رواية ابنة المطلقة الفصل السادس 6 كاملة بقلم اماني عنان
#ابنة_المطلقة
ح السادسة
هو مش طلقك راجعه تاني ليه ؟!
هيام سكتت ماقالتش أن ضرتها زقتها وطردتها لأن جوزها كان شايف كل حاجة بنفسه ، قال ممدوح بصوت عالي :
انتي اتنجننتي ياصباح بتعملي ايه ؟
بصت له هيام وهي بتمسك في الترابزين ابتسمت لنفسها وقالت ،، لسه بيحبني وبيخاف عليا فكمل كلامه .. انتي لازم ترتاحي وتاخدي الدوا وانا هحضرلك الاكل بنفسي يا حبيبتي ..
وقفت هيام مصدومه مابينهم ، ايه اللي بيحصل دا ؟ صرخت وندهت عليه :
ممدوح ، انت مش شايفني ولا ايه ؟ للدرجة دي انا هوا
ممدوح بيلتفت بتكبر قبل مايطلع أخر درجة .. في حاجة ، عايزا فلوس ؟
بيتكلم ع أساس أن الولاد معاها وأنها جايه تاخد منه فلوس ..
هيام فكرته بيهينها ويتريق علي وحدتها وقلة حيلتها
هيام .. شكرا انا بس عايزا اشوف عيالي ..
صباح رمت الجردل علي الارض وسبقت بالكلام ... نعم نعم هي مش امك لسه واخداهم من اسبوع
هيام ، بتهزروا صح ، ولا بتخبوا عيالي مني حرام عليك ياممدوح ماتعذبنيش اكتر من كدا
استجمعت كبريائها وقالت .. لو ماشوفتش عيالي حالا وخدتهم معايا انا هبلغ البوليس
نزل ممدوح ومسكها من دراعها جامد وقال لها ،العيال مع امك ما تستعبطيش والا هطلب انا البوليس ...
هيام .. يانهار اسود عيالنا ضاعوا ي ممدوح .. ساب أيدها براحه وهو بيبص علي صباح اللي بتقفل باب الشقة وتجري تستخبي منهم انهارت بسرعة واستسلمت للخوف ..
ممدوح ، صباح ،انتي يا زفت افتحي الباب دا بدل ماكسره فوق دماغك ..
بيخبط جامد وهي تعيط وتجري محتارة تروح فين وتيجي منين ، اعمل ايه ؟ البوليس هيقبض عليا
هيشنقوني
لا لا
ممدوح .. ردي عليا ،افتحي
هيام بصوت مسايس ، قولي ياصباح فين زينب وأحمد ابوس ايدك واوعدك مش هعملك حاجة ..
خرجت صباح من اوضتها وقالت بغل ... قتلتهم رميتهم في المشروع واحد ورا التاني ارتاحتي هههههههه
هيام وقعت من طولها لا لا انتي كدااابه .. 🥺🥺
_________ #أماني_عنان
في الورشة زينب بتحاول تتعلم حاجة من الاسطي شعبان لكن هو كان بيريحها وحاسس أنها أضعف من الولاد ، طبطب علي ضهرها وقال
شعبان .. انت كويس ياعارف
زينب .. بتهز رأسها بالتأييد
شعبان .. طب خد ادهن انت الشباك دا بني وخلي ايدك خفيفه تعرفة..
زينب بتشاور برضو وهي ساكته ،يوم ورا يوم بترتاح مع الراجل الوحداني دا وتحب العيشه معاه ،شافت في بيته اللي ماشافتهوش مع ابوها وأمها ،بقت بتفكر انا كدا عشان ولد فواخده حقي ولا عشان مع الراجل الصح اللي يعرف ربنا .. ؟
بتدهن الشباك وهي بتبتسم علي شكل الاسطي شعبان اللي بيقطع الخشب بعد مايحدد بالقلم ويرقص علي اغنية حسن الاسمر ،شكا
بيتواصل معاها بالعيون والقلب بطريقة بسيطة ومريحه بقلمي أماني عنان ..
