رواية ستات للبيع كاملة بقلم مي علي

رواية ستات للبيع كاملة بقلم مي علي

    رواية ستات للبيع كاملة بقلم مي علي 



    بقلم:- مي علي
    بدايه كده وقبل اي حاجه انا هنزل الجزء الاول ولو عجبكم اتفاعلو وهنزل الجزء التاني انشالله يعجبكم⁦♥️⁩⁦♥️⁩⁦♥️⁩⁦🖋️⁩
    الفصل الاول : 
    في يوم زي النهارده...... يوم مقدرتش لحد دلوقتي احدد إذا كان قلب حياتي للأفضل ولا للأسوء 
    ف البدايه اعرفكم بنفسي ..... انا نورا بنت كانت من عيله بسيطه جدا وانقلب الحال وبقيت من عيله غنيه جدا ابويا كان راجل بسيط ولكنه طموح بيحب الشغل وبيعرف يجيب الفلوس من بطن الحوت..... في يوم وليله سبنا شقتنا البسيطه واتنقلنا لڤيلا فخمه وبقي عندنا بدل العربيه اتنين وتلاته واحده لكل واحد وابويا فتح شركه وكبرت وبقي ليها فروع والفروع بقت شركات كنت لسه صغيره طلعت لقيت كل حاجه بطلبها موجوده .
    انا الاخت الصغيره وعندي زياد اخويا الاكبر مني حياتنا كانت كويسه جدا لحد مبقيت ف تالته ثانوي وقتها كان عندي ١٧سنه مكنش لينا قرايب مع أن عيله ابويا كبيره بس هو كان دايما بعيد مبيرحش لحد ولا حد بيجيله ولا بيسأل علي حد ابويا وامي كانت علاقتهم ببعض كويسه وهاديه ولكن امي كانت غير كده من كام سنه فاتو كانت احسن صحيا ونفسيا خاصه لما كانت عيشتنا بسيطه ولكن لما اغتني ابويا امي بقت شخص تاني في حاله برود مقدرش احدد إذا كانو مبسوطين ولا لا مكنوش بيبينو قدامنا اي حاجه.
    وف يوم ف وقت متأخر جدا كانت حوالي الساعه ٣ بليل قمت علي صوت زعيق جامد قمت مفزوعه نزلت اشوف في اي وسامعه صوت بابا بيزعق جامد اوي وماسك زياد اخويا ونازل فيه ضرب وعمال يهبدو ف الأرض وشكلهم كانو راجعين من بره هو وزياد ولكن زياد بابا عمال يضرب فيه وهو مش قادر يقوم وكل أما يقوم يطوح ويقع مش قادر يقف جريت ماما عليه وقالت لبابا بزعيق :
    - سيبه حرام عليك ..... بتعمل فيه لي كده ؟
    بابا سكت وراح بعيد لكن كان كل أما يهدي عاوز يقوم تاني يضربو لحد ما ماما حاشته واخدته سندته وطلعتو فوق .
    كل ده وانا مش فاهمه حاجه ابدا وواقفه ع السلم بعيط وانا شايفه اخويا من كتر الضرب وشه كله دم ومش حاسس بحاجه.دخلت ورا ماما القوضه حطته ع السرير روحتلها قولتلها:
    ماما اساعدك ..... اجبلك قطن وتلج عشان تمسحيلو الدم ده
    قالت..... لا ياحبيبتي امشي انتي دلوقتي بس روحي قوضتك ونامي .
    قولت ... طب خليني بس اساعدك .
    قالت .. لالا انا هفوقه دلوقتي واغسله وشه بس انتي روحي هاتيلي اي هدوم من دولابه عشان اغيرله الهدوم اللي كلها دم دي .
    قولتلها ...حاضر وروحت طلعت الهدوم وحطتها ع السرير وقولتلها
    ماما انا طلعتلك الهدوم ..... بس هيا كانت سرحانه مش سمعاني قولت تاني
    ماما
    قالت ....هممممم
    قلت .... مالك سرحانه لي
    قالت بصوت مبحوح ... ولا حاجه روحي نامي ووانتي خارجه اقفلي الباب وراكي
    خرجت وانا حاسه بتعب مش عارفه مالي ... بابا عمرو ممد ايدو علي حد فينا وماما كالعاده وشها بارد مفيهوش اي رد فعل .
    دخلت قوضتي وروحت ع السرير حطيت راسي ع المخده ولكن معرفتش انام الفضول هيقتلني عاوزه اعرف في اي وليه بابا ضرب زياد كده ؟!!!!
    دخلت البلكونه قعدت ف الهوا لحد مغلبني النوم ونمت مكاني صحيت الساعه١٠ماما بتصحيني
    نورا ..... نورا
    اممم اي يا ماما .
    قالت .... قومي ياحبيبتي اصحي اي نايمك هنا ؟
    قلت .... معرفتش انام امبارح دخلت البلكونه فغلبني النوم.
    قالت ... طب قومي يلا اغسلي وشك وانزلي عشان تفطري.
    قلت... زياد كويس ياماما؟
    قالت ... اه ياحبيبتي كويس فاق وبقي احسن
    قلت .. طب انا عاوزه اشوفه
    قالت....  بلاش دلوقتي سيبيه نايم وانزلي افطري
    قلت ... هو مقلكيش اي حاجه يا ماما عن اللي حصل امبارح؟
    قالت ... لا ياحبيبتي مقليش لانه مكنش فايق كفايه انو يتكلم
    قلت .... طب تفتكري اي اللي حصل ؟
    قالتلي ... معرفش وسيبيني بقي انزل عشان اشوف ورايا اي لما يقوم ويصحي هنعرف كل حاجه
    قلت .. طب حتا مسألتيش بابا اي اللي حصل ؟
    اتعصبت وقالت .... نورا كفايه اسئله واتفضلي يلا اغسلي وشك وانزلي عشان تفطري
    نزلت وراها علي طول .... كان في هدوء غريب ف البيت بابا فطر وخرج من غير ميتكلم مع حد ولا يسلم عليا ويبوسني زي مكنت متعوده ...... جت الساعه ٧وبابا لسه مجاش وماما دخلت قوضتها من الصبح مخرجتش .
    زهقت من القاعده ف قوضتي أخدت كتبي ونزلت قعدت تحت وفجأه ...
    لقيت زياد لابس ونازل باصص قدامه ووشه كلو غضب وخرج حتي مبصليش قولتله ... رايح فين يا زياد .... ولا كأنه سامعني
    جريت ورا  زياد ..... زياد .... يا زياد استني رايح فين جريت ورا بس كان خد عربيته وخرج بسرعه
    وانا داخله ببص فوق اتفاجئت ..............

    الفصل الثاني من هنا 

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .