رواية تزوجني اخي الجزء الثالث
وكمان لقيتها بتقولي. انتي من وقت ما جيتي الشقه وانتي متغيره ومش طبيعيه كالعاده. اتكلمي اي حصل معاكي وايه اللي مزعلك. وانا متلبكه ومش عارفه ارد عليها وكاتمه الدموع جويا وقلبي هينفجر . وساكته وبلوم نفسي اووي وبقيت حقيره من جويا وبقول لنفسي انا استاهل انسانه مستهتره وضعيت ثقة اهلي فيا بطيشي وغبائي وكنت سهله ورخيصه اوووي عشان اعمل كدا وادي امان لاي حد واللي كسرني اكثر إن اللي كنت بعمله دي عملته بارادتي وكنت انسانه سلبيه جريت وراء وهم اسمه الحب وسلمت نفسي بدون تمن وكاني واحده ملهاش قيمه ولا سعر بالدنيا. انا غلطت وفعلا ندمانه بس الندم دي والتعذيب اللي انا فيه بعد ايه يا حسره بعد ما كل حاجه راحة وانتهت .
انا بعذب نفسي . طيب وعقلي كان فين . وليه انا كنت عميه وانانيه مش بفكر غير بنفسي وبس انا مستحقش اعيش أبدا وازاي هشوف اهلي مذلولين قدامي وايه ممكن يحصل لامي لو عرفت واكيد هتعرف في يوم . انا اتكسرت من جوايا وهموت اكثر يوم ما شوف كسرت اختي وأمي وبابا عليا واني كنت سبب في انكسارهم وتعذيبهم . فوقت ايوه بس بعد اييييه.
شدتني داليا اختي من ايدها وقالت . قومي بقي تعالي معايا المطبخ ساعديني بالاكل .
بصتلها وبحاول اضحك بشوها لانها اول مره بحياتي تقولي تعالي معايا المطبخ كانت هيا تعمل كل حاجه وانا مفتكرش اني مره ساعدتها بحاجه. حسيت وقتها اني فعلا واضح عليها اني مش انا البنت المدلاله اللي بتضحك وكانت دايما مبسوطه وعمره محد شاف مني غير الضحكه والبهجه بالبيت .
حاولت اغير ملامح وشي ومشيت معاها وروحت ع المطبخ وبردو واقفه ومش عارفه اعمل اي
وشايفه اختي داليا بتقولي تعالي اعملك تساعديني ازاي وهيا بتضحك وانا بحاول ابتسم واضحك بس كان واضح عليا الضحكه المصتنعه. لقتها بصتلي وقالت.
يا بنتي ايه مالك بدات اقلق عليكي قوليلي في ايه وانا اساعدك وفضلت تهز فيا تقولي مالك قولي .
سكت انا بس عيوني مقدرتش تسكت انفجرت في البكاء وقلبي وجعني. فضلت اعيط بحرقه.
ضمنتي اختي لحضنها ولاول مره اترمي بحضن احس فيه بامان. كنت بعيد عنه من سنوات لما باب وماما انفصلوا من بعض. وفضلت بحضنها ابقي اوووي وهيا بتضمني وبتحاول تهديني وتمسح دمووعي .
وخلتني هديت شويه ورددت نفس السوال فيكي ايه مالك ؟
بصيت ليها بعيون دبلانه ومكسوره .
وحاولت اتكلم ومحست بنفسي غير وانا بقولها بحرقه . انا ماليش انا ضايعه ونفسي حد يحس بيا يحتويني ويحسسني اني كنت انسانه مستهتره وياخد بايدي ويعرفني قيمة نفسي انااا يا داليا ضعت ومش لاقيه حد يوقف جمبي انا بموت من جوايا . ولقيت نفسي بترمي بحضنها زي الطفله ومكسوره اووي من جوايا والا ذود وجعي دموع اختي عليا حسيت وقتها بكسرة قلبها علي حالي وبقول بنفسي لو عرفتي اللي حصل حالتك هتبقي كيف وازاي. خدتني ودخلتني اوضتي ونميتني وقالتلي. اهدي واستريحي شويا يا حبيبتي وهتبقي انا معاكي وبضهرك علي طول ولما تهدي فضفضيلي وقولي ايه بقلبك.
وعدي اليوم وتاني يوم الصبح قومت من نومي وانا عندي اصرار اني اخرج وقابل فؤاد ولازم يشوف حل للمصيبه دي وانا طالعه هيئت نفسي اني اخرج قدام اختي وماما بابتسامتي والبهجه المعتاده عشان محدش يسالني تاني ومعرفش ارد ولبست وخرجت من البيت واتصلت بفواد واتقابلنا وطلبت منه يتفذ وعده ليا . لقيته بيقولي اصبري يومين كدا في مشكله في البيت اخلصها واكتب عليكي عرفي زي موعدتك . حاولت امسك نفسي من اهانتك ومعملش حاجه معاها غير اصبر واسكت عشان ميعندش معايا . سبته ورحت المدرسه وانا نفسيتي مش قابله اي حاجه ومليش نفس اتعلم حتي قضيت يومي بالمدرسه بالعافيه عشان مروحش البيت بدري ويعدو كالعاده يسالوا مالك وشكلك ليه متغير مع اني معدتش تفرق حياتي من عدمها .
وعدي علي الحال دي اسبوع كامل وفؤاد كل يوم بيحاول يتهرب مني بالاعذار وانا كل يوم يذداد خوفي اكثر من اليوم اللي قبله وانا بتحايل علي فواد إن بكتب عليا عرفي وعايزه اخد منه اي اثبات علي فعلته معايا . وعدو اسبوعين علي الحال دي وانا تعبانه ونفسيتي محطمه . وفي طلب يقابلني بعد ما هددته اني اروح لوالده واشتكيه انا وماما. وبالفعل اتقابلنا واتفقت معاه نتقابل بعد يومين عند محامي يعرفه يكتبلنا عرفي وعدو اليومين واتصلت بيه يقابلني قافل تليفونه ومش بيرد عليا خالص وانا خايفه ومروعبه يكون لعبه بيعملها معايا وعدي علي المعاد المتفقين عليه أسبوع وقررت اروح الجامعه واسال عليه حد من صحابه يعرفي وفعلا عقدة العزم وطلعت الصبح من البيت وروحت الجامعه وفضلت اسال عليه لحد ما عرفت ان في بنت من قرايبهم بتدرس معاه بنفس الجامعه وعرفت مكانها فين ورحت ليها وحاولت اعمل موضوع كدا واسال عليه وفعلا اتكلمت معاها بموضوع عادي عنه ولسه بسالها هو فؤاد ليه مش بيجي الكليه سكتت . وانا اتفزعت وقلب وقف ومخدتش بالي من صوتي علي وانا بكلمها بقولها متتكلمي ساكته ليه ...