____________________
في المدرسة دخلت مس مني مكان هيام واول مادخلت الفصل قالت :
Good afternoon
التلاميذ ... Good afternoon ms
مني .. الحصة دي بتاعت الابلة هيام وهي مش موجوده عشان كدا دخلتلكم اعتبروها حصة العاب ...
طلعوا العيال يجروا زعموا دوشه ، علت مني صوتها وقالت لا لا
انتوا فاهمين غلط العاب يعني فريي فاضيه وانتوا في الفصل ...
تمام
تمام يامس
تاكلوا ،تتكلموا بشويش كدا من غير ماحد يحس بينا ..
حاضر ..
ابدأوا ، قعدت علي الكرسي وفتحت تليفونها علي صفحتها علي الانستا وبتتفرج علي صور معشوقها والكراش بتاعها اللي مابيكبرش ابدا عمرو دياب ..
صوت المدير في الممر ، قامت بسرعة ويالا ركزوا معايا بتعمل منظر لو دخل تبقي بتشرح ووقت الحصة مش رايح علي التلاميذ ،
المدير بس في الجدول علي الباب وشاف ضهر مني وهي بتكتب فقال .. كويس المدرسة منضبطة وبتشتغل بلاش نقطع اندماج الاولاد ...
أول مامشي قعدت تاني ، بشويش كلها نص ساعة وهتروحوا اليوم الدراسي خلص علي كدا ..
#أماني_عنان _________
ممدوح بيحلول يكسر الباب والجيران طلعوا علي الصوت ..
راجل كبير في السن جارهم بيسال :
في ايه ياباشمهندس ؟
ممدوح .. مصيبة ي حج رفقي والمشكلة اني مش عارف راسي من رجلي ..
بيحاول يكسر الباب وهو مقفول كويس بالمفتاح والترابيس ، كلمة الحج رفقي تاني وقال
من عشر ايام كدا سمعت صوت الولاد بتصرخ وفكرتك بتعاقبهم ، الصراحه هما علي طول من بعد طلاقك من مراتك وهما بيعيطوا ومتبهدلين
ممدوح ، عشر ايام ولا اسبوع افتكر كويس
الحج رفقي .. مش فاكر اووي اصل هما بيعيطوا كتير وصوتهم علي طول طالع بعد ماتنزل الشغل الساعة تمانية كدا ..
استغرب ممدوح ، الساعة تمانية ايه اللي يصحي اطفال .. افتحي الباب ي صباح ماتفرجيش الناس علينا
صباح بتلم هدومها في شنطة وعماله تهبش في أي حاجة تقابلها فتحت الدولاب بتاع ممدوح ..
صباح .. انا أولي بالفلوس دي حضنت مبلغ كبير وبعدين رمته في الشنطة مش هسيبك تتهني بالمحروسة اللي برا وتعيشوا في خير علي جثتي ..
هيام .. بلفواغ البوليس ، خلصني ي ممدوح مابقاش عندي صبر ،حي بيا بقي انا بمووت
بلغ ممدوح البوليس وجه بعد نص ساعة ،
الظابط .. فين المتهمه ؟
ممدوح جوا في الشقة ومش عارفين نفتح الباب .. تأليفي أماني عنان ..ممنوع السرقة بدون اسم الكاتب
الظابط ،، انت مش معاك مفتاح ؟
بص في الأرض وسكت شويه ،هيقوله ايه كنت بخاف عليها وركبتلها اربع ترابيس عشان تقفل علي نفسها ..!
الظابط .. افتحوا الباب
هجموا العساكر علي الباب بالقوة واخيرا عرفوا يدخلوا ، هيام جريت علي اوضة زينب مالهاش اثر والبوليس دخل علي اوضة النوم وكانت المفاجئة ..
نكمل بعد بكره الساعة 2 باذن الله
يتبع
#أماني_عنان
الفصل السابع من هنا
