رواية فرحة عمري كاملة بقلم ام فاطمة
لحلقة الأولى .. ( فـرحة عمرى )
أدهم .. ألو , أنسة مريم معايا ؟
مريم .. ههههههههه , نعم يا فندم .
أدهم .. فى أوردر بآسم حضرتك , ممكن تفتحى الباب ؟
مريم .. أدهم , بطل هزار بقى , أنا كنت عايزة أتكلم معاك فى حاجة مهمة بجد .
أدهم .. ومين قالك إنى بهزر , أفتحى الباب بجد .
مريم .. أنت واقف على الباب , طيب ثوانى .
أدهم .. لآ خلينى معآكى على التليفون .
مريم .. مش هتبطل أشتغالات بقى !! مافيش حد أهو و من أمتى أصلآ وأنت بتيجى من غير ميعاد ؟
أدهم .. بجد والله , ماشي , دا أنا هنفخ بتاع الورد .
مريم .. لآ متقولش أنك جايبلى ورد .
أدهم .. دا على أساس أن عمرى ماجبتلك ورد قبل كدة ؟ أكدبى بقى وقولى لآ .
مريم .. لآ طبعا , أنا مش بكدب هو مرتين أو تلآتة بس .
أدهم .. 3 سنين خطوبة و مرتين ورد , عارفة أنا مش هرد عليكى , هسيبك لضميرك .
مريم .. ههههههههههه , لآ بهزر , دا أحلى حاجة فيك أنك على طول بتجيبلى ورد , من الآخر يعنى عارف نقطة ضعفى , وبتضغط عليها .
أدهم .. أنا مقدرش أضغط عليكى أبدآ , كل الحكاية أن عارف كويس مشاعرك ناحية الورد , عشان كدة بشوفة وسيلة أعتذار جامدة جدا , خصوصا لما أزعلك .
مريم .. قول كدة بقى , ماشى يا عم .
أدهم .. عم , هو أنا واقف بعربية فول ولآ أية ؟ أنا مترجم يا ماما , ومش أى مترجم , أنا الآول على الدفعة .
مريم .. بلآش غرور بقى .
أدهم .. مش هرد عليكى دلوقتى , عشان عايز أنزل لآن ورايا كام مشوار النهاردة وأتآخرت , والآهم من كدة أن هتصل أشوف المحل اللى بيزرع الورد مبعتهوش لية ودمرلى المفاجآه ؟
مريم .. خلآص تمام , و أنا كمان هروح أصحى ماما و نفطر سوا , فرصة أنا أجازة من الكلية النهاردة .
أدهم .. عارفة أقولك على حاجة بصراحة , أنا بحب طنط جدا والله , بس فى نفس الوقت بغير منها , لآنك بتحبيها أكتر منى , و مرتبطة بيها بشكل كبير جدااااااا .
مريم .. أبدآ والله يا حبيبى , أنا فعلآ بحب ماما أوى , بس بحبك أنت كمان , ومش معنى أن متعلقة بيها أوى زى مابتقول يبقى مش متعلقة بيك , متهيآلى أنت عارف كويس أنت أية بالنسبالى .
أدهم .. عارف , بس متآكد أنك بتحبيها وأوى كمان , وعلآقتكم ببعض مختلفة عن علآقة أى أم وبنتها , دا أنا حتى مش عارف هنتجوز وتسبيها أزاى ؟
مريم .. كلآمك صح يا أدهم , و أنا فعلآ علآقتى بماما مختلفة , لآن أنا معنديش أخوات خالص , وطول عمرى كنت بعمل كل حاجة مع ماما , عشان كدة هى أختى و صاحبتى قبل ما تبقى مامتى , أنا تقريبا مش بقولها ماما غير قدام الناس , وشايلة هم يوم ما أسيبها , فعلآ الموضوع هيبقى قاتل بالنسبالى , خصوصا أن بابا مشغول على طول فى شغلة و حتى الوقت الفاضى اللى بيكون قليل جدا هو بيكون فى مع أصحابة .
أدهم .. معنى كدة , أنك مش ملهوفة أنك تتجوزينى ؟
مريم .. أنت بتهزر !! أدهم , أنا بحبك و مش بحبك حب عادى , لآ , دا أول دقة فى القلب كانت ليك , و بحلم باليوم اللى أسمى هيبقى فيه مرتبط بآسمك , بس المشكلة أنك مشغول جدا بحبى لماما وكل كلمة بقولها بتفسرها زى ما أنت عايز مش بمعناها الحقيقى .
أدهم .. أنا فاهم كل اللى قولتية ومقدره جدآ , دا غير بقى أن هقولك زى الناس الكبيرة , دا اللى مالوش خير فى أهلة مالوش خير فى حد , ولآ أية يابنتى .
مريم .. ههههههههه , بالظبط كدة ياجدو , يالله عشان تلحق تنزل بقى .
أدهم .. أوك , خلى بالك من نفسك , سلآم .
**************
مريم .. ياسلآم ! حضرتك فين من أمبارح , موبايلك مقفول , وكمان مشوفتكيش أونلآين خالص .
منى .. عايزة أقولك أن نمت 14 ساعة , أزاى معرفش , بس صاحية مبسوطة , تقريبا بعوض اليومين اللى فاتوا .
مريم .. ماشى .
منى .. مالك ؟ فى أية ؟
مريم .. بصراحة مخنوقة ومضايقة شوية .
منى .. يبقى فى خناقة حصلت , أحكيلى .
مريم .. بالعكس , مافيش خالص .
منى .. وبعدين بقى , هو سر ماتقولى .
مريم .. سر أية بس , هو أنا بحكى لحد غيرك أصلآ ! كل الحكاية أن أدهم مش قادر يقتنع أن حبى وأرتباطى الزايد بماما مش ممكن يآثر أو يقلل من حبى لية .
منى .. تانى الموضوع دا , مفروض يعرف أن دا حب و حبك لية حاجة تانى خالص , أنا ممكن أكلم أدهم و أفهمة لو تحبى .
مريم .. لآ مش عايزة كدة , عشان أنتى عارفة أدهم , ممكن الكلآم يجيب معاه نتيجة عكسية .
منى .. معلش , هو معزور , لآن هو بيحبك أوى , دا غير أن أدهم بحس أن مش بيحب حد يشاركه فى حاجة تخصه , خصوصا لو الحاجة دى أنتى , دا بيضايق لما أنا أكلمك .
مريم .. أية الجنان اللى بتقولية دا ,لآ طبعا مافيش عزر , لآن الوضع مفهوش مقارنة أصلآ , دا حبيبى و دى أمى , و أدهم فعلآ كويس جدا وأنا مقدرش أستغنى عنه , بس أكتر حاجة بتزعلنى منه هو حب التملك .
منى .. طيب أنتى عارفة , مش أنا و أدهم أصحاب و تقريبا بنتكلم كل يوم , بس مافيش مرة كلمنى فيها غير لما قالى أقلل شوية من كلآمى معاكى , صح هو بيقولها بهزار و بيقولى عشان أنا الآقى وقت أكلمها , بس أنا فاهمة أدهم كويس و متآكدة أنه بيقولها بجد مش هزار , حتى محمد قالى نفس الكلآم قبل كدة .
مريم .. محمد قالك أية ؟
منى .. قالى أن ساعات بحس أن أدهم بيضايق لما بكلم مريم , و مستغرب من دا جدا , لآن مفروض أنه عارف أننا أصحاب و أخوات وكدة .
مريم .. عشان كدة بقولك بضايق أوى من حب التملك بتاع أدهم , خصوصا أننا مش عايشين فى الدنيا لوحدنا يعنى .
منى .. واحدة , واحدة هيتعود , أنتى بس بلاش تتعاملى مع النقطة دى بعصبية و تعمليها مشكلة .
مريم .. بحاول , هو أنتى مش عايزة تقوليلى حاجة ؟
منى .. بلآش والنبى جو قلبى حاسس دا , عشان أيوة مضايقة بس ماليش مزاج أتكلم .
مريم .. لآ أتكلمى , مالك ؟
منى .. بعدين , أكيد هتكلم .
مريم .. طيب مش هضغط عليكى , بس لآزم نتكلم باليل .
منى .. أكيد طبعا .
مريم .. هروح أفتح الباب , دا أكيد الورد اللى بقالة سنه فى الطريق .
منى .. ورد أية ؟
مريم.. بعدين هحكيلك , عشان الباب .
منى .. خلآص ماشي , سلآم .
***************
الآم .. أية الورد الجميل دا ؟
مريم .. شوفتى حلو أزاى , أدهم بعتهولى من شوية .
الآم .. بصراحة جميل أوى , مريح للأعصاب , أدهم ذوقة رائع فى الورد .
مريم .. طب يالله يا أستاذة قومى , أنا حضرت الفطار .
الآم .. وكمان حضرتى الفطار , لآ كدة كتير .
مريم .. أيوة أستغلينى النهاردة عشان مافيش جامعة .
الآم .. ربنا معاكى و تخلصى أخر سنه دى على خير .
مريم .. إن شاء الله , يالله قومى بقى , يا مامااااااا , روحتى فين ؟
الآم .. مش عارفة لما أدهم ياخدك منى أنا هعمل أية ؟ دا أنا عايشة بيكى يابت أنتى .
مريم .. أنا لسة قاعدة معاكى أهو , وبعدين يعنى هو أحنا هنسكن فى المريخ , أكيد هناخد شقة قريبة من هنا , عشان أكون قريبة منك وهو كمان يكون قريب من أهله , وبعدين هاجى و أبات معاكى لحد ما تزهقى منى .
الآم .. يالله يا بكاشة , هو بعد ما تروحى لآدهم هتفكرى فيا ؟
مريم .. طبعا , هو أنا أستغنى عنك أنت ياجميل .
الآم .. هههههههههه , طب يالله قومى زمان الفطار تلج .
**************
أدهم .. أنا كنت عايز أتكلم معاكى فى حاجة .
مريم .. قول يا حبيبى , خير .
أدهم .. حبيبتى , فاضل على الآمتحانات شهرين و تخلص .
مريم .. مظبوط .
أدهم .. كنت عايز أتكلم مع عمو و طنط , أننا ننزل نشوف الشقة و بعد الآمتحانات على طول نحدد ميعاد الفرح .
مريم .. _____________ .
أدهم .. ساكتة لية ؟
مريم .. لآ أبدا , بس أنت مستعجل لية ؟ أنا عندى أمتحانات و مذاكرة الفترة دى .
أدهم .. مستعجل لية ؟ أحنا مخطوبين بقالنا 3 سنين , عايزاهم يبقوا كام عشان مبقاش مستعجل ؟
مريم .. أنا مقصدش , بس بقول دى فترة أمتحانات يعنى .
أدهم .. والله , صدقى فعلآ عندك حق .
مريم .. هو أنت مضايق لية , أنا بتناقش معاك .
أدهم .. دى مش مناقشة , أنتى معندكيش أستعداد للكلآم أصلآ .
مريم .. خلآص , تحب تكلم بابا أمتى ؟
أدهم .. فى الوقت اللى أنتى شيفاه مناسب .
مريم .. أدهم عشان خاطرى , بلاش نزعل من مافيش .
أدهم .. مريم , أنا بحلم باليوم اللى تكونى معايا فيه ومقفول علينا باب واحد .
مريم .. والله عارفة ,, و أنا زيك و يمكن أكتر .
أدهم .. لو أكتر , هتبقى ملهوفة عليا زى ما أنا ملهوف عليكى .
مريم .. خلآص أنت أجازتك الجمعة , هستناك تيجى تتغدى معانا و فرصة بابا برضوا أجازة .
أدهم .. موافق .
مريم .. لسة مضايق ؟
أدهم .. لية هتصالحينى ؟
مريم .. طبعآ , من أمتى بسيبك تنام زعلآن ؟
أدهم .. يبقى زعلآن , صالحينى .
مريم .. حقك عليا متزعلش .
أدهم .. لآ قوليلى بحبك .
مريم .. بتكسف أقولها وأنا حاسة أنك مستنيها و أنت عارف كدة .
أدهم .. عارف , بس أنتى هتصالحينى , يعنى تعملى اللى أنا عايزة .
مريم .. آه يا سوسة أنت .
أدهم .. طبعا أنا أستغلآلى , بس فى حبك بس .
مريم .. صح الورد جميل أوى , ميرسي يا حبيبى .
أدهم .. عجبك ؟
مريم .. جدآ , ربنا يخليك ليا .
أدهم .. ياريت أعرف أعمل أكتر .
مريم .. أصلآ كفاية وردة واحدة بس منك .
أدهم .. هو مينفعش يوم الجمعة , نحدد يوم الفرح .
مريم .. لآ , أية رآيك نخلى الفرح الجمعة .
أدهم .. قومى نامى يا مريم.
مريم .. هههههههههه , حاضر .
أدهم .. تصبحى على خير .
**************
مريم .. هو حضرتك جيت أمتى ؟
الآب .. من حوالى نص ساعة .
مريم .. أحضرلك العشا ؟
الآب .. لآ , أنا تعبان وعايز أنام , النهاردة كان عندى شغل كتير أوى .
مريم .. طب كنت عايزة أكلم حضرتك فى موضوع .
الآب .. أتفضلى .
مريم .. لآ خلآص , وقت تانى .
الآب .. قولى ياحبيبتى فى أية ؟
مريم .. متقلقش مافيش حاجة , وقت تانى أحسن .
الآب .. طيب , أقولك تصبحى على خير .
مريم .. و حضرتك من أهله .
**************
( تانى يـوم ) ..
مريم .. صباح الخير يا بابا , صباح الخير يا ماما .
الآم و الآب .. صباح النور يا حبيبتى .
مريم .. كنت عايزة أقولكم على حاجة .
الآب .. خير ؟
مريم .. أدهم كان عايز يجى يتكلم مع حضرتك أنت وماما عشان ننزل نشوف شقة ونبدء فى تجهيزات العفش ولو الشقة فيها حاجة ناقصة نكملها .
الآم .. و أمتحناتك ؟
الآب .. ومالها الآمتحانات , أحنا نشوف الشقة و نكمل اللى ناقص بعد الآمتحانات , دا كلها شهرين .
الآم .. يعنى هتنشغلى بالامتحانات ولآ بالعفش و الشقة ؟
مريم .. مافيش أنشغال ولآ حاجة , و بعدين أنا طبعا مش هاجى على دراستى , أنا هعمل المتاح ليا .
الآب .. ماشى يا حبيبتى , قوليلة يتفضل فى أى وقت .
مريم .. هو أنا قولتله على يوم الجمعة , فرصة حضرتك أجازة .
الآم .. وكمان أتفقتوا على الميعاد ؟
مريم .. أبدآ والله , بس أنا قولت عشان بابا .
الآب .. أوك يا حبيبتى , مناسب جدا .
مريم .. طب أستآذن أنا بقى , عشان ورايا محاضرات .
**************
( فى الجامعة ) ..
منى .. مالك عاملة كدة ؟
مريم .. كالعادة , ماما و أدهم وأنا مش عارفة أرضى منين ؟
منى .. لية أية اللى حصل تانى ؟
مريم .. بعدين بقى , يالله المحاضرة هتبدء .
**************
( يـوم الجمعة ) ..
الآب .. منورنا يا أدهم يابنى .
أدهم .. دا نور حضرتك ياعمى , أنا كنت عايز أتكلم معاك بخصوص موضوعى أنا و مريم .
الآب .. فعلآ هى بلغتنى , أتفضل .
أدهم .. أنا بقول ننزل نشوف شقة فى خلآل الأيام دى , عشان لو محتاجة حاجة نعملها , وأول ما مريم تخلص أمتحانات ننزل نشوف العفش ونحدد الفرح .
الآب .. بس يابنى أنت هتاخد شقة أيجار وحرام الفلوس دى , مش نستنى لما نحدد ميعاد أفضل ؟
أدهم .. هو طبعا هتبقى مصاريف زيادة شوية , بس عشان نظبط الشقة براحتنا و مريم تعمل اللى هى عايزاه فيها .
الآب .. خلآص يابنى على بركة الله , شوف تحبوا تنزلوا أمتى وأنا معاكم .
أدهم .. ربنا يخليك يا عمى , حضرتك ساكتة لية يا طنط ؟
الآم .. هقول أية يابنى , ربنا يوفقكم ويسعدكم يارب .
**************
محمد .. ههههههههههههه .
أدهم .. بتضحك والله بجد مش بهزر , كنت حاسس أن مامتها عايزة تضربنى , هى مكنتش عارفة أن بنتها هيجى يوم وتتجوز ؟
محمد .. لآ طبعا عارفة , بس كل ما الوقت يقرب , الموضوع بيختلف أكيد .
أدهم .. ربنا يهون , لحسن خلآص أنا فعلآ محتاج مريم جنبى , كفاية عليا نكد الشغل والناس اللى فيه , مش مستحمل كمان بعدها عنى .
محمد .. كلمت مريم أمبارح تقريبا , كنت بسآلها على حاجة فى الكمبيوتر .
أدهم .. تمام , بقولك أية ؟
محمد .. نعم يا باشا .
أدهم .. يوم 5 فى الشهر الجاى هنكمل أنا و مريم 3 سنين نعرف بعض .
محمد .. تمام .
أدهم .. هى أكيد ناسية عشان الآمتحانات و أنت عارف بتبقى متوترة وقلقانة أزاى خصوصا أنها أخر سنه وكمان زاد عليها موضوع الشقة والفرح .
محمد .. بالظبط , أنا فعلآ حسيت أنها مركزة أوى فى موضوع الآمتحانات و مشحونة جدا , حتى طريقة كلآمها مختلفة ومش بتهزر كالعادة .
أدهم .. عشان كدة بقى أنا بحضرلها مفاجاة حلوة أوى , بس محتاجك معايا تساعدنى .
محمد .. حاضر , شوف أنت محتاج أية و أنا معاك يا باشا .
أدهم .. أكيد هقولك , بس أرتب حالى .
محمد .. تمام مافيش مشاكل , معلش هقفل معاك لآن نازل و نبقى نكلم كلآمنا وأنت لو محتاج أى حاجة كلمنى على طول .
أدهم .. ماشي , سلآم .
**************
منى .. يعنى أنتى عايزة تعمليلة مفاجاه تفرحة ؟
مريم .. بالظبط , أنتى عارفة أنه عندة مشاكل فى الشغل و أكيد هينسي , وأنا بقى عايزة أفرحة جدا .
منى .. خلآص تمام , لسة قدمنا كام يوم , تقدرى تعملى كل اللى عايزاه .
مريم .. أنا بفكرأتفق مع مامته و أروحلة البيت من غير ما يعرف و أحطلة الهدية فى أوضته , وأملى الآوضة بالونات كتير جدا , و عارفة البالونات اللى بتتعلق فى السقف و بيكون فيها صور دى ؟
منى .. آه طبعا عارفاها , بتبقى تحفة فى الشكل .
مريم .. هطبع أحلى الصور بينا و أعملها .
منى .. تمام أوى , و هتجبيله هدية أية ؟
مريم .. كان فى ساعة عجباه أوى بعتلى صورتها هجبهالة .
منى .. هتبقى مفاجاة فظيعة , و هتعجب أدهم أوى .
مريم .. بجد ؟
منى .. آه والله , ربنا يسعدكم ويخليكم لبعض يارب .
**************
أدهم .. جاهز بكرة ؟
محمد .. أيوة يا باشا , متقلقش هعمل كل اللى أنت قولتلى علية .
أدهم .. تمام , و هتابعك بالموبايل .
**************
( تانى يوم ) ..
مريم .. بتقول أية يامحمد , حصل أمتى الكلآم دا وأدهم فين دلوقتى ؟
