رواية قتلت ابي كاملة بقلم سلوي ابراهيم
قتلت ابي
الجزء الاول
-مبروك يا حبيبتي جايلك عريس
-عريس مين يا بابا
-ابن عمك..
رديت بعدم فهم
-ابن عمى مين هو انا عندى ولاد عم غير احمد!!؟
-ايوه احمد
-لا لا اكيد بتهزر يا بابا احمد؟ ده اخويا..
-لا مش اخوكى ابن عمك
-ايوه يا بابا بس انت عارف انه اخويا فى الرضاعه
-مفيش حاجه اسمها كده،يلا اجهزى عشان جاي بالليل
عليت صوتى واتعصبت اكتر
-بابا انت بتقول ايه ، ده شرع ربنا ومفيهوش جدال ودى حاجه حرام وماينفعش تحصل..
قطع كلامى بقلم على وشى ومسكنى من دراعى جامد ودخلنى الاوضه،رمانى على السرير واتكلم بعصبيه وصوت عالى
-بقولك ايه يا روح امك انتى تجهزى حالاً وهتتجوزيه فاهمه ولا مش فاهمه؟؟
سابنى وخرج وانا منهاره من العياط مش عارفه اعمل ايه ولا اتصرف ازاي دى حاجه حرام ومستحيل ربنا يرضى بيها اعمل ايه يارب ساعدنى يارب ياارب
مسكت موبايلى ولسه عايزه ارن على آلاء صاحبتى لقيت الباب بيترزع لدرجة انى من الخضه الموبايل وقع من ايدى..
-هاتى الزفت ده مفيش كلام مع حد ولا خروج من البيت لحد ماتتجوزى
وبعدين مشى عشان يخرج بس وقف وبصلى من فوق لتحت كده وقالى بنبرة تحدى
-انتى لسه ماجهزتيش يلا اخلصى معاكى ربع ساعة لو ماجهزتيش هتشوفى الوش التاني
ورزع الباب وراه وفضل يزعق
حسيت اني مخنوقه وكإنى هموت هو ايه اللى بيحصل ده،اكيد حلم ماهو مش معقول اتجوز اخويا دى حاجه مستحيل تحصل
ماكانش عندى حل تانى غير انى اجهز وافكر بعدين هعمل ايه،بعدها بكام دقيقه دخل واخدنى بره ورزعنى بمعنى الكلمه على الكرسى وسابنى معاه وخرج
-ازيك يا مرام عامله ايه
بصيتله بكل عصبيه وعينى كإن حد حطلى فيها شطه لدرجة اول مابصتله اتخض
-مالك انتى حد زعلك ولا اى
ماكنتش قادره ارد عليه حاولت اتمالك اعصابى واتكلم
-احمد انت عارف احنا ايه بالنسبه لبعض
-اه عارف ولاد عم وانا بحبك
-بس ماينفعش ماينفعش تحبنى انا اختك في الرضاعه،يعنى ينفع تتجوز اختك؟؟
-ومين قال كده انتى مش اختى ولا حاجه
مسكت فى الكرسى بعصبيه وجزيت على سنانى
-بقولك احنا اخوات فى الرضاعه،ايه مش فاهمها اجيبلك شيخ وتسأله إذا ينفع نتجوز ولا لا ، هو انت ايه ماتعرفش حاجه عن الدين خالص انت...انت عايز ايه عايز تعمل عكس الشرع والدين
-بقولك ايه يا مرام انا هتجوزك يعنى هتجوزك وابوكى موافق وانتى هتوافقى غصب عنك هتوافقى..
-انت حيوان انت تستاهل الشنق وانا مش هتجوزك لو على جوازى منك فانا اهون عليا اموت ولا انى اعمل حاجه ماترضيش ربنا
سيبته وقمت بعصبيه عشان ادخل اوضتى لقيته مسكنى جامد من ايدى وقرب عليا واتكلم كإنه بيتحدانى
-بقولك ايه يا بنت عمى الكلام اللى قلتيه ده ملوش اى اساس ومفيش حد مقتنع بيه حتى لو جبتى كل الناس تشهد هيقولوا ان احنا مش اخوات ولا حتى فى الرضاعه،ولو على الموت يا حبيبتى ماتخافيش هتموتى اكيد بس مش دلوقتي خلينا بس نتجوز الاول ونبقى نشوف الموضوع ده بعيدين
ماحستش بنفسى غير وانا بصربه بالقلم وبصتله باستحقار وسبته ودخلت اوضتى وقفلت الباب وقعدت اعيط من اللى بيحصل ، طب هو بابا هيعمل حاجه زى كده ليه ايه اللى هيخليه يجوزنى لاخويا....وماما...ماما لو كانت عايشه ماكانتش هتسيبهم يعملوا كده
-مرام افتحى الباب
فتحت الباب وقعدت على السرير من غير ما ابصله
-ايه اللى مخليكى مش عايزه تتجوزيه يا بنتى
-اتجوزه ازاى يا بابا فهمنى لو قالولك هنجوزك اختك هتوافق؟
زفر بعصبيه وقرب منى
-مين قال انه اخوكى
-انتو عارفين الموضوع ده مش كل شويه هتكلم فيه حرام عليكو ده شرع ربنا بلاش تعملوا كده انا مليش ذنب فى ده كله
وقف مكانه ومسك الباب
-هتتجوزيه ده كلامى وانا ابوكى وخلاص هيتنفذ واعملى حسابك الخطوبه بعد بكره
خلص كلامه وخرج وقفل الباب بالمفتاح
فضلت قاعده بفكر هعمل ايه وهخرج من اللى انا فيه ده ازاى
ومش قادره ابطل عياط،اكيد فى حل ماهو مش معقول اتجوز اخويا مش معقول مستحيل
كان بيعاملنى كإنى سجين بيدخلى الاكل ويقفل الباب ومحدش بيتكلم معايا لحد ماجه يوم الخطوبه
-يلا اجهزى ابن عمك بره والضيوف على وصول
فضلت قاعده من غير ماتحرك
-بقولك قومى اخلصى مابتسمعيش؟
-بلاش يا بابا اللى بتعملوه ده حرام
-يلا بقوول قومى والبسى هدومك عندك على السرير يلا
هعمل ايه يارب هعمل ايه ساعدنى يارب ، يارب عايزه الموضوع ينتهى مش عايزه اعمل كده مش عايزه يارب يارب
فضلت اتكلم وانا بعيط وسامعه اصواتهم بره بيتكلموا ومحدش حاسس بيا ، اكيد فى سبب عشان يعملوا كده، طب ايه اللى يخليهم يعملوا حاجه حرام وماترضيش ربنا..
جهزت لان ماعنديش اى خيار تانى وقلت انى هجاريهم فى الموضوع لحد ما الاقى حل عملنا الخطوبه وانا مش طايقه نفسى ولا طايقه حد وفضلت افكر عشان اعرف اخرج من المشكله دى بس شكلهم كانوا مرتبين كل حاجه..وفجاه
الجزء الثاني من هنا
الجزء الثاني من هنا
