-->

رواية جوازة سودة عمياء ولكن الحلقة العاشرة والاخيرة كاملة بقلم كوكي سامح

رواية جوازة سودة عمياء ولكن الحلقة العاشرة والاخيرة كاملة بقلم كوكي سامح

    رواية جوازة سودة عمياء ولكن الحلقة العاشرة والاخيرة كاملة بقلم كوكي سامح 




    ج. 10...#عمياء_ولكن
    #الجزء_الاول_من_الجزء_الاخير
    وحازم اول لما شاف الهدوم قال إنها بتاعه امنيه وانهار تماماً امام الكل
    الظابط.. يا استاذ حازم انا عارف انك مش حاله كويسه علشان أسألك بس هسألك سؤال واحد وياريت ترد عليه بإجابه واضحه حضرتك بتتهم حد بقتل مراتك وخطف الولد
    حازم.. ايوه بنت خالتها نيره والداده المربيه بتاعتها وهنا صرخت الداده فوزيه وقالت لأ والله العظيم مقتلنهاش احنا اتفقنا بس وانا اتفقت مع اتنين رجاله من المنطقه عندى علشان يخطفوا الولد ويقتلوا امنيه بس هما اتأخروا وانا اتفجأت زى حازم بالظبط إنما مش انا
    الظابط.. امرنا بالقبض على الداده اسمك ايه؟
    الداده.. فوزيه يا بيه
    الظابط.. بالقبض على فوزيه والمدعوه نيره فالحال
    .. وفى سراى النيابه وصلت نيره مقيده اليدين وكانت منهاره تماما وماشيه بخطوات حزينه وكانت ماسكه فى العساكر ومرعوبه والداده اول لما شافتها قالت والله يا ست نيره انا ما عملت حاجه احنا اتفقنا بس وانا معملتش حاجه ابوس ايدك الحقينى رددت نيره وقالت اسكتى بقى انا معرفش حاجه معرفش
    المحامى مسك نيره من ايدها وقالها متخافيش بس عاوزك تفهمى الداده انها تستمر على اقولها وياريت تقول محصلش حاجه من اللى هى قالته
    نيره.. يا استاذ ابراهيم انا معرفش ايه اللى حصل وهى قالت ايه؟؟. انا لقيتهم جاين يقبضوا عليه بتهمه قتل وخطف طفل رضيع بنت خالتى امنيه
    المحامى.. ادخلى للوكيل النيابه دلوقتى وانا هكون معاكى واستمرى وقولى متعرفيش حاجه عن الداده وانا هحاول اخرجك بكفاله نظراً لظروفك الصحيه
    نيره.. ياريت
    حازم.. مش هسيب حق مراتى يا نيره وحق ابنى فاهمه نفسى اعرف بس فين ابنى يا مجرمه
    نيره.. حتى انت يا حازم مصدق انى اعمل كده فى بنت خالتى
    حازم.. ههههههههه انا سمعتك بتتفقى مع الداده بوادنى وكمان بتجادلى ما انتى كنتى بتخونيها وكلك كره ليها منك لله حسبى الله ونعم الوكيل
    نيره.. وانت الملاك اللى ماشى على الأرض كلنا فى مركب واحده زى ما انا خونتها انت كمان خونت وهان عليك حبها ليك
    حازم.. انتى اللى عملتى فيه كده منك لله وانا مقدرتش اقاوم زى اى راجل
    نيره.. ههههه لأ انت خاين وده طبعك انت لو بتحبها مش هتخونها واكيد كنت طمعان فيه وفى فلوسى
    المحامى.. يلا يا نيره
    .. ودخلت لوكيل النيابه ولما شافها انها فاقده بصرها صعبت عليه وقام وجاب لها الكرسى وقعدت
    ولما سألها أنكرت انها تعرف حاجه واتفجأت ب البوليس لما قبض عليها بتهمه قتل بنت خالتها وخطف ابنها
    وكيل النيابه.. بس الداده يا استاذه نيره اعترفت بكل حاجه
    نيره.. دى ست كبيره وخرفت ومتعرفش معنى اللى بتقولوا او بقى سى حازم متفق معاها يقتلوا امنيه مع بعض ويخطف ابنه ويخبوه وانا اروح فى داهيه وياخدوا فلوسى
    وكيل النيابه أمر ب المواجهه وحازم دخل والداده والتلاته قصاد بعض والداده قالت على كل حاجه ونيره بتنكر
    وكيل النيابه.. حضرتك يا استاذ حازم قولت معاك دليل هو فين؟؟
    .. وبعد مرور خمس دقايق تفكير حازم مسك تليفونه وكان مسجل كل مكالمه بين نيره والداده واول لما نيره سمعت اغمى عليها والداده انهارت ووكيل النيابه امر بحبسهم 15 يوم على ذمه التحقيق وحازم خرج وخد تصريح بدفن امنيه ووكل محامى كبير فى القضيه واكدله ان القضيه الحكم فيها إعدام
    .. وبعد مرور يومين وجثه امنيه المتفحمه حازم قام بمراسم الدفن وكان منهار ومفيش غير على لسانه مراتى ماتت وابنى ضاع
    .. وحازم راح فتح الڤيلا وكان منهار تماماً وفضل قاعد فيها وحيد يلوم نفسه على اللى حصل وبعد مرور شهرين..
    تليفون حازم رن ورد وكان المحامى وقاله ان القضيه اتحكم فيه بأحالة أوراقهم إلى المفتى
    حازم.. الحمد لله حق مراتى رجع وقال طيب وابنى مفيش عنه اخبار وهى مقالتش حاجه
    المحامى.. لا
    حازم.. انا عاوز اشوفها
    المحامى.. تمام هجبلك تصريح انك تشوفها فى اسرع وقت دى خلاص هيتحكم عليها وفعلا بعد يومين المحامى جاب تصريح بمقابله حازم ل نيره ولما دخل وطلب يقابلها خرجت وكانت لابسه البدله الحمرا ودخلت الاوضه وهى معاها عسكرى وكانت متسنده عليه وحازم قام ومسك ايدها وقال ابوس ايدك فين ابنى انتى قتلتى مراتى وانا سمعتك كل مكالماتك انتى والداده انا كنت بسجل لكم لأنى كنت خايف من اللى هيحصل ده وحصل مش عارف الغلط من مين انا خاين قدام ربنا وعارف ده بس سؤال واحد فين ابنى
    نيره بكت والدموع نازله من عنيها سيول وقالت والله ما خطفته ولا قتلت بنت خالتى وصدقنى يمكن الشيطان ضحك عليه وكنت بكرهها علشان لما الداده بتاعتى بوظت عينى هى شافت الحادثه بعينها وبابا وماما وقتها حبوا ياخدوا حقى وبلغوا عن الداده وامنيه شاهدت وقالت محصلش مش هى والداده خرجت ومتحكمش عليها وانا حقى ضاع والسبب هى عارف ليه كنا صغيرين وامنيه كانت شقيه زقت بنتها فالبسين والبنت كانت هتغرق وقالت انا والداده اترصدت ليه لحد ما خلتنى عميا عميا
    حازم.. كل دى قساوة والموضوع مش مستاهل
    نيره.. اه وانا ايه دلوقتى عميا وكمان هموت مظلمومه
    حازم.. عاوز اعرف مكان ابنى
    نيره.. صدقنى اللى بيموت مبيكدبش انا لا خطفت ولا قتلت واهو كل حاجه راحت..
    .. وحازم خرج وهو تعبان ومنهار وكلمه نيره بترن فى ودانه اللى بيموت مبيكدبش اللى بيموت مبيكدبش؟؟؟
    .. وحازم راح الڤيلا ومنهار وكلام نيره بيرن فى وادنه وقال اللى بيموت مبيكدبش اومال فين ابنى وجرس الباب رن وقام يفتح وشاف حاجه غريبه متخطرش ع باله...


    1. اولا الجزء التاسع والعاشر منزلوش وكمان النهايه

      ردحذف

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .