رواية عشقتها ولكن الفصل العاشر 10 بقلم دينا دخيل
البارت العاشر 
قامت أمل من نومها ولقت إسراء جمبها وإسراء فاقت لما حست بحركتها
اسراء: انتي كويسه يحبيبتي
امل : اه ي اسراء انا تمام
اسراء : طب يالا بقا قومي خدي شاور كدا وغيري هدومك وهعملك أحلي فطار في الدنيا
أمل: ماشي
وقامت إسراء حضرت الفطار وفتحت الشبابيك عشان تعمل بهجه في البيت و..
اسراء: امل ...امللللل .... الفطااار
امل: انا جيت اهوو
اسراء: وها هو قد يشهد التاريخ أن عملتلك فطار لوحدي وانتي قاعده هاانم 
امل : هههههههههههه يستي مره من نفسك
إسراء: لا وكمان دا انا هعملك ميكب ارتست دلوقتي
اينعم مش بعرف بس هقعد اجرب فيكي
وممكن سشوار بقا
إسراء كانت بتعمل كل دا عشان أمل متفكرش في اللي حصل وتحاول تخرجها من حزنها ودا الحب بين الصحاب أو الاحري الاخوات
أمل: ايه يبنتي انا كدا استشهد بقا وكمان فطار وميكب وشعر ....لا لا دا انا محظوظه النهارده
إسراء: عشان تعرفي قيمتي 
ويالااا الفطار هيبرد
أمل: يالا يروحي
وقعدوا فطروا واسراء شالت الأكل
اسراء : انا اه عملت الاكل .... بس اعملي انتي بقا نسكافيه
ما أنا مش الفلبينية اللي جبهالك ابوكي يعني
أمل: هههههههههههه هههههههههههه كنت عارفه انك مش هتعمري للأخر
ماشي هعمل نسكافيه
ودخلت امل تعمل نسكافيه
ورن موبايل إسراء
ريان : السلام عليكم
إسراء: وعليكم السلام
اسفه ي بشمهندس أن مجتش بس في ظروف واكيد حضرتك عرفت وانا هاخد اجازه يومين كدا وارجع أن شاء الله
ريان : اه مالك قالي .... اوك معاكي الاجازه براحتك وحمدالله علي سلامه الانسه امل
اسراء: شكرا لحضرتك جدا
ريان : متقوليش كدا .... وبعدين الشركة مضلمه عشان انتي مجتيش
إسراء بكسوف :احم شكرا
معلش هقفل بقا
ريان : مع السلامه
اسراء قفلت وفضلت حاضنه الفون بتاعها ومغمضه عينيها بتعيش اللحظه
وكان لابد من دخول أمل لفصلها من تلك اللحظه
امل ضربتها على ايديها : ايه يحبيبتي..... سرحانه في إيه
ولا اقول في مين
اسراء: الواحد كان طاير وجيتي انتي نزلتيني
امل: هههههههههههه اه يختي انزلي من احلامك
انطقي بتكلمي مين
اسراء بهيام : دا رياااااان
امل : لا والله..... هو بقا رياااان
اسراء: قصدي البشمهندس
امل: بشمهندس ايه بقا
دا لو سمع بس ريان بتاعتك دي هيجوزك
إسراء للحظه تخيلت أنها اتجوزت ريان وهما فرحانين
امل: ايه ي مصيبه سرحتي تاني
لا انتي ميتسكتش عليكي
اسراء: اوووف هو طول ما انتي معايا هعرف اسرح ولا اتخيل حاجه
يالا نشرب النسكافيه
امل: اه يالا أحسن
وموبايل امل رن
امل : الفون بيرن هدخل اجيبه من الاوضه
ودخلت جابته وكان مالك وقلبها دق اول ما شافت اسمه علي شاشه الموبايل
أمل: ألو
مالك : ايوه ي امل .... احم عامله ايه
امل: تمام الحمد لله
مالك : يارب دايما.... قلت اطمن عليكي
امل: شكرا ي بشمهندس....واسفه مش هقدر انزل الشركه دلوقتي
محتاجه فتره
مالك كانت وحشاه أصلا واليوم كان وحش عشان مجتش الشركه ومشفهاش
مالك : لا فتره ايه ي بشمهندسه
يومين تلاته ترتاحي وترجعي
الشركه مش بتمشي غير بيكي وعشاني بردو
امل: عشانك ؟
مالك بتوتر علي الغلطه دي : احم ...اه قصدي يعني عشان انا مش بعتمد علي حد في الشغل غير عليكي
امل : ربنا يخليك ....شكرا
مالك : هو انتي اول كلمه اتعلمتيها في الحضانه كانت كلمه شكرا
امل باستغراب : لا .....ليه
مالك بهزار : أصل كل شويه شكرا شكرا
كفايه بقا
أمل ههههههه ماشي
مالك ضحكتها بتدخل في قلبه
مالك : طب اسيبك ترتاحي بقا
امل : ماشي ..... مع السلامه وقفلت
مالك : مع السلامه يقلبي
وريان دخل عنده لاقاه مبتسم وسرحان
ريان : مالك .... مالك. ..... مااالك
مالك : يخربيت فصلانك .... نعم
ريان : سرحان في مين يخويا
مالك بهيام وهو سرحان ومش واخد باله : في أمل
ريان : امسك ..... اوعاااا بقا دا احنا بنحب
مالك بعد ما فاق : هو أنا قولت ايه
ريان بضحك : انت قولت كل خير
قولت بتحب أمل
مالك : اااخ بحبها بس ... دا انا خلاص جوزوووني
ريان :اسد يالا في إيه.... من امتا دا
مالك :وحياتك من ساعه ما شوفتها
بس امبارح اتاكدت لما كنت عايز اقتل سامح لمجرد أنه قرب منها
ريان : طب ويعم الحبيب ناوي علي إيه
مالك : اكيد هجوزها .... بس مش عارف. بقا هي
ريان : طب ما يمكن تكون مرتبطه ولا مخطوبه
مالك : لا لا
ريان: وانت عرفت ازاي
مالك : من أكونت الفيس بوك بتاعها .... سنجل والحمد لله
ريان : اوبااااا .... دا احنا وصلنا للأكونت كمان
مالك : يبني دا انا عرفت عنها كل حاجه
ريان : طب ما تشوف فرصه وروح أخطبها
مالك : أكيد هيحصل ....بس اهلها مسافرين أمريكا ومش بيجوا غير كل ٣ شهور وتقريبا قربوا ينزلوا البلد
ريان : دا انت مزاكر كويس اووي
مالك : هتبطل بقا رزاله ولا
ريان : يعم سكتنا
انت لما تعرف انها أهلها رجعوا روح أتقدم لها وأن شاء الله يوافقوا
مالك : ياااارب....يسمع منك ربنا
ريان : شكلك واقع
مالك : اه وحياتك وقعتني بنت الايه
ريان حضنه : ربنا يفرحك يصاحبي
ووعد مني لعملك أحلي فرح في الدنيا بس ربنا يسهل الموضوع
مالك حضنه جامد : ربنا يخليك ليا ي ريان انت احلي واجدع صاحب في الدنيا
ريان : انت اخويا يااض
مالك : طب بمناسبه الاعترافات بقا ... انت بقا
ريان: انا ...مالي
مالك : مفيش حاجه كدا ولا كدا
ريان : بصراحه بقالي فتره حاسس بحاجات غريبه فرحه كدا لما بشوف شخص معين بس معتقدش أنه حب
او يمكن لسه بدايه ليه
مالك بخضه: اوعي تقولي أن الشخص دا إلهاااام
ريان : ياخي يخربيت فقرك الهام ايه ... انا طايقها أصلا
لا طبعا
مالك : اومال مين
ريان : إسراء .... حاسسها مختلفه ....فيها حاجه غريبه عن اي بنت اتعاملت معاها
ولا يوم ما شوفتها من غير النقاب
مالك : يانهارك اسود .... انت شوفتها فين
ريان : يبني شوفتها مره بالصدفه في البريك من غير نقاب
مالك : اااه.... عشان كدا نقلت مكتبها جوا
ريان : اه .... ومش عارف ساعتها عملت كدا ليه
مالك : شكلك هتقع زيي
ريان : هههههههههههه لا انا مش بقع
غير إن معتقدش إن هحب في يوم
دي شويه احاسيس مش اكتر
مالك : بكره تقع وافكرك
ريان : هههههههههههه ماشي
و كان في شخص بيسمع حوارهم مع بعض وكانت
إلهام
إلهام راحت الحمام وبتتكلم بعصبيه
عااااااااا بقا أنا مش بطيقني يا رياااااان
ومين دي اللي مختلفه ولا شكلك حبيتها إسراااااء
بس وحياتك عندي ما هتكون لغيري واسراء لازم ابعدها عنك خالص بأي طريقه
اي طريقه
وشكلي هنفذ اللي اتفقنا عليه انا وطنط سميره قريب
قريب اووي وإبقا وريني هتطيق تبص في وشها تاني ولا ....
هههههههههههه
عند أمل وإسراء
قعدوا لعبوا في وشهم وحطوا ميكب وعملوا شعرهم وقعدوا يغنوا ويرقصوا ويهزروا ويضحكوا
امل: هههههههههههه لا مش قادره .... دا احنا عملنا حاجات كتيره اووي
اسراء: اهو يوم بقا يختي نهيص فيه من نفسنا
شوفي شكلك قمر ازاي بالميكب اللي عملتهولك
امل: قمررر ايه بس
دا انا خايفه ابص في وشي عملالي خريطه علي وشي
هو عشان يعني احنا جغرافين تعمليلي خريطه
إسراء: اسكتي ابت خساره فيكي مجهودي
دا انا ميكب ارتست اد الدنيا
أمل: هههههههههههه اه واضح
بس أنا عارفه انك عملتي كل دا عشان اضحك وافرح ومزعلش
بحباااااااااااك اوووي يا إسراء
انتي اجمل اخت في الدنيا وقامت حضنتها
اسراء: وانتي احلي موله في حياتي ....ربنا يباركلي فيكي يروحي
ياتري السعاده دي هتدوم ولا دوام الحال من المحال....؟
