-->

رواية نساء للبيع الحلقة العاشرة 10 - كوكي سامح

رواية نساء للبيع الحلقة العاشرة 10 - كوكي سامح

    رواية نساء للبيع الحلقة العاشرة 10 - كوكي سامح 



    ج. 9و10و#الاخيره..#نساء_للبيع
    وسندس قالت خالتى سعاد وشهاب وفتحى البواب تنحوا من كلام سندس وشهاب قال معقول خالتك تعمل فيكى كده...
    = سندس زى المجنونه وقالت لا طبعا خالتى ست غلبانه وملهاش فى حاجه وشهاب قال اومال جوهره عرفتها ازاى هى قالت سعاد عموما فكرى يمكن تعرفى حد تانى بالأسم ده وسندس قالت لأ للأسف معرفش معرفش معرفش
    شهاب : عمى فتحى ادخل اعمل ليمون علشان سندس
    فتحى : حاضر يا شهاب بيه
    وفتحى دخل المطبخ يعمل ليمون وسندس قالت انا مش ههدى غير لما اعرف اخواتى فين؟ وليه خالتى تعمل كده.. انا لازم اروح لها...
    شهاب : انا مش هسيبك لوحدك
    سندس : تعالى معايا
    فتحى : الليمون
    شهاب : اشربى يا سندس
    سندس : مليش نفس انا تعبانه اوى يا شهاب
    شهاب : معلش ربنا يريح قلبك يلا اشربى الليمون وانا هروح معاكى عند خالتك....
    سندس : طيب عرفت منها موضوع الجثث ده ايه؟
    شهاب : انا هددتها بس.. إنما محاولتش اعرف
    فتحى : جثث ايه
    سندس : اللى فى الدور اللى فوق يا عم فتحى
    فتحى : يااه انتى شوفتيهم
    سندس : اه
    شهاب : انت تعرف حاجه يا عم فتحى؟
    فتحى قال بصوت واطى دول مش جثث بمعنى جثث
    شهاب : تقصد ايه
    فتحى : هقولك من كام سنه جوهره اتعرفت على راجل كبير وكان لى هيبه كده وكان بيشوف اى بنت حلوه يقول لجوهره عليها وكان بيدفع فلوس زى الرز
    شهاب : وبعدين؟
    فتحى : شهاب بيه ابوس ايدك محدش يعرف حاجه..
    سندس : متخافش يا عم فتحى
    فتحى : من كتر فلوسه جوهره طمعت فيه وطبعا هى جميله وحلوه لعبت عليه واتجوزها وعاشوا سنتين مع بعض وعرفت شغله كله كان بيتاجر فى حاجات ممنوعه
    شهاب : حاجات ايه مخدرات؟
    = فتحى : لا لا تماثيل يا بيه
    شهاب : قصدك آثار
    فتحى : هى تماثيل دهب
    شهاب : كمل
    فتحى : وجوهره بقى اشتغلت معاه وهو عرفها على كل اللى بيتاجروا فى التماثيل دى وفعلا جوهره كانت شاطره وبقت تشتغل معاه لدرجه هو اعتمد عليها وفى يوم لاقيناه جايب حته واد هلفوت وشكله مبهدل وخدوا على الدور اللى فوق وعمل الجثث المتحنطه دى وهى مش جثث دى كلها قش من جوه ومليان تماثيل وحتى الحيطان الدهب دى عيره والاوضه مفيهاش غير دولاب مليان هدوم وخلاص...
    سندس : اه بس شكلهم حقيقى..
    فتحى : هههههه يا بنتى الواد كان شاطر اوى وعملهم بدقه انا نفسى كنت بشوفهم اتخض
    شهاب : يعنى الجثث دى تمويه بس لو حد شافها تروح فى داهيه.. هيفتكر جثث حقيقه فعلا جوهره عبيطه ههههه
    فتحى : لأ دى ذكيه جدا اولآ الجثث تقليد حتى الدهب حيطان مطليه نحاس مش دهب والجثث دى كل شهر تحط فيهم شغلها ومش بيقعد يومين وتوزعهم ولو حد شاف حاجه وسألها كانت بتقول دى جثث تحنيط مزيفه يعنى ملهاش قيمه ودى هوايته انها تحتفظ بيهم
    شهاب : ديكور يعنى
    فتحى : ايوه ديكور
    شهاب : وكمان أثار يا جوهره ده انتى وقعتك سوده
    فتحى : شهاب بيه خلى بالك نبيله مش سهله
    شهاب : ههههههه على نفسها
    سندس : يلا يا شهاب تعالى معايا عند خالتى سعاد
    فتحى : وانا كمان معاكم
    وشهاب خد سندس وفتحى على بيت سعاد وطبعا بعد وصف سندس مكان البيت..
    وراحوا وطلعوا على فوق وسندس خبطت جامد وسعاد خالتها فتحت الباب وقالت تعالى يا سندس وحشتينى اوى
    سندس : اوى ايدك من عليه
    شهاب : مش كده يا سندس
    سعاد : هو فى ايه؟ ومين دول؟
    سندس : فين اخواتى
    سعاد : وانا اعرف منين يا سندس
    سندس : ههههه ضحكتينى انا عرفت كل حاجه من جوهره
    سعاد : جوهره مين دى
    شهاب : يا ست سعاد سندس عرفت كل حاجه
    سعاد : معرفش مين جوهره دى
    سندس : يا ست ما تنطقى بقولك جوهره قالت على كل حاجه بطلى كدب وحنيه مزيفه بقى 😂 دلوقتى شريط الذكريات قدامى ليه امى الله يرحمها كانت تقولك بطلى كدب ومكانتش بتصدقك فى حاجه
    سعاد : اسكتى لا والله اجيبك من شعرك
    سندس : ههههههه ايوه كده اظهرى على حقيقتك
    شهاب طلع المسدس من جيبه وفتح تليفونو من غير ما حد يحس وابتدى يسجل كلامهم مع بعض
    سعاد : ايه ده مسدس الحقى يا سندس
    شهاب : انطقى رصاصه واحده من المسدس ده تقضى عليكى
    سعاد: الحقى يا سندس هيموت خالتك
    سندس : فين بناتك
    سعاد : مش هنا
    سندس : خلاص انطقى ليه عملتى فيا وفى اخواتى كده وحرمتينا من بعض
    وسعاد قعدت على الكرسى وابتدت تعيط وقالت.. من امكم اختى الكبيره اللى كانت على طول بتهزقنى ويوم ما حبيت واحد وشافتنى معاه جريت على ابويا وقالتله وبقت هى الطاهره الشريفه ولما دخل بيتنا علشان يخطبنى علشان انا كنت احلى منها وهى ولا عريس أتقدم لها ولا بص فى وشها.. ابويا سألها الواد عاوز يخطب اختك وهى ع صرخه واحده لا لأ وتقول انا الكبيره وابويا نفذ كلامها وانا كلمتها وقولتلها ده نصيب هو هيخطبنى بس ووعد منى مش هنتجوز غير لما يجيلك ابن الحلال زعقت فيه ورفضت وبعد فتره انا والانسان الوحيد اللى حبيته غلطنا مع بعض وكنت حامل واتقدملى وهى برضه قالت لأ وحكيت لها على اللى حصل بينا بقت تضرب فيه وقالت لأبويا وابويا حبسنى وراح لحد بيته بس هو سافر وبعد فتره اتجوز وخلف وانا كنت سقط وغير تعذيب ابويا ليه علشان الفضيحه وفضلت محبوسه فى اوضه فالبيت زى المسجونه باكل واشرب بس وساعات كانوا ينسونى..😭وكل لما تكلمنى تقولى انتى عار البيت وعرفت انها عرفت ابوكم واتجوزا على حب واشمعنى انا ما كل اللى حصلى كان بسبب انى حبيت 😭 لحد ما لقيت بابا داخل عليه فى يوم وقالى انه هيجوزنى واحد ابن صاحبه وغصب عليه وفعلا اتجوزتوا ومكانتش طيقاه ولا كنت بطيق ابص فى وشه وغير عرفت ان بابا كاتب ليها كل الميراث ومش من حقها وهى قابلته على نفسها لحد ما ماتت هى وابوكم وقررت اخد حقى منكم ربنا ياخدكم كلكم انتم نسل وسخ نسل الطماعه المؤذيه
    سندس : واحنا مالنا انتى اللى غلطتى ولو على الفلوس ما كله معاكى ومكناش عاوزين حاجه
    وسندس مسكت خالتها انتى تعرفى جوهره منين..
    سعاد : جوهره
    شهاب : انطقى قولى؟
    سعاد : هقول حاضر... انا كنت بشتغل فى مستشفى من فتره كبيره وجوهره كانت معاها بنت وكانت عاوزه تسقطها الدكتور رفض وبصراحه عرضت عليه فلوس كتير بس هو رفض انا خرجت وراها وقولتلها انا ممكن اخدمها واسقطها وجوهره فرحت اوى وقالت ليه على ميعاد وفعلا روحت وعملت للبنت عمليه إجهاض وبقينا نتعامل مع بعض وكنت بخدمها كتير وكانت بتدينى فلوس كويسه وفى يوم اتصلت بيه وكان عندها مشكله كبيره وانا ساعدتها
    شهاب : مشكله ايه ههههههه
    سعاد : كانت بنت بتجهض وماتت وانا ملحقتهاش لما وصلت كانت ماتت وطلبت منى حد يكون زمته اى كلام فالمستشفى ويدخل البنت المستشفى وكأنها ماتت جوه وانا بقى قولتلها على ممرض ودكتور معانا وليهم فالشغل الحرام وفعلا خدوا البنت ودخلت المستشفى وزوروا التقارير وقالوا انها ماتت هنا وهى بتجهض وملهاش حد وكمان هى دخلت المستشفى بطولها وكانت تعبانه ومحدش خد بياناتها وفعلا خلصت جوهره من الموضوع ودفعت فلوس كتير
    شهاب : الدكتور والممرض اسمهم ايه
    سعاد : الدكتور مات فى حادثه والممرض طردوه لسوء سلوكه وانا طلعت معاش مبكر بعدها علشان خوفت لا اتكشف
    شهاب : يا ولاد الكلب اهو الأشكال الوسخه دى للى ذيكوا هى دى اللى موسخه البلد
    سعاد : خلاص عرفتوا كل حاجه
    شهاب : هههه كملى ازاى كلمتى جوهره فى الموضوع
    سعاد : انا طلبت منها خدمه قصاد خدماتى ليها وقولتلها ان ولاد اختى فى بينا مشاكل وكمان سمعتهم على كل لسان وعاوزه اتخلص منهم علشان مش عارفه اجوز بناتى بسببهم
    سندس : مش قادره أصدق نفسى 😭
    شهاب : يا بنت الكلب
    سعاد : جوهره قالتلى خلاص هخلصك منهم هما بيحبوا الفنجان والودع قولتلها دول مهوسين بيهم وفعلا هما بيحبوا الخرافات دى ووصفت لجوهره البيت وسندس مكانتش موجوده وراحت جوهره للبنات وقالت لهم على عرسان وهما صدقوا ومشيوا ورا الخرفات وصدقوا جوهره
    شهاب : طيب واشمعنى سندس لا
    سعاد : سندس مش بتحب لا فنجان ولا ودع وبتقول جهل
    سندس : طول عمرى بقولهم حرام الغيب بتاع ربنا
    شهاب : كملى
    سعاد : وعرفت من جوهره انها جوزتهم جواز مسيار ولما سألت عليهم عرفت ان هبه كانت حامل وماتت وهى بتجهض ونشوى
    سندس : اختى ماتت يا وجع قلبى عليكى يا هبه وقامت مسكت خالتها من رقبتها وقالت لازم اموتك ونشوى فين
    سعاد : هموووت هموووت..
    شهاب : انطقى فين نشوى
    سعاد : نشوى اتجوزت واحد خليجى عجوز وعايشه معاه زى الخدامه ومش عاوز يطلقها ومحبوسه وحتى مبتعرفش تخرج...
    سندس : منك لله خاله تعر بجد كل ده علشان الحقد والغل والفلوس دى احنا امانه عندك وزى بناتك لحد ما نتجوز
    سعاد : امك اختى من الاب بس وامها كانت مسيطره على ابويا منها لله هما إللى عملوا فيه كده
    شهاب : انتى معقده ولازم تاخدى جزاءك
    سعاد : ابوس ايدك انا عندى بنات
    سندس : منك لله
    وشهاب: يلا يا سندس بس خلى بالك يا سعاد انتى معملتيش حساب بناتك لما عملتى فى بنات اختك كده؟
    فتحى : منك لله يا بعيده انتى خاله بنت حرام تبيعى عيال اختك
    سندس : وجوهره عرفت طريقى منين
    سعاد : ما هى سميره شافت جوهره وهى الوحيده إللى قالت ست بملايه لف وبتاعه ودع وكانت دليل علينا وكمان انتى مش مبطله تدورى عليهم وكنت عاوزه اخلص منك انتى كمان والفرصه جاتنى لما مشيتى من الشقه وانا واثقه انك لما تشوفى جوهره هتفتكرى كلام سميره وهتتعرفى عليها وجوهره هتتوصى بيكى..
    سندس : كلبه حسبى الله ونعم الوكيل فيكى انتى فعلا مش خاله ربنا ياخدك
    شهاب : كفايه يا سندس دى مفيش منها فايده
    وشهاب خد سندس وفتحى ونزلوا وفجأه سمعوا صوت سعاد بتصوت ونازله تجرى ومولعه فى نفسها
    سندس : خالتى خالتى 😭
    شهاب : دى ولعت فى نفسها وشهاب اتصل بالأسعاف والجيران حاولوا يطفوها بس الإسعاف ملحقتهاش وماتت سعاد وخدت جزائها من عملها السيئ...
    شهاب : دى ماتت خلاص
    سندس : انا مش صعبان عليه غير بناتها هما ملهمش ذنب واتيتموا زى وانا اعرف يعنى ايه كلمه يتيمه😭
    شهاب : عموما احنا لازم نلحق جوهره ونعرف طريق اختك ومتشليش هم بنات خالتك ابوهم معاهم والمنطقه جيرانها ناس كويسه
    سندس : عندك حق المهم الاقى نشوى هى اللى موجوده ولازم ننقذها بالله عليك يا شهاب ما تسبنى
    شهاب : معاكى
    فتحى : يا نهار اسود انا مش هروح معاكم عند جوهره
    شهاب : خلاص روح على الڤيلا عندى
    وفعلا فتحى راح الڤيلا وسندس وشهاب راحوا على جوهره واول لما وصلوا كانت جوهره بتتخانق مع نبيله خناقه كبيره ودخلت سندس قالت اختى نشوى فين يا فاجره ومتجوزه مين؟
    جوهره : اوعى ايدك يا بت ده انتى حته عيله ولا تسوي
    شهاب : بقولك فين
    وجوهره بتتكلم مع شهاب وسندس نبيله كان فى ايدها مسدس ومحدش خد باله منها وضربتها بالرصاص وكانت ضربه موت
    نبيله : هههههههههههههههه قتلتها قتلتها
    سندس : ليه الله يخرب بيتك
    شهاب : نبيله قتلتى جوهره ليه
    نبيله : ههههههه قتلتها.. اختك متجوزه راجل خليجى ومحبوسه هناك ولو عاوزه العنوان عندك فى اوضه جوهره
    سندس : هى فين اوضه جوهره
    نبيله : ههههه اهى فيها كل حاجه ومخدتش حاجه
    وسندس جريت على الاوضه وشهاب جرى وراها وسابوا نبيله مع جثه جوهره وفضلوا يدوروا فى الاوضه ولقوا ورق كتير ومن ضمنهم صوره عقد جواز نشوى وكمان عنوانها ومش هى بس بنات كتير متجوزه بنفس الطريقه
    شهاب : الحمد لله بس دى عقود كتيره اوى
    سندس : عقود بتبيع بيها البنات وتاخد حقهم ودلوقتى هنعمل ايه
    شهاب : انا عندى ناس اعرفها هبلغ السفاره واختك هترجع متقلقيش يا حبيبتى
    سندس حضنت شهاب وقالت ربنا ما يحرمنى منك
    شهاب : ايه الصوت ده
    سندس : مش عارفه
    شهاب طلع يجرى وخرج بره لقى نبيله ضاربه نفسها بالمسدس
    سندس : ايه ده 😭
    شهاب : خدوا جزائهم
    وشهاب بلغ البوليس وقال على كل اللى يعرفوا على جوهره والاسعاف جت وخدت جثه جوهره ونبيله بس نبيله كانت عايشه وشهاب قال البوليس على الآثار وفعلا الڤيلا كانت فيها آثار وغير كان بيتم فيها أعمال منافيه للاداب والڤيلا اتشمعت وجوهره ماتت وبسؤال نبيله بعد ما فاقت قالت كل حاجه واعترفت بكل حاجه وقالت إنها قتلت جوهره لأنها كانت هتسافر ولما نبيله طلبت منها حقها وحق خدمتها ليها وانها ملهاش غير الشغل ده جوهره رفضت وراحت قتلتها ونبيله طلبت ولادها بس ولادها لما عرفوا عن امهم كل حاجه وأنهم اتخدعوا فيها خافوا من الفضايح ورموها زى الكلبه فالمستشفى وكان عليها حراثه وبعد ما بقت كويسه اتحبست بتهمه قتل جوهره وكمان تحريض البنات على أشغال منافيه للاداب وخدت 25 سنه واترمت فالسجن وبعد مرور فتره شهاب بلغ السفاره عن نشوى وسوء معامله جوزها ليها وحبسه وتعذيبه ليها والسفارة ابتدت تاخد اجراء ناحيه نشوى...
    وسندس قالت لشهاب انا بجد فرحانه بيك وكمان الحمد لله ان عم فتحى كان شاهد مالك
    شهاب : تتجوزينى
    سندس : انا
    شهاب : اه انتى
    سندس : انت عارف انا ايه
    شهاب : انتى أطهر بنت وأشرف بنت وأهلك احسن ناس والعيب مش فيكى العيب فى خالتك هى اللى عملت فيكى كده
    سندس : خالتى منها لله
    شهاب : انا بقولك تتجوزينى
    سندس : ♥️♥️😍😇😊
    شهاب : ايه ها متردى
    سندس : بحبك بحبك
    شهاب : ربنا ما يحرمنى منك
    سندس : طيب هتقول لأهلك ايه
    شهاب : انا مليش غير اخويا خالد وبابا وماما منفصلين ومش هيعترضوا دى حياتى والحمد لله انا معايا اللى نقدر نعيش بيه المهم ان راحتى معاكى يا سندس
    وشهاب كلم باباه ومامته وخالد اخوه ورحبوا بالموضوع لأن دى حياته وهو حر فى تصرفاته وسندس رجعت بيتها الشقه اللى جمب صاحبتها كريمه وخالد وشهاب ومامته وباباه راحوا يتقدموا لسندس وكانت سندس بطولها ومعاها كريمه ومامتها واول لما خالد دخل عرف سندس عالطول وقالها انتى اللى كان مغمى عليكى عندى فالشركه
    كريمه : ههههه مستر خالد اه هى دى اعز اصحابى
    شهاب قال بصوت واطى انتى تعرفى خالد
    سندس : ما هو قالك كان مغمى عليه 😂
    شهاب : وعاملتى عبيطه ولا كأنك تعرفيه لما شوفتيه
    سندس : اسفه يا بيه😂 ما انا كنت خايفه منك برضه 😇 لا تكون بتلعب عليه مش كفايه عرفتك فى بيت مين🤭...
    شهاب : ههههههه
    خالد : ماما بابا العروسه دى على ضمانتي 😍
    الام : مبروك يا حبيبتى نقرأ الفاتحه وطبعا شهاب كان مفهم اهله وضع سندس وهموا رحبوا بيها وقروا الفاتحه وعلى زغاريط كريمه وامها شهاب لبس سندس طقم الماظ وكانت فرحانه بعوض ربنا ليها... وبعد مرور الوقت والفرح اتحدد وعملوا فرح كبير وخد سندس مراته على ڤيلته وكان اول لقاء بينهم فالحلال
    شهاب : انا بشكر ربنا ومش عارف اشكر خالتك ولا لأ بس اللى عملته ده هو اللى عرفنى بيكى سبحان الله دى حكمه ربنا فعلا
    سندس : ربنا ما يحرمني من حنيتك عليه
    وشهاب قال لسندس نسيت اقولك عم فتحى هيشتغل عندنا هنا بصراحه صعب عليه مالوش مكان اهو يساعد البواب ولا اقولك هيبقى بواب على بابك انتى
    سندس : هو فعلا مالوش حد ربنا يخليك ليه 😍
    وشهاب شال سندس وهى لابسه فستان الفرح وكانت أجمل عروسه وطلع على اوضتهم وقعدوا مع بعض احلى ليله فى حياتهم وبعد مرور اسبوع
    شهاب : فى خبر حلو
    سندس : خير قول ونبى
    شهاب : نشوى اطلقت وراجعه النهارده على طياره 8 بالليل
    سندس : احمدك يارب
    والساعه دقت 9 ونشوى وصلت على ڤيلا شهاب وسندس وكان خالد اخوه هو اللى راح استقبلها.
    سندس : نشوى
    نشوى : سندس
    ونشوى وسندس حضنوا بعض ونشوى قالت اوعى تزعلى والله احنا صدقنا الخرافات وحاولت اكلمك انا وهبه معرفناش ولما هبه ماتت معرفتش ارجعلك كنت هبص فى وشك ازاى 😭 الشيطان ضحك علينا
    سندس : الحمد لله انك بخير وهبه ربنا يرحمها بس ازاى اهون عليكم توجعوا قلبى كده
    شهاب : خلاص بقى يا حبيبتى حمدالله على السلامه يا نشوى نورتى
    نشوى : الف مبروك يا عرسان استاذ خالد كتر خيره مسبنيش
    سندس : انا مجهزه كل الأكل اللى بتحبيه
    نشوى : استاذ خالد عمل الواجب وزياده
    خالد : ههه ياه انتى اخت مرات الغالى..
    شهاب قال بصوت واطى فين عروستك
    خالد : انا سبتها وانت مش واخد بالك 😂 وكلهم فضلوا يضحكوا ويهزروا وبعد مرور وقت مش كتير خالد ونشوى نشأ بينهم قصه حب وانتهت بالجواز والاختين بقوا سلايف وفى ڤيلا واحده وعاشوا مع بعض والحب مجمع الاربع اخوات لحد ما سندس ونشوى راحوا لبنات خالتهم وطبعا نشوى عرفت كل اللى حصل كان مدبر من خالتها وانهارت بس قالت البنات ملهمش ذنب وراحوا عندهم واتنازلو ليهم عن حقهم فى كل حاجه وقالوا ان ربنا عوضهم من فضله احسن عوض والفلوس مش كل حاجه وسندس حست بتعب وعرفت انها حامل وشهاب لما عرف فرح اوى....
    سندس : عقبالك يا نشوى
    نشوى : مبروك يا حبيبتى انا شاء الله هحصلك متقلقيش ههههههه
    خالد : مبروك ربنا يجعله فيه الخير ويكملك على خير يا سندس
    سندس : يارب
    شهاب : يارب
    وبعد مرور 9 شهور سندس خلفت ولد ويوم السبوع والكل فرحان بقدوم المولود الجديد نشوى قالت إنها حامل فالشهر الأول ♥️♥️ وانتهت القصه 😍
    العيب فالأهل بلاش تفرقه بين الأخوات لأنه فعلا بيولد غيره وحقد وحتى لو ده مش باين بس بيبان فى الأفعال وياريت مننساش ان اخوات سيدنا يوسف غدروا بيه لما ابوهم فرق فالمعامله وحسوا انه بيحبه اكتر منهم واتخلصوا منه وده كلام الله عز وجل لينا وكل كلمه من الله سيف على رقبتنا خلوا بالكم من المعامله بين أولادكم وبناتكم ولازم تعدلوا ما بينهم..
    لا للدجل لا للودع لا للفنجان لا للكف لا للخرفات بلاش خرافات لأن الغيب ده بتاع ربنا وربنا هو اللى يعلم الغيب ( كذب المنجمون ولو صدفوا) صدفوا مش صدقوا مفيش حد بينجم ويبقى صادق إنما بتكون صدفه 👍
    ربنا كريم وبيدبر الأمر وبيهيأ الأسباب ومحدش يقول دى ضاقت والكرب بيشتدد لا لا ده ربك بيدبر استعينوا بالله واتوكلوا عليه 😍
    يا ابن ادم لو اجتمع الانس والجن علي ان يضروك بشئ لن يضروك الا بشي قد كتبه الله عليك ولو اجتمع الانس والجن علي ان ينفعوك بشئ لن ينفعوك بشئ قد كتبه الله لك
    #الجزء_التاسع_و_العاشر_والاخيره
    #نساء_للبيع
    #بقلمى_كوكى_سامح
    علقوا برأيكم لو القصه عجبتكم 😍 مفيش نساء للبيع احنا عندنا كرامه خليكى غاليه وصونى نفسك وربنا يسعدكم..


    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .