-->

رواية غرام كاملة

رواية غرام كاملة

    رواية غرام كاملة 




    بعد نزول غرام محاولاتها انها تعدى لكن الشارع كان كله رجاله وكلهم اقل ما يقال عنهم بلطجية
    عمرو شاف غرام وطبعا انتهز الفرصة وقرب عليها
    عمرو بفظاظة ... غرام صباح الخير
    غرام بتحاول تعدى من غير متخبط فى اى راجل وطبعا مردتش علي عمرو
    عمرو ... الله مش بقولك صباح الخير
    وظهر خالد من وراه وشاف محاولة عمرو فى مضايقة غرام
    خالد ... صباح الخير ازاى والخناق علي الصبح كده اتفضل فض الخناق دا علشان الناس تعدى وانت يا غرام بعد اذنك ادخلى المدخل بتاع العمارة لغاية الشارع اما يهدى
    غرام نفذت من غير كلام
    عمرو ... يا سلام سمعت كلامك علي طول وأنا لسانى نشف من كلمه صباح الخير وفى سره ماشى يا غرام مسيرك تيجى تحت ايدى وساعتها مش هرحمك وانت عاملة زى علبه المربى بالقشطة كده وفاق علي صوت خالد
    خالد ... يلا يا بنى لم الليله عشان الناس تشوف اشغلها
    غرام داخل المدخل واقفة خايفة جدا فى توقيت نزول حمزة
    حمزة بقلق ... غرام وقفه كده ليه
    غرام ... مش عارفة اعدى وخالد قالى ادخل لغاية الدنيا ما تهدا
    حمزة ... استغفر الله العظيم الواحد بجد تعب من الشارع دا نفسي أخدك ونهرب من هنا
    غرام ....... لا رد

    خالد دخل ... اتفضلى يا آنسة غرام واتفجاه بحمزة
    انت جيت امتا يا حمزة
    حمزة هو بيحضن خالد ... وحشتنى يا ابو الخلد اخبارك ايه
    خالد ر... انا بخير وحشتنا والله يا حضرة الظابط
    حمزة ... وهو بيبص ل غرام كلكم وحشتوني ماعدا اخوك دا
    خالد باسف ... والله انا مش عارف آخره اللي بيعمله ايه ؟
    حمزة ... ربنا يهديه يلا يا غرام اتوكلى انت علي الله
    غرام خرجت من غير كلام
    وانطلق كل واحد الى عمله
    ❤❤❤❤❤❤❤❤❤❤❤❤❤❤
    فى مكتب المحامى الخاص ب خالد

    سهر محامية صديقة خالد وشريكة فى المكتب وتحب خالد لكن خالد يراها صديقة اخت ليس اكتر
    سهر ... كسبنا القضية يا خالد الحمد لله احنا كده من يوم ما فتحنا المكتب مخسرناش ولا قضية
    خالد ... الحمد لله البركة فيكى
    سهر ... انت محامى شاطر جدا بطل تقلل من نفسك
    خالد كان هيرد قطع كلامه صوت الفون
    خالد ... لحقت اوحشك يا حضرة الظابط
    حمزة ... لا طبعا بس أم حمزة عامله عزومة علي شرفى وقالت خلي خالد يجى
    خالد ر... والله وحشني أكلها قوى اكيد هاجى
    حمزة ... هنستناك سلام عليكم
    خالد ... وعليكم السلام
    سهر بفضول .. خير
    خالد ... دا حمزة جارى والدته عزمانى علي الغدا
    سهر ... يعنى مش هتتغدا معايا النهاردة
    خالد ... معلش خليها وقت تانى انت شايفة
    سهر ... ماشي بالهنا والشفا مقدما أنا هروح اشوف شغلى
    خالد ... اتفضلى
    ❤❤❤❤❤❤❤❤❤❤❤❤❤
    انتهى اليوم
    فى شقة غرام
    والد غرام ... دخل من الباب السلام عليكم يا غرامى
    غرام ... وعليكم السلام يا روح غرام ثوانى والأكل يجهز عقبال ما تغير هدومك وتصلى
    والدها ... لا مش هنتغدى هنا
    غرام باستغراب ... امال هناكل فين ولا اكلت بره
    والدها .... لا ماكلتش هناكل عند ام حمزة عزمنا علي الغدا علشان حمزة رجع بالسلامة
    غرام ... بخجل طيب والأكل اللي بيجهز يا بابا
    والدها ... سهلة قفلى علي الاكل وبكرة نعزمهم إيه رايك
    غرام ... ماشي يا أبو غرام اقدر اقول حاجة بعدك يا حج
    والدها ... انا بقول برده يلا هدخل اتوضا واصلى وانت اجهزى
    غرام .. هنروح كده يا بابا من غير حاجة معانا
    والدها ... طبعا لا انا جايب فاكهة وحلويات يلا ندخل أجهز
    ودخلت غرام جهزت واستعدت للنزول
    👍👍👍👍👍👍👍👍👍👍👍👍👍👍

    فى شقة حمزة
    الجميع علي السفرة فرحنين برجوع حمزة
    محمد والد غرام .... والله يا حمزة انت كنت. وحشتنا جدا قولى بقا أخبار دمياط ايه على حسك
    حمزة ... حلوة قوى يا عمى والحلويات بعد الغدا هتقولك بنفسها
    محمد ... يعجبنى فيك ذكائك دا
    خالد ... طبعا مش حضرة الظابط حبيبك طول عمره
    محمد ..... كلكم عندى فى غلاوة غرام
    فاطمة ... غرام دى حبيبتى انا ولا إيه وقرصت حمزة من تحت الطرابيزة
    حمزة بوجع... اه فى إيه يا ماما
    غرام بخضة ... فى إيه مالك
    حمزة ... مفيش رجلى اتخبطت فى رجل الطرابيزة
    غرام ... اه الف سلامة
    خالد ... بهمس رجلك خبطت برده ولا الحاجة عملت الواجب
    حمزة ... خليك فى حالك وكل المحشي حلو صح
    فاطمة فى سرها ... انا عرفاك يا ابن بطنى مش هتنطق انا بقا عرفت هعمل ايه
    فاطمة بصوت مسموع ... بقلك يا ابو غرام
    محمد ... اتفضلى يا ام حمزة
    فاطمة .. انت بتقول أن حمزة زى غرام وانا بقول غرام بنتى ما تيجى نحط زيتنا فى دقيقنا ونجوزهم
    غرام ... شهقت بصوت مسموع
    حمزة شرق وفضل يكح
    خالد اتصدم !!!!!!!!!!!!!!!!!!!
    محمد ... والله هما الاتنين ولادى بس الاصول أصول وانت ام الواجب والأصول
    فاطمة ... طبعا انا عارفة الاصول أننا نيجى لحد بيتك ونطلبها انا عايزة منك ميعاد نقعد ونشرب الشاى ونتفق علي كل حاجة
    غرام مقدرتش تسمع اكتر من كده وقامت جرى علي شقتهم
    حمزة ... احم ماما اهدى ادى عم محمد فرصة ياخد نفسه ويعرف يرد
    محمد ... احنا كده كده كنا هنعزمكم علي الغدا عندنا بكرة تشرفونا ونتكلم
    فاطمة أطلقت زغروطة علي طول
    غرام في شقتهم سمعت صوت الزغاريط كانت هتموت من كتر الفرحة وبتحمد ربنا انه هيجمعها بحب عمرها فى النور وبرضا الله
    حمزة فى شقتهم ... اهدى يا ام حمزة
    فاطمة ... انت كل شوية تقولى اهدى اهدى هو انا مجنونة بقطع فى هدومى قدامك
    خالد كان بيحاول يستوعب اللي حصل
    خالد ... احم لا طبعا يا خالتى انت عارفة حمزة مش قصده
    فاطمة ... ولا قصده اهو بالعيند فيك وراحت مزغرطة تانى
    محمد ... ربنا يديم الفرح في بيتكم بس انا لازم اطلع ل غرام يلا سلام عليكم وسفرة دايمة
    فاطمة ... وعليكم السلام وإن شاء الله بكرة هنكون عندكم
    محمد ... تنورو ان شاء الله مستنينكم
    وطلع محمد إلي شقتهم
    حمزة ... مشيتى اللي في دماغك برده يا ام حمزة
    فاطمة ... وايه اللي فى دماغى ابنى الحيلة وعايزة افرح بيه غلطانة يا خالد
    خالد ... لا مش غلطانة
    فاطمة ... وبعدين تعالى هنا مش دى غرام اللي هتموت عليها عملت ايه هجوزكم غلطانة انا يا خالد
    خالد ... لا يا خالتى مش غلطانة
    فاطمة ... اهو مش غلطانة
    حمزة ... يا امى انا حاليا مينفعش افتح بيت وبعدين مرتبى علي الاد وانت كسفتيهم
    فاطمة ... علي الفلوس فى حتت ارض ابوك الله يسامحه ملحقش يبيعها ليا قبل ما يختفى وعلي انى كسفتهم ملكش فيه دول عشرة عمرى وعارفين عننا كل حاجة انت اصلك بارد كده وعمرك مكنت هتتحرك ابدا غير كده
    خالد. ..... والله المناقشة حلوة ونفسي اكمل معاكم بس عندى شغل كتير سلام وابقا اكلمك بعدين
    ومشى خالد وهو مازال مصدوم من اللي حصل
    حمزة حاول يفهم والدته وجهة نظرة لكن انسا منشفا دماغها وكل هدفها تجوز حمزة وبس وتفرح بيه
    😀😀😀😀😀😀😀😀😀😀😀😀😀😀
    فى شقة غرام
    محمد ... غرام اعمليلى كوباية شاي وتعالي
    غرام بخجل ... حححاضر من عنيا
    عملت غرام الشاى ودخلت ل والدها الغرفة
    غرام ... اتفضل يا بابا
    محمد ... تسلميلي يا قلب ابوكى تعالى جنبى
    واستجابت غرام وجلست جنب والدها
    محمد ... والله كبرتى وبقيتى عروسة
    غرام ... عروسة ايه يا بابا بس لسه بدرى
    محمد بلؤم ... عندك حق انت لسه صغيرة بكرة خلاص نلغي بقا زياره بكرة
    غرام بخضة ... ايه تلغى ايه
    محمد ... ايوة كده اتعدلى وخدها فى حضنه مش هسالك رايك إيه لانى عارف وحمزة ابن حلال وربنا يكرمكم
    غرام ... يبارك ليا فيك يا ابو غرام
    وانتهى اليوم وجاء اليوم التالى وكان يوم مليئ بالفرحة من تحضير غرام لأحسن أنواع الاكل ودعاء والدها بالسعادة وفرحة حمزة انه اخيرا سينال حب عمره وفعلا كل شئ فى النور له طعم مختلف
    وجاء موعد الغدا وكان علي السفرة كل أنواع الطعام الجميلة
    وطول مده الغدا ام حمزة بتقول فى غرام شعر وبعد الانتهاء من الغدا
    فاطمة بهمس ... انطق يا حمزة
    حمزة ... حاضر ووجه كلامه ل عم محمد عمى أنا يعنى انت عارفينى من يوم ما جينا هنا زمان ويعتبر انت اللي مربينى يعنى انا كنت عايز اصل
    فاطمة ... الواد قطع بس يا عم محمد احنا جاين نطلب ايد غرام ل حمزة وقول كل طلباتك وإحنا ان شاء الله نسد
    محمد .... طالبات ايه بس يا ام حمزة ربنا العالم حمزة دا ابنى وانا مبدئيا معنديش مشكلة حمزة راجل يعتمد عليه وانا هعوز ايه لابنتى اكتر من كده
    فاطمة ... بس برده الصح صح إحنا هنجيب شبكة تليق ب غرام حبيبتى .نوضب الشقة بتاعتى لانهم هيعيشوا معايا ايه رايك يا ابو غرام
    محمد ... الشبكة والمهر حاجات مش مهمة اما الشقة دا رأي غرام لو موافقة يبقا مفيش مشكلة
    فاطمة ل غرام اللي متابعة الحوار وطبعا كانت فاضل ثانية ويغمى عليها من الخجل
    فاطمة ... رايك إيه يا عروسة ؟
    غرام لارد
    محمد .... ردى يا غرام دا حقك ربنا اللي قال كده لازم تكونى راضية
    غرام لا رد
    حمزة خاف تكون مش عايزة تعيش مع امه
    حمزة ... لو مش عايزة نعيش تحت مع ماما انا
    ممكن
    غرام هزت راسها بسرعة بالنفى هى موافقة تعيش معاها بس مش قادرة ترد من الكسوف
    محمد ... يعنى انت موافقة علي حمزة وانك تعيشي مع ام حمزة
    غرام فضلت تفرك فى ايدها ب ارتباك واضح بعد مده هزت راسها دليل على الموافقة وطلعت تجرى ل غرفتها
    فاطمة اول ما شافت كده ضحكت وبعدها فضلت تزغرط وعم محمد اطمن علي بنته لانها مع راجل فعلا ونعم الرجال
    اتفق حمزة .وعم محمد أن مفيش خطوبة ويعملو كتب كتاب علي طول وطبعا لان الوقت قليل يكون كتب الكتاب اما يرجع الإجازة الجاية
    وكانت الإجازة بعد شهر وحمزة قال خلال الشهر دا امى وغرام يجهزو كل حاجة حتى ياخدو لفه علي الذهب بحيث يكون عندها خلفية اما ننزل تشترى الشبكة
    ومشى حمزة وفاطمة ل شقتهم بالفرح والسعادة
    وجاء اليوم التالى يوم سفر حمزة
    غرام كانت نازلة الجامعة وشافت حمزة هو بيسلم علي امه
    حمزة ... خلى بالك من نفسك يا ست الكل
    فاطمة بدموع ... السفر بسرعة كده ملحقتش اشبع منك
    حمزة ... يا امى دا شغل واوعدك الاجازة الجاية تكون أكبر علشان الفرح
    غرام ... سلام عليكم انت مسافر
    حمزة ... اه اتصلو بيا الفجر لازم اكون هناك بس هرجع علي الميعاد وانت ظبطى كل حاجة
    غرام بخجل ... خلى بالك من نفسك انا هنزل علشان متاخرش
    حمزة ... انا نازل معاكى ومتقوليش لاء
    غرام ... اتفضل عايزة حاجة يا خالتى
    فاطمة بحزن ... لا يا حبيبتى بس عدى عليا وأنت راجعة علشان نتفق
    غرام ... حاضر يلا سلام عليكم
    ونزل غرام وحمزة وهما خارجين قابلو عمرو
    عمرو ... صباح الخير يا حضرة الظابط وطبعا عيونة كانت علي غرام
    حمزة خد باله ووقف قصاد غرام ... صباح النور عن اذنك متأخرين
    عمرو ... وانتم بقا رايحين فين مع بعض كده
    حمزة ... هو إيه اللي مع بعض متظبط كلامك كده وبعدين ملكش فيه وسع من طريقى
    غرام كانت بدأت تخاف وتتوتر جدااااااااا
    خالد من وراهم ... صباح الخير يا حمزة
    في ايه يا عمرو
    عمرو ... مفيش كنت بصبح عليهم بس مش عاجب حضرة الظابط
    خالد ر... انت مسافر يا حمزة
    حمزة... اه وصيتك بقا الحاجة
    خالد ... متخافش فى عنيا ومبروك يا صاحبى مبروك يا غرام "
    غرام ... الله يبارك فيك عن اذنكم
    ومشيت غرام ل جامعتها
    اما حمزة بعد كلام مع خالد سافر هو كمان وفضل خالد مكانه سرحان
    عمرو ... ايه يا اخوى اللي واخد عقلك
    خالد ... عمرو علشان خاطرى بلاش غرام ابعد عنها
    عمرو ... انا مالى بيها يا عم دى عاملة فيها ست المؤدبة بس انت مالك اصلا
    خالد اتنهد ... لأنها هتبقا مرات حمزة
    عمرو ... حمزة هيتجوز غرام
    خالد ... أيوة علشان خاطر العيش والملح بلاش ماشي
    عمرو ... ماشي يا عم .فى سره بقا غرام تكون من نصيب حمزة اللي مكنش لقين ياكلو حظوظ مكتوب ليك يا ابن ام حمزة
    وعدا اكتر من اسبوعين بين تجهيزات الفرح مع فاطمة وغرام وخالد ساعات يساعد فى اللي يقدر عليه وطبعا غلاسة عمرو علي غرام بتزيد مش بتقل
    فى شقة حمزة
    غرام .... الحمد لله كده خلصنا كل حاجة صح
    فاطمة براحة ... اه الحمد لله قوى كده
    غرام ... طيب اطلع انا بقا يلا تصبحي علي خير
    فاطمة .. استنى يا غرام تعالى فى حضنى يا قلبي
    غرام باستغراب .. انا هلحق اوحشك سواد الليل
    فاطمة .. هتوحشينى وحضنت غرام وودعتها
    غرام طلعت شقتها تحت نظرات استغراب منها ل فاطمة
    فى شقة غرام كانت بتحكى بحماس وحب وشغف اللى حصل واللى اشتروا
    وبعد مده حاول محمد وعد غرام تنام وفعلا غرام نامت بس صحيت بليل قلقانة كانت الساعة 3بليل خرجت تتوضا وتصلى هى متعودة اول ما تحس بقلق كده تتوضا وتصلى خرجت لقت باباها مرمى علي الارض بيحاول ياخد نفسه ومش قادر خالص يتنفس
    غرام بخضه ... بابا مالك !!!!!
    غرام العلاج ثوانى دخلت تجيب البخاخة
    (عم محمد مريض ربوه)
    لكن المفاجأة أن البخاخة فاضية
    غرام ... دى فاضية انا السبب اتلهيت ونسيت العلاج ودخلت غرفتها جرى جابت العباية ولبستها ولفت الحجاب وخرجت ل والدها

    غرام ... بابا ثوانى هروح ل الصيدلية ل علي اول الشارع ثوانى حاول تتنفس علشان خاطرى حاول محمد يمنعها بس هى نزلت
    👊👊👊👊👊👊👊👊👊👊👊👊👊👊👊
    بعد مرور خمس سنواااااات
    فى شقة فخمة يجلس رجل غريب ومعه فرج المنياوى وحسنات وعمرو
    الراجل ... البقاء لله مرة تانية يا حج فرج خالد كان ونعم الأصحاب ربنا يرحمه
    فرج بحزن ... الله يرحمه
    حسنات ... اتخطف بدرى يا حبيبى يا ابنى
    الراجل ... البركة فى ابنه ربنا يبارك فية
    هى المدام وابنها فين
    عمرو ... جاين بس هو ليه التجمع دا
    المحامى .. علشان معايا وصية من خالد لازم تتفح فى حضور الكل
    صوت من وراهم كله حزن ... انا مش عايزة حاجة
    حسنات ... تعالى يا ام حمزة تعالى يا ابن الغالي
    حمزة طفل عنده 5سنوات جرى علي جدته
    فرج ... تعالى بس يا غرام يا بنتى نسمع الاول وبعدين نقرر
    جلست غرام بجوار حسنات وهى حزينة وفى نفس الوقت خايفة من اللي جاي

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .