رواية ابنتي ولكن الحلقة الثانية عشر 12 كاملة بقلم ياسمين علي

رواية ابنتي ولكن الحلقة الثانية عشر 12 كاملة بقلم ياسمين علي

    رواية ابنتي ولكن الحلقة الثانية عشر 12 كاملة بقلم ياسمين علي 





    نسترجع اخر احداث الجزء اللي فات مع بعض ...

    فرح : ايوة ياعمر كلمت وعد 
    عمر  : اه كلمتها .. تعبت عبال ماوافقت انها تحضر الخطوبة 
    فرح : حلو اوي وسيف كمان وافق 
    عمر : انتي مصممة ع اللي ف دماغك
    فرح : مافيش حل تاني 
    عمر: اكيد هيفهموا اننا قصدين نعمل كدا 
    فرح : مش مشكلة المهم عندي اللي ف دماغي يحصل
    عمر : ولو محصلش 
    فرح : يبقا ادينا حاولنا 
    عمر : طيب مقولتليش هتلبسي فستان لونه ايه 
    فرح : لا خليها مفجأة ونبي ياعمر 
    عمر : ماشي ياروحي يلا نامي علشان تبقا فايقة بكرا .. اليوم طويل .. تصبحي ع خير 
    فرح : وانت من اهله 

    _____________________________

    *يوم الخطوبة*

    نادين : انتي بتقولي ايه يافرح استحالة  اعمل كدا
    فرح : علشان خاطري يا نادين  ساعدينا 
    نادين : لا يافرح انا اصلا مش طايقة اخوكي تقوليلي اعمل كدا لا مش موافقة 
    فرح : طب علشان خاطر وعد .. يابنتي صدقيني هنطلع بنتيجة كويسة من الموضوع دا وهتشوفي .. انا واثقة .. بس انتي اعملي اللي هقولك عليه بس 
    نادين : ولو وعد زعلت مني هستفاد ايه انا 
    فرح : انا ياستي هقولها انك برا الحوار .. المهم هتعملي اللي قولتلك عليه 
    نادين :  ماشي لما نشوف اخرتها 
    فرح : اخرتها حلوة اوي ان شاءالله .. متتأخروش انهاردة هستناكم .. باي
    《نادين سرحت بتفكر ف اللي فرح قالته وخايفة تزعل وعد 》
    ..وعد : كنتي بتكلمي مين 
    نادين اتخضيت : ف ايه ياوعد ماتكحي ياستي داخلة تتسحبي ليه فجعتيني 
    وعد : متتوهنيش .. كنتي بتكلمي مين 
    نادين : كنت بكلم فرح بتأكد علينا نروح  
    وعد : والله انا لو عليا مش عاوزة اروح .. بس عمر اثر عليا وانا مش عاوزة ازعله بصراحة .. وفرح بردك وقفت جنبي كتير ف هروح 
    نادين : ولو قابلتي سيف هناك 
    وعد :  ماهو كدا كدا بيجي يشوف بنته .. انا خلاص يانادين نسيته 
    نادين : متأكدة انك نسيتيه
    وعد : مالك يانادين ! 
    نادين  : مافيش .. انتي هتلبسي ايه 
    وعد : مش عارفة لسه 
    نادين : اللبسي الفستان اللي اختارنا سوا 
    وعد : قصدك اللي انتي اختارتي .. لا مش هلبسوا 
    نادين : ليه دا حلو اووي 
    وعد : لا مش عاوزة اللبسوا انا ياستي انا حرة 
    نادين : انا غلطانة ويلا اطلعي من اوضتي بقا 
    وعد : بقا كدا ماشي .. 

    《وعد راحت اوضتها وقعدت تفكر تلبس ايه ..  》

    ________________________________

    *ف فيلا كمال*

    نهلة : مبروك يافرح .. انا جهزت كل حاجة تحت مفضلش غيرك ياعروسة .. هتلبسي امتا  بقا 
    فرح : الله يبارك فيكي ياماما .. شكرا اوي انك وافقتي 
    نهلة : لا انا موافقتش 
    فرح : اومال بتجهزي وبتساعدينا ليه وعاملة احسن ديكور ف الفيلا  .. كل دا وانتي مش موافقة
    نهلة : اه انا بعمل كل دا علشان لما عمر واهله يجوا .... يعرفوا هما ايه واحنا ايه 
    فرح : اااه طب بصي ياماما .. مهما حاولتي تفرقي بينا مش هتعرفي .. انا مش سيف هتعرفي تأثري عليه ... انا مش هتجوز غير  عمر ماشي 
    نهلة : اتجوزيه ياحبيبتي .. انتي اختارتي حقك .. وانا اختار المعاملة  اللي اعملهم بيها حقي .. متبقيش تزعلي بس .. يلا اسيبك تكملي لبس بقا 
    فرح فضلت بصالها بغيظ : امتا هتتغيير بقاا 

    _________________________________

    نادين دخلت اوضة وعد 
    نادين : وعد خلصتي ..  ايه دا ايه دا ايه دا .. مانا قولتلك .. قعدتي تقولي لا مش هلبسوا .. ولبستي ف الاخر 
    وعد : متخلنيش اقوم اغيير واقول مش رايحة الخطوبة
    نادين : لا خلاص بهزار ... بس حقيقي قمر .. انتي ناوية تندمي سيف ولا ايه 
    وعد : انا قولتلك سيف مبقاش ف بالي 
    نادين : اممم طيب لو خلصتي يلا علشان منتأخرش
    سالم : ع فين كدا 
    نادين : هنروح خطوبة فرح
    وعد : بابا هو انت مش جاي معانا 
    سالم : لا 
    وعد : ليه يابابا دي بنت صاحبك 
    سالم : معلش يابنتي روحوا انتو ومتتأخروش 
    نادين شدت وعد : يلا بينا بقا 

    __________________________

    《ف اوضة فرح .. كمال دخلها .. فرح لابسة فستان فضي منفوش بكوم شفاف و قصير من قدام وطويل من ورا》
    فرح : بابا حبيبي .. ايه رايك ف فستاني .. هيعجب عمر صح 
    كمال مدمع : جميلة يابنتي .. جميلة
    فرح : مالك يابابا بتعيط ليه 
    كمال : دي دموع الفرحة ..مش مصدق انك بقيتي عروسة خلاص
    فرح : دي لسه خطوبة يابابا .. اطمن مش همشي واسيبك 
    كمال : انتي حتي لما تتجوزي مش هتسبيني بردك 
    فرح : طبعا ياحبيبي هو انا ليا غيرك وحضنته
    ○○○○○○○○

    نهلة : سيف انت جيت .. وحشتني اوي 
    سيف : وانتي كمان ياماما .. عاملة  ايه 
    نهلة : المهم انت عامل ايه ياسيف وقاعد فين 
    سيف : قاعد ف اوتيل ياماما متقلقيش .. هي فين فرح 
    نهلة : ف اوضتها لسه مخلصتش 
    سيف : طيب انا هطلعلها ... 

    الباب خبط 
    فرح : ادخل 
    سيف : العروسة خلصت ولا لسه 
    كمال شاف سيف اتضايق  : عن اذنكم 
    فرح مسكت كمال : بابا علشان خاطري متزعلش من سيف .. كمل فرحتي 
    كمال : بس يابنتي ... 
    فرح : علشان خاطري يابابا .. خلينا نتجمع واحنا مع بعض فرحانين 
    سيف : انا اسف 
    كمال : واسفك دا هيعمل ايه 
    سيف : طب قولي اعمل ايه وانا هعملوا 
    كمال : ارجع لوعد ورجع بنتك 
    سيف : ياريتها كانت بسهولة دي .. بس وعد هترفض 
    كمال : حاول ولو صلحت اللي عملتوا .. انا مش هبقا زعلان منك 
    سيف : ماشي يابابا اوعدك هحاول .. 
    فرح : عمر جه .. عمر جه .. يلا بينا ننزل بسرعة 
    سيف : اهدي يافرح يخربيتك .. 
    كمال : انا هنزل استقبلهم .. وانت ياسيف هات اختك وتعالي ورايا 

    _____________________________

     سيف نازل وماسك ايد فرح ووصلها لعمر 
    سيف : انت هتاخد اغلي حاجة عندنا 
    عمر : هحطها ف عيني متقلقش وبيبص لفرح وهو مبسوط وهي مبسوطة 
    عمر : ايه الحلاوة دي 
    فرح : حلو بجد الفستان عجبك 
    عمر : انتي كلك قمر .. يابختي بيكي 

    سيف واقف.. احمد جه 

    احمد : مكنش ينفع محضرش خطوبة اخت صاحبي .. الف مبروك ياسيف 
    سيف حضنه : كنت عارف انك  هتيجي ياصاحبي 
    احمد : متزعلش من الكلام اللي قولتو اخر مرة .. بس انا اتضايقت 
    سيف : كلامك فوقني مش زعلني .. 
    احمد : حبيبي  ياسيف 
    سيف : تعالي بقا اعرفك ع عمر 

    وعد ونادين وصلوا .. وراحوا يسلموا ع فرح وعمر هما كمان .. 
    فرح : مبسوطة اوي انكم جيتوا 
    وعد : انتو غالين عندي انتو الاتنين مينفعش محضرش
    نادين : مبروك يافرح .. مبروك ياعمر
    عمر وفرح : الله يبارك فيكي عقبالك 
    *نادين شافت احمد *

    نادين : طب وعد انا هروح اشوف حاجة وارجعلك ماشي 
    وعد : ماشي متتأخريش 
    _____________________________

    نادين : احمد 
    احمد : نادين ازيك 
    نادين : انا كويسة وانت 
    احمد : كويس 
    نادين : انت مضايق مني 
    احمد : اضايق ليه انتي عملتي حاجة 
    نادين بزعل : ماشي  .. عن اذنك 
    احمد مسك ايدها : طيب استني 
    نادين : نعم 
    احمد : متزعليش .. مع اني زعلان منك بسبب اخر مرة 
    نادين : متزعلش انا بس كنت زعلانة ع اللي صاحبك عملوا ف اختي 
    احمد : ماليش ذنب ف اللي عملوا .. 
    نادين : ازاي يعني مش صاحبك والمفروض تنصحوا 
    احمد : انا عرفت متأخر كان فات اوان النصيحة 
    نادين : طيب خلاص انا مش زعلانة 
    احمد : دا ع اساس اني انتي اللي المفروض تزعلي يعني 
    نادين : اه انا عندك مانع 
    احمد : لا مقدرش طبعا 
    نادين ابتسمت : ايوة كدا 

    *وعد واقفة لوحدها*

    سيف : عاملة ايه ياوعد 
    وعد : الحمد الله  كويسة .. 
    سيف : هو احنا ممكن نتكلم 
    وعد : اه طبعا ينفع بس مش دلوقتي معلش ..هي نادين فين .. ومشيت وسابتوا 

    احمد : فستانك حلو اوي 
    نادين : طبعا انا مبلبسش حاجة وحشة 
    احمد : بطلي طريقتك دي بقا 
    نادين : مالها طريقتي مش عجباك
    احمد : لا دي عجباني اوي اوي اوي 
    نادين : اممم بجد 
    احمد : اه والله .. هو انا ممكن اقولك حاجة 
    نادين  ابتسمت : اه  قول 
    احمد : نادين .. انا .. 

    وعد : فينك يازفته انتي .. ازيك يااحمد .. بدور عليكي  
    نادين  : مشاءالله بتختاري مواعيدك 
    وعد : مواعيد ايه .. يلا بينا احسن نتأخر
    نادين : انا بقول كدا فعلا .. يلا بينا .. عاوز حاجة يااحمد 
    احمد : لا خلاص بقا هعوز ايه  اتفضلوا 
    نادين مشيت مع وعد .. افتكرت اللي فرح قالته وقفت 
    وعد : وقفتي ليه 
    نادين : اصل اصل احنا لسه جايين هنمشي بدري كدا 
    وعد : اه انا جيت علشان ميزعلوش بس 
    نادين : طب حتي نشرب حاجة استني بس ..  خدي العصير دا .. قلبته ع فستان وعد 
    وعد : الله يخربيتك ... انتي عملتي ايه همشي ازاي انا كدا 
    نادين : انا اسفة مخدتش بالي معلش ياوعد 
    فرح : مالكم .. ايه دا ياوعد حصلك ايه 
    وعد : نادين قلبت عليا العصير  .. احنا لازم نمشي 
    فرح : هتمشي ازاي كدا .. اطلعي اوضتي غيري 
    وعد : لا مالهاش لازمة كدا كدا هنبقا ف العربية 
    نادين : فرح عندها حق اطلعي غييري .. الفستان لونه ابيض ياوعد 
    وعد : وانتي مشوفتيش انه ابيض وانتي بتقلبي العصير ليه 
    نادين : معلش ياوعد بقا قولتلك غصب عني 
    فرح : خلاص ياجماعة بسيطة .. اطلعي ياوعد انتي عارفة اوضتي 
    وعد : ماشي 

    _______________________________

    فرح : تمام ياعمر هي طلعت 
    عمر بصوت عالي : طيب ياجماعة انا عامل مفاجأة لفرح .. وعامل حفلة برا بمناسبة خطوبتنا .. واكيد انتو كلكم هتكونوا معانا .. يلا بينا 

    كلهم ركبوا العربيات .. 
    فرح : سيف انا نسيت موبايلي ف الاوضة ممكن تجبهولي
    سيف : حاطة فين 
    فرح : مش فاكرة هتلقي ف الاوضة .. معلش هتعبك 
    سيف : ولا يهمك .. وطلع 

    《وعد ف الاوضة قعدة مش عارفة تلبس ايه كل فساتين فرح قصيرة .. لقيت الباب اتفتح وسيف دخل 
    وعد : انت بتعمل ايه هنا 
    سيف : انا جاي اخد موبايل فرح .. انتي بتعملي ايه 

    *الباب اتقفل عليهم*

    وعد جريت ع الباب 
    نادين : متزعليش مني  ياوعد  .. فرح هي اللي طلبت مني اعمل كدا 
    وعد بعصبية : ناادين افتتحي .. انتو بتستعبطوا 
    نادين : ياوعد اتكلموا يمكن الموضوع يتحل .. انا همشي بقا متزعليش ها 
    وعد : والله ياناديين لو مافتحتي ماهكلم تاني ابدا ... نااادين .. روحتي فيين ... ناديين 
    سيف : اهدي ياوعد .. 
    وعد : انت كنت متفق معاهم صح ... 
    سيف : والله مااعرف .. فرح قالتلي هات الموبايل من الاوضة 
    وعد :انت كدااب .. انا غلطانة  اني جيت اصلا .. 
    سيف : انا مش كدابب .. دا اللي حصل 
    وعد عمالة تدور ع اي حاجة تفتح الباب بيها  
    سيف : مش هيتفتح .. اهدي لما يجوا هيفتحوا ... تعالي نتكلم
     وعد بعصبية  : مش عاوزة اتكلم معاك انت فاهم

    _______________________

    نادين نازلة تجري من الفيلا .. 
    احمد : انتي لسه مروحتيش 
    نادين : لا يلا نمشي بسرعة 
    احمد : انا مستني سيف 
    نادين : مش هيجي  يلا 
    احمد : انا مش فاهم في ايه .. ووعد مش معاكي ليه 
    نادين : اتحرك طب وهفهمك 
    احمد : ماشي 

    _______________________

    سيف :  ياوعد افهمي هما حطينا هنا علشان نحل اللي بينا 
    وعد  : اللي بينا !! هو ايه بينا اصلا .. انا وانت خلاص مبقاش ف حاجة بينا .. البنت وبخليك تشوفها عاوز ايه تاني 
    سيف : عاوزك انتي 
    وعد : استحالة .. 
    سيف : ليه استحالة .. ليه خلينا نرجع بس وانا هنسيكي كل حاجة 
    وعد : بجد ! هتنسيني ايه بالظبط بقا قولي .. هتنسيني لما رمتني ومشيت اول لما عرفت اني حامل  ... ولا هتنسيني وجع قلبي كل لما افتكر اني صدقتك ووثقت فيك .. ولا هتنسيني قهرتي لما كان اي حد يشوفني يقولي  فين جوزك ... ولا اقولك  انت تنسيني ان عائشة ماتت بقهرتها عليا ... ها هتنسيني اييه قولي .. ساكت ليه رد .. انت ولا حاجة بنسبالي .. ولا حاجة .. انت فاكر اني علشان وافقت انك تشوف بنتك بسهولة .. يبقا هرجعلك  كمان بسهولة ! انت بتحلم .. انا لما وافقت انك تشوف بنتك ف دا علشان مصلحتها هي مش انت علشان بنتي متتحرمش من وجود ابوها ف حياتها  ... بس دا مش معني  اني هنسا اللي انت عملتوا .. انت كل اللي عملتوا انا هحكيه لبنتك وهعرفها انت عملت ايه ف امها .. وهي اللي تختار اذا كانت تخليك ف حياتها  ولالا .. 
    سيف : انتي بتقولي ايه.. ليه هتعملي كداا ياوعد ليه .. دانا مصدقت انك بتخليني اشوفها ... اديني فرصة وهثبتلك اني اتغيرت ياوعد والله انا عاوزك انتي وبنتي مش عاوز غيركم 
    وعد : كل واحد يغلط ف حقي يقولي  اديني فرصة .. اييه هو انتو فاكرينها سهلة كدا .. اسامح وانسا .. انسا ايه ولا ايه .. انت عارف انت عملت فيا ايه ياسيف انا مهما اوصفلك وجعي وحرقة قلبي مش هتتخيلها .. انت خدت مني كل حاجة ومشيت .. عاوزني انسا وارجع .. عاوزني اغلط نفس الغلطة مرتين ... استحالة 
    سيف : طيب اهدي ياوعد .. 
    وعد بعصبية : متقوليش اهديي ... خرجنيي من هنااا حالا 
    سيف جه مسكها يهديها .. 
    وعد زقته : ابعد عنيييييي ..  

    《وقعدت ف الارض تعيط وتفتكر كل اللي حصل تاني من اول لما سابها لحد موت عائشة 》
    ______________________________

    احمد  : يخربيتكو انتو عملتوا كدا ازاي .. 
    نادين : فرح بتقول انهم كدا هيتصالحوا 
    احمد : وممكن الموضوع يتعقد اكتر .. مواجهتهم مع بعض غصب عنهم ممكن يعقد الموضوع .. 
    نادين : تفتكر  
    احمد : دا اكيد .. سيف اه عاوز يرجعلها.. بس مظنش انها عاوزة ترجعلوا  بعد اللي حصل 
    نادين : بس وعد بتحبه واكيد هتسامحه 
    احمد : مش عارف اللي عملوا مش شوية علشان تسامح بسهولة 
    نادين  : طب هنعمل ايه 
    احمد : انا بقول نرجعلهم احسن 
    نادين : دي ممكن تقتلني لا انا مش هرجع  ..
    احمد : تستاهلي علشان متسمعيش كلام حد تاني وتفكري .. انا هوصلك وهرجعلهم .. 
    نادين : ايه دا احنا  مش المفروض نروح مع عمر وفرح 
    احمد : واختك المحبوسة دي هتسبيها 
    نادين : ماهي مش لوحدها مع سيف 
    احمد : دي مصيبة انا خايف لتقتلوا 
    نادين : مش خسارة فيه بصراحة 
    احمد :  طب اوصلك ولا نروح لعمر وفرح 
    نادين : دا سؤال  نروح لعمر وفرح طبعا
    احمد : واطية .. واطية يعني

    _____________________________

    سيف : ممكن كفاية عياط وتهدي .. وعد والله العظيم انا بحبك سامحيني واديني فرصة 
    وعد :.......
    سيف : طب انتي عاوزة بنتنا تكبر وتلقينا منفصلين .. اكيد مش هتكون حاجة كويسة بنسبالها لو خايفة ع مصلحتها فعلا 
    وعد : كان فين الكلام دا وانت بتطلقني 
    سيف : انا بعترف اني مكنتش عاوز خلفة دلوقتي  .. بس من ساعة لما عائشة اتولدت وانا مش عارف ابطل تفكير فيكم ... انا محتاجكم انتو الاتنين ف حياتي ... 

    *وعد ساكتة*

    سيف :  هتفضلي ساكتة .. ماشي ياوعد 
    وعد : انا موافقة 
    سيف فرح : موافقة ترجعيلي بجد 
    وعد : علشان بنتي بس هديك فرصة تانية .. بس دي اخر فرصة ليك ياسيف ... لو ضيعتها لا هتشوفني ولا هتشوف بنتك تاني 
    سيف : مش هضيعها اوعدك والله  ... انا مش مصدق بجد .. انا عاوز اشكرهم علشان خلونا نرجع .. اول لما يرجعوا هنطلع ع المأذون علطول 
    وعد : لا مش دلوقتي 
    سيف : اومال امتا 
    وعد : لما الاول اكلم بابا وافهموا .. علشان بصراحة هو مش طايقك 
    سيف : خلاص ماشي وانا هستنا 
    وعد : انا هكلم نادين  .. ترجع تفتحلنا علشان اتأخرنا 

    _______________________

    نادين : وعد بتتصل بيا .. اعمل ايه

    احمد : ردي عليها طيب 
    نادين : ايوة ياوعد .. بصي والله والله هما اللي .... 
    وعد : انا وسيف اتصالحنا خلاص 
    نادين بفرحة : بتهزاري ... شوفتي اللي عملتوا جاب فايدة ازاي

    وعد : دلوقتي بقيتي انتي اللي عملتي مش كانت  فرح .. المهم مترغيش كتير .. تعالي يلا طلعيني علشان نروح علشان بابا ميقلقش علينا 
    نادين : حاضر انا جاية .. سلام 
    احمد : خيير 
    نادين  : رجعوا .. رجعوا الحمدالله 
    احمد : الحمدالله عقبالنا 
    نادين : نعم 
    احمد : كفاية استعباط بقا 
    نادين اتوترت : استعباط ايه .. انت تقصد ايه 
    احمد : ولا حاجة خلاص 
    نادين : ماشي 
    احمد : ماشي ف عينك ... دانتي مستفزة 
    نادين : اهو انت بقا ونزلني انا هاخد تاكسي واروحلهم 
    احمد وقف العربية : يلا انزلي 
    نادين : ايه دا انت هتنزلني بجد 
    احمد : مش انتي اللي عاوزة تنزلي .. اتفضلي 
    نادين : انت قليل الذوق .. انا غلطانة اصلا اني حبيت حد زيك 
    احمد  : ح ايه ؟
    نادين : انا مقولتش حاجة 
    احمد  : لا قولتي خلاص 
    نادين بعصبية : لا مقولتش .. 
    احمد : بتنكري ليه خلاص اعترفتي .. بصي يانادين .. بصراحة انتي زي اختي 
    نادين بعصبية : نعم  انت هتستعبط 
    احمد : فيها ايه لما استعبط شوية من نفسي 
    نادين : لا متستعبطش انت بتحبني انت كمان 
    احمد : بصراحة اه بحبك 
    *نادين اتكسفت* 
    احمد : زي اختي 
    *نادين ضربتوا ف كتفه*
    احمد : خلاص بهزار .. انا بحبك بجد .. وقولتهالك قبل كدا ع فكرة .. بس كنتي نايمة 
    نادين : بصراحة سمعتك وعملت نفسي نايمة علشان مكنتش عارفة ارد عليك 
    احمد : اوسكار ف الاستعباط والاستفزاز ليكي والله 
    *نادين ضحكت*
    احمد غمزلها : ضحكة يعني قلبها مال 
    نادين : خلاص يااحمد متكسفنيش بقا 
    احمد : ونبي انتي وش كسوف 
    نادين : .. يلهوي احنا نسينا وعد وسيف .. يلا بسرعة نروحلهم 

    ____________________________________

    ● الجزء الثالث عشر ●

    #ابنتي_ولكن 💙
    #بقلم_ياسمين_علي ••

    نادين واحمد وصلوا الفيلا .. نادين فتحت الباب 
    وعد : اخيرا  شرفتي يازفته .. 
    نادين : دا بدل ماتشكريني
    وعد : لينا بيت يلمنا ماشي .. 
    سيف : احمد   انت بتعمل ايه هنا 
    احمد : انا كنت بوصل نادين 

    *سيف ووعد بصوا لبعض* 
    وعد : طيب مش يلا بينا بقا نروح 
    نادين : ماتيجوا نخرج كلنا نحتفل بمناسبة رجوعكم 
    وعد : حضرتك مش واخدة بالك من الفستان 
    نادين : طيب غيريي ونروح 
    وعد : لا علشان منتأخرش
    نادين : مش هنتأخر .. يلا بقا 
    وعد : يابنتي اهدي بقا مش هينفع يوم تاني .. وعائشة انا اتاخرت عليها اوي 
    نادين : يسر معاها وبابا هناك متقلقيش 
    احمد : خلاص يانادين خليها يوم تاني 
    نادين : حاضر
    وعد : لا والله بتسمعي الكلام من امتا 
    نادين : خلاص بقا ياوعد .. عديها .. يلا علشان نروح 
    وعد : قدامي ياختي 

    ____________________________

    ○ تاني يوم ○

    فرح : سيف عملت ايه امبارح مع وعد 
    سيف : اهلا بالمصيبة .. دانا اتهزقت امبارح بسببك 
    فرح : ماهو دا المتوقع المهم نهيتوا ع ايه 
    سيف  : هنرجع
    فرح : بجد .. دا أحلي خبر سمعتوا .. طب ومستنين ايه 
    سيف : وعد هتمهد لاونكل سالم الموضوع وكدا .. خليها تاخد وقتها بردك تفكر .. المهم عندي انها وافقت ترجع 
    فرح : متزعلهاش تاني بقا علشان مش هقف جنبك 
    سيف : مش هيحصل .. مش هكرر الموضوع تاني .. انا مصدقت انها وافقت .. هحطها ف عيني وف قلبي  
    فرح : ايوة بقا 
    كمال : صباح الخير ياولاد 
    فرح : صباح الخير يابابا ... ف خبر هيفرحك اوي 
    كمال : خيير 
    فرح : سيف هيرجع لوعد وهي وافقت 
    كمال : بجد ياسيف 
    سيف : ايوة يابابا كلمتها امبارح واتفقنا 
    كمال حضن سيف : الف مبروك يابني .. متتصورش انا فرحت ازاي بالخبر دا .. كأنه هم انزاح من ع قلبي والله 
    فرح : يارب ديم فرحتنا ولمتنا دي 
    سيف وكمال : ياررب 

    ____________________________

    *ف شركة  سالم*

    السكرتيرة : امجد بيه برا يافندم 
    سالم  : خليه يدخل 
    امجد : ازيك ياسالم بيه 
    سالم : الحمدالله ياامجد يابني  .. انت لسه مسافرتش 
    امجد : لا كان ف ايدي شوية شغل كدا كنت بخلصه .. وهسافر 
    سالم : طب توصل بالسلامة يابني 
    امجد : كنت عاوز حضرتك ف موضوع 
    سالم : خير ياامجد  قول 
    امجد : انا كنت موجود ف حفلة بنت حضرتك .. وعد .. وبصراحة انا كنت حابب اطلبها منك
    سالم : تطلب  ايد بنتي وعد 
    امجد :  هو في حاجة ياسالم بيه !
    سالم : انت عندك علم ان وعد كانت متجوزة وعندها بنت 
    امجد : اممم هو انا مكنش عندي علم .. بس حتي لو كدا مش هيفرق معايا .. انا موافق ولسه عاوز اطلب ايدها 
    سالم : طب يابني انا هفاتحها ف الموضوع ولو وافقت ماشي 
    امجد : بس  انا عاوز الموضوع ف اسرع وقت علشان مسافر الاسبوع  الجاي ... وعاوزها تسافر معايا 
    سالم :  هسألها وهرد عليك
    امجد : تمام ياسالم بيه  

    _______________________________

    نادين : مقولتليش بقا عملتوا ايه امبارح انتي وسيف 
    وعد : مش لما تقوليلي انتي الاول كنتي مع احمد بتعملوا ايه  
    نادين  : مانا قولت امبارح انه كان بيوصلني 
    وعد : بجد بيوصلك بس 
    نادين : اه ياوعد ... وقوليلي بقا عملتي ايه مع سيف 
    وعد : مسحت بكرامته الارض 
    نادين : جدعة يابت وبعدين 
    وعد : سامحتوا 
    نادين : مهزقة يابت
    وعد : ماتلمي لسانك دا 
    نادين: بهزار خلاص .. الحمدالله انكم رجعتوا .. هتعملي ايه مع بابا بقا ..
    وعد : هحاول معاه وان شاءالله يوافق 
    نادين : ع فكرة دي حياتك ياوعد انتي تقرري 
    وعد : عارفة بس مش عاوزة بابا يزعل 
    نادين : مش هيزعل ان شاءالله 
    وعد : ان شاءالله 

    ______________________________

    نهلة : سيف  انت صحيت 
    سيف  : انا منمتش اصلا لسه هدخل انام 
    نهلة : طب استنا قبل ماانام تعالي .. ليك عندي حتة خبر بمليون جنية 
    سيف  : خير 
    نهلة : تعرف سليمان الهواري 
    سيف : اه ماله 
    نهلة : فريدة  بنته 
    سيف : مالها ؟
    نهلة : ايه  رايك فيها .. مناسبة جدا ليك وابوها مليونير 
    سيف  : اه فريدة قمر مشاءالله  .. بس للاسف جيتي متأخر  
    نهلة : تقصد ايه  
    سيف : اقصد اني انا ووعد هنرجع لبعض خلاص 
    نهلة : نععمم وعد تاني 
    سيف : اه تاني وتالت انا مبحبش غيرها وهرجعلها .. وياريت بقا تريحي نفسك انا خلاص قررت 
    نهلة : يعني دا اخر كلام عندك 
    سيف : بالظبط .. انا طالع انام بقا .. تصبحي  ع خير  
    نهلة : ماشيي ياوعد 

    ________________________________

    *ف اوضة فرح*

    نهلة : انتي بتلبسي وراحة ع فين 
    فرح : خارجة  مع عمر 
    نهلة : مافيش خروج  
    *موبايل فرح رن*
    فرح : طيب ياماما عمر وصل تحت سلام 
    نهلة شدتها من ايدها : انتي مسمعتيش .. انا قولت مافيش نزول 
    فرح : وانا بقا هنزل .. وعن اذنك  

    *نهلة نازلة وراها ... وعمر مستني فرح تحت* 

    نهلة : انت ايه الي جابك
    عمر : انا جاي لفرح 
    نهلة : مافيش فرح خلاص ياحبيبي 
    فرح : انتي بتقولي ايه .. 
    نهلة : زي ماسمعتي كدا .. انا مش موافقة ع المهزلة دي .. واحد يتجوز خدامة وانتي تتجوزي دا .. مش هسمح بكدا
    فرح بعصبية : وانا مخدتش موافقتك اصلا .. انا اللي اقرر مش انتي 
    عمر : فرح اهدي .. انا همشي دلوقتي ونبقا نتكلم بعدين .. بس انا مش هسيبك بردك مهما اتقال 
    فرح : استنا ياعمر انا جاية معاك ...
    مشوا وهي واقفة متعصبة 

    _______________________________

    *ف فيلا سالم*

    سالم : فتحية.. فتحية 
    فتحية : تحت امرك ياسالم بيه 
    سالم : وعد  ونادين فين 
    فتحية : ف اوضتهم 
    سالم : طب حضري الاكل 
    فتحية :  حاضر يابيه 

    ________________________________

    نهلة : كريمةةة ياكريمة ... انتي يازفته ياللي اسمك كريمة 
    كريمة : نعم ياست هانم 
    نهلة : هتعملي اللي هقولك عليه بالحرف الواحد واياكي تقولي لحد .. 
    كريمة : خير يا ست هانم 
    نهلةة : تعالي ورايا 

    *دخلوا اوضة سيف.. وخدوا الموبايل .. واتصلوا ب وعد*

    وعد : ايوة ياسيف 
    كريمة : انتي مين 
    وعد استغربت  :  مش دا موبايل سيف !!
    كريمة: ايوة دا موبايل  سيف 
    وعد : اومال انتي مين 
    كريمة : انا مراته ياحبيبتي ...  ابعدي عن جوزي احسنلك .. 
    وعد مصدومة : جوزك ازاي
    كريمة: زي ماسمعتي كدا متجوزين من ست شهور وبنحب بعض .. ابعدي عننا والا هخرب بيتك 
    *وعد قفلت السكة ف وشها*

    كريمة : عملت اللي قولتي عليه ياهانم .. تؤمريني بحاجة تانية 
    نهلة : شاطرة ياكريمة عجبتيني .. بس اللي حصل دا لو حد عرف عنه حاجة هقطع عيشك
    كريمة : مش هفتح بقي بكلمة 
    نهلة : ماشي روحي شوفي شغلك 

    _____________________________

    فتحية : الاكل جاهز يابيه 
    سالم : ناديهم طب ينزلوا يأكلوا معايا 
    فتحية : حاضر يابيه 

    وعد نازلة مصدومة ومش مصدقة اللي سمعتوا وساكتة .. قعدوا يأكلوا 
    سالم : مبتأكليش ليه ياوعد
    وعد : مش جعانة 
    سالم : طب انا كنت عاوز اتكلم معاكم ف موضوع 
    نادين : قول يابابا 
    سالم : في عريس جالي انهاردة 
    نادين : مرفوض انا مش عاوزه 
    سالم : مش ليكي 
    نادين : اومال لمين 
    سالم : لوعد 
    نادين : نعم ! دا مين 
    سالم : امجد .. شافها ف الحفلة وجه يطلب ايدها .. ولد مكافح وانا بثق فيه 
    نادين : بس دا بيسافر كتير واكيد هياخد وعد معاه 
    سالم : هو دا اللي هيحصل فعلا 
    نادين  : واحنا لحقنا نشبع منها علشان تخليها تبعد عنا 
    سالم : والله غصب عني بس طلما حاجة ف مصلحتها ليه لا 
    نادين : لا يابابا مش هينفع ..
    سالم : انتي مالك  اختك هي اللي تقول رأيها 
    نادين : بصراحة كدا يابابا وعد هترجع لسيف 
    سالم : بس بلاش كلام فارغ .. سيف ايه المستهتر دا استحالة اديلو بنتي 
    نادين : بس وعد موافقة  انها ترجعلوا  ودي حياتها هي وفيه بينهم بنت بلاش تتبهدل ف النص يابابا علشان خاطري وافق 
    سالم : اللي هتقولو وعد انا هوافق عليه 
    نادين : ردي ياوعد  ع بابا .. انتي ساكتة ليه قوليلوا انك عاوزة سيف  
    وعد  : انا موافقة ع العريس يابابا  .. 
    نادين : انتي بتقولي ايه انتي اتجنيتي .. وسيف 
    وعد : زي ماسمعتي مافيش حاجة اسمها سيف خلاص .. ولو جه هنا يطرد  مفهوم .. وطلعت ع اوضتها 
    نادين : انا مش مصدقة .. دي لسه كانت موافقة .. هو ايه اللي حصل 
    سالم : اختك قررت خلاص اخرجي انتي منها 

    _____________________________

    ف اوضة سيف 

    نهلة :  واو بتلبس ومتشيك ع فين كدا 
    سيف : رايح لبنتي هشوفها وبالمرة  هتكلم مع اونكل سالم ف موضوع رجوعي انا ووعد 
    نهلة : طب ياحبيبي ربنا معاك .. ابقي طمني عملت ايه 
    سيف : ماشي ياقلبي .. يلا انا نازل بقا 
    نهلة : مع السلامة .. مع الف سلامة 

    ___________________________

    *سيف راح فيلا سالم*

    سالم : انت  ايه اللي جابك 
    سيف : اونكل سالم .. كويس انك هنا .. كنت عاوز اتكلم معاك 
    سالم : مافيش كلام بينا 
    سيف : انا عارف ان حضرتك زعلان مني .. حقك عليا .. انا كنت عاوز اقولك اني انا ووعد هنرجع 
    سالم : وعد هتتجوز  الاسبوع الجاي ان شاءالله وهتسافر هي وعائشة .. ياريت بقا تطلع من حياتها 
    سيف : انت بتقول  ايييه  .. استحالة دا يحصل .. انا ووعد اتفقنا خلاص .. 
    سالم : وعد بنفسها وافقت ع العريس 
    سيف  : دا استحالة هي فيين .. يااوعد 
    سالم : متعليش صوتك ف بيتييي انت فاهم .. واطلع براا 
    سيف : مش هطلع غير لما افهمم منها .. 
    وعد : انت ايه اللي جابك هنا 
    سيف : ايه اللي بتقوليه دا ياوعد .. احنا اتفقنا امبارح اننا هنرجع وانتي هتديني فرصة تانية 
    وعد : وقولتلك لو ضاعت لا هتشوفني ولا هتشوف بنتك وضاعت 
    سيف : ضاعت ازاي انا مش فاهم حاجة 
    وعد : انت بتمثل ع مين .. ايه البجاحة اللي فيك ديي .. وع كدا انت جاي منين بقا .. من عند مراتك صح 
    سيف : انتي بتقولي ايه انا مش فاهم 
    وعد : انت انسان كداب وخاين .. انا مكرهتش حد قدك .. اطلع برا ومش عاوزة اشوف وشك تاني .. وبنتك مش هتشوفها ف حياتك كلها  .. وهتجوز وهسافر وهنساك .. 
    سيف بعصبية : مش هسمحلك انتي فاهمة انتي مش هتتجوزي حد غيريي 
    وعد : بابا  لوسمحت خرجوا برا مش عاوزة  اشوف وشه 

    سالم : اطلع برا انا عامل احترام للعشرة اللي بيني  وبين ابوك بس لو مطلعتش بالذوق هطلبلك البوليس 

    سيف : وعد استني انا لازم افهم  .. انتي ليه عملتي كدا .. انا معملتش حاجة 
    وعد : انا  بكرهك ياسيف بكرهك .. وطلعت اوضتها تعيط 
    نادين : لييه عملتي كدا معاه ..  لما انتي بتحبيه  ليه بتعذبي نفسك 
    وعد بعياط : متقوليشش بحبه انا بكرهه 
    نادين : طيب اهدي بس متعمليش كدا ف نفسك 

    ____________________________

    《 سيف مشي وهو مش فاهم ايه حصل ومش فاهم كلامها معناه ايه .. فتح موبايله وع الحظ موبايله بيسجل المكالمات وسمع مكالمة وعد وكريمة الشغالة  》
    ____________________________________

    *ف فيلا كمال*

    سيف بعصبية :كرررررريمة ... 
    كريمة : تحت امرك يا..... جابها من شعرها 
    سيف : ايه اللي انتي عملتيه داااا ... دانا مش هرحمك ... عملتيي كدا ليييه  
    كريمة بعياط : والله ياسيف بيه مش انا .. دي الست نهلة هي اللي طلبت مني كدا والله يابيه غصب عني 

    *سيف اتصدم وسابها*

    نهلة : ايه الصوت دا في ايه .. سيف انت ايه اللي رجعك  
    سيف دموعه نزلت : انتي اللي عملتي كدا 
    نهلة : عملت ايه .. انا معرفش حاجة 
    سيف بعصبية : ضيعتيها مني تاني ليييه ... انا عملتلك ايييه بتعملي معايا كدا لييه ... حررام عليكي ... دانا مصدقت صلحت اللي عملتوا ضيعتيها مني تااني .. انتي بتفرحي بحرقة قلوبنا .. انتي ازاي ام ... 
    نهلة : اهدا ياسيف هفهمك ... وعد مش هتنفعلك
    سيف : مش عاااوز اسمع منكك حاجة 
    *فرح داخلة الفيلا* 
    فرح : ف ايه صوتكم عالي ليه ... مالك ياسيف 

    سيف : انتي السبب ف كل حاجة وحشة بتحصلنا .. من صغرنا وانتي رامينا ولا سألة فينا .. كل همك الفلوس وبس .. كنت دايما اقول معلش استحمل دي مهما كان امك .. مينفعش تعاملها وحش ... بس مافيش فايدة فيكي  ... دايما الحاجة اللي نحبها تبعديها عننا ... خلتيني اخسر مراتي وبنتي مرة ندمت عليها ولما رجعتها  ... ضيعتيها مني تاني ...
    فرح : ايه الي بتقولو دا حصل اييه 
    سيف : من اللحظة دي انتي موتي بنسبالي 

    فرح : سيف .. سيف  رايح فيين .. هو ايه اللي حصل انتي عملتي ايه تانيييي 

    _____________________________

    《سيف ركب العربية  و سايق وهو منهار ...وبيفتكر كل اللحظات اللي بينه وبين وعد ويعيط ...سيف :ضاعت مني خلاااص ضاعتت وبيسوق وهو مش شايف  .. عربية نقل جاية عكسه خبطته 》

    ____________________________

    *ف اوضة وعد*
    نادين دخلت : وعد الحققي سيف عمل حادثة وف المستشفي 
    وعد : ايييه 

    ___________________________
    *ف المستشفي*

    كمال وفرح وعمر ونهلة واحمد واقفين مستنين الدكتور خرج .. 
    كمال : طمني يادكتور ابني عامل  ايه 
    الدكتور :  مش عارف اقولك ايه بس الحادثة كانت جامدة و  ابن حضرتك دخل ف غيبوبة وحاليا بين الحيا والموت .. ادعولو 
    نهلة : ابنييي 
    فرح بصتلها : ابنك !! بأمرت ايه فهميني 
    كمال : مش وقته يابنتي الكلام دا 
    فرح  : لا وقته .. انتي بتعملي ايه هناا .. انتي السبب ف اللي وصله دا .. 
    *وعد ونادين وصلوا *
    فرح : ضيعتي منه وعد مرتين انتي السبب ف كل حاجة .. انتي ازاي ليكي عين تيجي هنا .. سيف هيموت بسببك 
    عمر : اهدي يافرح 
    فرح : مش ههدا ... اللي عملتوا فينا مش شوية ..ها مبسوطة دلوقتيي .. ايه رايك ف مصلحتنا اللي كنتي خايفة عليها  ...  كان هيحصل ايه لو سبتينا نختار ..  ع الاقل كنتي هتشوفينا مبسوطين .. مكنش سيف وصل للي وصلوا دا ... حراام عليكي بجد ... انتي مش بس ضيعتي منه مراته وبنته .. انتي ضيعتي هو كمان .. لو سيف حصله حاجة مش هسامحك انتي فاهمة مش هسامحك 

    《نهلة مصدومة من الكلام والكل بصصلها باحتقار وبلوم ع اللي عملتوا ف سيف .. طلعت تجري وهي منهارة 》

    كمال حضن فرح : خلاص يافرح مشيت متزعليش 
    فرح بتعيط : ليه عملت كدا ضيعتنا يابابا .. وضيعت سيف وضيعت كل حاجة .. ليه 
    كمال : كل حاجة هترجع يافرح .. اخوكي مش هيسبنا مش هنهون عليه اكيد 

    *وعد واقفة بتعيط*
    نادين : ان شاءالله هيكون كويس ياوعد 
    وعد : انا ظلمتو يانادين .. لو حصله حاجة هبقا انا السبب
    نادين : لا ياوعد انتي مالكيش زنب .. امه هي السبب حسبي الله ونعم الوكيل فيها 
    وعد : ياارب رجعهوليي 

    الدكتور : للاسف مقدرناش نعمل حاجة .. شدوا حيلكم 
    وعد : سيييييف لاا 

    الجزء الثالث عشر من هنا

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .