أخر الاخبار

رواية ابنتي ولكن الحلقة الرابعة 4 كاملة بقلم ياسمين علي


رواية ابنتي ولكن الحلقة الرابعة 4 كاملة بقلم ياسمين علي 








فرح : انا عندي الحل اللي هيريح الطرفين
عائشة : ايه هو
نهلة : اتكلمي
فرح : سيف يتجوز وعد
سيف ووعد : نعم !!!!!!!
نهلة : انتي اتجنيتي ولا ايه
وعد : دا استحالة يحصل.. انا استحالة اتجوز البني ادم داا
سيف : انا عندي ابات ف الشارع ولا اتجوزها .. انسوووا .. ودخل اوضته

*فرح ونهلة دخلوا وراه*

فرح : ممكن تهدوا علشان افهمكم
نهلة : تفهمينا ايه .. انا مش موافقة اصلا
فرح : سيف هو اللي يقرر ياماما... اسمعني ياسيف دا جواز هيكون علي ورق بس ... قدام الناس علشان محدش يتكلم عن وعد .. وف نفس الوقت دادة عائشة تسيبك قاعد معانا
سيف : لا يعني لا .. مش هتجوز الانسانة دي
فرح : طب اسمع بقا ياسيف ...انسا كل حاجة حصلت بينك وبين وعد ....انت دلوقتي محتاج مكان تقعد فيه ...مقدمكش حل غير دا

*سيف سرح بيفكر*

نهلة : انت سرحت في ايه ...اوعي تكون هتوافق
سيف بعصبية : عندك حل تاني ... مش انتي اللي رافضة بيع العربية
نهلة سكتت

_____________________________

*خرجوا من الاوضة*

سيف : انا موافق
وعد : بجد ! تصدق فرحت .. زغرطي ياخالتو البيه وافق يتجوزني
سيف : لازم تفرحي .. انتي مكنتيش تحلمي اني اقف اتكلم معاكي حتة
وعد : لا كتر خيرك بجد ... بس للاسف انا مش موافقة
فرح : وعد متتسرعيش ف القرار اي حاجة بينك وبين سيف انسوها ولو عاوزة يعتذرلك هيعتذر
سيف بص لفرح : انا مش هعتذر لحد
وعد : متتعبيش نفسك يافرح انا مش موافقة

*نهلة وعائشة واقفين بيتفرجوا بس مش بيتكلموا*

"وعد قربت ع سيف وعينها ف عينيه "

وعد : مش موافقة اتجوز واحد مغرور ومتكبر زيك .. وانا عاوزة اشكر الناس اللي خليت خالتو تاخد قرار طردك من هنا .... ارجع بقا الفيلا بتاعتك .. اه صح انا نسيت انها اتحجز عليها .. اقولك علي حل حلو انت تنام ف العربية ... وضحكت بتريقة ومشيت

*سيف واقف ساكت وجوه بركان عاوز ينفجر ف وعد بس مش قادر*

"فرح دخلت الاوضة ورا وعد"
فرح : وعد علشان خاطري وافقي .. سيف مينفعش يبعد عننا .. ارجوكي وانا هخليه يعمل اي حاجة انتي عاوزها ...
وعد بتفكر وسرحت
فرح : وعد ردي عليا
وعد : انا موافقة.... بس عندي شروط
فرح : ايه هي قولي !
_________________________________

*في بيت فاطمة*

فاطمة : اصحي ياسندوس.. اصحي ياحبيبت ماما
سندوس : .....
فاطمة : بسم الله الرحمن الرحيم ... سندوس... سندوس ردي عليا يابنتي ... سندوووسس

___________________________

*سيف قاعد بيفكر ومستغرب ازاي وعد بتحبه ورفضت انهم يتجوزوا*
"خرجت فرح ووعد"
فرح : وعد وافقت
 الكل بصلها وسيف ابتسم علشان كان عارف انها مش هترفضه
فرح : بس عندها شروط
سيف : لا الهانم تتشرط ماهي بقا ليها بيت وبتتحكم فينا
وعد بصتله بتحدي : اه اتشرط .. طول مانا في بيتي
نهلة : وايه بقا شروطك دي

صوت من بعيد : الحقووووونيييي .... الحقووونيي

*طلعوا يجروا كلهم*
وعد : الصوت جاي من عند ابلة فاطمة
" جروا خبطوا .. فاطمة فتحت وهي منهارة .. الحقووا .. بنتي "
وعد : اهدي في ايه ... سندوس مالها

*دخلوا الاوضة*
وعد : دي قاطعة النفس
سيف شال سندوس بسرعة ونزلوا ركبوا العربية وراحوا المستشفي

________________________________

*في بيت عائشة*

نهلة: مكنش ليه لزوم اللي حصل دا ياعائشة ... طب كملي جميلك للاخر
عائشة : بصي ياهانم انا هفهمك حاجة .. انا لما جبتكم هنا ... مكنش قصدي انه يكون جميل تفتكروني بيه .. لا انا علشان اتربيت ع الاصول واصلي ميسمحليش اني اسيب الناس اللي افضالها عليا يترموا ف الشارع.... وكمال بيه فتحلي بيته من عشرين سنة .. استحالة اسيب اهله ف محنة واقف اتفرج
نهلة : حلو انك فاكرة كل دا .. يعني مش هحتاج افكرك بيه... ايه بقا اللي غيرك وعاوزة ترمي ابن اللي فتحلك بيته ف الشارع
عائشة : انا ماليش غير وعد اللي طلعت بيها من الدنيا ...واستحالة اسمح لحد يأذيها ولو بكلمه ... لما الموضوع يتعلق ب وعد يبقا لازم اعمل كدا حتي لو كان مين... عن اذنك ياهانم
______________________________

*في المستشفي*
وعد وفرح وسيف وفاطمة واقفة منهارة
عمر جاي يجري : ايه اللي حصل ... سندوس مالها ياماما
فاطمة بانهيار : مش عارفة انا روحت اصحيها لقيتها مبتردش عليا وقاطعة النفس
عمر حضن امه : اهدي ومتقلقيش ان شاءالله خير ... سندوس مش هيحصلها حاجة
فاطمة : ياارب ... يارب

"سيف بيبص لوعد اللي عمالة تعيط وخايفة ع سندوس"

الدكتور خرج والكل جري عليه : خير يادكتور
الدكتور: الحمدالله فاقت وتقدروا تشوفوها
الكل : الحمدالله
عمر: اللي حصلها دا ليه يادكتور
الدكتور : انت مين
عمر : انا اخوها
الدكتور : طب اتفضل معايا

" الباقي دخل يشوف سندوس"
فاطمة جريت ع سندوس : ياحبيبتي يابنتي ياحبيبتي حمدالله ع سلامتك
سندوس : انا فين ياماما
فاطمة : انتي ف المستشفي ياحبيبتي .. جايين نطمن عليكي وهنمشي
سندوس : فين عروستي .. انا عاوزة العروسة انتو سبتوها ف البيت لوحدها
فاطمة : اهدي ياسندوس انا بعت عمر يجبهالك سندوس : ماثي ياماما ... طنط وعد انتي بتعيطي ليه
وعد مسحت دموعها : لا ياحبيبتي انا مش بعيط .. كدا ياسندوس تخضيني عليكي
سندوس : معلس ياطنط و عد .. متزعليس مني
وعد : مقدرش ازعل منك ياحبيبتي
سندوس : وهتلعبي معايا
وعد : وهلعب معاكي كمان
سندوس بتوشوش وعد : مين الواد الحو دا ياطنط
وعد بصيت لسيف وبصوت واطي : دا ابن الساحرة الشريرة
سندوس بصت لسيف : ياوحس

عمر جالهم وهو مصدوم وساكت .. حضن سندوس وباسها
فاطمة : الدكتور قالك ايه .. سندوس هتخرج معانا
عمر : اه ياماما هتخرج
وعد وفرح : الحمدالله
فاطمة وسيف بصوا ل عمر وحسوا ان في حاجة هو مخبيها

