رواية خادمتي الجميلة الفصل التاسع 9 كاملة - لمياء يوسف
جاسر بصدمه و عيون مبرقه وهو بيبص ل ريم وع بشرتها الناعمه الرقيقه اللي الخدوش و اللون الدموي مسيطر عليها .
جاسر بص بسرعه و اندفاع ل ناحيه حسن
جاسر بصوت رجولي قوي : انت اللي عملت فيها كده؟
حسن بعناد وانت مالك انت .دي بنتي ومن حقي اكسرلها مليون ضلع لو حبيت
بسمه بغضب : دا مش ابونا يا جاسر .دا جوز ماما
جاسر راح بقوه و اندفاع ناحيه حسن اللي بدأ يتوتر
حسن وهت بيرجع خطوات ل ورا : جاسر ملكش انك تتدخل بيني و بين بناتي .
جاسر بقوه : دا ف حاله لو كنت بتعاملهم كويس
و قام ضربه بعنف ب ايده القويه ع وشه
ف تألم حسن من قوه الضربه .
حسن بدفاع. بلاش تهور يابني .انا زي ابوك
جاسر. بغضب. وانت كنت رحمتهم ؟
حسن : هما مبيسمعوش الكلام
جاسر بصوت رجولي : انت شايف دا مبرر انك تعمل كده ؟ و مسكه بعنف من هدومه و جره بقوه ناحيه سرير ريم
جاسر بقوه : بص. .شوف تصرفك عمل فيها ايه .و بيهزه بعنف
و ريم بتعيط كلام جاسر خلاها تصعب ع نفسها اكتر
جاسر لما سمع صوت عياطها .دفع حسن بقوه من جمبه و راح ع ريم
جاسر بحنان : ريم !
جاسر حط ايده الاتنين ب رقه ع وشها
وريم عيطت بين ايديه
جاسر بحنان و هو بيمسح ع شعرها : بس خلاص .باااس .بس .حقك عليا .و اخدها ف حضنه بحنان. .
و ريم مسكت ف هدومه بقوه
جاسر بص بعنف ناحيه حسن و قال بصوت مخيف : مستني ايه ؟؟
حسن ب ارتباك : ايه ايه .مش فاهم
جاسر بعيون قاسيه : مش عاوز اشوف وشك هنا تاني لا ف الشقه ولا ف العماره .فاهم ؟
حسن وهو بيتمسكن : بس يا...
و لسه هيكمل
قاطعه جاسر بصوت غاضب : انا قلت ايه!
حسن مشي بسرعه و اندفاع من قدامه
وهو حاسس بوجع جامد ف وشه و اخيرا حس بالدم اللي بدأ ينزل من بوءه .
ف اوضه ريم
جاسر واخد ريم ف حضنه بحنان و بيملس بهدوء و حنان و رقه ب ايده ع شعرها و كتفها و ضهرها
و ريم بتغمض عيونها
ايديه بتملس ب حنان ع جروحها الجسديه
جاسر بص ل ريم بزعل وقال بصوت حزين : مقولتليش ليه من الاول
ريم بصتله بعيون باكيه
جاسر بحزن : ليه خبيتي عني كل دا
ريم بصوت باكي : انا انا كنت خايفه يا جاسر تبعد عني
جاسر بحنان انا مستحيل ابعد عنك .و هبعد عنك ليه
ريم وهي بتدفن وشها ف حضنه و بتهرب من عيونه بين هدومه
ريم بصوت خافت. خفت تستعر مني
جاسر رفع راسها الرقيقه ب ايده وقال بحنان. لا طبعا اوعي ابدا اسمعك بتقولي كده تاني
ريم ب طاعه حاضر
جاسر بدأ يمسح دموعها ب ايده و يطبطب ع ضهرها اكتر
و ريم بتحضنه اكتر
جاسر رفع عيونه لقي بسمه واقفه بعيد
جاسر مد ايده ليها
ف بسمه قربت عليه و مسكت ايده
ف سحبها جاسر وسطهم
ف ريم حضنت بسمه ب حنان و جاسر بعد عنهم وقف بعيد
و عيونهم ع الطفلتين الجميلتين دول
اللي زي الملايكه
و هما مبسوطين اوي وحاسين بالقوه و ان ليهم سند
بسمه بصت ل جاسر وقالتله : ممكن اخدك معايا ف مره ف محل الملابس اللي شغاله فيه .تضربلي هناك واحد بيرخم عليا
ضحك جاسر ضحكه رجوليه قويه : بس كده ..حاضر
فرحت ريم لما شافت ضحكه بسمه و حضنت جاسر بسعاده
و جاسر لف ايده حوالينها بقوه و ضمها ل اكتر
بسمه بمزاح احم احم
جاسر بمزاح بس والنبي انا ما صدقت.
وفضلوا يضحكوا هما التلاته .
ف بيت وليد
حسن. الحقني يا وليد
وليد بقلق ف ايه و مين اللي عمل فيك كده
قعد حسن يحكيله كل حاجه
وليد بغضب لا بقا .هما الاغنياء دول بيسيطروا ع كل حاجه. لا كده ظلم
حسن انا كمان مش هسكت دا بيقولي اياك اشوفك ف الشقه تاني
وليد بوقاحه. وهو ليه اتحمق اوي كده ع بنتك و اشمعنا ريم بالذات مش بسمه
حسن بحيره مش عارف
وليد بوقاحه واضحه زي الشمس .مش ريم هي اللي كانت بتروحله شقته ترتبهاله. تلاقيها سلمتله نفسها
حسن بتفكير تصدق ممكن .الثافله الرخيصه
وليد بغضب انا مش هسكت .دا انا ادبحها .انت عارف ان عيني عليها من زمان وانت وعدتني انها تكون ليا بس انت رجعت ف كلامك
حسن. ما انا كنت موافق و قلتلها ف ناس جايين يتقدمولك رفضت و جريت ع شقته
وليد بغضب. يبقي بينهم حاجه
وانا مش هسكت و لو كان ع جثته و موته
ف شقه ريم
جاسر قاعد ف الصاله بيهزر مع بسمه و ريم و سايبين الباب مفتوح .باب الشقه .
بسمه بمزاح بس ايه دا كله
جاسر بابتسامه هاديه : عجبتك
بسمه ب اندفاع. اوي
ريم بصتلهم بعنف و غيظ وقالت. لا والله ؟؟؟
جاسر بصلها و ضحكلها .ف ريم اتغاظت اكتر .وقالتله بعصبيه بتضحك ع ايه
جاسر بصلها بحنان وقالها بمكر : بتغيري ؟
ريم بسذاجه و اندفاع : ايوه
ف ضحك جاسر ضحكه رجوليه قويه من السعاده
فجأه لقوا ريم وقفت فجاه وربعت ايدها قدام صدرها ووقفت تهز رجليها ب غيظ
ف ضحكت بسمه وقالت ما تتقلي ابت
جاسر بمكر : اهون عليكي يا ريم تبصيلي كده!
دا انا حبيبك .
ريم بتناكه و غرور طفولي. لا مش مسمحاك
جاسر ضحك بهدوء وقال. طب ايه اللي يرضيكي
ريم بطفوليه. مش عارفه بس انا متغاظه
جاسر قام وقف ب قامته و بنيته القويه وقال. لا بعيد الشر عليكي يا قلبي .
ان شالله بسمه
ف ضحكت بسمه بقوه
جاسر قرب من ريم وقف قصادها : موزتي الثغنونه لسه متغاظه !
ريم بغضب طفولي : ايوه
جاسر قرب عليها و مسكها بحنان ب ايده و قرب عليها و باسها بحنان من خدودوها الحمرا اللي هتنفجر من الغيظ لدرجه جاسر حس بسخونيتهم
جاسر بصوت رجولي مثير : طب و كده؛!
ريم انكثفت و زقته ب ايدها الثغنونه بسرعه بر قه
ف ضحك جاسر
بسمه بتمثيل. يالهوث. .ايه داااا .
دامي كده
ريم. مكثوفه وقالت ل بسمه برخامه بس اسكتي انا لسه زعلانه اصلا
جاسر بطرقه مضحكه : نااعم؟
ريم بصتله بعيون مبرقه
جاسر بابتسامه مبخافش .
ريم كشرت بطفوليه تاني
بسمه برخامه : خلاص يا جاسر تعالي بوسني انا وهي هتبقي تمام .
ف ضحك جاسر
ريم بصتله و قرصته من كتفه : بتضحك ع ايه .عجبتك الفكره ! دا انا ادبحك
جاسر. بصوت رجولي جذاب : ههون عليكي
ريم بضحكه انثويه : لا .
بسمه بغيظ طفولي. جاتكوا الأرف ف حلاوتكم
جاسر بص ل بسمه وقال شفتي بقا اختك مطلعه عيني ازاي
و بص ل ريم بمكر. وقال شكلي هبدل و لا ايه!
بسمه بضحك. وانا موافقه كتير
ريم مسكت خدود جاسر بغيظ و غيره انثويه مكتومه وقالت. لا طبعا. .جاسور حبيبي انا
جاسر لف وشه ناحيه ريم و بعيون بتلمع من السعاده و صوت خافت. عيون جاسور
بسمه بطفوليه. : سمعتك
و فضلوا يضحكوا
بسمه بإندفاع. جاسر هات رقمك .علشان لو حصل حاجه
جاسر بصوت رجولي. ايوه صح .فكره تمام و راح قام من جمب ريم و راح قعد جمب بسمه و بدأ يقولها الارقام
و ريم غارت اوي و فضلت بصاله
و بسمه كانت مركزه ف الموبايل
جاسر بص لقي ريم بتبصله
ف غمزلها
لما حس بزعلها
ف ريم غيرت وشها الناحيه التانيه
جاسر لاحظ خدودها الحمرا من كتر الزهق و ضحك جواه
بقا الثكر و العثل دا يغير عليه بالطريقه المجنونه دي
ريم بصوت غيران و انا كمان عاوزه رقمك
جاسر راح وقف قدامها
وقالها بحنان انتي تاخدي الموبايل كله يا قلبي
ف فرحت ريم
و بدأ جاسر يمليها الارقام
ريم اقعد
جاسر. لا انا همشي بقا دلوقتي
ريم بصتله بعيون خايفه
جاسر حط ايه ع شعرها متخافيش انا جمبك
بسمه. احم
جاسر بضحك. جمبكم
بسمه. ايوه كده
و فضلوا يضحكوا هما التلاته .
وبعدها جاسر استأذن و راح شقته
ريم و بسمه بدأو يناموا بسعاده و مبسوطين اوي اخيرا بقا ليهم سند و اتخلصوا من ظلم حسن .
جه الصبح
جاسر نايم ف اوضته فجاه صح مفزوع ع صوت الباب
طلع فتح الباب لقي
جاسر بذهول : بسمه ؟
بسمه بسعاده. بالليل اجهز بسرعه علشان رايحين فرح ندي بنت عمي متولي .
جاسر بحيره : ممممم. هتاخدوني معاكوا
بسمه بضحك ع كلامه اللي شبه الاطفال. ايوه طبعا
جاسر ب موافقه تمام
فجأه طلعت ريم من شقتهم
جاسر بصلها ب ابتسامه عذبه
ريم اول ما شافته انكثفت منه اوي .
مع انها مش اول مره تشوفه و كانت بتروح شقته عادي
جاسر بصوت هادي. صباح الورد
ريم بخجل صباح النور
جاسر : رايحه فين
بسمه بمقاطعه : رايحين فوق نرقص و نهيص
جاسر بتفكير ترقصوا ازاي
بسمه. نرقص رقص شرقي مش إسلو
جاسر بص ل ريم بعيون جريئه وقالها. وقالها : هترقصي ؟
ريم انكثفت
بسمه باندفاع. اه طبعا دا هتولعها فوق
جاسر بصوت رجولي : كمان ؟
بسمه لما لاحظت نظراته ل ريم حبت تسيبهم لوحدهم
و راحت ع فوق وقالت ل ريم تبقي تحصلها
ريم. بصوت خافت حاضر
جاسر بيبص ل ريم بعيونه القويه وقال : هترقصي !
ريم بصتله علشان تستمتع بجمال عيونه و لذه الوقوف معاه و خصوصا جمبه .قدامه
ريم بثبات : ايوه
جاسر بصوت رجولي : ايوه ! بسكوته واقفه قدامك؟
ريم بمكر : وانت مالك .هو انت خطيبي و لاجوزي !
جاسر و فهم قصدها ايه
جاسر : طب ف ولاد فوق
ريم بزعل. لانه مجاوبش ع سؤالها و تجاهله : لا
و سابته و مشت
جاسر حس انها زعلت
جاسر دخل الشقه اخد شاور .و طلع لبس هدومه و كل دا متوتر مش ع بعضه .
جاسر بسذاجه : يا تري هي بترقص دلوقتي ؟
طب يا تري بترقص ازاي !
فجأه جه ع بال جاسر
لحظه اما كان ف اوضتها و ريم كشفت كتفها و شويه من ضهرها وورتله علامات الضرب اللي ع جسمها
ف ادايق اوي .و ف نفس الوقت
عقله اخده ل حاجات تانيه
جاسر قاعد متوتر و زهقان
عنده فضول يطلع فوق .
جاسر بزهق و طفوليه : اشمعنا البنات تشوفها وانا لا .
فجاه باب الشقه خبط
جاسر طلع يفتح بسرعه ع امل انها تكون ريم
جاسر بسعاده : ريم
ريم ب هدوء. : جاسر ممكن اخد من عندك حاجات كده من المطبخ و هنرجعالك بالليل
جاسر بتذمر : انتي جايه علشان كده
ريم ببراءه ايوه .بسرعه بقا علشان الرجاله فوق
جاسر بغضب. نعم ! انتي قلتي مفيش رجاله فوق
ريم انت متعصب ليه .انت مش فاهم حاجه متتكلمش بقا .افراحنا غير افراحكم
جاسر مسك شعرها ب رقه و قعد يهز راسها براحه. غير افراحنا. دا انا هربيكي .
و سحبها ع جوا
ريم بضحك : جاسر ف ايه
جاسر بقا بترقصلهم فوق يا هانم
ريم ضحكت ع كلامه
ريم وحبت تغيظه وفيها ايه
جاسر بصوت رجولي غاضب : ريم متهزريش معايا ف كده فهميني يلا
ريم بدلع مالك بس شايط ليه
جاسر بزهق يعني مش عارفه
ريم ببراءه مصطنعه. تؤ
جاسر بمكر. بقا كده و قرب منها
ريم بصدمه و زقته براحه : بتعمل ايه
جاسر ببراءه مصطنعه. هفهمك و غمزلها
ريم بغضب انت قليل الادب
جاسر بزهق معلش يا بطه حظك كده ان جوزك يبقي قليل الادب
ريم بحيره جوزي مين
جاسر بصوت رجولي. انا ...ما انا هتجوزك
ريم بسعاده : امتي
جاسر بفرحه قريب اوي
ريم حضنته بقوه
و فجأه صوت وليد من قدام شقه جاسر. : طب اقفلوا الباب طيب
جاسر بصوت عالي علشان الكل يسمعه : يادي الفضايح ايه اللي بتهببوه دا !؟؟؟
ريم بفزع و خوف من الكارثه اللي هتحصل
و جاسر بنظرات متوحشه
الفصل العاشر من هنا
