-->

رواية ابن السلطان الفصل الخامس 5 كاملة بقلم روما

رواية ابن السلطان الفصل الخامس 5 كاملة بقلم روما

    رواية ابن السلطان الفصل الخامس 5 كاملة بقلم روما





    الفصل الخامس

    ابن السلطان
    فرح.. كرم ايه اللى جابك



    ،، دخل كرم وجلس على مقعد دون اجابه تركت فرح الباب واتجهت لكرم ببعض الخطوات،،



    فرح.. كرم انا هنا لوحدى مايصحش كدا لو عندك كلام مش وقته



    كرم ببرود.. ما انا عارف انك لوحدك



    فرح.. اه طبعا ما انت معين مراقبه لحضرتك جاى ليه ياكرم



    كرم.. مش قولتى موافقه على الجواز جيت اقعد معاكى شويه فيها ايه دى



    ،، شعرت فرح بالخوف من نظرات كرم وتلميحاته،،



    فرح.. كرم قوم امشى بدل ما ارجع فى كلامى



    كرم.. انتى عارفه وانا عارف انك ماتقدريش والا الست الوالده هتودع يرضيكى



    فرح.. انت عاوز ايه بالظبط



    كرم.. جاى اقولك نكتب الكتاب الليله ايه رايك



    فرح.. اخد فلوسى الاول



    كرم.. الوصيه تاخدى فلوسك بعد ما اتجوزك وبعدين دى ارض لسه هتتباع مش يوم وليله



    فرح.. لا ياكرم ارجوك اتصرف



    كرم.. نكتب الكتاب الاول



    فرح.. شكلك مش ناوى خير



    كرم.. اسمعى يابنت عمى ما تبقيش غبيه هى امك دى هتعيش كام سنه يعنى وان عاشت ماهى هتعيش لوحدها وانتى هتبقى معايا وهتقلقى عليها تروحى تصرفى فلوسك عليها وتعيشي طول عمرك من غير ما تتمتعى بفلوس ابوكى وهى اولها واخرها ميته



    فرح.. اخرس انت ايه يااخى للدرجه دى مفيش قلب ولا اخلاق اطلع برا ياكرم



    كرم.. لاااا شكلك مش بتيجى بالذوق



    ،، اندفع كرم ناحية الباب ليغلقه عليهم فدفع الباب ليغلق ونظر اليها لكنه لم يسمع صوت غلق الباب ليلتفت للباب مره اخرى يجد يد ممسكه بالباب قبل غلقه،،



    ــــــ،، ــــــ،، ـــــــــ،،



    على..هو سلطان بيه فين



    سلمى دون النظر له..فى حالة وفاة فى البلد مش جاى النهارده



    على.. البقاء لله



    سلمى تعمل على اللاب دون النظر.. ونعم بالله



    على.. احم طيب انا هطلب فطار اطلب لك



    سلمى.. لاء



    على.. طب انتى كويسه



    ،، تغلق سلمى اللاب يظن على انها ستتحدث معه تقف سلمى تأخذ اوراق من مكتبها وتنصرف من امامه قائله،.. كويسه جدا عن اذنك



    على.. على فين



    سلمى.. مايخصكش



    ،، انصرفت سلمى من امامه ليرن هاتف على



    على.. ايوه يا احمد



    احمد.. ها العربيه يابنى



    على.. خلاص ياعم حلوه خلص وانا هعديها عليك قبل الساعه خمسه علشان تلحق ميعادك يا نمس



    احمد..ادعى بس انها تيجى



    على.. خلاص ياعم هتيجى يعنى من امته واحده رفضت تيجى



    ،،،، ـــــــــ،،ــــــــــ،،



    كرم.. ايه دا انت بتعمل ايه هنا



    فرح التقطت انفاسها ووضعت يدها على قلبها قائله،.. الحمد لله



    خالد ببرود واقترب منه واغلق الباب.. ابدا ياسيدى سمعت حد بيقول بحد اطلع برا قولت اشوف فى ايه



    كرم.. هو دا يافرح اللى مجرد استاذك جايلك هنا ليه يا ربة الصون والعفاف



    ،، لكمة قوية اسقطته ارضا ليتراجع للخلف وخالد يقترب منه،،



    خالد.. لو مخرجتش من هنا حالا هتخرج جثه



    ،، يتراجع كرم زحفا للخلف حتى يصل الى الباب ليقف مستندا على الحائط ويفتح البال ليخرج كان يود لو يرد لخالد الضربه لكنه يرى حجم خالد وعضلات جسده البارزه ليعلم جيدا انه الخاسر اولا واخيرا يهبط مسرعا،،



    ،، يلتفت خالد لفرح التى تقف تلتقط انفاسها كانها خرجت من موجة غرق ولكن نظرات غضب خالد لها جعل الخوف يدب فى اوصالها مره اخرى،،



    خالد.. عجبك كدا



    فرح.. انا.. انا



    خالد.. انتى ايييييه تقدرى تقوليلى لو مكنتش جيت كان ايه اللى حصل



    فرح.. انت بتزعق ليه انت مالك اساسا



    خالد.. دلوقتى انت مالك انتى تخرسي خالص



    فرح.. اتكلم كويس و بعدين انت ايه اللى جابك هنا



    خالد.. جيت اقولك ان البيه اللى راحه تعرضي عليه يتجوزك عيل صايع وبيتاجر فى ممنوعات



    فرح.. ايوه عارفه



    خالد.. نعم عارفه وبررضو موافقه



    فرح.. ايوه علشان ماما اعمل اكتر من كدا



    خالد.. الصبر يارب بصى ما ينفعش افضل هنا تعالى نتكلم برا



    فرح.. مفيش بينا كلام اساسا اتفضل برا



    خالد.. كدا اوووك انا ماشى



    ،، يلتفت ليخرج ويعطيها ظهرها قائلا وهو متجه للباب.. على الله يبقى لسه تحت ويطلع ياكلك



    فرح... استنى استنى



    ،، يبتسم خالد لكنه يخفى ابتسامته ويلتفت لها بثبات.. افندم



    فرح.. انا.. انا



    خالد.. هاااا



    فرح.. ممكن توصلنى لحد اول الشارع



    خالد.. ممكن اوصلك المستشفى ونقعد نتكلم فى كافتيريا المستشفى



    فرح.. مش هينفع اركب معاك لوحدنا فى العربيه



    ،، يبتسم خالد قائلا.. ماشي ياستى امشى لحد اول الشارع وانا همشى قدامك واستناكى لحد ماتركبى واحصلك على المستشفى،،



    ،،، ـــــــــ،،، ـــــــــــ،،



    مروه.. الوو ايوه يا احمد



    احمد.. انتى فين كل دا



    مروه.. معلش انا فى المستشفى مع مامة فرح ومش هعرف اسيبها وانزل



    احمد.. لوحدك؟



    .. لاء معايا مريم



    .. اه مريم صاحبتك المعقده



    .. وبعدين معاك بقى



    .. خلاص خلاص انتى فى مستشفى ايه



    .. مستشفى،،،،



    .. خلاص اوك هترجعى امته



    .. فرح جايه فى الطريق لما تيجى احنا هنمشي



    .. ماشي



    ،،، ــــــــــــ،، ــــــــــــــ،،



    ،، فى كافتيريا المستشفى



    خالد.. ها طمنينى



    فرح.. الحمدلله كويسه بس لسه نايمه



    خالد.. تمام.. ممكن بقى افهم ترفضينى وتاخدى واحد زى كرم دا ليه



    فرح.. كرم مش موافق



    خالد.. كمان هو اللى مش موافق



    فرح.. اه شايف ان لما اعطى لماما الفلوس يبقى مليش لازمه عنده



    خالد.. وناويه تتعملى ايه



    فرح.. لسه مش عارفه



    خالد.. فرح انا قولت لك هتجوزك وخديهم مهرك



    فرح.. ليه تعمل كدا ليه



    خالد.. مصلحه



    فرح.. ازاى



    خالد.. ورثى من مامتى فى ايد والدى رافض يعطينى حقى لحد ما اتجوز



    فرح.. ايه الحكايه هو مفيش حد بياخد ورثه غير اما يتجوز



    .. لااسف فاكرين الجواز هو اللى هيصلح حالنا



    .. طب ما انت ممكن تتجوز اى واحده والف غيرى تقبل



    .. مفيش واحده تقبل بزواج مؤقت الا لو ليها مصلحه هى كمان



    .. بمعنى؟



    .. يعنى انا محتاج اتجوز مؤقتا ودا مش اى حد يقبله وانتى محتاجه الفلوس انا هعطيكى الغلوس مقابل توافقى على زواج مؤقت مفيش حد يعرف انه مؤقت غير انا وانتى



    .. بس تدفع كل دا علشان اتجوزك مؤقت



    .. ورثى ملايين يعنى لو قضيه ومحامى وجرى ف المحاكم كانت هتبقى دى اتعابه غير انى كمان هبقى براضي والدى



    .. امممم اوك موافقه



    ،،،، ـــــــــــ،، ــــــــــــ،



    مروه.. اخلصي يامريم سنه نازله السلم



    مريم.. خلاص نزلت اهو قاعدة الكرسى موتتنى



    مروه.. ناخد تاكسى



    .. تاكسى وانا موجود



    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .