رواية الكابوس كاملة
((الكابوس))
الحلقة الاولى
القصة ماخوذة من احداث حقيقية حدثت بالفعل وبطلة القصة تعيش الان حياتها بشكل طبيعي مع زوجها وابنائها وقد صارت بعمر يناهز السبعين عامآ
\\\\\\\\\\\\\\\\\\\\\\\\\\\\\\\\\\\\\\\\\\\\\\\
شعري الي كان طويل قصهولي وحياتي ادمرت امي وابويا اتقتلو في اليوم الي كنت هحتفل فيه بعيد ميلادي العشرين انا بمكان غريب جدآ وجارية من سبع رجالة بحاولو يعتدو عليا دموعي جفت من الحزن والبكاء بحاول احافظ على الي بقي من حياتي المحطمة شرفي :::::::
[قبل عام من الحادثة]
اسمي منار عندي عشرين سنه واليوم عيد ميلادي صحيت متحمسة اوي وفرحانة رحت اخدت دش عالسريع ونزلت لقيت بابي ومامي زينو الفلة باجمل الالوان والاكسسوارت اتفاجات بصراحة مكنتش متوقعة انهم هيحضرولي المفاجاءة الحلوة دي.
اكتر حاجة مملة باليوم ده هو ان الهدايا الي بتجيني كل سنة هيا نفسها كل سنة بابي بغيرلي العربية بواحدة جديدة وبميزات متطورة ومامي بتهديني تشكيلة مجوهرات المانيه.
نفسي في حاجة مختلفة وجديدة بس اعمل ايه كل واحد على زوقو اصراحة مبحبش اجواء الحفلات العائيلية بحس انها قديمة واوفر اوي كنت مخططة مع اصحابي نخرج نسهر برة بس عشان خاطر بابي قعدت شوية طفيت الشموع وقطعت الكيكة بعدها روحت انا واصحابي بعربيتي الجديدة مشينا لافخم صالة حفلات واحتفلنا هناك بطريقتنا الخاصة شرب وحشيش وغناء ورقص والعاب حماسية بجد كان يوم بجنن.
بالليل طلعت انا وهاني نتمشى ونتكلم براحتنا بعيد من الضوضاء وصخب الموسيقى انا وهاني بينا علاقه صداقة وهو بحبني بس انا مش متاكدة من مشاعري تجاهو ومعرفش اذا كنت بحبو او لا.
بعد الحفلة انتهت ركبنا العربية مروحين كنت تعبانه اوي ومصدعه بس العربية اتعطلت بنص الطريق نزلنا نسال عن فني كهربائي او اي حد ممكن يساعدنا نصلح العربية ملقناش حد في واحد عرض علينا نبات عنده قال ان ابنه شاطر اوي وهيصلحلنا العربية.
اول ما وصلنا بيته نمت فورآ كنت تعبانه خالص وجسمي مهدود من الرقص والهيصة الصبح صحيت على ضحكات صحباتي العالية نزلت اشوف في ايه لقيتهم متلمين على ست كبيرة بتقراء الكف (عرافة) اول مشفوني طلبو مني امد ايدي حتى تقرالي كفي وكانو متحمسين اوي حتى يعرفو مستقبلي والكل كان متوقع اني مستقبلي هيكون جميل وسعيد خالص وهرتبط بحبيبي هاني بس توقعات العرافه عني صدمت الكل.
العرافة قالت ان حياتي هتتحول لكابوس وهخسر كل حاجة واني هدخل بمعركة كبيرة وهعاني جدآ بس هنتصر بالنهاية وهتزوج من واحد اسمه طوفان وهعيش معاه اجمل قصة حب
للحظات ساد الصمت في المكان وكل صحباتي مصدومين من توقعات العرافه عني ازي هخسر كل حاجة وفلوسي زي تراب الارض ازي حياتي ههتتحول لكابوس وانا عايشه وسط اجمل عيلة بالدنيا ازي هدخل بمعركة وانا معرفش بحياتي غير الحب والامان.
قطع تفكيرنا صوت ضحكات هاني الهستيري وهو بقلنا اوعى تكونو صدقتو كلام المجنونه دي وطوفان مين الي هيتجوزها منار انا الي هتجوزها متصدقوش كلامها دي مرة مخرفه.
وكلهم بقو يضحكو ويسخرو من العرافة بعدها الراجل الي ساعدنا جه وقلنا العربية اتصلحت خلاص تقدرو تروح بيها.
طلعت محفظتي اديله فلوس بس رفض وقبل منروح العرافة ندهتلي وقالتلي : متستخفيش بكلامي يا منار صدقيني دي الحقيقة
هاني شتم العرافه واخدني بسرعة وانا بالطريق كنت قلقانه اوي ومتوترة وبفكر بكلام العرافه هاني لاحظ اني ساكته ومتوترة قلي : اوعي تكوني صدقتي كلامها دي ولية مجنونة قلتله : متشغلش بالك انا بس مجهدة شوية بسبب الرحلة قلي :اتسندي عليا وحاولي تنامي.
وصلت الفلة الساعة تلاتة صباحآ ومن شدة تعبي نمت فورآ شفت حلم غريب اوي كنت بجري مع شاب غريب اول مرة اشوفه بحياتي طويل وملتحي وحلو خالص ومع اني معرفوش بس كنت حاسه اني اعرفه من زمااان اوي بعدها صحيت مخضوضة لقيت الساعه سبعه.
دخلت الحمام اخد دش فجاءة سمعت صوت اطلاق نار طلعت جري للصالة وانا لافه منشفه حولين جسمي لقيت ابويا وامي غرقنين في دمهم وفي ناس غريبين معرفهمش اقتحمو الفلة وكل الي فيها متخدر اول مشافوني وجهو اسلحتهم عليا في حد وقفهم بسرعة وقلهم انا عندي حل احسن قام طلع منديل ورش عليه مخدر وحطهولي بانفي.............
الحلقة الثانية من هنا
الحلقة الثانية من هنا
