لي حوش اهلي مطلقه
لو رجعت مكسوره غادي لا بوي ولا حتى خوي قادرين يحموني من عبدو وهوا مستحيل يرحمني متأكده
عبدو مش قادر ينسى ولا حاجه من الماضي والشي هاذا زايدني على ما بيه 💔
لازم ياساجده تفكري في طريقه تحافضي بيها على زواجك
شافت لي مالك يلي كان يسوق ومش منتبهلها ...لازم ندور ع طريقه لان مالك الشخص الوحيد في البلاد كلها قادر يحميني من عبدو 💔
حطت يدها على راسها ادلك فيه من الوجع....لازم نلاقي طريقه نخش بيها لي قلبه حتى لو كنت نكرها
وحياتي جحيم في قصرهم لازم نخش قلبببه هوا وبنته الشي هاذا ممكن يضمنلي القعده معاه واحتمال الطلاق يختفي ....كملت الطريق وانا نفكر في كذا حاجه وخطوه نديرها عشان نبدا نتقرب من مالك شوي شوي
ساجده:ااااه يكفي نضرات الناس ليا وانا مقعمزه جنبه❤️..اول ضهور لي مرت مالك معاه❤️
نضارتهم حسستني انا نكون مرت مني❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
فرعون:هما قداش مزال عندهم بنت؟
احمد:يقص في الفواكه ...وحده بس
فرعون:بنت منو وشنو اسمها؟
احمد:ياقوت تكون بنت مصطفى خوهم عبدو
وساجده تكون بنت حافظ خوها انس واختها يلي توا يلي جابت
فرعون:يردد بصوت واطي...انس !!
احمد:اي
فرعون:ياقوت هاذي معندهاش اخت؟
احمد:ياكل....عندها يسرى لكن متزوجه
فرعون:قداش ليها؟؟
احمد:جو ال4شهور...هكي سامع
فرعون:به حلو حلو....جيبلي اسم راجلها وبلغه انه معزوم على العشي غضوا
احمد:ياكل في العنب....تم
محمد:علاش تبيه؟
فرعون:مليكش دخل ...دير بالك على نفسك كويس راهو مش غافل عليك
محمد:بلع ريقه...باهي ياجدي مقلنا شي خيرك!
فرعون:شاف لي احمد....البنت التانيه هادي يلي اسمها قوت
احمد:ياقوت
فرعون:يلي هوا ...كم عمرها
احمد:في عمر نيهال هكي
فرعون:سكت وهوا يفكر اما احمد ابتسم لما اذكر هبالها ❤️
________________________
ساجده:بدلت حوايجها وطلعت من حمام دارها
شافت مالك واقف ع المرايا ويحاول يوصل لي اماكن معينه في ضهره كأنه يتوجع
ساجده:مالك؟خيرك في شي!
مالك:اااه شوية وجع تو يمشي
ساجده:في مرهم كويس في الدرج لو تحب نديرلك منه
مالك:لالا فوتيه مش ضروري تو يمشي
ساجده:به ع راحتك ...تبي شي قبل ما ننزل؟
مالك:علاش نازله؟
ساجده:نيهال نادتني قالت خالتك جايه لوطه
مالك:متعتبيش باب الدار لين تروح
ساجده:علاش😨؟
مالك:بدون سؤال قعمزي هنايا هني روحك لين تروح بعدين انزلي
ساجده:نحت وشاحها وواضح على وجها علامات الزعل...به براحتك متعصبش
مالك:استغرب كيف تاخد في كلامه بدون عناد زي الايام الاولى بس كان الوضع مريح ليه ...لف على رقبته شال الصوف ولبس جاكيته الاسود ❤️
ساجده:لا حتى انت مفيش طلوع
مالك:تلفتلها...نعم!🤨
ساجده:اي متطلعش...منبيش نقعد بروحي في الغرفه لين كرهت الحيوط به متبيش تخليني ننزل ع الاقل اقعد معاي
مالك:ساكت
ساجده:ونبببي🥺🥺🥺🥺
مالك:قلب عيونه بملل ونحى جاكيته من جديد
ساجده:ابتسمت بنصر 😂❤️
__________________________
عبدو:فتح باب الشقه وخش وهوا خلاص حاس انه اعصابه بتتلف منه كل ما يدكر ان ساجده ومالك صار بينهم شي
يعني احتمال يصير حمل ولو صار الحمل مستحيل يكون فيه طلاق ....اول ما خش لي الشقه ضرب برجله مزهريه تكسرت لي مئات الطروف في لحضه
طلعت هبه من الغرفه كانت لابسه قفطان قصير ابيض مع مكياج ناعم وفاتحه شعرها❤️
ريحتها معبيه الشقه كأنها متجهزه لي عرس كبير
هبه:عبدو ؟شن فيه🥺
عبدو:فوتيني مش رااااايق لي حد
هبه:صاير شي معاك؟
عبدو:طيح الشاشه بيده...حماااااره انتي؟؟؟حمااااره متفهميش ولا شني قصتك!!
هبه:في كل عيطه كانت تسكر في عيونها مخلوعه وكملتها ساكته وبس
عبدو:حاط يديه في نص ويتنفس بسرعه....بعدين انتي شنو هاذا كله وين ماشيه؟؟؟
هبه:نصدمت....كيف؟عبدو نسيت!
اليوم بتنادي الشيخ يقرا الفاتحه واعدتني
عبدو:حط يده على عيونه يحاول يصحصح
هبه:عيونها تعبو دموع....انت مضحكتش عليا عبدو صح؟؟قول ان مضحكتش عليا المره هاذي بالله عليك 💔
عبدو:قرب منها ومسكها من كتافها ...لالا مضحكتش عليك وحتى الشيخ كلمته الصبح
غير صارتلي شويه حجات نستني في القصه هيا كلها
هبه:تشوفله وهيا مش مصدقاته ونضرات الخوف في عيونها كبيره
عبدو:ابتسم...عروسه ويدها مكسوره شكلك مستعجله ع الزواج يابنت
هبه:ابتسمت وتمسح في عيونها...حتى لو كنت كلي مكسوره ميهمنيش
المهم تنقرا فاتحتنا اليوم قبل غضوا
طق طق طق
عبدو:الشيخ والشهود وصلو خشي داخل والبسي
هبه:بفرحه معمرهاش حستها قبل....حاضررررر❤️
________________________
مالك:واقف ويحرك في يديه يمين يسار وهوا يتألم
ساجده:حطت سفرة القهوا بعد ما خدتها من سكينه وقربت عليه
ساجده:خلاص عاد استسلم وخليني نديرلك ضهرك لعند امتى بتقعد تتوجع هكي
مالك:تو يمشي مدوريش
ساجده:طلعت كريمه من الدرج...ارقد
مالك:قام حاجبه!
ساجده:ارقد نديرلك ضهرك
مالك:شبحلها بخبث...قولي عندك نيه تمسي شوية العضلات يلي عندي معش تحشيها في راس المساج
ساجده:ع فكره انا بنديرهالك باش بعدين متنفخليش راسي تبدا تتوجع وانا بنرقد بس لا اكتر
مالك:ابتسم ع جنب...مصلحه يعني
ساجده:اي 😂
مالك:نحى التيشرت ورقد على بطنه وغمض عيونه
ساجده:حطت المرهم وبدت اديرله في مساج ومن كثر ما كان مريح لين مالك نعس
مالك:يحكي وهوا مسكر عيونه...طلعتي فنانه!
ساجده:تمسدله في كتافه...مريت شي من مواهبي قاعد😂
مالك:تلفتلها بصوت واطي...وريني
ساجده:مش هكي مره وحده عاد مزال ....وناضت
مالك:هاتيلي اميه مصقعه ع طريقك
ساجده:فتحت الثلاجه الصغيره...كملت من هنايا
تو نشوف سكينه لو في لوطه
مالك:هز براسه بمعنى تمام....وهوا راقد على بطنه ومسكر عيونه
مخلي ضهره يستريح
ساجده:حطت وشاح على راسهالانها ممكن تتلاقى مع احمد او محمد ونزلت.
كانت فرحانه شويه ان مالك خدي وعطي معاها !
في بصيص امل انها تقعد معاه
خشت للمطبخ خذت اميه وثلج وجت راكبه
حست ان عيب تنزل بدون ما تسلم على خالتهم يلي جت
خلت الميه والثلج ع جنب وخشت سلمت عليهم
نهال:خليك ليش راكبه؟
ساجده:لا والله لازم نركب مالك تاعب شويه
جميله:بخوف....تاعب ؟؟😨خيره؟
ساجده:لا اطمني مش حاجه كبيره ضهره يوجع فيه ودرتله مساج عشان يهدا شويه
سعاد؛به صار كويس تعرفي
ساجده:ساهل مفيشي علم ولا ذره 😅....يالله عن اذنكم
سعاد:اذنك معاك بنيتي
ساجده:طلعت وقعدت نلم في الثلج يلي تبزع من الكيسه ووذني سمعت كلام بروحه بدون حتى منحاول اني نتجسس
سعاد:لا حول ولا قوه الا بالله ...وقاعد مالك يكره بنته؟
جميله:تنهدت....اي
واجعتني البنت الام ارتزت فيها والاب معش قادر يتقبلها
سعاد:بالله يا جميله تسحابيه ساهل لما يقولوله البنت مش منك ويدخلوله الوسواس في قلبه
جميله:مش مبرر هاذا ياسعاد رفع البنت عمرها سنه بس لتحليل واكدوله ان البنت بنته ومن دمه
مليهاش ذنب لو امها هكي!
ساجده:🤭😨😨😨
سعاد:يالله متجوز ع الميت كان الرحمه ربي يحنن قلبه عليها بالك مرته هاذي تخشله بلفرج❤️
جميله:ربي يسمع منك
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
محمد:لوح الفحم ع الارض ...انا مفهمتش جدك يتوحم ولا هكي خاطره يتعبنا وخلاص بالله وقت شواء في الصقع هاذا
احمد:اشوي وفمك ساكت
محمد:يرتب في الفحم على الشوايه ...ديمه انا محمد تعال محمد ارفع محمد جيب الواحد يتنمى يجيه تليف الكبد باش يبدا مقعمز ويجيه واتي
احمد:😂😂😂
ترن ترن ترن
احمد:ايوا
ياقوت:هاي ولد فرعون🥺
احمد:مني؟
ياقوت:انا ياقوت البنت الكويسه يلي كدبت عليك مره وحده بس
احمد:ابتسم وبعدين رجع ملامحه الجديه بسرعه ...شني ؟!
ياقوت:في حاجه هكي نبيك فيها
احمد:تي من وين جبت الرقم انت؟
ياقوت:رقمك يلي كلمتني بيه اول مره عشان تستلم الهديه مسكر وهاذا لقيته ع الفيس مش مدايرله اخفاء😂
احمد:به والمطلوب؟
ياقوت:نحي الحضر من الفيس عندي هموم واحزان نبي نشاركك فيها
احمد:شن تقول يا راجل ؟شن دخلي انا فاضي وتتسهوك انت نضامك ولا شني !
محمد:يسمع في صوت ياقوت طالع من التالفون وعارف ان احمد يكذب ع اساس يكلم في ولد
ياقوت:تي الولد يهدد فيا شكله عرف اني قتلك
احمد:مدور شي توا نشوف
ياقوت:راهو بنتصل بيك نطمن ره متسكرش شفرتك
احمد:تمام يا راس هي
ياقوت:غاير عليا متبيش تكلمني قدام صحابك؟🤭
احمد:طلع نفسه وهوا متعفلق...وسكر الخط
ياقوت:لوحت التالفون ع السرير...مقنينته الواطي 😂❤️
محمد:خيره البرو
احمد:نفخ مرات هكي اطيح في ناس راسها مسكر متفهمش يبو ربايه
محمد:غير راهو ينقلبو عليك ويربوك هما😂😂
احمد:مروح مروح ع الشواء والهى في عمرك
محمد:😒😒
_____________________
ساجده:رجعت لي غرفتها وهيا تحاول تفهم يلي سمعاته !
قالو لي مالك ان مش بنته؟؟ومالك رفع نجمه داراها تحاليل عشان يتأكد ان بنته ومن دمه!!
يعني شنو بيكون صاير؟مرته خناته او تبلو عليها
بنهببببل ياربي شن دنب بنته في هاذا كله شن دخلها علاش يكرها ....قربت على الثلاجه حطت فيها الثلج بعدين قربت على السرير
ساجده:مالك؟مااالك....نزلت راسها عليه لقاته راقد ❤️
بعدت شويه وقعدت تتفرج عليه
صح هوا ولد فرعون وسمعتهم مفيش من اوسخ منها ...لكن مالك مش نفس خوته 💔
مالك حالته تاعبه والشي هاذا كان واضح عليه ويبان من عيونه !!...وقفت غطت ضهره العريان بي شرشاف خفيف وسكرت الستارات كويس عشان يكمل نومته لان كان واضح عليه تاعب بشكل كبير وقداش ليه مرقدش بي الطريقه هاذي !
___________________________
عبدو:مبروك ❤️
هبه:تشوف لعقد الزواج مش مصدقه من الفرح...حضنت عبدو وهيا تبكي
عبدو:خلاص عاد حتى بعد صار يلي تبيه تبي تنكدي؟
هبه:بعدت شويه تمسح في عيونها....حبيبي ❤️
احلا شي صار في حياتي انت عوضتني بكل شي❤️مر عليا ...رغم كل شي صار نحبك حنقعد نحبك طول عمري🥺❤️
عبدو:رد ع الكلام هاذا كله بي ابتسامه بس!...انا طالع تبي شي
هبه:انكسر قلبها برده💔هوا مردش عليها حتى بكلمه حلوه!!....لا سلامتك
عبدو:طبطب مرتين على خدها وطلع
هبه:قعمزت وهيا تشوف لي التورته يلي كانت موتيتها والعصير والفواكه وكل الجو الحلو يلي مدايراته وطلع وسيبه💔
بس لما شافت عقد الزواج والكتيب في يدها ارتاحت شويه!
_____________________
نهال:جابت سفره المشروب جنب الكيكه والخبزه وباقي الحجات وحطتهم ع الطاوله في الجنان
محمد؛مقعمز يشوي بسيف😂
اما احمد كان سارح في كم حاجه
قعمزت ساجده جنب نهال وعمتها وجنب جميله يهدرزو ونجمه تلعب بي العابها ...كان الجو قنين لين خشت رجاء وقعمزت معاهم
ناضت نهال وعمتها للمطبخ وجميله تلعب في نجمه
رجاء:شايفاتك مخديتيش كلامي !...خليتيه قريب منك ولا
ساجده:ع منو تحكي !؟
رجاء:كلامي واضح بطلي استغباء نحكي ع مالك
ساجده:تقصدي راجلي!...خيره راجلي ؟
رجاء:ضحكت بصوت عالي لدرجة احمد ومحمد انتبهو عليها
رجاء:لا بجد ضحكتيني كيف واخده مقلب في روحك وربي ضحكت من قلبي الحق
ساجده:دوم ان شاء الله 🙂
رجاء:اااااااه...من رائي شوفي حياتك حبيبتي وعيشي لانك بتتعبي ع الفاضي ره !
ساجده:مردتش عليها
رجاء:قربت عليها...اسمعيني كويس
يلي تسمعي فيه عليهم كله صح ره!!
كلهم هنايا انانيين وميحبوش حد الا نفسهم وانا هنايا غريبه عليهم زيني زيك
اسمعي كلامي صدقيني مستحيل تندمي ومستحيل نخليك تطلقي بدون تعويض كبير تاخديه
ساجده:هنايا بدات اذكرت كلام نهال
نهال:بعدي هلبا على رجاء ومهما قالتك متصدقيهاش وردي بالك توثقي فيها مهما بينتاك انها طيبه
ساجده:من قالك اني رح نطلق اصلا؟
رجاء:نعمممم؟؟؟؟
ساجده:اي زي ما سمعتي !...مالك راجلي وحبيبي ونجمه زي بنتي عيله حلوه ربي يحفضنا ولا يجيب سيرة الطلاق بينا
رجاء:اي اي قوووولي هكي من البدايه قووولي انك داخله على طمع من الاول
ساجده:تشوفلها بي استفزاز...منعرفش ع شن تحكي بس نصيحه بري تعالجي لانك تتخايلي في امور غريبه
رجاء:انا مش رح نحاسبك لان واضح عليك قاعده صغيره واصلا في هلبا حجات متعرفيهاش عليا انا ومالك
ساجده:كيف؟
رجاء:كلمة كيف هيا خلتها تتأكد ان الشك خش لي قلبها وفرحت💗....مكيفه ياقلبي خليك عايشه الوهم الايام هاذي وسيوره ويكمل
ساجده:تعفلقت بس محبتش توضح وخلت روحها باااااارده من برا !....قاطع كلامهم مالك❤️
طلع من الحوش وقعمز جنب خوته
قعدت ساجده مركزه فيه وفي ضحكته العاليه يلي طلعت منه
اول مره تشوفه يضحك هكي ❤️...كانت في علبا اسباب تخلي ساجده تطلق...بس كانت تتمنى تقعد مع مالك ع الاقل يحميها من كل شي ميقدرش عليه حد!
نهال:وهااااذي السلطه...وحطت الصونيه
رجاء:يسلمو يديك نهوله
نهال:سلمك
سعاد:شنو ياجميله ؟عزوزتك مروحه غضوا ولا لا!
جميله:اووف متفكرينيش تربحي
ساجده:شافت بصدمه...عزوزتك؟
جميله:ضحكت اي عزوزتي
ساجده:تكون مرت فرعون صح؟
نهال:اي
ساجده:اول مره نعرف انها حيه الحق 😂🤭
جميله:بصوت واطي ياريتها متوفيه بالله راهو مرتاحه ومريحه
سعاد:ههههههه عطيك السلامه
جميله:مركزه في ولادها ال3كيف مقعمزين يهدرزو ويضحكو وهيا مبتسمه
لاحضت ساجده ان جميله تشوفلهم بفرح كأنها اعضم انجاز داراته في حياتها هما ولادها ال3❤️
نجمه:ماما جميله ماما جميله
جميله:تعالي هنايا انا
نجمه:في عزوزه برا تبيك
نهال:شافت لي امها بنضرات فهمتها كويس!
ناضت جميله بسرعه للباب
________________________
نهال:ساجده بالله جيبي صونية الفطيره فوق الدولاب نسيتها
ساجده:تمام....وناضت
خشت ساجده للمطبخ وخدت الخبزه ...تلامحت البريوش فوق الدولاب وكان عالي هلبا متوصلاش
جابت كرسي طاولة الاكل من الصاله للمطبخ
كان مالك واقف ع الباب يراقب فيها وحتى انه قرب بدون ما تحس وحاط في باله هلبا حجات
انها مركبه كميرا تتجسس عليهم او بتخنب شي مثلا ...وقف وراها بزبط يشوفها شنو ادير ومطلعش ولا صوت
ساجده:وقفت على طرف صوابعها نزلت البريوش ولما جت بتنزل نخلعت وشهقت بقوه لما شافت مالك وراها فجآه ...إلتوت رجلها وكانت بطيح بس بسرعه ماسندها بيده
ساجده:تتنفس بسرعه...اااه امتى جيت هنايا خلعتني
مالك:قريب عليها❤️وبنضره جديه وكلها شك...شني راكبه اديري فوق ؟
ساجده:قامت البريوش يلي كان في يدها...نجمه مبتش تاكل شي من بكري قلت نديرلها بريوش بي الشكلاته
مالك:نزلها ع الارض ونضرته تغيرت💗....
ساجده:حست بي ان شك في شي!....علاش شنو كنت تسحابني ندير؟
مالك:ولا شي...ابتسم ع جنب
بس اول مره نلاحض انك قصيره
ساجده:ضحكت....عقبال متلاحظ هلبا حجات ثانيه
مالك:يفصل فيها بعيونه ويمضغ...اي نلاحضو علاش لا
ساجده:بدي وجها احمررر من نضراته
مالك:عطاها بضهر وجى بيطلع
ساجده:كيف حاس ضهرك؟
مالك:تلفتلها....احسن
يسلمو يديك
ساجده:سلمك ولو😅❤️
مالك:متقعديش داخل بروحك خودي حجاتك واطلعي
ساجده:اها طالعه معاك
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
جميله:شن جايه تبي ؟
مهره:جايه نبي فلوسي يامدام الشهر هاذا مخديت شي
جميله:الشهر قاعد مكملش بلا استغلال
مهره:وكان مكملش يعني مندفعيش ولا كيف؟
جميله:اسمعي
مهره:اسمعي انتي !...انا مش مخليه عمتي مسكره فمها ببلاش حبيبتي لو نبي نفضحكم اليوم قبل بكرا معنديش اي مانع
جميله:سكتت بعد ما شافت ملامح الجد على المرا هاذي ..رجعت لي عرفة نومها حدت كم حاجه وطلعت
هاك...هادم 3حدايد دهب وجهك معش نبي نشوفه اعند شهرين القدام سامعه
مهره:ضحكت حاضر على عيني...لبست حدايد الذهب
اخخ ما يطلع منكم يا اهل فرعون
جميله:قربهت الباب في وجها
______________________
بدت المطر تصب وزاد الصقع اكتر ❤️
خشو كلهم داخل قعمزو في الصاله يهدرزو ونهال اطيب في العشي
رجاء:بتكشيخ وصوت عالي...ياحمااااره الف مره قتلك شدي الكوب كويس توا باهي هكي بزعتي على روحك
نجمه:🥺
ساجده:خدت نجمه من يدها...خليها تو نبدلها انا
رجاء:معليشي خليها ليا انا مربيتها ونعرف كيف نتصرف معاها
نجمه:جت ورا ساجده...انا نبي سوجي
ساجده:خدت نجمه وركبت لي غرفتها
ورجاء زاد حقدها اكتر لان نجمه بدت تفضل في ساجده عليها
مالك:كان واقف يمشط في شعره ❤️
لابس سروال جينز وسوريه كحله ومتعطر ...طالع يجنن
خشت ساجده وقعدت تشوفله بي اعجاب❤️
ساجده:على وين
مالك:طالع انا وخوتي
ساجده:دخلت نجمه وسكرت الباب ...شكله عرس عشان متأنق هكي 😅
مالك:عيد ميلاد صاحبي ....بطم سوريته
وحطي في بالك منحبش حد يسألني وين وكيف وعلاش ومن وين...طبطب على خدها ...تمام ياقصيره!؟
ساجده:قلبت عيونها بملل...تمام
مالك:شاطره...وطلع
نجمه:سوجي شن معناها قصيره
ساجده:معناها حلوه❤️...وهي توا تعالي خلي نبدلك حوايجك قبل متجيني هذيك المجنونه🤦🏻‍♀️
نجمه:😂😂😂😂
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
عبدو:وحسب رايك كويس الشي هاذا؟؟
حط يدك في يدي ولو مره بس!..فكر في مصلحة العيله خلينا نخدموها صح وتكون البلاد تحتنا
انس:نفخ دخان الارقيله...من وين جايبه الخطاب السياسي العميق هوا
عبدو:صابر عليه بسيف...ابدا معاي يا انس صحابك كلهم لاحسين الدم لحس ولو تأشر بس على حاجه يكملوها في دقيقه في النهايه انت ولد عمي خلي نحط قوتي مع قوتك واول خطوه طلق اختك من ولد فرعون
انس:شوف
عبدو:قعمز بي انتباه
انس:انا تافه وشغل الاكشن هاذا انا ملياش فيه
كل همي وتفكيري ماكلتي ومنو يوقفلي في طابور البنزينه!.....واه نسيت ورصيد النت
لكن حطها في بالك يوم تجي اختي تقولي ولد فرعون غلط فيا وسمعني كلمه غلط وقتها يا حبيبي بنضم اموري
عبدو:يعني متبيش مصلحة العيله ؟
انس:نفخ دخان الارقيله...بالله بطل جو مكارم الاخلاق العائليه يلي مدايره علينا هوا راهو زابطك انت وامك في المليح خلي الطابق مستور ياحبيبي
عبدو:شافله بطرف عين ....صاحي انت ؟
انس:منضم اموري ياحبيبي
عبدو:ناض بعد ما خلاص يأس منه ...طلع وسيبه
___________________________
وسط الدوشه والاغاني والزحمه :-
مالك:شرب دفعه وحده وحط الكوب....وينه؟
احمد:حاط يده في جيبه..قدامك
اسمه طه فرخ مسكرش حتى 22سنه
مالك:فرخ وبين يديه حجات زي هاذي!صاحي انت؟
احمد:صاحي اي انت شكلك بديت اتقل في الشرب رد بالك
مالك:خلص عليه وريحني من الكلام الفاضي
احمد:رسمي بديت تودر انت
وسام:اووووو بروات فرعون كلهم عندنا هنايا!؟
احمد:ابتسم وسلم عليه
وسام:خبط مالك على كتفه...مبروك العرسه يابرو
مالك:متكى ع الطاوله وعيونه ذابله....صح النوم قريب ندير حتى احفاد
وسام:هههههههه تي غير لا ياقوة حصان27😂
احمد:شارب لنم مدوراش
وسام:المهم ياغالي...ديرو بالكم على خوكم خير ما يتودر لنم
مالك:مني؟
وسام:اشر على محمد....راهو عالق مع ناس كبيره
الغلطه بورطه
خشو 3شباب واضح عليهم الشر من بعيد بدو يسلمو ع الناس
مالك:خبط على صدره....مفيش ناس كبيره واحفاد فرعون هنايا
وسام:ولاد مختار يلي هما نساباتك وولاد فرعون يلي هما انتم وولاد رمزي يلي هما هاذم ..اشر على ال3الشباب يلي خشو ....ال3دوله يابرو
منبيكمش تنطحو بعض وتكبر بينكم لكن رد بالك بتريس لان كان ولعت بينكم ال3الدم بيبدا لعند الركاب
مالك:شاف لي ولاد رمزي وقعد يذكر في شوية تفاصيل!...كأنه رجع للماضي لحضات يتذكر!
وسام:حط يده على كتف مالك...متخليش البنات يكبرو العداوه بينكم
البنات زي الفلوس يمشو ويجو
مالك:حط الكوب على جيها وبينوض.... وعيونه متحولوش من على ولاد رمزي
احمد:مسكه من يده ويحكي بصوت واطي.....لالالا
مش ملعبنا هنايا مدير شي
مالك:مش متحمل نشوفلهم بدون منقرب عليهم
احمد:اهدا كل شي في وقته حلو
مالك:بعد من قدامي خليني ليله نرقد مرتاح
احمد:ماسكه بسيف...متغلطش انت شارب متخشش في معركه تطلع فيها خاسر احفاد فرعون ميخسروش
مالك:بدي يعلي في صوته لدرجة المل انتبه....بعددددددد من علياااا الززززززح خليني
احمد:مسكه بسيف ويتكلم بشويه....يلي صاير مش رح يرجعهالك اهدا البنت خدت نصيبها اهدااااا مالك للمره الالف ...اشر لي محمد
محمد:قرب عليهم سند مالك على كتفه وطلعوه
وسام:اسف مكنتش نسحابه بيحضرو اليوم رام اني معزمتهمش
احمد:زابط اي هكي نضامهم يستفزو في مالك باش يبدا الحرب وخلاص
وسام:دير بالك ع خوتك
احمد:طبطب ع كتف وسام....منور مقصرتش
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
رجاء:وين خالتك سعاد؟
نهال:روحت
رجاء:مستخصره تسلم قبل ما تروح يعني ؟
نهال:اففففف
رجاء:خشت للمطبخ ادير في شي تاكله
نهال:بتردد....امي
جميله:ها
نهال:لعند اليوم منعرفش قصة المرا هيا يلي تجيك
خيرها شن تبي ع قد ما تلزي فيها وتهيني فيها ترجع بكل صحة وجه شن قصتها
جميله:هاذي وحده متتحشمش ومفيش حد يعرف طبها الا حناك تو غضوا تجي تربيها
نهال:علاش شنو صاير؟
جميله:دوة عزايز متعرفيهاش
نهال:اهااا...به ع راحتك
__________________________
ساجده:مقعمزه على الصلايه وماسكه القرآن في يدها ...قامت عيونها لما شافت مالك خش مش متوازن
سكرت القرآن وناضت....انت بخير؟
مالك:اموري طيبه
ساجده:نحت الصلايه من عليها وقعدت تراقب فيه
مالك:خش للحمام بدي يستفرغ ودوش نشط شويه وطلع
ساجده:بعد صراع طوووويل مع نفسها قررت انها تحكي!....مالك
مالك:اااه شني
ساجده:احكيلي خيرك؟🥺شن صاير معاك شن في!!
علاش تشرب بين فتره وفتره هكي
مالك:من قالك شارب؟
ساجده:واضح عليك ميبيلهاش تفكير!
مالك:حط يده على رقبتها....خيرك موليه طرف الايام هاذي!
ساجده:ابتسمتله وخدودها حمر
مالك:نحبك
ساجده:استغربت!!
مالك:نحبك لنم مفكرتش مره نحب غيرك
ساجده:حست ان في شي غلط!!
مالك:علاش صار فينا هكي رهف؟
ساجده:نصدمت!!...نزلت يده من على خدها
انا ساجده مش رهف
مالك:حط يده على راسه...اخخخ راسي بيتفجر
وناض وقف راسه جيهت الحيط
ساجده:ساكته مش عارفه شنو يلي بتحكيه في موقف زي هاذا !!
لحضة صمت طوووويله قاطعتها نجمه خشت للغرفه خايفه وسكرت الباب

ساجده:خيرك 😨
نجمه:رجاء تضربني لان حوايجي بليتهم😭😭
ساجده:اوف منك نجمه الف مره قتلك معش تلعبي بي الميه
مالك:قرب على نجمه
نجمه:بابا ..ماما رجاء بتضربني م.....
مالك:ضرب بنته كف قوي لدرجة البنت طاحت ع الارض
ساجده:شهقت بصدمه ومشتلها تجرررري
نجمه:بدت تبكي بقوه لدرجة غاب عليها النفس وهيا تبكي ووجها احمرررررر
ساجده:ضمت نجمه لي حضنها وفصلت على مالك ....خيررررررك خيررررررك على بنتك فهمني
مالك:عيونه حمررر عطاها بضهر...بروحك قلتيها بنتي
مدخلكش فيها واعطيها لي رجاء
ساجده:البنت مذنبها شي كان امها خاناتك حراااااام يلي قاعد ادير فيه البنت قعده صغيره متعرف شي في الدنيا
مالك:تلفت يشوفلها وكانت الرؤيه مشوشه قدامه من الشرب
ساجده:تسكت في نجمه وتحاول تهديها ....اسوء اب شفته في حياتي انت !
توقعت منك كل شي حقير گ واحد من احفاد فرعون !
لكن توصل حقارتك لي بنت كبدك متخيلتهاش ...يتبع


تعليقات



حجم الخط
+
16
-
تباعد السطور
+
2
-
close