*خرجوا ومعاهم سندوس وصلوا البيت*
عمر : انا متشكر اويي انك لحقتها
سيف : متقولش كدا دا واجبي .. لو احتاجت حاجة انا موجود .. بعد اذنك
عمر : اتفضل
فرح : حمدالله ع سلامتها ياعمر

*عمر سرحان*

فرح : عمر انت كويس
عمر : اه انا كويس ... انا كويس ومشي
_____________________________
"عمر شايل سندوس ودخلها تنام علي السرير وغطاها وبصلها بزعل وخرج من الاوضة "

فاطمة : نامت
عمر : اه ياماما
فاطمة : كويس .. الدكتور قالك ايه
عمر : مافيش حاحة ياماما .. هتبقا كويسة
فاطمة : انت مخبي عليا ايه ياعمر ... اختك مالها
*عمر بصلها وسكت*
______________________________
*وعد وفرح وسيف رجعوا*

عائشة : خير البنت بقيت كويسة
وعد : اه ياخالتو الحمدالله اطمنا عليها
عائشة : طب كويس ... نطمن عليكي انتي بقا
وعد : قصدك ايه
عائشة :اقصد اللي كنا بنتكلم فيه الصبح.... انا سيبتك تاخدي القرار براحتك .. واظن انك وافقتي يبقا مستنين ايه !
وعد : انتي عاوزة ايه ياخالتو
عائشة : تكتبوا الكتاب انهاردة
______________________________

فاطمة : ماترد ياعمر متقلقنيش
عمر بزعل : الدكتور قال ان سندوس عندها ثقب ف القلب
فاطمة بخضة : ياحبيببتي يابنتي ....طب والعمل
عمر : الدكتور كتبلها ع علاج لفترة ... لو مجبش نتيجة هتحتاج تعمل عملية
فاطمة: والعملية دي تتكلف كام
عمر : 60 الف جنية
فاطمة : اييه ! وهنجيبهم منين دول
عمر : متقلقيش ان شاءالله مش هتحتاج عملية .. ف احتمالية انها تتحسن بالعلاج .. ادعيلها انتي بس
فاطمة: يارررب ااقف معانا ياررب

____________________________

وعد : بس انا لسه مقولتش الشروط
سيف : ايه هي !
وعد : هما شرطين .. الاول ان كل واحد هينام ف اوضته والجواز قدام الناس وبس
سيف : خير ماقولتي والله انا موافق
نهلة : والشرط التاني ؟
وعد : سيف ينزل يدور ع شغل ويشتغل .. انا مش هتجوز واحد عاطل

(طبعا دي حاجة صعبة علي واحد مدلل مكنش بيشتغل ولا متحمل مسؤلية حاجة )

*نهلة فرحت علشان كانت متأكدة ان سيف هيرفض*
سيف : انا موافق
الكل اتصدم من رده .. انه وافق بسهولة حتي وعد نفسها استغربت و كانت متوقعة انه يرفض

عائشة : طب طلما وافقتوا يبقا نكتب الكتاب ف اسرع وقت
وعد : لا مافيش كتب كتاب غير لما يبدء شغل
عائشة : ويبقا كدا استفدنا ايه انا عاوزة الناس تعرف .. انكم متجوزين
وعد : وانا اضمن منين انه ميرجعش ف كلامه
سيف : انا مبرجعش ف كلامي
وعد : يبقا اتفقنا
سيف : اتفقنا

___________________________
ف اوضة سيف
نهلة بعصبية : استحالة انت ازاي توافق بالسهولة دي ... دانا لساني اتدلدل بقالي سنين اقولك اشتغل وكنت رافض ... ولا تكون بتحبها .. يانهار اسود ... اوعي ياسيف ... دانا اموت فيها تحب خدامه

سيف : لا طبعا احب مين .. بس انا مجبر اوافق ع الجواز علشان افضل موجود ودادة عائشة عندها حق هي بردك بنت وليها سمعتها... والشغل انا شايف انها عندها حق .. لازم اشتغل انتي وفرح وانا هنحتاح مصاريف اكيد دادة عائشة مش هتصرف علينا
فرح : عندك حق ياسيف .. اكيد دادة عائشة مش هتقدر ع المصاريف دي كلها
نهلة : دادة عائشة دي طلعت حية معملتش كدا معروف فينا .. دي كانت مخططة كويس اووي .. تجبنا هنا وتعمل الفيلم دا علشان تجوزك لبنت اختها
فرح : لا ياماما متنسيش ان فكرة الجواز دي فكرتي
نهلة : اسكتي انتي صغيرة متفهميش حاجة
فرح : انا مش صغيرة ياماما
سيف : بااس خلاص انا خدت القرار ... نزلوا راحوا للمأذون وكتبوا الكتاب

__________________________
ومرت الايام ع ابطالنا كالعادة مناقرة بين سيف ووعد ... وسيف بدء شغل .. وسندوس بدءت تتحسن وعمر اطمن عليها وبدء يقرب من فرح
....ويبادلها نفس الحب بس ميعرفش انها بنت كمال الهلالي ... تفتكروا لما يعرف ايه هيحصل !

__________________________

○بداية يوم جديد○

*الباب خبط.. ووعد فتحت*
...: بقا كدا ياوعد متسأليش عليا .. خدي البت عني خدي .. اومال فين خالتي عائشة
وعد : نرميين .. انتي جيتي اسكندرية امتي

(اعرفكم نرمين اخت وعد وتبقا بنت اخت عائشة ..اكبر منها بسنة ومتجوزة وعندها *هدي* بتغير من وعد ف كل حاجة من معاملة عائشة ليها و وعد متعلمة وطموحة وهي فضلت انها تتجوز وتوقف تعليم )

نرمين : لسه جاية دلوقتي .. وحشتوني قولت اجلكم
وعد : تنوري ياحبيبتي

"وعد بتفكر ف رد فعل نرمين لما تعرف انها اتجوزت"
عائشة : نرمين انتي جيتي
نرمين : اه مانتو نستوني شكلكم لا تسألو ولا تعبروني .. عيني علي حظك يانرمين ياللي مالكيش حد يحبك زي وعد
عائشة :متقوليش كدا انتو الاتنين بناتي... انتي عاملة ايه وجوزك عامل ايه
نرمين : كويس ياخالتي... انتو اتعزمتوا علي فرح شرين بنت عم رشدي .. اصلهم عزموني
عائشة : اه اتعزمنا .. يعني الفرح هو اللي جابك مش علشان وحشناكي
نرمين: لا طبعا فرح ايه انا جاية علشانكم

"سيف صحي وخرج من الاوضة قدام نرمين و وعد اتوترت "
نرمين : مين دا
سيف ووعد بيبصوا لبعض
عائشة : دا سيف ابن كمال الهلالي اللي كنت شغالة عنده وجوز وعد
نرمين باستغراب : وعد اتجوزت من غير ماتقول
عائشة : معلش يابنتي حصلت فجأة بسبب ظروف والد سيف وملحقناش نبلغ حد
نرمين : قلبي عندك يااستاذ سيف..سمعت اللي حصل لابوك.. وانتي ياوعد غيرتي رايك ع الجواز .. مش كنتي بتنصحيني متجوزش واكمل تعليم .. بس تصدقي كدا احسن الست مالهاش غير بيت جوزها
وعد : عن اذنكم هروح اشرب

"عائشة راحت ورا وعد"
عائشة : روحي لمي هدومك من اوضتك وحطيها ف اوضة سيف
وعد : نعم !
عائشة : زي ماسمعتي لحد مانرمين تمشي .. مش عاوزها تعرف انكم متجوزين علي ورق بس .. انتي عارفة اختك بقها ف ودن جوزها.. ودا لو عرف حاجة الدنيا كلها تعرف

وعد : لا ياخالتو.. انا استحالة انام ف اوضته
عائشة : مش انتي وافقتي ! يبقا تستحملي بقا النتيجة
"وعد مشيت وهي مخنوقة دخلت اوضتها تلم الهدوم"
فرح بتتمطع : صباح الخير .. انتي واخدة هدومك و راحة فين
وعد : راحة اوضة سيف
فرح : ايييه !
__________________________

نرمين : يابت اقعدي بلاش شقاوة
عائشة : سبيها يابنتي تلعب
"نهلة خرجت "
نرمين : مين دي كمان
عائشة : دي ام سيف
نرمين : دي العيلة كلها هنا بقا .. اهلا ياحبيبتي بيكي انا اخت وعد
نهلة مردتش عليها : حضرتي الفطار ياعائشة
عائشة : اه ياهانم جاهز
نهلة : طب روحي شوفي فرح صحيت ولالا
عائشة : حاضر
نرمين بتبصلهم ومن جواها : مالها الست دي معوجة كدا ليه اومال لو مكنش جوزها حرامي ونصاب كانت عملت ايه
___________________________

وعد : زي ماسمعتي هروح اوضة سيف
فرح : دا ايه اللي حصل ... انتي حنيتي ولا ايه
وعد : حنيت ايه وزفت ايه ... انا اختي جت وخالتو مش عاوزها تحس بحاجة .. مؤقتا يعني
فرح: اممم .. هو سيف عرف
وعد : لا
عائشة: انتي لسه ملمتيش هدومك
وعد : بلمهم اهو
عائشة : طب بسرعة قبل ماتاخد بالها .. انتي عارفها مفتحة .. وانتي يافرح يابنتي مامتك عاوزكي
فرح : حاضر يادادة جاية وراكي

"وعد خدت هدومها وخرجت"
___________________________
"في اوضة سيف "
سيف بيلبس ورايح الشغل
..الباب خبط
سيف : ادخل
وعد دخلت وهي ساكتة ومعاها شنطة هدومها
سيف باستغراب : ايه دا
وعد : زي مانت شايف هدومي
سيف : وهدومك جاية هنا ليه
وعد بتريقة : جيبهالك تلبسها
سيف بعصبية مسك ايدها : اتعدلي بدل مااكسرلك دماغك
وعد بخوف : سيف سيب ايدي بتوجعني
اول لما سابها .. بعدت عنه
وعد : والمفروض بقا اخاف منك كدا
سيف : حظك اني مش فاضيلك عندي شغل
وعد : استنا .. متبينش قدام نرمين اننا مش متجوزين
..سيف سكت وجه يمشي 
وعد : استنا
سيف: افندم اي اوامر تانية !
وعد : اه خالتو طلبت مني افضل هنا لحد ماتمشي
"بصلها ومشي مردش عليها "
وعد بغيظ : مبيردش عليا ابن نهلة
__________________________

*جرس الباب رن*

عائشة : اهلا
فاروق : ازيك ياحماتي العزيزة
عائشة : حماتك الله يرحمها
فاروق : ازاي بس مش انتي اللي مربية مراتي تبقا انتي حماتي .. مش هتقوليلي اتفضل ولا ايه

(طبعا فهمتوا ان فاروق يبقا جوز نرمين .. وعائشة مش بتتقبلوا خالص ولا بينزلها من زور ولا هي ولا وعد )

عائشة : لا ازاي متجيش اتفضل

*الكل قاعد .. معادا نرمين*

فاروق : اومال فين مراتي
نرمين جت : سي فاروق انت مش قولت مش جاي
فرح باستغراب : سي فاروق !
فاروق : زوجتي العزيزة حبي الاول والاخير .. انا هنا من اجلك انتي وبس والله
وعد بصوت واطي : العشق الممنوع هيبدأ
فرح بتضحك وسيف ونهلة مستغربين من طريقة فاروق

نرمين : يوه ياراجل مش كان عندك شغل
فاروق : انا كنت قاعد ف شغلي لا بيا ولا عليا .. قوم ايه بقا جيتي انتي ف بالي وقولت لنفسي ازاي ياض يافاروق تسيب زوجتك تبعد بعيد عنك .. اه حاكم انا ماشي ع شعار "انا لا ارتاح ع وسادتي الا بجانب زوجتي "
نرمين : اصيل ياسي فاروق
فاروق بص حواليه : مش تعرفيني ع الاعضاء الجديدة
 وراح يسلم ع وعد : كبرتي ياوعد
وعد : دا ع اساس اني كنت بلعب ع باب بيتكم وانا صغيرة ..فوق يافاروق انت متجوز اختي من تلت سنين
فاروق: وهما التلت سنين دول شوية يعني .. و مازال ماسك ايدها
سيف شد ايده من ايد وعد : ازايك انا سيف جوز وعد
فاروق باستغراب : انتي اتجوزتي
وعد استغربت من رد فعل سيف : اه اتجوزت
فاروق : مبروك ياوعد
عائشة : يلا ياوعد نحضر العشا
فرح : انا جاية معاكم

"اتعشوا وكل واحد راح ع اوضته ونرمين هتنام جنب فرح وفاروق هينام ع الكنبة"
__________________________
*ف اوضة فرح*
فرح واقفة بتكلم عمر من البلكونة
عمر : فرح وحشتيني اوي
فرح : وانت كمان والله ياعمر .. عامل ايه ف شغلك
عمر : انا الحمدالله كويس .. انتي مالك فيكي حاجة
فرح : انا كنت عاوزة اقولك حاجة
عمر : خير يافرح قولي
صوت من بعيد : عمر... عمر
عمر : طب يافرح انا هدخل اشوف ماما عاوزة ايه واجيلك استني
فرح : ماشي ياعمر

(فرح متوترو وخايفة من رد فعل عمر لما يعرف انها مش قريبة فرح وانها بنت كمال الهلالي )

عمر : انا جيت ياحبيبتي كنتي عاوزة ايه بقا
نهلة دخلت الاوضة: فرح
فرح بعد ازنك ياعمر ... ايه ياماما
نهلة : انتي كنت بتكلمي مين
فرح : انا كنت ...
*نهلة دخلت البلكونة شافت عمر*
نهلة : انتي كنتي بتكلمي الجربوع داا
فرح بعصبية : متغلطيش فيه

نهلة : وبتدافعي عنه كمان يابجاحتك
فرح : اه بدافع عنه ... انا وعمر بنحب بعض
نهلة : حبك برص يابعيدة .. انتي نسيتي انتي مين .. وبنت مين ... هو انا هلقيها منك ولا من اخوكي اللي راح اتجوز الخدامة
فرح : منستش انا بنت مين ... ومنستش بردك اننا خلاص مبقاش حيلتنا حاجة ياماما ... وبعدين كل واحد حر ف حياته وزي ماوفقتي ع سيف ... يبقا تسبيني انا كمان اختار
نهلة : لا ياحبيبتي انا وافقت ع سيف لاني مجبرة ... وانتي عارفة ان جواز سيف دا شكل وبس مافيش حاجة هتحصل بينه وبين الخدامة دي

" نرمين واقفة ورا الباب وسمعت الحوار ... جريت ع جوزها "
نرمين : شوفت اللي حصل يافاروق
فاروق : في ايه
نرمين : مالك ياراجل بتكلمني كدا ليه
فاروق : مافيش.. قولي كنتي عاوزة تقولي ايه
نرمين: السنيورة وعد طلعت متجوزة سيف دا شكل وبس
فاروق : يعني ايه
نرمين : يعني علي الورق وبس ياراجل افهم
فاروق بفرحة: وانتي عرفتي منين
نرمين : سمعت العقربة ام سيف بتقول .. مالك ياراجل فرحان كدا ليه
فاروق : لازم افرح ياولية مش سيف دا ابوه غني .. يعني وعد هتبقا من الاغنياء وتتكبر علينا
نرمين : تصدق عندك حق .. وكمان اساسا سيف مش لايق ع وعد دا ابن ناس وهي مش حلو يعني
فاروق بتريقة : اه فعلا مش حلوة خالص

_________________________

*في اوضة سيف*
وعد : بزمتك انت عندك زوق انت
سيف : استغفرالله العظيم ... انا جيت جنبك دلوقتي
وعد: نايم ع السرير وهتخليني انام ع الارض
سيف : وحد قالك نامي ع الارض .. اتلقحي جنبي من سكات
وعد : لا يابابا دا بعينك
سيف : احسن بردك نامي ع الارض ياكش يجيلك رطوبة ف لسانك اللي عايز القطع دا

"وعد بغيظ شدت الغطا من ع سيف وخدت مخدة وحطيتهم ع الارض ونامت "

سيف بيغيظها : خدي مش عاوزه ..المهم اني هنام ع السرير براحتي

"وعد فضلت تتقلب وتبصلوا بغيظ وهو نايم ع السرير .. قامت فتحت الدولاب جامد وطلعت مخدات ورزعت الدولاب تاني وفضلت تعمل أصوات وهي بتتحرك"

سيف : هتفضلي تفركي كدا كتير ... اتهدي بقا عاوز انام

"وعد بصاله بغيظ ومردتش عليه وحدفت المخدات جنبه وعملت حاجز بينهم ونامت "
سيف : دا خط الدفاع بتاعك يعني .. يارب تكوني ارتاحتي لما طيرتي النوم من عيني ...منك لله ياشيخة
*وعد مردتش عليه وراحت ف النوم*
___________________________

■جينا ليوم الفرح■

*وعد لابسة فستان اسود رقيق والكوم تل وفردة شعرها وحاطة ميكاب رقيق جدا ....وفرح لابسة فستان قصير لونه ازرق وعاملة شعرها ويفي وحاطة ميكاب رقيق بردك*

 سيف وفاروق قعدين مستنينهم يخلصوا .. وعد وفرح طالعوا

سيف شاف وعد تنح اول مرة يشوفها بفستان وميك اب .. وشكلها رقيق جدا
وعد : انت بتبصلي كدا ليه
سيف : بدور ع وعد .. راحت فين
وعد ضحكت : لا مانا ف الافراح مبستخصرش ف نفسي حاجة
سيف : بصراحة جميلة اوي انهاردة 
وعد بتداري كسوفها : انا طول عمري جميلة اصلا
سيف : حلوة الثقة دي ... ماشي ياستي انتي جميلة علطول 
وعد ابتسمت بكسوف
سيف : بس لسانك عاوز الحرق
وعد قلبت وشها : لا واضح ان لساني انا اللي عاوز الحرق
فرح : مايلا بقا مش هنمشي .. الميك اب هيسيح

سيف مسك ايد وعد ومشي وهي بصاله ومستغربة

{ الفرح خلص وهما خرجوا}

فرح : العروسة كانت حلوة اوي .. انا اول مرة احضر فرح حلو كدا
نهلة : فين الحلاوة دي
الكل بصلها
نهلة : ااقصد انه خلص بسرعة اوي انا كنت عاملة حسابي هنسهر للصبح
عائشة : طب ايه رايكم نروح نقعد ع البحر للصبح
فرح : فكرة حلوة اويي يادادة
نهلة : انا موافقة اهو نعوض الفرح
وعد : خلاص روحوا انتو وانا هروح علشان تعبانة وعاوزة انام
سيف : طب انا هوصلها البيت واروح اشوف حاجة ف الشغل كلموني
عائشة : طيب ياسيف خليبالك عليها واحنا هنيجي الصبح
فاروق: طب انا استأذن بقا علشان .. هروح اقابل صحابي
نرمين : طيب ياحبيبي متتأخرش

______________________________

*سيف خد وعد ووصلها البيت*
سيف: انا هروح اشوف عاوزين ايه ف الشغل وهرجع
وعد : ماشي انا هطلع احضر الاكل
سيف : ماشي خليبالك من نفسك .. باي
وعد : باي .. وطلعت

"و احد الاشخاص يراقبهم من بعيد"
_____________________________

دخلت وعد الاوضة تغيير هدومها بتدور ع الموبايل ملقتهوش سمعت الباب بيفتح .. طلعت تجري
وعد : سيف كويس انك جي .... *اتخضت ورجعت ل ورا*
انت دخلت هنا ازاي !!!!!

الفصل الخامس من هنا

تعليقات



حجم الخط
+
16
-
تباعد السطور
+
2
-
close