أخر الاخبار

رواية خيبة قاتلة الفصل التاسع 9 بقلم بنوتة الشيخ ( اروي طاهر المسلاتي )

رواية خيبة قاتلة الفصل التاسع 9 بقلم بنوتة الشيخ 




#خيبه_قاتله 9

ساره:غمضت عيونها وهيا ماسكه المخده بي حب وتذكر يلي صار معاها❤️

ساره:تشوف للبحر...ها شنو؟
احمد:مبتسم يتفرج عليها...شن هوا يلي شنو ❤️
ساره:شافتله...قلتلي نبيك شويه قبل ما تروحى وانا وقت عليا خلاص احكى شنو في 
احمد:امممم مش عارف حاس كل شي ملخبط منعرفش من وين نبدا 
ساره:ياسيدي ابدا من وين ماتحب 
احمد:منعرفش امتى صار وكيف صار 
ساره:قرنت حواجبها بعدم فهم...ع شنو تحكى!؟
احمد:حبيتك❤️

طق طق طق
ساره:فاقت على روحها....بسم الله 
ضحى:يالله يابت حالا وبلوقتي تحكيلى يلي حصل على البحر اليوم
ساره:نوضي من قدامى تاعبه وبنرقد
ضحى:شايفه عيونك بتلمع...واضح ان الموضوع كبير اووى ياالله احكيلي
ساره:استسلمت لي ضحى عارفتها مستحيل تطلع وتخليها في حالها لين تعرف بتفصيل شن صاير 

________________________

حليمه:تشوف لي ولدها....انا قلت طلقها !!
فؤاد:شاف لي مروه بتوتر 
حلميه:فؤاااااد امك انا طلقها قلت 
مروه:تشوف لي فؤاد بنضرات خوف 💔صح متأكده ان يحبها ويموت فيها!....بس تعابير وجه فؤاد لاول مره كانت في تردد 
يعني توقعت في اللحضه هاذي يضعف قدام امها ويرمي عليها الطلاق 💔
منى:تراقب في فؤاد وتراجي فيه ينطق 
مروه؛خفت💔خفت خفففت نسمعها منه ويأثرو عليه ...معش حسيت روحي غير وانا طالعه بسرعه بعيد عليهم عشان منسمعش الكلمه يلي تكسرني لاخر العمر 💔....ركبت شقتي وسكرت عليا الدار بي المفاتح كأني هاربه من شي قادر يقتلني في دقايق💔
منى:همست بصوت هادي لي ام فؤاد...سامحيني ياخالتي من الكلمه يلي بنقولها لكن ولدك مسحور شوفي لسانه كيف ارتبط قدامها 
فؤاد:سيبهم وطلع ورا مروه 
منى:شافت لي خالتها وتابعت كلامها....شفتي ؟بنسبه ليا لعند اليوم متحمله على خاطرك ياخالتي ...وبدت تنزل في دموعها 
حليمه:تحضن فيها....حبيبتي انتي اهدي عارفه الوضع صعب عليك هلبا الايام هاذي لكن الله غالب بي اذن الله ماتكوني الا راضيه اهدي واستني حبيبتي ان شاء الله مع الايام يتغير متخافيش ❤️
منى:ان شاء الله 💔
حليمه:باستها على راسها.....سلمها ياربي يلي تاهد بخاطري 
منى؛مسحت دموعها وابتسمت 

في الدور الثانيه:-
طق طق طق 
فؤاد:مروه؟؟مروه نكلم فيك افتحي الباب 
مروه:صوت بكاها كان واضح لدرجه كبيره....خليني فؤاد بالله عليك وبرا لي مرتك ياسر 
فؤاد:عرفها تاعبه ومحبش يضغط عليها ...خلاها بدون ما يحكي شي

           
     🔥رِوَايـــــــــات بـــَـنـُـــووتِـــة الشـِــيـــْـخ🔥
      🔥أروى الــــطـــاهــــر المــســلاتــــي🔥

ولع مازن السياره بس لما جينا بنطلعو نصدمنا في ايمن وخوتي الاثنين ومعاهم راجل ثالث 
عرفت وقتها ان وصال خانتني وكدبت عليا ...وذقت طعم الخيبه💔
نزلت من السياره وكان واضح هلبا على وجوهم ان ايمن حكي كل شي وتسرب الخبر ليهم ان في عللقه غير شرعيه بيني وبين مازن 💔
وقفت بقلة حيله ...رجليا يتخبطو في بعض من الخوف نسأل كيف بنقنع الوجوه يلي قدامي انى نضيفه؟؟كيف بنقنعهم اني والله حاولت منغصبش ربي ومنسمحش بي قلبي يفكر حتى التفكير ويذير حجات غلط مع مازن ولا غيره؟
كيف نقنعهم اني طلعت من كثر الضرب !!طلعت بعد ما خلاص جسمي نهد حيله ومعش قادر يتحمل اهانات على الطالعه والخاشه ؟؟ لساني ارتبط ومعش قدرت نزيد حرف واحد !
جي مازن قدامي كأنه يبي يحميني ورا ضهره 💔
قرب خوي وضرب مازن كف💔ومازن مرد بي شي
حاول يتكلم بشويه وقعد يفهم فيهم اني طلعت من الشقه من كثر ضرب ايمن ليا وان كان بياخد اوراقي وبيحطني في حوش اهلي 
بس خوي مصدقاش 💔تمادا وضربه كف تاني ويسب فيه !!
بوي يتفرج من بعيد حاولت نكلمه مردش ونشوف في مازن يضربو فيه كفوف قدامي خوتي الزوز 💔
مسكت راسي بين يديا كأن الزم وقف بيا ومعش فاهمه شنو ندير الدنيا سودت في وجهي 💔
فقت على صوت طلق ناري من الخلعه عيطت واما قمت راسي لقيته مازن رافعه سلاحه فوق
مازن:سكتت هلبا لي امك انت وياه حاولت نفهمكم متبوش تفهمو خلاص اقعدو هنايا ويلي بافكرو فيه فكرو ويلي بيقرب بياخدها بين حواجبه اليوم...ومسك يد حنين وجرها معاه لي السياره وفي عيونه نضرات تحدي ❤️
نضرات تقول لو فيه راجل يقربها وهيا معاي
نضرات كافيه توضح انه وصل لمرحله بيقتل لو زادو معاه كلمه ❤️
حنين:مازن يجر فيا وراه وماسك يدي كويس وانا عيوني على خوتي وبوي يلي كل واحد مصدوم من جرأت مازن اكتر من التاني 
عرفت داخلي اني اخر مره نشوفهم فيها قبل ما يتبرو مني 💔
ركبت السياره معاه وانا مش فاهمه شي ولا عارفه شي ولا نعرف حتى وين ماشيين 
احداث الليله كافيه انها تخليني في عالم تاني من كثر الصدمات يلي ورا بعض دماغي تخدر معش قادره نركز في شي شفت لي مازن يلي كان واضح على وجها ان فقد اعصابه تكلمت بهدوء وصدمه 
حنين:مازن شنو يلي صار؟
مازن:يتكلم بي اعصاااب ....يلي صار اني خديتك منهم وتمت ناس حقيره مفهمتش من شنو مصنوعين تحملت ودت فعله نحكيله في القصه الف مره وريتله الاوراق فهمته اني جايبك لحوش اهلك ومصدقش وتمادا زياده مش هما يبوها هكي ؟اهو بناخدك وراجل فيهم يقرب اليوم ورحمة بوي يلي يقرب خطوه التانيه لي قبره 
حنين:شفت الجديه في عيونه ....بس قاعده مش مستوعبه اني حاليا مقعمزه جنبه في السياره والعيلتين ضدي💔
عيلة راجلي وعيلتي اتكيت ع الكرسي وسكرت عيوني وندعي داخلي ...يارب يكون كالوس ونصحى منه يارب

____________________________
           
  معاد:شفت سجلات الكميرا اليوم وعارف انك كنتي في الخزانه الكبيره وسمعتي كل شي 
لجين:😨😨😨😨😨..اءء 
شوف معاد انا انا مكانش قصدي نتجسس عليكم او شي بس والله حصلت داخل وخفت يخش يشوفني يضن ان خشيت بنسرق شي لان القصص هاذي صايره هلبا في المصنع 
معاد:عارف لجين متعلمينيش فيك حافضك كويس 
لجين:سكتت
معاد:اسف
لجين:على شنو!
معاد:كذبت عليك !....او بي الاصح محكيتلكش هويتي الحقيقيه!
لجين:معاد
معاد:عيونه
لجين:بلعت ريقها...غيرت طريقة لبسك وخدمت في مصنع بوك ع خاطري ؟؟بجديات؟
معاد:خدي نفس...حقيقتا اي 
لجين:علاش؟؟
معاد:صراحه في البدايه صدفه اول مره تلاقيت معاك فيها !
كنت جاي بناخد فحوصات كل شهر فجآه صار حادث صغير وحوايجي توسخو ...خديت ملابس عامل بسيط خلاهم في المخزن ولما جيت طالع تلاقيت معاك
لجين:سكتت شويه....ولما جيتني مره واثنين والف ورفضتك....علاش مقلتليش انت ولد منو!
معاد:ابتسم...منبيكش تشوفيني زي باقي البنات 
مثلا لو عرفتيني من نكون مستحيل تعصبي عليا وتهزبيني رح يكون كلامك كله رسميات وخوف باش منفصلكش من خدمتك 
حبيت تتعرفي عليا من داخل تفهميني انا شنو قبل ما تفهمي من عيلت منو 
لجين :وعلاش هاذا كله يعني !
معاد:حنين بطلي استغباء انتي عارفه من اول يوم اني معجب بيك 
وخليتك حتى انتي تبادليني نفس الشعور
لجين:لا طبعا 
معاد:غرتي عليا من بنت الريسبشن امس ولا نسيتي؟؟
لجين:مغرتش عليك هيا مكانتش حلوه كنت نبيلك وحده احلا منها بس😒
معاد:ضحك من قلبه....هلبا انتي اقسم بالله😂

________________________

حنين:شافت لي مازن ودموعها مجفوش...حوش منو هاذا؟
مازن:نزل وفتحلها الباب...انزلي اقعدي مع امي لين نلقى حل للقصه هاذي 
حنين:رفعت راسها بي صدمه...امك؟؟
مازن:اي امي ...منقدرش نرفعك لي مكان تاني ونقعدو بروحنا !
انزلي حنين
حنين:كل دقيقه يكبر في عيني اكتر واكتر ....لفيت وشاحي كويس عليا ونزلت خايفه قلبي يددددق 
طق مازن الباب فتحتلنا مرا عمرها مايقارب ال60
وجها واضح عليه الطيبه ...سلمت علينا ورحبت بينا ودخلتني بدون ما تنصدم ولا شي 
عرفت ان مازن كلمها في الطريق وشرحلها لما مكنتش منتبها معاه!

امه مقلتليش ولا حرف ....دخلتني لي غرفه مرتبه وسألتني لو تعشيت او لا ...قبل ما تطلع التسمتلي تحاول اطمني وقتلي ان كل شي رح يكون بخير في الصبح ان شاء الله والامور كلها تنحل ❤️

طلعت وسكرت الباب وانا غمضه وحده مقدرتش نسكر عيوني خوف رهبه صدمه والف حاجه في بالي💔

  🔥رِوَايـــــــــات بـــَـنـُـــووتِـــة الشـِــيـــْـخ🔥
         🔥أروى الــــطـــاهــــر المــســلاتــــي🔥

ليله صاعبه على حنين ومروه 💔
وليله من اسعد ليالي عمرهم لي ساره ولجين❤️
وليلة انتصاار كبير لي وصال بعد ما خطتها وطعنة الغدر يلي حضرتلها نجحت 
وليلة متعبه من التخطيط على ام فؤاد 
وليله ملخبطه ومفركسه على مازن يلي مش عارف كيف يتصرف بعد ما خاطر وجاب حنين؟؟

#بعد_مرور_3_شهور.
حنين:ام مازن قالت متشغليش بالك ❤️ان شاء الله الصبح يرجع كل شي تمام !
لكن الصبح وصلتني ورقة طلاقي💔💔💔💔
البوم ليا3شهور نعاني في حوش مازن 
اعلي بعتولي عشان نروح عندهم لكن مازن حلف ما نطلع من حوش امه لين نكمل العده ...وانا كنت عارفه كويس انه ميبيش يخليني لانه مش واثق في اهلي شنو ممكن يديرو فيا احتمال يقتلوني بدات مع الدوا يلي تطلع عليا كل يوم💔

كل ليله نرقد ودموعي على خدي نتحسب داخلي الف مره على يلي كان السبب في هاذا كله 
نتحسب على ايمن يلي كمل حياته مع عروسته وحتى حملت وانا هنايا نفكر في الانتحار لان حاسه نفسي حمل ثقيل وبدت نضرات ام مازن شك ليا !
مش رح نلومها لان عندها حق ...في النهايه ولدها وتخاف عليه يخش في مشاكل زي هاذي ...خذيت قرار نرجع لي حوش اهلي ويلي بيصير راضيه بيه رغم اني مضلومه بي مازن حلف طلعتي من حوشه رح تكون على جثته وبسسسس وهاذا يلي زاد الموضوع تعقيد !

______________________

لجين:3شهور مرو اليوم ...لو قلت ان اول مره نذوق فيهم طعم الراحه؟لو نقول ان اول مره نعرف حاجه اسمها مهتم بيا؟لو نقول ان اول مره نذوق فيها طعم الحب!!!
وقفت اليوم قدام المرايه بعد 3شهور نسترجع في شريط حياتي !؟...الذل يلي كنت عايشه فيه مع خطيبي الاول؟؟؟؟
الاستعباد الاهمال والضحك عليا في وجهي والاستغلال...كيف هاذا كله رضيت بيه؟
كيف!!!!!
عرفت ان يلي عشته مكانش حب لان انا بس يلي عطيت وضحيت وتعبت وبررتله اخطائها وقبلت بعيوبه بس هوا لا!
اليوم معاد قلبي موازين حياتي كلهااا اليوم بس نقدر نقول بي كل فخر ...يانااااااس اخيرا لقيت حد يحبني ومقدرني ومهتم بيا بطريقه هاذي!

________________________

مروه:مره كل اسبوع ...وافق ان يبات عندها 
المره صارت مرتين 
والمرتين صارت 3وال3صارت 4وعرفت ان راجلي بعدوه عليا💔
مرت3شهور على اخر عركه صارت بينه وبين امها ومن يومها معش حد فتح سيرة الطلاق وكنت عارفه ان بيجي يوم وتنفتح وفعلا زي ما توقعت !

كنت مقعمزه انقي في العدس لما خشت منى تزغرط ووراها فؤاد ملامح وجها واضح انه ملك الدنيا بما فيها من فرحته 
قلبي دق وحسيته الخبر صح💔
وزي ما توقعت منى حامل💔💔💔
منعرفش علاش دموعي نزلو من كثر فرحتي لي فؤاد رغم ان البيبي مش مني 💔
حسيت بي نار اي مننكرش بس اكتفيت اني نباركاها وبس 

يوم ورا يوم فؤاد معش طق على بابي !معش ريته 
معش جي رقد في حضني وشكالي همه معش طق بابي وسألني لو في شي ناقصني معش جاني الساعه3في الليل وقالي انا مستاحشك 
بس عادي هوا يرتب في انتضار ولده ربي يوصله بسلامه❤️

في يوم من الايام:-
مروه:ركبت طوبو لي الدروج وطقت على منى 

طق طق طق 
منى:فتحت الباب وعيونها ناعسات....نعم
مروه:بنقولك حاولي متنزليش لين الدروج ينشفو بنبدا نسيق 
منى:امممم به علاش تزعجي فيا وكان بتسيقي يعني عارفه الازعاج مش كويس للحوامل 
مروه:اي عارفه بس ديمه الوقت هاذا تنزلي قلت نحدرك...وخليتها ومشيت 
عادي تعودت على كلامها ودلعها وحملها يلي اذل فيا بيه بس ديمه كنت نستغفر هلبا عشان ربي يبرد قلبي❤️

_____________________

ساره:3شهور حب❤️طلوع❤️احتواء❤️وهلباااا حجات حلوه❤️
حرفيا كان احمد معاي24ساعه وجهى في وجه ولو سكرت باب الشقه يتصل بيا ويقولي استاحشتك🙈
في حياتي مخشيتش علاقه هكى ولا جربت 
لكن الشعور هاذا حلو❤️حسيت ان احمد عوضني على الدنيا كلها❤️
بدات لما عرض عليا نرجعو لي ليبيا ورح نكون في حمايته لين يصير شي رسمي بينا❤️وافقت قبل حتى ما يكمل كلمته❤️

_______________________

لجين:شعور حلو لكن ممزوج بي خوف الماضي💔
لما سمعت كلمة....
معاد:الخميس الجاي بنجي نخطب❤️
لجين:قلبي دق وقتها اذكرت بياني مع وسيم والالم والجرح يلي معاه💔
خفت !!خفت من الماضي يتكرر من جديد حاولت نطول الوقت بس معاد كان مستعجل ودارها!❤️
جاب امه وكانت اول شروطه نرتاح من الخدمه 
وافقت ودرنا تلبيسه بسيطه وكان الطلب هاذا مني انا منبيش شي كبير !
ومعاد صدمني بي الحجات يلي جابهم!
مصدمتيش انا بس صدم عيلتي كلها وجيراني 
مكانتش الذهب والذبله وغيره وغيره مكانش لي تلبيسه بسيطه ....كانه عرس 
لمته وقلتله هلبا يلي جايبه بس طول الوقت يعاودلي في نفس الجمله(ميغلاش عليك)❤️
منعرفش كيف كل الامور مشت تمام❤️وبسرعه حتى بوه يلي موافقش في البدايه وافق بعدين ورحب بي الموضوع 
معاد:متعلمش اني درتلهم العار😂😂

_______________________

مروه:قفزت من مكاني بعد ما سمعت صوت عياط عالي برا ولما طلعت شفت منى ضرتي طايحه ع الارض وتعيط
حليمه:بسم الله بسم الله خيرك 
منى:اااااااه ااااااه يابطني تعالي شوفي كنتك ياخالتي مسيقه الدروج ومكثره الصابون والوراكينه بلعاني قدامي شقتي باش نزلق ونطيح😭😭😭😭
متبينيش نجيبلك الحفيد يلي بيفرحك وبيفرح ولدك💔💔💔
مروه:شهقت....انا حدرتك منى قتلك متنزليش حراااااام متتبليش عليا 
منى:يمين بالله مريتك اليوم يا كدابه ااااااه بطني 
مروه:وربي مفي كدااااابه غيرك حسبي الله فيك 
م.......
فؤاد:بصوت واعر....مروووووووه
مروه:قامت راسها ...فؤاد الحمد الله يلي جيت ان.....
فؤاد:انتي طالق

  🔥رِوَايـــــــــات بـــَـنـُـــووتِـــة الشـِــيـــْـخ🔥
        🔥أروى الــــطـــاهــــر المــســلاتــــي🔥

لجين:قعمزت قدام معاذ في الكافي ...وقرنت حواجبها لما شافت تعابير وجها 
لجين:حبيبي خيرك؟؟
معاذ:كويس انك وصلتي بكري
لجين:خوفتني شن صاير
معاد:علاش خوفتك؟انتي مدايره شي!!
لجين:لا اكيد بس ملامحك متغيره بعدين خيرك تحكي معاي هكي ؟
معاد؛طلع تالفونه وفتح ع الاستوديو ومدلها التالفون.....فسريلي ياخطيبتي ...يامرتي المستقبليه انتي 
لجين😨😨😨😨😨😨

______________________

ساره:ودعت ضحى بعد ماقلتلها ان خلاص بنرجع لي ليبيا اجازه بنشوف اهلي وصدقتني على طول لان في حياتها مشافتنيش بي السعاده هاذي❤️

طلعت مع احمد..حسيت وقتها بشعور حلو❤️
كأني مرته او حد من عيلته ❤️
مسافرين مع بعض في الطياره جنب بعض ❤️
منبيش نفكر ان يلي ندير فيه حرام او غلط في النهايه بيصير بينا شي رسمي اكيد ❤️
وصلنا مطار ليبيا وانا ماسكه في يده ونضحكك من النكت يلي يحكيلي فيهم طول الطريق 
خلاني نقعمز على الكرسي ومشي يجيب في قهوا ❤️
خديت نفس وانا نتصفح في تالفوني لين حسيت بي شخص نخصني ع كتفي تلفتت نحسابه احمد
العزوزه:رجعتي مره تانيه؟
ساره:حاولت ندكر الوجه هاذا وين شايفاته؟؟
العزوزه:قعمزت جنب ساره ...فردت طرف قماش صغير وبدت تنتر عليه في شوية صدفات بحر ..
ساره:اذكرتها !!....نفس العزوزه يلي تلاقت معاها اول مره في المطار لما كانت ماشيه تونس!
قاطع تفكيرها صوت العزوزه..
العزوزه:ااااااه مش قلتلك من قبل؟؟واهو بنعاودهالك...ردي بالك من الخيبه ردي بالك راهو مرات الخيبه فاتله 
ساره:هه شن تحكي انتي؟وكيف اذكرتيني ؟؟
احمد:سرو؟هيا نوضي التاكسي يراجي 
ساره:ناضت خذت منه القهوا وطلعت معاه ومره مره تتلفت وراها تشوف لي العزوزه.

_____________________

حنين:توقعت كل شي في حياتي !
وفات عليا كل شي في حياتي لكن يلي سمعته الليله هاذي مستحيل عقلي يستوعبه!....يتبع



واترك تعليق على هذا المقال لنرسل لك اشعارًا عند نشر الحلقات الجديدة.


الفصل العاشر من هنا

تعليقات



حجم الخط
+
16
-
تباعد السطور
+
2
-
close