رواية اختي في ورطة الفصل التاسع 9 كاملة - كوكي سامح

رواية اختي في ورطة الفصل التاسع 9 كاملة - كوكي سامح

    رواية اختي في ورطة الفصل التاسع 9 كاملة - كوكي سامح 





    وأثار قالت اختى فى ورطه يا ترى فى ايه؟؟
    .. مسكت الفون واتصلت وقالت مالك يا اسماء خير قلقتينى عليكى وابتدت تعيط وكانت منهاره وقالت مش هينفع فى التليفون لازم اشوفك
    .. اوك فين طيب
    .. فى كافيه تحت البيت عندى تعالى وانا هستناكى فيه بعد ساعه رددت وقالت اوك يا اسماء انا هلبس وهجيلك بس فين العنوان وفعلا آثار وصفت لها الطريق وقفلت معاها وكانت منهاره.
    .. آثار قالت لازم اكلم عامر استأذن منه بس هقول ايه عموما انا هقولوا ان عندى ميعاد عند دكتوره الأسنان وفعلا اتصلت بيه وقالت إنها رايحه للدكتور وقامت لابست وركبت عربيتها وطيران على الكافيه.
    .. متأكده ان آثار هتيجى يا بنتى
    .. ايوه يا محمد اختى وانا عرفاها قلبها حنين موووت وهبله اوى 🤣
    .. عاوز اعرف حاجه
    .. قوول
    .. ايه هى الورطه اللى انتى واقعه فيها يا ممثله بس انتى طالعتى ممثله بجد انا نفسى صدقتك وصدقت دموعك
    .. بقولك ايه سبنى اللبس علشان انزل واسبق آثار وهشوف هعمل ايه ده مصلحتنا
    وقالت فى سرها ياه امتى اخلص منك ومن قرفك كانت واقعه سوده قال ايه اسيب الدكتور واخد القرف ده فعلا مرايه الحب عميا.
    .. اسماء مالك يا قلب محمد
    .. مفيش انا بلبس اهو عموما انا خلصت وهنزل بس هاخد شهد معايا علشان قلب آثار يحن
    .. متتأخريش انا قاعد على نار 🔥
    .. سلام سلام
    . وشالت بنتها شهد ونزلت قعدت فى الكافيه مستنيه آثار.. وبعد مرور ربع ساعه آثار وصلت واول ما وصلت اسماء ابتدت تمثل انها بتعيط وجت تقوم علشان تحضنها بس آثار قالت خليكى البنت فى ايدك وقعدت وقالت
    .. ورطه ايه يا اسماء انطقى قلقتينى؟؟
    .. اختك هتروح فى داهيه يا تلاحقينى يا الموت ليه احسن وهيريحكم كلكم.
    .. يا بنتى فى ايه ما تقولى
    .. هقولك انا اول ما اتجوزت محمد كنت مبسوطه وبالذات لما كنت حامل فى شهد بس ظروفه الماديه عكننت علينا حياتنا.
    .. وبعدين كملى من غير عياط
    .. حاضر يا آثار انا مش قادره حاسه انى هموت المهم بقى يشتغل بدل الشغل اتنين والمصاريف ذادت عليه المهم كنت لوحدى طول الوقت وجالى اكتئاب حمل ابتديت اقعد عالفيس واتسلى مع البنات والستات فى الجروبات وكانت مختلطه وفى يوم كنت منزله بوست وبقول انا قاعده مضايقه وربنا عالم بيه فى شاب دخل ليه خاص وسألنى مالك بصراحه اتكلمت معاه صدقينى يا آثار انا كنت مخنوقه بس الشاب ده كان محترم وطبعا كان كله تمثيل 🎭 وابتديت اتكلم معاه كتير وابتدت العلاقه بنا تطور بقينا نتكلم فون انا اتعلقت بيه كصديق ومع الوقت أعجبت بيه وهو كمان وطلب يشوفنى بقيت اخرج معاه وفى يوم خدت منه ميعاد بس مجاش وانا اضايقت كنت خايفه عليه اوى لأنى اتصلت بيه كتير كان بيكنسل وبعد يومين واحده رددت عليه وقالت انه عمل حادثه وفجأه صفحته كلها بقت تنزله بوستات تدعيلوا له بالشفاء وانا كنت هتجنن لحد بقى ما اتصلت بيه وهو رد وقالى انه تعبان اوى وعاوز يشوفنى وانا روحت..
    .. كملى وبعدين حصل ايه يا اسماء
    .. وبصت وعينيها كلها خبث وقالت روحت البيت ورنيت جرس الباب ولقيت بنت فتحت الباب ليه ودخلت ولقيته قاعد فى وشى بس كان كويس وقالى انه بيحبنى وشاور للبنت ومشيت وكأنهم متفقين؟! وسابتنا لوحدنا وهو قام واتهجم عليه وانا حامل تصورى والكارثه انى استسلمت وبعد فتره بقى يطلب منى يشوفنى كتير لحد ما جه اليوم وطلب منى انى اروح لراجل أعمال كبير وأقضى معاه ليله وهاخد فلوس كتير تصورى طلع قواد وانا معرفش المهم انا رفضت هددنى وطلع فيديوهات وانا معاه فى السرير وقالى هفضحك لو موافقتيش على طلبى يأما بقى ادفع 400 الف جنيه واعوضه الخساره الكبيره 😪 ومش عارفه اعمل ايه انا هتفضح وكمان قالى انه هيبعت لمحمد الفيديوهات وهيفضحنى انا مش عارفه اعمل ايه..
    .. يعنى انتى عاوزه فلوس بس متأكده انه هيحذف الفيديوهات
    .. اه الفيديوهات على كارت ميمورى وهاخد منه الكارت ياااه شوفتى اختك حصلها ايه.
    .. عموما يا اسماء انا هحاول احضرلك المبلغ بس خلى بالك لا يكون بينصب عليكى رددت وقالت لا بقولك مصورنى معاه وهيفضحنى كمان؟ رددت وقالت خلاص انا هقوم أمشى وأسماء مسكت ايدها وعيطت وقالت سامحينى رددت وقالت على ايه عسى أن تكرهوا شيئا وهو خير لكم انا خدت احسن هديه وهو عامر جوزى ربنا يبارك فيه
    .. بصت بغل وغيظ وخباثه وقالت فى سرها وانا هخرب حياتك وهاخده ده حقى انا والعز ده من حقى انا
    اثار : سلام دلوقتى وانا هبقى اكلمك لما احضر الفلوس رددت وقالت وانا هستناكى اوعى تنسى اختك والفضيحه اللى هتحصل لها
    .. لا مش هنساكى
    .. اسماء مسكتها وقالت ماما وحشتنى اوى
    .. مبقاش ينفع يا اسماء سلام وقامت وركبت عربيتها ولما شافتها اتقهرت وقالت معقول عربيه وڤيلا وانا عايشه فى الفقر وكمان بتقولى وفى وشى انه خير وخدته بس مش هسيبها تتهنى بيه..
    وقامت بعد ما آثار مشيت وطلعت شقتها وحكت ل محمد كل اللى حصل وهو كان فرحان بذكاء مراته اوى ومش عارف انها نهايته معاها وهى بتضحك عليه.
    .. حبيبى انا قولت لحسن الطباخ يحضر العشاء يلا قوم خود شاور وانا هجهز السفرة
    .. حاضر يا حبيبتى
    وفعلا السفره جهزت وقعدوا وابتدوا يتعشوا وعامر قال عملتى ايه عند دكتوره الأسنان رددت وقالت ضرسى اتكسر وتاعبنى رد وقال الف سلامه عليكى يا حبيبتى
    .. حبيبى انا كنت عاوزاك فى موضوع فى حد من اصحابى هيعمل مشروع وعاوزه ادخل شريكه ومحتاجه فلوس
    .. مشروع ايه يا آثار ومن امتى وانتى عاوزه تشتغلى
    .. انا مش هشتغل انا هكون اداره يعنى مش هتعب
    .. مشروع ايه؟
    .. بيوتى سنتر
    .. بس يا آثار ده عاوز خبره
    .. لا بالعكس ما صاحبتى بتفهم فى جدا بس هيكون مكلف انت عارف المكان وغير المعدات
    .. عاوزه كام
    .. 400 الف
    .. معقول مش كتير 🤷‍♀️
    .. طبعا لا انت ناسى ان هى كمان هتدفع 400 زي اصل احنا ناوين نعمله كبير وفى مكان كويس مش اى كلام يعنى رد عامر وقال حاضر من عنيه
    .. ميرسى يا حبيبى انت احلى عامر واجمل بنى آدم انا شوفته فى حياتى ربنا يباركلى فيك يا نور عينى. وبعد مرور اسبوع
    .. اختك متصلتش ولا عبرتك حتى
    ... هههههه يمكن بتحضر الفلوس ما برضه المبلغ مش سهل
    .. لا سهل عامر بقى مليونير يا اسماء رددت وقالت انا مش يهمنى الفلوس انا عاوزه بس ادخل الڤيلا ويكون لينا مكان فيها إنما حكايه الفلوس دى خطه علشان أصعب عليها واكلمها فهمت
    .. ياه دماغك حلوه اوى يا حبيبتى
    .. وأسماء مسكت تليفونها واتصلت بأثار واول ما قالت الو رددت وقالت الحقينى يا آثار شهد بتموت وعاوزه دكتور ضرورى وأثار خافت على البنت واتجننت وقالت ما عامر دكتور أطفال لازم اكلمه علشان يلحق البنت وكمان ما هى بنت اخوه وقفلت مع اختها واتصلت بعامر وقالت وعامر كان حنين يمكن فى الاول رفض بس حس بالذنب ناحيه بنت اخوه وخد العنوان من آثار وراح على بيت اخوه وأثار كلمت اختها وقالت لها عامر فى الطريق
    .. بقولك يلا يا محمد انزل بسرعه رد وقال ليه قالت انت مسمعتش عامر جاى يكشف على شهد مش هينفع تكون هنا علشان لو شافك هننكشف فاهم رد وقالها خلاص انا هنزل وفعلا ساب مراته ونزل وكان عامر وصل ورن جرس الباب وأسماء فتحت وهى فى أجمل صوره وهو قالها فففين البنت يا مدام رددت وقالت وحشتنى اققصد جوه
    .. اوك عاوز اشوفها وفعلا دخلت اوضه النوم وكانت البنت نايمه وقالت لعامر يدخل ولما دخل فضلت تتكلم بدلع وتقول وحشتنى بجد يا عامر انت زى اخويا وغلاوتى عندك قصدى وغلاوه آثار عاوزه اطمن على شهد رد وقال بعد ما كشف البنت كويسه بس محتاجه غذا رددت وقربت منه وهمست فى ودنه وقالت اخوك فقير والبنت بترضغ منى وانا محتاجه غذا ومش عارفه اعمل ايه وقالت انت لسه مخلفتش رد وقال كله بتاع ربنا قادر على كل شئ

    .. محمد نزل القهوه ومستنى عامر ينزل
    .. يارب عامر يكون راح يشوف بنت اخوه واختى انا عاوزه اطمن عليها ومسكت فونها واتصلت
    .. فون عامر رن رد وهو متلغبط من أسماء وقال ايوه يا حبيبتى انا عند محمد اهو وقفل معاها
    .. عارف يا عامر اخوك طلع مش راجل ومش قد المسؤليه انا تعبت معاه شوف جسمى شوفت انا خسيت ازاى انا تعبانه يا عامر وقربت منه وهى بتدلع ومسكت ايده وفجأه اغمى عليها ومسك ايدها وابتدى يفوق فيها بس كان جسمها متلج ودقات قلبها سريعه ومسك تليفونه واتصل بالاسعاف
    .. محمد قام من على القهوه مع واحد صاحبه
    .. الإسعاف فالطريق ووصلت وخدت اسماء وعامر خد شهد وكلم آثار وقالها على اللى حصل وبلغها بمكان المستشفى اللى هيروحوها..
    .. محمد رجع وشاف الإسعاف وشاف عامر شايل بنته وركب عربيته وأسماء فى عربيه الإسعاف اتخض وجرى وفضل ينادى بصوت عالى ويقول يا اسماء فى ايه يا عامر ومحدش سمعه والاسعاف اتحركت ومشيت وعامر مشى وراها ومحمد بيجرى ملهوف وبيعدى الطريق عمل حادثه..
    .. الإسعاف وصلت المستشفى واسماء دخلت الطوارئ وكانت حالتها الضغط واطى ونسبه انيميا بس بسيطه.
    .. اهل المنطقه وصاحب العربيه اللى خبطت محمد خدوه وراحوا المستشفى بس محمد للأسف مات..
    .. تليفون عامر رن وكان خبر وفاه محمد اخوه فى حادثه وانهار على فراق اخوه وفى نفس الوقت كانت آثار وصلت المستشفى وعرفت الخبر ودخلت تشوف اسماء وكانت مركبه محاليل وكان شكلها تعبان.
    .. عامر اتصل بكل عيلته وامه وحماته والكل عرف ان محمد مات فى حادثه وكلهم راحوا المستشفى علشان محمد هيطلع من المستشفى على طول
    .. اسماء فاقت والدكتور شال لها المحاليل وكتب على خروج وقال لها تتغذى كويس وخصوصا علشان الأنيميا..
    آثار : شهد معايا متقلقيش رددت اسماء بكل حقد وقساوه وقالت مش قلقانه اومال فين عامر مش هو اللى.... رددت آثار وقالت هو ايه؟
    اسماء : هو فين خلاص ابقى بس قوليلوا انى بشكره اوى وشكرا ليكم بجد وقالت فى سرها هو راح فين كان خلاص هيقع فى ايدى وكويس انهم صدقوا انى تعبانه بجد..
    آثار : يلا يا حبيبتى علشان نمشى وفعلا خرجوا من المستشفى وأسماء ركبت مع آثار بس مشيت من طريق تانى وأسماء قالت انتى مالك شكلك مخطوف وغيرتى الطريق ليه؟ رددت وقالت محمد جوزك عمل حادثه البقاء لله ي أسماء....
    .. محمد مات مش معقول ده كان كويس وفضلت تعيط وكان كله تمثيل وكأنها ما صدقت انه مات وربنا كرمها
    .. ووصلوا المستشفى واول ما راحت المستشفى قالت عاوزه اشوفوا بس الدكتور قال مينفعش بس علشان محمد دكتور معروف ولى جمايل كتير استأذن من الدكتور ان اسماء تتدخل تشوفوا لأخره مره
    .. اسماء ماشيه فى الطرقه بتاعت المستشفى بخطوات بطيئه واول ما قربت من ا لاوضه اللى فيها محمد ودخلت عليه قبل ما يدخل التلاجه علشان يتغسل ويتكفن الصبح دخلت عليه وقفلت باب الاوضه وكان قلبها جامد وشدت الملايه من على وشه وكان غرقان دم وقعدت على الأرض وقالت ياااه اخيرا موووت دى لو كانت دعوه اكيد استجابت منى خلاص انا كده الطريق فضى ليه وهاخد عامر يا محمد خليك فاهم ده انا خلاص هعيش لنفسى وبس يلا الله يرحمك وغطت وشه وخرجت
    وبعد مرور ساعات قليله وابتدت مراسم دفن محمد والكل راح وصلوا عليه وادفن محمد وأسماء بقت ارمله وعامر وأثار طلبوا منها تروح تقعد معاهم كام يوم وخصوصا بعد ما امها رفضت هى وكل العيله انهم يكلموها او يسامحوها وأسماء خدت بنتها وراحت مع آثار وعامر الڤيلا..
    .. واول ما وصلت ودخلت الڤيلا قالت فى سرها اخيرا دخلتك برجليه وهخربها على الكل وهتخرجى منها يا آثار وانا الارمله هكون حرم الدكتور الكبير عامر وهبقى هانم وست البيت لأن مينفعش اسماء هانم ستك وتاج راسك تبقى ارمله يا آثار وهخربها وهتبقى بره قريب اوى..

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .