رواية فستان زفاف كاملة بقلم لولو الصياد
الفصل الاول .....فستان زفاف
اناىهحكى ليكم حكايتى مع حبيبى وجوزى واخويا ابن خالتى وروحى وحبيبي سيف هو اسمه سيف وكلمته سيف فعلا عليا كل حاجه بيقولها ليا كانت لازم تتنفذ ممنوع الاعتراض هو امانى وحمايتى سيف ابن خالتى اكبر منى 10 سنين وكنت بعتبره اخويا واما كنت صغيره وهو انا كنت بالنسبه له اخته الصغيره لحد ما كبرت كل حاجه اتغيرت هحكى ليكم الحكايه من الاول للاخر وحلمى من وانا صغيره انى البس فستان الزفاف لحبيى سيف واكون مراته وام عياله وكنت بحس ان ده هو الحلم اللى علشانه كنت عايشه هبتدى الحكايه من يوم وفاه ماما وبابا بس الاول هعرفكم على نفسى انا اسمى سلمى وعندى دلوقتى 22 فى كليه طب وانا طول عمرى شاطره جدا ونفسى اكون دكتورة علشان اعالج الناس الغلابه واكون سند ليهم وقت الشده انا عيونى لونها اخضر وشعرى اسود طويل ودايما الناس تقولى ازاى عيونك خضرا وشعرك اسود ايه التناقض ده اقولهم ان بابا عيونه خضره وماما كان شعرها اسود الله يرحمهم وبشرتى بيضاء وعندى غمزات دايما بتعجب سيف ويقولى انه بيحب غمزاتى اووى وانا كنت بفرح اوى بكده وطولى 155 ووزنى 60 الكل بيقول انى جميله بس انا عمرى ما حسيت بالجمال غير فى نظره عيون سيف وبس وعمرى ما تمنيت كلمه حلوه منه انا بنت يتيمه الاب والام بابا وماما ماتوا من وانا صغيره فى حادثه طياره ومن يومها خالتى خدتنى عندها وكان عندى سنتين وفى الوقت ده كان سيف عنده 12 سنه كنت بالنسبه لسيف بنته واخته الصغيرة ودايما يقولوا ليا انى لما كنت بعيط مكنتش بسكت غير لما سيف يشيلنى واول كلمه نطقتها هى اسم سيف وكمان كنت دايما بقول لسيف لما كبرت شويه يا بابا وكان بيتغاظ اووى انى بقوله كده بس انا مكنتش بحس فعلا غير انه زى ابويا وكمان انا كنت بحس انه اكتر حد لما يحضنى ويشيلنى بالامان حتى لو حد عمل فيا حاجة كنت بروح لسيف اشتكى له كل الفتره دى كنا زى الاخوات لحد ما وصلت الاعدادى فكره اول يوم حسيت فيه ان سيف غيران عليا
تحميل رواية فستان زفاف كاملة بقلم لولو الصياد
انا كنت فى المدرسه وكان سيف فى الجامعه وسيف كان متعود يجى ياخدنى ويجبنى كل يوم وممنوع اروح لوحدى ابدا وطبعا كان كلامه مطاع المدرسه بتاعى كانت مشتركه ولاد وبنات وليا صحبتى وحبيبتى رنا ولحد دلوقتى اصحاب وفى كليه واحده يومها كان ليا زميل اسمه محمد والولد ده محترم جدا وبعد المدرسه كنا خارجين انا ورنا عادى جدا فجاه ......لولو الصياد ............
محمد ...سلمى ...سلمى
سلمى وقفت هى ورنا
سلمى. .ايوه يا محمد خير
محمد ..انا اسف انى هعطلكم ازيك يا رنا
رنا ..الحمد لله كويسه
محمد..يارب دايما ..محمد بصوا يا جماعه انتم عارفين ان فى معسكر فى المدرسه فى اجازه نص السنه وانا فى جماعه الرحلات ولازم اقنع زمايلى انهم يشاركوا وكنت حابب انكم تشتركوا
سلمى ..ان شاء الله.........لولو الصياد...
رنا ...بجد جميل اووى انا نفسى اروح معسكر
محمد ..ماشى عمتا شوفوا ..........فستان زفاف ....لولو الصياد .وقولوا ليا يوم السبت لان انهرده الخميس وطبعا بكره اجازه
سلمى ..هههههههه ضحكت ماشى يا محمد
فى الوقت ده سيف كان جاى ياخد سلمى بعربيته وكان جميل جدا سيف شاب عيونه عسلى وشعره اسود وطويل وجذاب جدا كل البنات هتموت عليه بس هو مالوش فى البنات خالص وكان سيف فى كليه هندسه
سيف اول ما شاف سلمى اتجنن لما شاف محمد واقف معاها
سيف ..بصوت عالى جداا ......لولو الصياد..سلمى
سلمى اول ما سمعت سيف ارتبكت جدا وخافت لأنه محرج عليها تكلم اى حد اترعبت جدا من رد فعله
سلمى......لولو الصياد بعد اذنك يا محمد هرد عليك يوم السبت
محمد ..ان شاء الله سلام ومشى وساب رنا وسلمى فى الوقت ده مامه رنا جت واخدتها ومشيت سلمى راحت فى اتجاه عربيه سيف وهى بتقدم رجل واتاخر رجل من نظره الغضب فى عنين سيف كانت خايفه منه اووى سلمى قربت اول ما قربت سيف ركب مكانه ورزع الباب جامد سلمى ركبت جانبه فى العربيه وهى مرعوبه وايديها كانت بترتعش
سيف كان متعصب جدا وسايق العربيه بسرعه وسلمى كانت بتخاف من سرعه العربيه
سلمى ...بخوف ..سيف ممكن تهدى العربيه انت عارف انى بخاف لما بتسوق بسرعه
سيف ..مردش عليها وهدى العربيه وفضل ساكت لحد ما وقف فى مكان فاضى مفيهوش ناس سيف وقف العربيه ولف يبص لسلمى
سلمى بصت لايديها وكانت خايفه منه اووى
سيف ...بعصبيه مكتومه ..هو ايه اللى انا شفته ده
سلمى. .والله يا سيف ما عملت حاجه ده هو كان بس عاوز يقولنا على المعسكر وانت جيت
سيف ..بزعيق يقول على المعسكر تقومى تضحكى هو انتى فكرانى عبيط ولا اهبل قدامك
سلمى خافت جدا وعيطت جامد
سلمى ..والله ما عملت حاجه واخر مره اقف مع حد
سيف ..وقسما بالله يا سلمى لو اتكررت تانى لهتشوفى وش عمرك ما شوفتيه انتى فاهمه
سلمى. بخوف ...حاضر يا سيف حاضر
ومشيوا علشان يروحوا البيت .......
كده انتهى الفصل الاول هنتعرف على باقى الشخصيات فى الفصل الجاى ويا ترى ايه اللى هيحصل .....فستان زفاف ...لولو الصياد...وعاوزه آرائكم .......
