رواية ابن عار الفصل الثاني عشر 12 كاملة بقلم كوكي سامح
منى
طلعت ع اوضتها وكلمت عامر فون ورد عليها وقالت عامر انا حامل ...
عامر : حامل معقول
؟؟منى : مالك
عامر : مش هينفع كلام فى تليفونات انزلى وانا هسبقك ع الكافيه اللى بعد الڤيلا ع طول
منى : اوك هلبس وهكون عندك ع طول
ومنى قفلت مع عامر ولابست هدومها وفى نفس الوقت عامر دخل الڤيلا وقال للداده آمنه أنه هسيب البوابه شويه وهيرجع ومنى نزلت والداده آمنه قالت لها انتى خارجه يا مدام منى
منى : اه اه
الداده آمنه : مدام منى ياااه دى مشيت وشكلها مستعجله وكمان عامر خرج اكيد هما مع بعض
وخرجت منى وراحت الكافيه لاقت عامر بيتكلم فالفون وكان بيضحك
منى : بتكلم مين ؟؟
عامر: اققعدى بس الاول
منى : شكل حد مهم ده انت كمان قفلت ايه مش عاوزنى اسمع بتكلم مين
عامر : يا ستى التليفون اهو شوفى كده ده سعيد صاحبى أهدى بقى المهم انت حامل بجد واتأكدى ولا
منى : اه حامل
عامر : هو ابنى يا منى بجد
منى : محمد جوزى من وقت ما سافر من شهرين وهو مشغول جدا وع يدك بيجى كل أسبوع وساعات مش بيجى وحتى ملمسنيش اه ابنك انت ي عامر انا بحبك اوى ياريت تعرف وتقدر انا بحبك قد ايه
عامر : وانا كمان بحبك يا منى
منى : انا خايفه اوى
عامر : وهتخافى ليه انتى متجوزه ؟؟
منى : نعم قصدك ايه 😎 وانا هفضل عايشه كده فالحرام وابنى يكون ابن عار وجاى من الحرام انا هطلق من محمد ونتجوز بعد كده انا وانت ونربى ابننا أو بنتنا 😍 انا مش وحشه يا عامر واللى خلانى اعمل كده إهمال جوزى ليه
عامر : هى الجلاله وخداكى شويه يا حبيبتى أهدى ع نفسك ولازم نفكر كويس لما اتجوزك انا مش معايا حاجه خالص هنعيش ازاى
منى : هبيع دهبى ومعايا شويه فلوس نعيش وانت اشتغل وربنا معانا
عامر : ياه يا منى كانت كل حاجه اتحلت وانتى فاكره محمد هيسيبك بسهوله 😎
منى : هو اصلا بيسأل عنى
عامر : الطلاق حاجه واللى بتكلمى فيه حاجه تانيه خالص
منى : هو انت فى ايه مالك انت مش عاوزنى 😭
عامر : انا انتى حياتى وروحى وعمرى يا منى ♥️ انا من ساعه ما عرفتك وانا فرحان بحبك ليه وغير طفلنا اللى جاى 😍
منى : اه هيجى ازاى وانت مش عاوزنى أطلق . ايه ولا عاوز اكتبه بأسم محمد🤔 علشان تبقى خربت بجد وابنى يبقى ابن عار ويعيش مع اب غير أبوه 😭💔
عامر : لا طبعا انا بحبك ومش هسيبك بس مسأله وقت
منى : بتحبنى يا عامر
عامر : طبعا انتى روحى
منى راحت فتحت شنطتها وجابت ورقه وقلم وقالت لعامر امسك اكتب فالورقه دى اللى هقولك عليه
عامر : ورقه ايه ؟ واكتب ايه !؟؟
منى : عقد جواز عرفى
الفصل الثالث عشر 13 من هنا
