رواية خيبة قاتلة الفصل الثالث 3 بقلم بنوتة الشيخ

رواية خيبة قاتلة الفصل الثالث 3 بقلم بنوتة الشيخ

    رواية خيبة قاتلة الفصل الثالث 3 بقلم بنوتة الشيخ 








    خشيت للمطبخ درت قهوا وقعمزت في الصاله مستغربه ضحى وين؟!
    بعد دقايق سمعت طق خفيف بكل ؟!
    تبعت الصوت لين فهمت ان في شخص يطق على باب الحوش بهدوء ....فتحت الباب وقلبي وقف لما شفت ملثم خش بسرعه وسكرلي فمي خايف اني نفضحه
    ساره:مقاومتش من الخوف قعدت ساكته ومنتبها
    الشاب:حط صبعه على فمه بمعنى اسكتي
    ساره:هزت راسها بخوف بمعنى تمام
    الشاب:طلع سلاحه وشاف من الباب
    ساره:حطت بدها على فمها لما شافت السلاح
    الشاب:تنهد براحه كأن الشخص يلي يطارد فيه خلاص اختفى !
    ساره:بصوت واطي...انت شنو تبي مني؟؟
    الشاب:قلبه دق لما سمع لهجتها 
    شافلها بنضره حاده من تحت القناع يلي مغطي وجها !
    الشاب:رجع سلاحه لي خصره وقام كمامه ..حط يده على مقبض الباب بدون ما يحكي شي
    ساره:ركزت على يده ...كانت فيه وحمه صغيره على هيئة خاتم
    الشاب:شافلها بنضره اخيره وطلع من الشقه
    ساره:واقفه ع الباب سارحه ...شنو يلي صار؟
    منو هاذا؟
    ليش دار هكي ؟مخنبش شي ولا قرب عليها ليش عنده سلاح !!...سكرت الباب كويس وقعمزت على الصالون وهيا تحكي مع نفسها
    ساره:ااااااه ....هاذا اول يوم في تونس وهكي صارلك ياساره ...امالا شنو يستنى فيك ؟!
    _______________________
    تاني يوم ⛅️⛅️⛅️
    حنين:كملت صلاتها وشافت راجلها ماشي جاي وراها ...محكتش معاه لان قبلها بيومين ضاربها بدون سبب

    ايمن:صباح الخير
    حنين:مردتش
    ايمن:صباح الخير قلنا !!
    حنين:بدون نيه...صباح النور
    ايمن:فوتي اليوم مفيش داعي تنزلي لي امي وديري الفطور زي العاده
    حنين:ليش؟شنو يلي تغير!؟
    ايمن:ارتاحي
    حنين:هه ...توا انت تبي راحتي؟
    ايمن:مرتبك...الحق فيا انا نبيك ترتاحي اليوم لكن مينفعش فيك انزلي اقلبي وجهك واخدمى زي الكلبه
    حنين:لمت شعرها ووقفت قدامه.....نموت ونعرف شنو يلي تغير بس!!
    ايمن:شن قصدك؟
    حنين:سكرت عيونها لحضات وهيا تذكر كيف كان مدللها ومغرقها كلام حب قبل الزواج ...فتحت عيونها ....سلامتك
    وخشت غرفتها ...لبست قفطان طويل زي العاده ووشاح ونزلت

    🔥رِوَايـــــــــات بـــَـنـُـــووتِـــة الشـِــيـــْـخ🔥

    🔥أروى الــــطـــاهــــر المــســلاتــــي🔥

    مروه:فتحت عيونها على صوت تسكير الباب ...نزلت من السرير بعد ما خلاص تأكدت ان راجلها طلع من الحوش ..خذت حوايجها وخشت لي الدوش
    فؤاد:قدام الباب....صباح الخير امى

    حليمه:صباح الورد ياغزال خش خش مفيش حد براني بنت خالتك الله يرحمها
    فؤاد:خش سلم على امه وبنت خالته وقعمز
    حليمه:امونه نوضي ديريلي فنجان قهوا انا وفؤاد الله يربحك
    منى:حاضر خالتي ...وناضت وهيا مبتسمه
    حليمه:هاذا يا حنه فضي عليا الحوش خواتك كل وحده لاهيا في راجلها وانا قعدت بروحي
    وزي ماتعرف امونه الغاليه بنيه يتيمه الام والاب دفنتهم تحت التراب ولا خوت لا خوات مسكينه
    قتلها تعالي اقعدي ونسيني حتى شهر
    فؤاد:بنت خالتي وتشرحيلي في وضعها!...وشرب اميه
    حليمه:وين مرتك من امس مريتهاش
    فؤاد:امس بس طلعت من المشفى حالتها تاعبه كيف بتنزلك!؟
    حليمه:لوت فمها....براحتها براحتها

    __________________
    لجين:مرتبكه وخايفه طول الوقت تخدم وعقلها مش معاها

    رؤى:اتكت على مكينت الخياطه....ها شنو يا قمر خيرك اليوم خايفه ومش مركزه في شعلك زي العاده ؟
    لجين:اليوم مقابلة خطيبي منعرفش يوافقو يشغلوه ولا لا !
    رؤى:امممم به بي التوفيق
    لجين:شافت البنات يلي يشتغلو معاها في المشغل كلهم يرتبو في شكلهم ويمكيجو ....رؤى
    رؤى:ها
    لجين:شن صاير اليوم؟حاسه في حركه غريبه؟!
    رؤى:ضحكت....اليوم جاي واحد من الشركه يلي ياخدو في البضاعه من هنايا بيدير دوره لان احتمال يجيبو ماكينات جدد
    لجين:وشن علاقة هاذا في المكياج تقول ماشيين لعرس ؟
    رؤى:يلي جاي شاب حليوه وفلوس يا بنتي بالك وحده من البنات تشد واطيحه
    لجين:مفضاكم وخلاص
    رؤى:جربي حتى انتي بالك تشد معاك
    لجين:ضحكت......لا الحمد الله عندي يلي مكفيني 😂
    رؤى:تنهدت....ياخوفي وخلاص
    لجين:من شنو؟
    رؤى:سلامتك ...هي سلام

    _________________________
    -يابنت الحرااام وربي لما يجي يوم ونخنقك بيديااا

    ساره:تبكي...شن يلي درته فهمني 💔
    -انا تهدديني بلهرب ياوسخه؟وترفعي في صوتك على مرتي زياده؟؟؟نسيتي روحك وين لقيناك وعلاش جبناك ولا نسيتي

    ضحى:ياساره سااااره...اصحي يابت

    ساره:نخلعت ...هااا😨
    ضحى:مالك؟
    ساره:ولا شي كابوس
    ضحى:سلمتك يا حبيبتي
    ساره:الساعه كم توا؟
    ضحى:الساعه 11
    ساره:ضربت راسها...تأخرت 🤦🏻‍
    ضحى:على ايه؟
    ساره:تلم في شعرها ....واخده موعد مع مكتب من قبل ما نوصل لي تونس
    ضحى:شغل يعني؟
    ساره:بزبط اي
    ضحى:بتوفيق يا حبيبتي
    ساره:ابتسمت وخشت للحمام....غسلت وجها وقعدت تذكر شن صار معاها
    يلي صار حقيقه امس ولا حلم!؟

    _______________________
    ربيعه:اليوم بنديرو الغدي عصبان

    لجين:بنديرو ولا بندير
    ربيعه:تتسهوكي انتي؟
    لجين:اففف لا
    ربيعه:الايام هاذي مازن ولد اختي قاعد عندنا تكمي الصفره انتي وسلفتك الخايبه
    لجين:مازن؟ليش قاعد؟
    ربيعه:صايرتله مشاكل في شارعهم وبيقعد هنايا اسبوعين ...بعدين انتي علاش تقصقصي ؟؟
    لجين:سألت بس
    ايمن:صباح الخيرات
    ربيعه:اهو شرف راجلك حتى هوا
    ايمن:يدور بعيونه والتوتر واضح عليه...مجي حد يما؟
    حنين:شافتله بي استغراب...منو بيجي؟
    ربيعه:ضحكت بخبث...لالا مزال
    تعالا قعمز هدرز عليا لين ينوضو خواتك ..وانتي تحركي نوضي وقت ع الغدي
    حنين:لبست شبشبها وطلعت

    ايمن:شن صار مش ع اساس بتجي بكري ؟

    ربيعه:اهدا وانت زي المراهق اصبر مزال شنو تبيها تجي من ال10الصبح؟!
    ايمن:به اهو صابر

    حنين:تجمدت في مكانها لما شفاته مقعمز في المطبخ

    مازن:ابتسملها...صباح الورد
    حنين:اءء. ص ص صباح الخير
    مازن:اسف قعمزتلك في المطبخ
    حنين:خشت بعد تردد...لا عادي
    ليش ما استنيتش لين درت سفرة فطور عيب تاكل بروحك في المطبخ
    مازن:ضحك...لا متعود انا ناكل بروحي متشغليش بالك عادي
    حنين:الف صحه...وبدت اطلع في لحم الغدي من الفريز
    مازن:وقف يغسل في يديه...وين بنات خالتي ميساعدوكش؟
    حنين:ضحكت....هه لا بنات خالتك مزال راقدين
    ينوضو بعد الغدي
    مازن:وكل يوم هكي انتي عليك كل شي؟
    حنين:ابتسمت...تقدر تقول هكي اي
    مازن:خذي نفس عميق ...ربي يعينك
    وصال:صباح الخير
    حنين&مازن:صباح النور
    مازن:يالله نخليكم انا واسف مره تانيه درتلكم حوسه في المطبخ
    حنين:ولا يهمك😅
    وصال:اتبع في مازن بعيونها لين طلع...شنو القصه
    حنين:تقرض في البصل...اي قصه؟
    وصال:عيب يقعد معاك في المطبخ بروحكم للعلم
    حنين:صح اي ...خشيت لقيته يفطر ووقت ع الغدي عارفتيها بديرلنا قصه
    وصال:امممم به ردي بالك في الجديد بس
    حنين:كملت خدمتها وناسيه انها متزوجه وناسيه كل شي ...بس مذكره هدرزة مازن يلي خلتها تحس بشعور حلو 

    🔥رِوَايـــــــــات بـــَـنـُـــووتِـــة الشـِــيـــْـخ🔥

    🔥أروى الــــطـــاهــــر المــســلاتــــي🔥

    مروه:واقفه ع الروشن تتفرج على راجلها كيف مقعمز هوا وبنت خالته وامه ...يتغدو يهدرزو ويضحكو وامورهم تمام

    كأن مفيش بني ادمه قاعده فوق نفسيتها مدمره وطالعه من عمليه فاشله💔
    سكرت الروشن ورجعت لي سريرها بدون اي كلمه
    كأنها فاهمه عزوزتها شنو تخطط!

    حليمه:ههههههه عطيهالك يا فؤاد ضحكتني

    منى:ناضت من جنبهم
    حليمه:وين امونه مكليتي شي !
    منى:بنجيب اميه ونجي
    حليمه:به حبيبتي 
    فؤاد:شاف منى اختفت من عليهم وتكلم ...امي
    حليمه:ها ياغالي
    فؤاد:كلمي البنت تلبس باهي قدامي شنو الضيق هاذا ورقبتها كلها ع الشارع عيب
    حليمه:شهقت....حتى انت بتستقوى عليها لان البنت يتيمه؟؟؟؟
    فؤاد:شن دخل يتيمه في لبسها يا امي نص شعرها برا
    حليمه:لا حول ولا قوة الا بالله طلعت زيك زي عمامها مسكينه يبو يتحكمو حتى في لبسها
    فؤاد:استغفر الله وخلاص
    منى:كانت واقفه تسمع فيهم ...ابتسمت بخبث ومشت

    ______________________
    ساره:مروحه وتتكلم ع التالفون...شكرا 

    بجديات صحيت يعني لما تخلو عليا الناس كلها ولقيت ولد جرانه بس يلي وقف معاي شي كبير بنسبه ليا
    خالد:ههههه مدرت شي انا كله بي فلوسك حجزتلك بس
    ساره:تكفي وقفتك
    خالد:انتي قدها قويه نعرفك
    ساره:شن صاير غادي؟
    خالد:تقصدي في حوشكم؟
    ساره:اي
    خالد:قالبين عليك الدنيا مفيش حد خطرله انك سافرتي
    ساره:تمام انا وصلت
    خالد:ماشي هي طمنينا عليك مره مره
    ساره:ان شاء الله...وقفت ساره ادور في مفتاح الشقه فجآه سمعة الباب يلي وراها انفتح
    تلفتت
    احمد:ابتسم ع جنب...اهلين بي جارتنا الجديده
    ساره:ركزت في ملامحه يلي كانت تحفه من ربي
    احمد:ليبيه صح؟
    ساره:استعادت نضرتها الحاده...اي ليبيه
    احمد:حلو حلوه بجوده
    ساره:بيك اكتر...وخشت لي الشقه بدون ما تزيد معاه كلام
    احمد:سكر الباب وطلع من العماره
    اما ساره حاولت تذكر وين شافتهم العيون هاذم قبل؟؟؟

    _____________________
    لجين:ترتب في الاقمشه يلي كانت مبعثره في كل مكان وتشوف للمشغل كيف فاااااضي...هبلو البنات وربي

    معقوله هاذا كله ع خاطر واحد جاي من الشركه🤦🏻‍
    امالا كان جي صاحب الشركه بطوبته شنو دارو؟

    معاذ:واقف مرتبك من عدد البنات يلي رح يقابلهم برا ....الززززح بين كللللل الناس يلي يخدمو انا بس يلي لازم نجى وكلهم عارفين ان نتفركش لما نشوف عدد كبير من البنات وعارفين ان يلي يخدمو هنايا كلهم بنات🤦🏻🤦🏻....الصبر يارب

    واقف يساوي في القرواطه وبعدين نزل يلمع في كندرته واول ما وقف طاح عليه كوب القهوه وسوريته البيضه بدي لونها زي قشور الفول😂
    معاذ:لاااااا الزح لااااا🤦🏻🤦🏻🤦🏻🤦🏻....خش للمصنع من الخلفه ودخل غرفة التنضيف شاف لبسه لي واحد من العمال عباره على سروال وتيشرت عاديات جدا ...لبسهم وطلع

    لجين:مسكت4صناديق مع بعض وطلعت وهيا تحكي بشويه....يارب كون معاي نحصل خدمه احسن من هاذي ونفتكى من المدير المعفن

    معاذ:ماشي ويشوف لي ساعته لين بووووووووم
    نضربو في بعض وطاحو كل الصناديق
    معاد:اسف اختي
    لجين:حماااااار انت؟؟؟؟غبي؟؟؟بهيم؟؟؟في حد يمشي وعيونه لوطه؟
    معاد:مصدوم من اسلوبها...تعرفيني انا منو؟؟
    لجين:متكنطيه تلم في البضاعه يلي طاحت ...منعرفش ومنتعرفش ع الاغبياء انا ....ترا بعد من قدام خليقتي مش ناقصه ...وطلعت
    معاد:تحكى جديات هيا😨😨😨
    معاد طول عمره تعود ان كل البنات يزمزكوله عشان يترقو في شغلهم ويديروله الف حساب!
    لكن لجين صدماته بي تصرفها!

    🔥رِوَايـــــــــات بـــَـنـُـــووتِـــة الشـِــيـــْـخ🔥

    🔥أروى الــــطـــاهــــر المــســلاتــــي🔥

    حنين:حطت السفره قدام مازن وايمن راجلها

    ايمن:وين المشروب؟
    حنين:حاضر هي
    ايمن:زي الحماره ديمه حاجتك ناقصه
    مازن:اضايق من الكلام وكيف يهزب فيها قدام العيله كلها
    ربيعه:كول مازن بالله ما تتحشم
    ايمن:ضحك ...لا شنو يتحشم عاد هاذا حوش خالته
    موده:ماما بالك مازن خاطره في شي معين ع العشي
    ربيعه:شافت لي مازن
    مازن:علاش بطيبي؟
    موده:عهههههه لا شنو نطيب وحنين شنو قاعده ادير
    مازن:هز راسه بي هزوه وبدي ياكل
    حنين:تفضل ايمن
    ايمن:هاتي جاي ...عارفتيني منشربش فيه البيبسي ولا تحركي جيبي شاني ولا اين نتكلم حماره انتي متفهميش؟؟؟
    حنين:محدش جاب شاني كله بيبسي
    ايمن:بدي يعلي في صوته تي اقلبي عليا وجهك يا وجه الفقر هاذا فاش ......
    قاطعه مازن بصوت اعلا منه لدرجة كلهم انتبهو
    مازن:خلاااااااااص عاد ياسر مصختها
    وصال:شافت لي حنين بصدمه

    _______________________
    فؤاد:كمل غداه مع امه وقعمز برا يدخن ويفكر في مرته والزواج الجديد يلي بيصير 💔

    جزء منه موافق والجزء التاني رافض ومش هاين عليه يكسر قلب مروه يلي تحبه اكتر من اي حد في الدنيا كلها💔
    منى:قعمزت جنبه...وين سارح😉؟
    فؤاد:استغرب فيها....شافلها ومردش
    منى:نبي نحكى معاك شوي ممكن!؟
    فؤاد:في شنو؟
    منى:المربوعه معبيه عمامك كلهم هنايا
    فؤاد:اي عارف بنكمل دخاني وخاش
    منى:فتحت شوي من سوريتها...اففف الدنيا نو هنايا بكل ربي يعينكم
    فؤاد:لوح الدخان وجاي بيخش لكن مسكاته
    منى:متحكيش ولا كلمه
    فؤاد:شبحلها مش فاهم!!
    منى:متنساش...انا اليتيمه يعني لو تكلمت وربي نقلب عليك عيله عايله
    فؤاد:يشوفلها مش فاهم شي!!
    منى:.....يتبع

    ساره:يدها دم وترعش.....حبيته حبييييييته ياضحى حبيته 💔

    ضحى:مستحيل ازاي تحبى بني ادم زي ده لا ساره اصحي

    حنين:حاطه يدها ع فمها ...ماات؟مات ؟؟؟
    لجين:بعد كل شي خسرته معش قادره نتحمل نقعد في الدنيا هاذي

    رؤى:لاااااا لجين لجججججججي





    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .